دكاترة بالله من عنده معرف الدكتورة خديجة على التيلي ؟
باللي اللي يقدر يسألها بس ، هل الدكتور أحمد بن حسونة هو اللي حيعطي كورس النيوبلاجيا أو لا الأسبوع الجاي

ضروري بالله دكاترتنا 🙏🏻

توا كنت جاي نبي نرقد
لقيت الدنيا منقلبة فوقاني تحتاني
النيوبلاجيا خاش
والامتحانات تأجلن
ومواعيد ما بين الامتحانات تغيرن

تي غير وسعوا بالكم يا هو شن فيه وحدة وحدة 😂😂😂😂😂

دكاترة ليلتكم سعيدة ومباركة جميعا يا رب ❤️❤️❤️🙌🏻
سمعتوا آخر المستجدات من الدكتور خديجة
الامتحانات تأجلن لمدة كم يوم ، و زادوا الفترة ما بين كل امتحان وامتحان
بمعنى أنه توا انتوا كسبتوا وقت بزيادة للقراية و هذا الجانب المشرق والحمد لله 💪🏻💪🏻🎉🤍🤍

في الجانب المقابل دكاترة
قسم الباثو قرر أن الأسبوع القادم كله داخل في الامتحان ، يعني الله غالب #النيوبلاجيا حيكون خاش في الامتحان #بالكامل

الحل توا ؟
ما نبيش نرجى الجامعة لين تنزل شيتات النيوبلاجيا بيش نتأكد هل هن نفس شيتات السنة اللي فاتت أو لا (و نتعطلوا زي ما صار في الاميونتي)

لذلك ، أنا مشيت و تأكدت أن اللي حيعطوكم كورس النيوبلاجيا هما نفس الدكاترة اللي عطوا السنة اللي فاتت للدفعة 47 ، دكتور أحمد بن حسونة ومعاه دكتورة أخرى

و اللي حيصير كالتالي دكاترة :-
السنة اللي فاتت أنا كنت موقف مع الدفعة 47 ، لكن نشرحلهم أونلاين مرة مرة ، خذيت شيتات النيوبلاجيا متاعهم بالكاااااااااااااااامل ، و شرحتهن في 3 فيديوات (إجمالي 6 ساعات) ، و حطيتهن #عاليوتيوب ، شرح كامل حرف حرف لكل مواضيع و عناوين النيوبلاجيا

بإمكانكم تسألوا الدفعة 47 بأنفسكم عن الفيديوات هذينا ، الحمد لله الكل كان يشكر فيهن و لقوا أن الشرح فيهن مكفي و موفي

لذلك حنزلهن لكم توا و اللي يبي يبدا في النيوبلاجيا يبدا فيها من توا لو يبي ، حتلقوني حاطلكم روابط الفيديوات ال3 في الأسفل ، مع صور ((تلقوهن فوق الرسالة هذي 👆🏻👆🏻)) توضح العناوين التي سيتم شرحها في كل فيديو ، و صورة توضح العناوين اللي حيعطوهن لكم في الأسبوع الجاي في الجامعة

الشيتات حيكونن pdf تحت الرسالة هذي طول 📩
و ما زلت حنتبع مع الجامعة و نشوف لو فيه أي جديد أو أي تغيير في النيوبلاجيا انبهكم عليه ، و كذلك كورس الاميونتي ما زلنا عند كلامنا فيه

امغير بس المستجدات اللي صارن فجأة خلني اندير الحركة المفاجئة هذي


✅ المحاضرة الأولى :
(https://youtu.be/Sc1-p5Yc-Do)

✅ المحاضرة الثانية :
(https://youtu.be/OSZfTld1kQU)

✅ المحاضرة الثالثة :
(https://youtu.be/Bm6w2E5eaQg)

دكاترة للتنبيه
مش معنى كلامي هذا أني مش حنشرح النيوبلاجيا من جديد

لا ما تفهمونيش غلط 😂

حنشرحها من جديد سواء :-
✅ معهد
✅ منصة

و كذلك في مكثف

✅ في المعهد
✅ وفي المنصة

ولكن مش توا بل بعدما نشوف منهج الجامعة الاسبوع الجاي

تنزيلتي لفيدوات السنة اللي فاتت مجرد حل مؤقت واسعاف سريع لين يبان علينا الوضع بالكامل فقط 🤍✌😁

السلام عليكم دكاترة يومكم طيب وسعيد 🙌🏻🤍

#آخر_المستجدات :-

✅ بخصوص : ( #النيوبلاجيا ) أمس نزلتلكم الشيتات والفيديوات إلى حين نشوفوا منهج الجامعة

✅ بخصوص الاميونتي :
الكورس كاملا حيكون متوفر على المنصة بالكثير مدة شرحه 4 ساعات

نزلنا جزئية مجانية منه و هي جزئية (General immunity + MHC) و نزلت جزئية أخرى عاليوتيوب و هي جزئية : (Hypersensitivity reactions)

و هذينا روابط الفيديوات الأربعة اللي نزلتهن :-
🔺 الفيديو الأول : (https://youtu.be/7006FMWn_78)
🔺 الفيديو الثاني : (https://youtu.be/Ktnsk8xi5NM)
🔺 الفيديو الثالث : (https://youtu.be/h1SmotxlDyA)
🔺 الفيديو الرابع : (https://youtu.be/0gvDh0zZOVY)

باقي الكورس حينزل كاملا عالمنصة 🤍🙏🏻

✅ بخصوص : (#مكثف_المنصة) ، مكثف #الانفلاميشن و كورس #الريبير جاهزات ، مدتهن مع بعهضن ساعتين وربع فقط لا غير : (من A to Z)

و حيكون كذلك اليوم مكثف #الهيمودينامك كاملا جاهز اليوم و بكره ينزلن عالمنصة كان سخر الله 🤍🙌🏻

✅ بخصوص مجموعتي في #مركز_ليبيا ، ملتقانا يوم #الأحد ، نبدوا في كورس #الاميونتي ، حناخذوه على محاضرتين ، و كذلك النيوبلاجيا كان سخر الله ، نحاولوا الأسبوع الجاي يكون آخر أسبوع لنا بمشيئة الله

دمتم في رعاية الله دكاترتنا ❤️🙌🏻🙌🏻

شباب نصيحة لوجه الله
الدنيا هذي مهما وصل فيه الإنسان من درجات الإنجاز و العلم فهي فانية فانية فانية ، ومش طالعين منها بأي حاجة درناها فيها إلا عملنا الصالح

لذلك ما تنكدوا على أرواحكم معيشتكم
وعيشوا الحياة بضحكة وبسمة وأمل
وخلوكم ديما مبسوطين بشوشين

و إن شاء الله ديما رايقين ❤

نسأل الله السلامة للجميع
اللهم احفظنا واحفظ البلاد والعباد من كل شر يا رب ❤️🤲🏻

دكاترة ❤
بكره موعدنا في #مركز_ليبيا
من الساعة 1:00 ل 3:00
ناخذوا بداية كورس الاميونتي

و حتلقوا الشيت متوفر في مركز ليبيا و سليمان
جيبوا الشيت الاول فقط من كورس الاميونتي

بكره ناخذوا عنوانين
✅ Major HistoCompatibility
✅ Hypersensitivity reactions

❤ كل التوفيق

حبايبنا ❤🙏

لعند توا جهزنا مكثفات
✅ Adaptation (نصف ساعة)
✅ Cell injury (نصف ساعة)
✅ Cell Death (نصف ساعة)
✅ Accumulation (نصف ساعة)
✅ inflammation (ساعتين بكامل تفاصيله)
✅ Repair (20 دقيقة)
✅ Hemodynamic (كله في أقل من 3 ساعات)


المكثف فيديو صوت وصورة
متوفر على #منصة_همزة

و مازلنا مستمرين لين نوفروا الجينيرال كاملا مشروح في اقل من 15 ساعة باذن الله ❤✌

قيمة المكثف 50 دينار فقط
واللي عنده أي استفسار أو أي ملاحظة ، فالخاص يرحب بالجميع 😂🤍 @Alomami977

دكاترتنا
بكره #الاثنين عندنا محاضرة اضافية باثو

من الساعة 12:00 ل 2:00 ظهرا
يا ريت التنبيه للجميع


و ليلتكم سعيدة يا رب 🤍🤲

حبايبنا بعد اذنكم بالله
فيه حد عنده شيت النيوبلاجيا متاع الجامعة للسنة هذي دفعة 48 ؟