شرح كل أسئلة (#Adaptation_MCQs) ❤️🙏🏻

دكاترة يومكم مبارك 🙏🤍
بكره الأربعاء ، على تمام الساعة 1:15 ظهرا
حناخذوا محاضرة

نكملوا فيها الموضوع الثاني : Cell injury
ونبدوا فيها الموضوع الثالث : Cell Death

الشيتات هنا الاثنين رقم 2 و رقم 3 متوفرات عند #مصوراتي_سليمان

دمتم في أمان الله ❤🙏

دكاترتنا النزيكين الثمانية وأربعينيين 😂😂❤🙏

بالله دزولي السبورة متاع free radicals اليوم 😂😂🤍🤍🙏
@Alomami977

هذينا الأسئلة المحتملة للشورت نوت
في أول موضوع
Adaptation 🙏🙏🤍

هكي نكونوا غطيناه بالكامل شرح و أسئلة
واستنوا توا ثاني موضوع
Cell injury بإذن الرحمن ❤💪

#محمد_العمامي

رُوِي عن رسول الله - صلى الله عليه وسلم - أنه قال :-

لا يؤمن أحدكم حتى يحب لأخيه ما يحب لنفسه
❤🙏

خلاص يا دفعة ، بكره رسميا تبدوا في سنة 3 بشري في جامعتكم وحتنطلقوا في واحد من أجمل وأقوى التحديات اللي حتمروا بيهن خلال دراستكم للطب ❤️❤️🙏🏻

من توّا كل واحد فيكم يعقد النيّة والعزم أنه قدّها وقدود وأنه حيبذل كل جهده من أجمل تحقيق مراده في هالعام هذا 🤍💪🏻
الله الله في التوكل على الله ومن ثم الأخذ بأسباب النجاح
كل حد فيكم يؤمن بنفسه أنه حيطلع من هالسنة مرفوع الراس مفتخر بما قدّمه فيها 💫
وما تنسوش تتعاونوا مع بعضكم وتسهلوا على بعضكم وتكونوا يد وحدة في كل ما يخصكم 🤛🏻🤜🏻

ربي يوسع عليكم ويرزقكم فيها أكثر مما تتمنوا يا رب 🙌🏻🤍

يومكم طيب يا دكاترة ❤️🙌🏻
خلاص دقّت ساعة العمل بالنسبة لكم
و توا جا وقت شمر الذراع والاجتهاد 💪🏻💪🏻❤️❤️
يا ريت يا ريت و الله منكم جميعا تشاركوا الرسالة هذي مع زملائكم لأن الكلام مهم مهم جدا جدا 🙏🏻🙏🏻

شفت خطتكم في منهج الباثو ، الجامعة ناوية قبل بداية الامتحان الجزئي أنهم يكملوا الجنرال باثولوجي كله (بمواضيعه ال12 بالكامل) ، و اللي كيف ما شايفين في التقسيمة المسبقة اللي درتها لكم يبي حوالي 36 ساعة شرح (يعني 18 محاضرة لو كل محاضرة ساعتين فقط لا غير)

عارفين شن معنى الكلام هذا ؟
معناها لازم أني نكمللكم ال18 محاضرة هذينا قبل يوم 15-فبراير
علشان تحصلوا أسبوع كامل راحة تدرسوا فيه لأول امتحان جزئي فارما و اللي حيكون يوم 22-فبراير

يعني نحنا ما زاللنا 6 أسابيع فقط لازم ناخذوا فيهن الجنرال كاملا
ولذلك قررت التالي :-
✅ ابتداء من الأسبوع هذا حيكون فيه #3_محاضرات باثو أسبوعيا ، المحاضرة تكون ساعتين كاملات
✅ حناخذوا 12 محاضرة في شهر 1 ، و 6 محاضرات في أول أسبوعين من شهر 2 ، و هكي نكونوا كملنا الجنرال كله
✅ عندكم أسبوع كامل ما بين امتحان الفارما الجزئي و الباثو الجزئي ، حناخذوا فيه مكثف 15 ساعة مقسمات على 5 أيام ، نعاودوا فيه الجنرال كله من A to Z

🔴🔴تنبيه مهم جدا :-
لأني حنكون مضطر نعطي 3 محاضرات أسبوعيا ، معناها مستحيل نقدر نفتح مجموعة أخرى في المعهد
لذلك...
اللي يبي يبدا معايا في المعهد يجي يبدا معايا من بكره #الأحد (من 1:00 الظهر ل 3:00 العشية) ، حنبدوا في موضوع #Cell_Death و اللي هو موضوع مستقل ليس له أي علاقة بالموضوعين اللي قبله و اللي خذيناهن (Adaptation + Cell injury) ، و بعدها حنعطي محاضرتين إعادة ل (Adaptation + Cell injury) علشان اللي فاتنه يحضرهن.

فالمهم ، اللي يبي يبدا يقرا خلاص يتوكل و يشد الهمة و يبدا يحضر معايا من بكره ، وقت الجد حان ، ولازم نشدوا الهمة كلنا ❤️❤️💪🏻💪🏻

ولو إنت نوعيتك ما تبيش تحضر في المعاهد و تفضل قراية الحوش ، فأنسب حل لك هو #المنصة ، (حاليا فوق من نص الجنرال نازل عليها شرح #صوت_و_صورة ، و الباقي كله جاهز و في طور المونتاج و التنزيل و حيكون نازل كله خلال #الأسبوع_هذا عالمنصة) ، يعني بالمنصة تقدر تدرس الجنرال كله و تكمله كله في خلاص أول أسبوع من قرايتك و تتهنى عالباثو نهائيا

🔴وللعلم ، حيكون فيه مكثف كذلك 15 ساعة عالمنصة بعدما ينزل الشرح العادي

🔸 أي حد يبي يسجل عالمنصة يقدر يشوف طريقة التسجيل من خلال الفيديو هذا : (https://youtu.be/zx0KfmybTwM)
🔸 أو يقدر يراسلني ونفتحله حساب و نسجله : (t.me/alomami977)

ربي يسهل علينا الصعاب جميعا و يوفقنا لكل الخير ❤️❤️🙏🏻
#محمد_العمامي