🔸الحمدلله علي البقاء النعمة وتجدد العافية
🔸عدد الأسئلة 700 سؤال
🔸محتوي القناة يشمل كل الجينيرال ماعدا neoplasia
🔸محتوي الأسئلة

1⃣-أسئلة امتحانات سابقة
بنغازي( من دفعة 42 الي47)
درنة( امتحان جزئي للسنة هذه)
طرابلس( اخذت جزء منها كذالك)
2⃣-أسئلة التي تعطي في نهاية محاضرات للدفعة 48
3⃣-أسئلة التي تعطي في TBL
4⃣-أسلئة توتوريال دفعة 47
5⃣-أسئلة المتوقعة في
short note and true /false
موفقين جميعا يارب

السلام عليكم ورحمة الله وبركاته
دفعتي 48 نسأل الله أن يوفقكم ويسهل عليكم الدراسة
هضا امتحان تجريبي
مصدر الأسئلة👈 امتحان باثو للدفعتي 46 و 47 بنغازي
حاولوا بقدر المستطاع انكم تحلوا الأمتحان عشان بس تعرفوا
1-كيفية طريقة الأمتحانات
2- تحديد مستواك ونقاط ضعفك
ملاحظة
🔸الأمتحان يشمل الجينرال بالكامل ماعدا Neoplasia
🔸الأمتحان عبارة عن 75 سؤال
45 MCQ
30 True and false
موفقين جميعا يارب 🤲

اليوم ب توفيق الله
كملنا مكثف
✅ infectious
✅ immunity

بكره الجمعة اخر يوم 😂🤍🤍
✅ باقي الهيمودينامك
✅ الجينيتك
✅ النيوترشن

و نختتموا مكثفنا بعون الله 🥳❤
بكره التوقيت حيكون عشية

من 4 العصر
ل 7 المغرب

يا ريت تشاركوها مع بعضكم جميعا 🤍✅

بكره الجمعة يس يس 😂❤❤✅

- دكتور النيوبلاجيا لعند وين خاش !
- دكتور الشورت نوت ساهل؟!!
- دكتور المنصة خربت
- دكتور استكينا
- دكتور سؤال هذا وين جوابه
- دكتور اوووي رد علينا


عليم الله حنكسد بدونكم تكسيدة طيبة بعد الباثو 😂🤍✅

ربي يحفظكم جميعا ❤🤲

جمعتكم مباركة و طيبة

كورسات :-
✅ الانفكشوس
✅ لاميونتي

حرام يضيعن عليكم و هنا ساهلات جدا جدا
لذلك حبيت انزل مكثفهن للجميع

من يحب يقراهن يقدر يقراهن اليوم هنا الاثنين
كل التوفيق لكم يا رب 🤲❤

دكاترتنا حبايبنا ❤
اليوم كان ختام المكثف ولله الحمد المنة 🥳🥳❤❤👏🏼👏🏼

خذينا مواضيع :-
✅ Infarction
✅ Shock
✅ Embolism

ثم راحة
✅ Genetic Diseaes
✅ Nutritional Diseases
✅ Radiation

و هذا التسجيل متاعهن
وبالترتيب تلقوهن

و فيه Rest ما بينهن 😂❤❤

✅ السبورات فوق الرسالة هذي 👆👆
✅ التسجيل تحت 👇👇

أتمنى والله من الله رب العالمين أني ما نكونش قصرت معاكم

اعذروني لو بدر مني أي تقصير
وأطلب منكم السماح على ذلك

إن أحسنت فهو بفضل الله
وإن أسأت فهو مني

و نسأل الله الهداية والتوفيق لنا جميعا في كل ما تبقى ❤❤❤❤🤲🤲🤲🤲

كلمتين لعُشّاق التحديات 😎🔥❤

أعدوا كل ما استطعتم
وتوكلوا على الحي الذي لا يموت

عين ربي ترعاكم
وسدد الله دربكم وخطاكم ✌❤🔥

يومكم مليان بتوفيق الرحمن دكاترتنا ❤️

نسأل الله أنكم تكونوا كلكم مبسوطين و فرحانين وراضيين تمام الرضا عن أداءكم اليوم ❤️🙌🏻🙌🏻

عندي رسالتين نبي نوجهها لكم :-

🟡 #الرسالة_الأولى :-
بغضّ النظر عن أداءك اليوم (سواء كان جيد أو لا) ، رد بالك تيأس !
رد بالك تيأس !
رد بالك تيأس !

راه امتحان اليوم كله على بعضه 30 درجة ، و المادة 300 درجة ، يعني ما زال عندك 9 أضعاف درجة امتحان اليوم في باقي السنة

اللي جاي خيره أكثر من اللي راح
فمهما كان أداءك اليوم أنساه خلاص ، و #تعلم منه

هذي النقطة المهمة ، #تعلم من أخطاءك في الجزئي الأول

✅ اكتشفت أن طريقة قرايتك خطأ ، غيرها
✅ اكتشفت أن طريقة معاملتك للامتحان خطأ ، غيرها
✅ اكتشفت أن أسلوبك ليلة الامتحان يضر فيك ، غيره
✅ اكتشفت أن مصدر قرايتك خطأ ، غيره
✅ اكتشفت أنك تضيع في وقتك في حاجات لا فائدة منهن ، وقفهن

هذا الإنسان الذكي الشاطر ، يتعلم من أخطاءه علشان يرقى بمستواه


🟡 #الرسالة_الثانية :-
موجهة لأي طالب استعان بأي شيء أنا دايره في دراسته ، سواء كان مسجل معايا في المنصة أو في المعهد ، أو حتى استعان بالام سي كيوز أو الشورت نوت اللي منزلهن


نبيكم تخشوا عليا و تعطوني أي ملاحظات فطنتولهن ، و تعتقدوا أنهن حيحسنن من جودة الشرح و توصيل المعلومة و تسهيلها إليكم

أي ملاحظة عندكم يا ريت توجهوني إليها هذا حسابي الخاص بيا @Alomami977

و دمتم في حفظ الله دكاترتنا
و ربي يفتحها عليكم جميعا ❤️💐