نعاودوا و نذكروا الاية الكريمة :-
(إن جاءكم فاسق بنبأ فتبينوا أن تصيبوا قوما بجهالة)

توا يا دكاترة أنا قلت أني حنفتح مكثف للجينيرال ب 50 دينار عالمنصة

معقولة
يمشوا بعض منكم ينشروا إشاعة بين الطلبة أني حنحذف الشرح الأصلي اللي كان عالمنصة

وأنه إجباري على من يبي شرحي أنه يشترك معايا في المكثف ؟!!

والله عيب يا دكاترة
والله عيب
والله عيب
وحرام قبل ما يكون عيب

أي حد مشترك معايا عالمنصة إن شاء الله كان مشترك معايا في كورس "كيف تقتل البشبوات" حيقعد الكورس مفتوحله طووووول العام الدراسي


ف رجاء ما حد يطلع اشاعات عن حذف أي كورس دكاترتنا 🙄🙄

حبايبنا اللزم
حد يدزلنا شيت الاميونتي الخاص بالجامعة في الباثو
نبوه ضروري يا عرب أنقذونا 😂❤️🤣

دكاترة بالله عليكم
لو الجامعة نزلت شيت الباثو اميونتي ابعثوه ليا
ولا تصغروا 🤍🙏
@Alomami977

دكاترة بكره عندنا اضافي باثولوجي
في #مركز_ليبيا من الساعة

9:00 صباحا
ل 12:00 ظهرا

يا ريت التنبيه للجميع دكاترة ❤

أصبحنا وأصبح الملك لله ❤️
يومكم مبارك دكاترتنا الطيبين 🤍🙌🏻💐

بدينا رسميا في كورس الاميونتي (باثو)
حيكون مقسم إلى 4 أقسام :-
✅ General + MHC
✅ HSR
✅ Autoimmune Diseases
✅ Immuno-deficiencies + Amyloidosis

أول جزئين حينزلن عاليوتيوب للجميع بإذن الله
وكله حيكون متوفر عالمنصة كان سخر الله

و هذا أول فيديو :-
https://youtu.be/7006FMWn_78

و هذا يا حبايبنا
الفيديو الثاني في كورس الاميونتي ، على اليوتيوب
حكيت فيه على (Major Histo-compatibility Complex)

https://youtu.be/Ktnsk8xi5NM

دكاترة بالله من عنده معرف الدكتورة خديجة على التيلي ؟
باللي اللي يقدر يسألها بس ، هل الدكتور أحمد بن حسونة هو اللي حيعطي كورس النيوبلاجيا أو لا الأسبوع الجاي

ضروري بالله دكاترتنا 🙏🏻

توا كنت جاي نبي نرقد
لقيت الدنيا منقلبة فوقاني تحتاني
النيوبلاجيا خاش
والامتحانات تأجلن
ومواعيد ما بين الامتحانات تغيرن

تي غير وسعوا بالكم يا هو شن فيه وحدة وحدة 😂😂😂😂😂

دكاترة ليلتكم سعيدة ومباركة جميعا يا رب ❤️❤️❤️🙌🏻
سمعتوا آخر المستجدات من الدكتور خديجة
الامتحانات تأجلن لمدة كم يوم ، و زادوا الفترة ما بين كل امتحان وامتحان
بمعنى أنه توا انتوا كسبتوا وقت بزيادة للقراية و هذا الجانب المشرق والحمد لله 💪🏻💪🏻🎉🤍🤍

في الجانب المقابل دكاترة
قسم الباثو قرر أن الأسبوع القادم كله داخل في الامتحان ، يعني الله غالب #النيوبلاجيا حيكون خاش في الامتحان #بالكامل

الحل توا ؟
ما نبيش نرجى الجامعة لين تنزل شيتات النيوبلاجيا بيش نتأكد هل هن نفس شيتات السنة اللي فاتت أو لا (و نتعطلوا زي ما صار في الاميونتي)

لذلك ، أنا مشيت و تأكدت أن اللي حيعطوكم كورس النيوبلاجيا هما نفس الدكاترة اللي عطوا السنة اللي فاتت للدفعة 47 ، دكتور أحمد بن حسونة ومعاه دكتورة أخرى

و اللي حيصير كالتالي دكاترة :-
السنة اللي فاتت أنا كنت موقف مع الدفعة 47 ، لكن نشرحلهم أونلاين مرة مرة ، خذيت شيتات النيوبلاجيا متاعهم بالكاااااااااااااااامل ، و شرحتهن في 3 فيديوات (إجمالي 6 ساعات) ، و حطيتهن #عاليوتيوب ، شرح كامل حرف حرف لكل مواضيع و عناوين النيوبلاجيا

بإمكانكم تسألوا الدفعة 47 بأنفسكم عن الفيديوات هذينا ، الحمد لله الكل كان يشكر فيهن و لقوا أن الشرح فيهن مكفي و موفي

لذلك حنزلهن لكم توا و اللي يبي يبدا في النيوبلاجيا يبدا فيها من توا لو يبي ، حتلقوني حاطلكم روابط الفيديوات ال3 في الأسفل ، مع صور ((تلقوهن فوق الرسالة هذي 👆🏻👆🏻)) توضح العناوين التي سيتم شرحها في كل فيديو ، و صورة توضح العناوين اللي حيعطوهن لكم في الأسبوع الجاي في الجامعة

الشيتات حيكونن pdf تحت الرسالة هذي طول 📩
و ما زلت حنتبع مع الجامعة و نشوف لو فيه أي جديد أو أي تغيير في النيوبلاجيا انبهكم عليه ، و كذلك كورس الاميونتي ما زلنا عند كلامنا فيه

امغير بس المستجدات اللي صارن فجأة خلني اندير الحركة المفاجئة هذي


✅ المحاضرة الأولى :
(https://youtu.be/Sc1-p5Yc-Do)

✅ المحاضرة الثانية :
(https://youtu.be/OSZfTld1kQU)

✅ المحاضرة الثالثة :
(https://youtu.be/Bm6w2E5eaQg)

دكاترة للتنبيه
مش معنى كلامي هذا أني مش حنشرح النيوبلاجيا من جديد

لا ما تفهمونيش غلط 😂

حنشرحها من جديد سواء :-
✅ معهد
✅ منصة

و كذلك في مكثف

✅ في المعهد
✅ وفي المنصة

ولكن مش توا بل بعدما نشوف منهج الجامعة الاسبوع الجاي

تنزيلتي لفيدوات السنة اللي فاتت مجرد حل مؤقت واسعاف سريع لين يبان علينا الوضع بالكامل فقط 🤍✌😁

السلام عليكم دكاترة يومكم طيب وسعيد 🙌🏻🤍

#آخر_المستجدات :-

✅ بخصوص : ( #النيوبلاجيا ) أمس نزلتلكم الشيتات والفيديوات إلى حين نشوفوا منهج الجامعة

✅ بخصوص الاميونتي :
الكورس كاملا حيكون متوفر على المنصة بالكثير مدة شرحه 4 ساعات

نزلنا جزئية مجانية منه و هي جزئية (General immunity + MHC) و نزلت جزئية أخرى عاليوتيوب و هي جزئية : (Hypersensitivity reactions)

و هذينا روابط الفيديوات الأربعة اللي نزلتهن :-
🔺 الفيديو الأول : (https://youtu.be/7006FMWn_78)
🔺 الفيديو الثاني : (https://youtu.be/Ktnsk8xi5NM)
🔺 الفيديو الثالث : (https://youtu.be/h1SmotxlDyA)
🔺 الفيديو الرابع : (https://youtu.be/0gvDh0zZOVY)

باقي الكورس حينزل كاملا عالمنصة 🤍🙏🏻

✅ بخصوص : (#مكثف_المنصة) ، مكثف #الانفلاميشن و كورس #الريبير جاهزات ، مدتهن مع بعهضن ساعتين وربع فقط لا غير : (من A to Z)

و حيكون كذلك اليوم مكثف #الهيمودينامك كاملا جاهز اليوم و بكره ينزلن عالمنصة كان سخر الله 🤍🙌🏻

✅ بخصوص مجموعتي في #مركز_ليبيا ، ملتقانا يوم #الأحد ، نبدوا في كورس #الاميونتي ، حناخذوه على محاضرتين ، و كذلك النيوبلاجيا كان سخر الله ، نحاولوا الأسبوع الجاي يكون آخر أسبوع لنا بمشيئة الله

دمتم في رعاية الله دكاترتنا ❤️🙌🏻🙌🏻