مناقشة بعض MCQs نزلتهن دكتورة ريم في محاضرة الانفلاميشن في الجامعة ❤🙏

دكاترة
يومكم نزيك و طيب ❤️🙏
فيه حاجة نبي نوضحها من باب إحقاق الحق

أنا يا زملائي الدكاترة في النهاية مهما اجتهدت ما زلت إنسان ، أصيب و أخطئ ، و في بعض الأحيان مرات يصدر مني خطأ أو تقصير في ناحية معينة في شرحي للباثو ( سواء على المنصة أو على المعهد) أو حتى في طريقة شرحي للMCQs أو مثلا طريقة إعدادي للشيتات أو ...إلخ

و هذا ليش أنا حبيت انزل الرسالة هذي و نقول لكل الدكاترة
لو أن أي حد فيكم حس بأنه فيه حاجة معينة ما شرحتهاش كويس او ما وضحتهاش كويس أو ما زال عنده فيها لبس ، يراسلني طول و يتواصل معايا (على رقم هاتفي أو عبر التيلي @Alomami977 أو عبر الواتس أو عبر التويتر أو ...إلخ) و حنحاول قد ما نقدر أني نوضح النقطة هذي له، و حتى لو يبي نتلاقو (face to face) في المعهد عادي ، موعد محاضرات المعهد انزل فيه ديما ، يقدر أي حد لو يبي أنه يجيني قبل أو بعد المحاضرة في المعهد ويقدر يسألني و يستفسر على أي حاجة مش فاهمها أو مش واضحة بالنسبة له

الكلام هذا يا دكاترة موجه لكم كلكم على حد سواء ، و هذا واجبنا تجاه بعضنا ، أننا نتساعدوا على البر و التقوى
ونسأل الله أنا يوفقنا كلنا لما يحب و يرضى
ودمتم في حفظ الله جميعا 🤍🤍🙌🏻

#تنبيه لكل دكاترتنا المشتركين على المنصة

دكاترة يومكم مبارك 🤍🤍
بكره الأحد موعدنا كالعادة
من #1:00 ل #3:00 الظهر

الشيتات كلهن عند مصوراتي مركز ليبيا و كذلك سليمان ❤🙏

نتلاقوا على خير😁🤍👏🏼

كونوا على موعد مع ال MCQs و الشورت نوت
بعد قليل 😎❤

هكذا كان مسك الختام مع أفضل كورس
هكذا نماذج يجب أن يُحتذى بها وتكن قدوة علماً وأخلاقًا وعملاً

قُم لِلمُعَلِّمِ وَفِّهِ التَبجيلا
كادَ المُعَلِّمُ أَن يَكونَ رَسولاً

دكتورة هدى لم تعطي دروساً علمية فقط ولكن قدمت إلينا دروساً بالأخلاق والتفائل وحُسن التعامل والكثير الكثير
رسالتها اليوم كانت رسالة رجوع لدينّا والسير علي نهج رسولنا الصادق الأمين صلي الله عليه وسلم

بالنسبة إلينا فحضرتك باقية بالذاكرة للأبد لإنك لم تكوني معلمة بل أم للجميع التي تجمع بين الرفق واللين والحنان والضمير الحي والحرص علي مصلحتنا و وقتنا
اسأل ان يجازيك عنا خير الجزاء ويُطيل في عمرك على طاعته ويرزقك من خيري الدنيا والآخرة عاجلًا غير آجلًا

وأخيراً د. هدى هويدي لم تكن دموعك بالهينة علينا ولم تمر مرور الكرام بل تركت أثراً جميلاً باق معانا لكونك قدوة لنا جميعاً و دموعك غالية جداً وعزيزة علي قلوبنا جميعاً
كل الشكر علي تقديم المادة العلمية وتبسيطها على أكمل وجه ممزوجة بالاهتمام وتقديم النصيحة و يد العون والمساعدة.
شكرًا دكتورة هدى❤️🌸

يا حظكم يا ال 48 ❤❤

دكاترة اللي يحضروا معايا في مركز ليبيا
بكره الاثنين فيه محاضرة إضافية

من الساعة 9 صباحا لل 11 ظهرا

ناخذوا فيها :- Accumulation ❤😁🙏
الشيت موجود في كل المصوراتيات 😂❤

نتلاقوا على خير
#محمد_العمامي

السلام عليكم دكاترتنا الأفاضل 🙌🏻❤️
وصلني من زملائكم أن دكتور الجامعة (على المالكي) اللي عطاكم جزئية (hemodynamic) في الباثولوجي ، قاللكم أن جزئية (hemostasis) أقروها بروحكم من المرجع

و لذلك ، حبيت أني نساعدكم في النقطة هذي
في المنصة جزئية ال (hemostasis) هذي شرحتها في فيديوين (مع بعضهن حوالي ساعة كاملة) ، نزلتلهن لكم على قناتي عاليوتيوب وأصبحن متوفرات للجميع

ننصحكم جدا بأنكم تفهموا ال(hemostasis) كويس بكل ، لأنه هو المقدمة والقاعدة والأساس اللي حتفهموا بيه جزئية (thrombosis)

وللعلم، الشرح كله في الفيديوين مأخوذ من شيتات الدكتور ابتسام الحصادي (اللي عطت الكورس هذا السنة اللي فاتت و اللي شرح منهن دكتور علي المالكي السنة هذي) وكذلك من مرجع الباثولوجي المعتمد في الجامعة كتاب (Robbins Pathology)

فأتمني لكم كل التوفيق دكاترة
وربي يوفقنا لكل الخير ❤️❤️💐

الفيديو الأول ⏺🔽 :
(https://youtu.be/JdSxR7bhPwI)
الفيديو الثاني ⏺🔽:
(https://youtu.be/4urX3_mmHbs)

دكاترة اللي مشتركين معايا في المنصة 😂❤
مرة مرة ديروا ريفرش للمنصة

احتمال تلقوني منزل كورسات جديدة
امغير نسيت نعلن عليهن هنا 😂😂