كورس الاميونتي تم استكماله على المنصة دكاترة ❤❤🎉

سلام عليكم دكاترتنا حبايبنا ❤️🙌🏻🙌🏻
بالله نبي حد يأكدلي ضروري ولا تصغروا

الدكتور أحمد بن حسونة نزّل شيت جديد ولا ما زال يقوللكم خوذوا شيته متاع السنة اللي فاتت ؟

و الحاجة الأخرى ، لو فيه طلبة يحضروا للدكتور في الجامعة ، بالله يأكدولنا ، هل شرح الجزئية الخاصة بيه بالكامل ؟ يعني كمل شرح الشيت متاعه كله ولالا ؟

معناها يا دكاترتنا الحمد لله
رسميا دكتور أحمد بن حسونة مش امغير في منهجه ، و الحمد لله أني من الأسبوع اللي فات نزلتلكم شيتاتي اللي دايرهن في النيوبلاجيا للدفعة 47 ، و نزلتلكم روابط المحاضرات اللي عطيت فيها النيوبلاجيا بالكامل لهم

تقدروا توا #رسميا 100% تقروا منهن وإنتو مطمئنين أنه فيه كل حرف مطالبين بيه في كورس النيوبلاجيا ❤️🙌🏻🙌🏻

ولكن...
على حسب ما فهمت من كلام الطلبة أن جزئية "tumors of childhood" ما زال ما خذيتوها في الجامعة ، و بكره عطله ، لذلك شكلها مش خاشة في الامتحان 😂🤍🤍🙌🏻🙌🏻

عالعموم هذينا هنا المحاضرتين ، نعاود تنزليهن لكم للي ما زال ما شافهن :-
✅ المحاضرة الأولى :
(https://youtu.be/Sc1-p5Yc-Do)

✅ المحاضرة الثانية :
(https://youtu.be/OSZfTld1kQU)

إنا لله وإنا إليه راجعون
#إعلام لكل طلبة مركز ليبيا

اليوم نبي نسهر وما نبيش نرقد لين نجهز
مكثف :-
✅ الجينيتك
✅ النيوترشن + الرادياشن
✅ الانفكشوس
✅ الاميونتي

بيش بكره نسلمهن للمنصة و ينزلن 😂❤✅
ادعولنا حبايبنا 🤍🤍🤲

و هذا مكثف الجينيتك كله
من A to Z
بالكامل ✅✅

و هذا مكثف
Radiation + Nutrition
في أقل من 50 دقيقة كله
من A to Z
Done ✅✅

مكثفات :-
✅ Gene
✅ Nutrition + Radiation
✅ Immune Diseases
✅ Infectious Diseases

جاهزات كلهن ولله الحمد والمنة ❤
وكلهن مع بعضهن أقل من 6 ساعات 🤛🤜

و هكي مع مكثفات الكورسات الاخرى المكثف يكون وصل ل 12 ساعة فقط

و ما زال نوتيلكم فقط مكثف النيوبلاجيا
ونكون كملت وعدي معاكم بتوفير مكثف كامل للجينيرال في أقل من 15 ساعة

تلتم بيه الباثو كلها حتى خلال ايام الامتحان 🤍✅🤛🤜

يومكم مبارك دكاترتنا ❤
معلومة حبيت نفيدكم بيها دكاترتنا
بخصوص :-
✅ Vitamin K
✅ Lung Cancer
✅ Prostate Cancer
✅ Breast Cancer

بعيدا عن الباثو شويا :

أيا حامل الهم لا تحزنكَ عاصِفة
هبّت على قلبك الموجوع فانهَدَما

مالي أرى اليأسَ في عَينَيكَ مُرتسِما ؟
وقلبُكَ الغضُّ بالأحزان قد وُسِما

طمئن فؤادك فالأقدار حانِيَةٌ
وفي الحياةِ سرورٌ يعقُب الألَما ❤️❤️

علشان لما مرة ثانية نقوللكم أن الباثو ساهلة و ما تخافوش منها تصدقوني
شوفوا السؤال هذا جا في كورس الاميونتي أكثر من مرة السنوات اللي فاتن 😂😂😂❤️❤️❤️

حبايبنا
بكره #السبت
حتكون محاضرتنا الأخيرة وانتو طيبين في الجينيرال باثو في #مركز_ليبيا

حتكون هي المحاضرة الوحيدة لسنة ثالثة بكره
من الساعة 9:00 صباحا لعند 12:00 ظهرا

حناخذوا فيها كورس النيوبلاجيا (الجزئية اللي داخلة للامتحان فقط)

اللي ما يبيش يحضرها يقدر يتفرج عالفيديوات متاع الكورس اللي في اليوتيوب وهو متريح ومطمئن 100% نفس المعلومات و نفس الكلام و نفس الشرح بالكامل 😂😂❤

غير أنا بس نبي نريح ضميري ونكمل معاكم الشرح في المعهد زي ما وعدتكم 😂🤍

نتلاقوا بكره دكاترتنا
ربي يجعله مسك الختام
ويسهل علينا اللي ما زال قدام
اللهم امين ❤❤

الحمد لله رب العالمين
وصلى الله على النبي محمد الصادق الامين

أكملت اليوم معاكم دكاترتنا
كورس "الجينيرال باثولوجي" بالكامل في #مركز_ليبيا

اليوم خذينا : كورس النيوبلاجيا
من 9:30 ل 2:00 😂😂❤❤❤

بس زي ما قتلكم هو هو نفس الكلام بالضبط اللي في فيديوات اليوتيوب

فاللي ما حضرش اليوم ما فاته شيء بعون الله
عالعموم كانت فرصة سعيدة وأيام تعب جميلة

و نتلقى وإياكم بإذن الله ثاني يوم
بعد امتحان الفارما الجزئي طول

علشان نبدوا في : #مكثف_الجينيرال
اللي حيكون برضو : في #مركز_ليبيا

ولمن يحب القراية في الحوش
المنصة متوفرة بخيار مريح للجميع
جهزت عليها مكثف كامل للباثو فقط في 15 ساعة

و بإمكانكم التسجيل فيها بكل سهولة
ولو اي حد واجهاته أي صعوبة أو عنده اي سؤال يتفضل في اي وقت :- @Alomami977

حفظكم الله جميعا
والسلام عليكم ورحمة الله 🤍🤍