نهاركم مبارك دكاترة ال48 ❤️🙌🏻🙌🏻

نبي نعاود نذكركم بتفاصيل الباثو على منصة #همزة
حتلقوا عليها شرح مواضيع #الجينيرال بالكامل في فيديوات صوت و صورة ، شرح خطوة ب خطوة في فيديوات عالية الجودة ، مع رسم بعض المخططات وكذلك تتبع الشيت خطوة بخطوة .

في نهاية كل موضوع تلقوني حاط مجموعة من mcqs السنوات اللي فاتن ، وناقشت طريقة حلهن وفكرتهن علشان تكونوا فاهمين طريقة السؤال من توا
وكذلك في كل موضوع تلقوني وضحتلكم مواضع الشورت نوت بالكامل

حاليا ، المواضيع اللي نزلن فيديواتهن :-
- Adaptation
- Cell injury
- Cell Death
- Acummulation
- inflammation

و باقي الجينيرال بإذن الله يكون جاهز و واتي قبل بداية شهر 1 الجاي ، يعني قبل ما تبدا الجامعة بإذن الله 🙌🏻❤️❤️
#نصيحة للي يطمح ل توفير الوقت في الدراسة ، المنصة حتكون أفضل معاون لك على الشيء هذا

✅ #طريقة_الاشتراك في المنصة ، شرحتها لكم بكامل تفاصيلها في الفيديو هذا : (https://youtu.be/zx0KfmybTwM) ، و كذلك وضحتهن لكم في مجموعة من الصور تلقوهن فوق الرسالة هذي👆🏻👆🏻
✅ هذا رابط التسجيل في المنصة : (http://hamza.com.ly/register)
✅ لو أي حد واجهاته أي صعوبة يتفضل يستعين بيا وحنساعده على التسجيل : (t.me/Alomami977)

و بعون الله مكملين بعدها في السستمك كان سخر الله
دمتم في أمان الله جميعا 🤍🤍🙌🏻🙌🏻

دكاترة الدفعة 48 ثالثة بشري
على حسب ما وصلني من إدارة مركز ليبيا

حاليا حيكون عندنا #محاضرتين أسبوعيا
كل أحد و أربعاء ✅

بناء عليه
محاضرتنا القادمة يوم الأحد الجاي 18/12
والموعد من 1:00 ل 3:00 الظهر ⏰

حنكملوا أول موضوع #Adaptation
وحنتبعوا في الشيت فيا ريت كلكم تجيبوه معاكم

واللي ما زال ما بدا ؛ يلحق يجي يحضر ويبدا معانا لأنه خلاص دقت ساعة العمل وجامعتكم حتبدا 😁🤍👏🏼👏🏼

دمتم في أمان الله جميعا
#محمد_العمامي

اللي شاغل تفكير الشباب اليوم في المحاضرة بما فيهم أنا 😂😂☝️☝️

🇦🇷🇦🇷🇦🇷 👏🏼👏🏼👏🏼 مبروك مبروك مبروك افرحوا وهيجوا

من أول يوم تلاقينا فيه في مركز ليبيا
قتلكم يا دكاترة أنه عهد بيني وبينكم
اي حد يبي يحضر في المعهد وما يقدرش عالتكاليف ، خلوه يراسلني ، وأنا حنخليه يحضر مجانا ومع الحفاظ على هويته سرية
ولو يبي يقرا من الحوش وما يقدرش يجي للمعهد ،

يراسلني ونفتحله حساب عالمنصة "من عيوني" مجانا وما نبي منه شيء غير يقرا ويتعلم كويس ، شرح صوت وصورة وهو مقمعز في حوشه خيرله من التسجيلات ب مليون مرة .

يعني أعتقد ما قصرتش بكل يا دكتور صاحب التعليق
ف ليش قلة الأدب هذي؟!
عالعموم أنا ما زلت على وعدي لكم
وأي حد يصبي عليا مش حنرده خايب 🤍🙏
@Alomami977

السلام عليكم دكاترة ال48 ❤️🙏🏻
نبي نعتذر عن أي خلل في المحاضرة اللي فاتت ، صارت ربكة بسبب حدوث سوء تنسيق في القاعات وبإذن الله معش يتكرر

بالنسبة للمنهج ابتداء من بكره حنبدوا نزيدوا ال(Rhythm) شويا 😂❤️🏃🏻‍♂️🏃🏻‍♂️
محاضرتنا بكره الأربعاء 21/Dec ، حتكون من الساعة 1:15 ظهرا ل 3:00

حنديروا مراجعة بسيطة للي خذيناه من الأدابتايشن
ونكملوا باقيه بإذن الله ❤️🙏🏻 ، يعني لو فيه أي حد ما زال يبي ينضم إلينا يتفضل من بكره ويكون ما فاته شيء

عندي كم نقطة نبي نعلمكم بيها من توا :-
✅ من يوم و غادي الشرح في المعهد حيكون أني نعطيكم زبدة الكورس وفكرته بواسطة #مخططات_عالسبورة زي اللي راسمهن لكم فوق 👆🏻 ، و من ثم نتبعوا #الشيت مع بعضنا بمساعدة ( #الداتا_شو ) علشان نوريكم النقاط المهمة ومواضع الأسئلة .
✅ في نهاية كل كورس لازم ناخذوا مجموعة #mcqs من السنوات السابقة للتدريب
✅ من توا نبيكم تعرفوا أن الجينيرال باثولوجي (50% من الباثو تقريبا) حيستغرق منا #35_ساعة موزعات في الجدول فوق كيف ما إنتم شايفين (سواء #معهد أو #منصة) ، بالنسبة #للمنصة الجينيرال كله حيكون جاهز و واتي قبل بداية #شهر_1 ، و بالنسبة #للمعهد لو استمرينا بمعدل #محاضرتين أسبوعيا ، حنكملوا قبل #شهر_3 بإذن الله
✅ وحتى بعدما نكملوا الشرح الأصلي ، قبل الامتحان و إنتم طيبين حنديروا #مكثف_للجينيرال كاملا مكملا في أقل من #15_ساعة فقط لا غير موزعات بالترتيب كيف ما شايفين فوق 👆🏻

نتلاقوا مع بعضنا بكره و ربي يكتبلنا الخير جميعا ❤️🙌🏻🙌🏻

هذا الشيت اللي تقروا منه ، و معاه مجموعة MCQs و شورت نوت للتدريب ❤❤👏🏼👏🏼

دكاترتنا الأفاضل ❤️🙏🏻
المحاضرة السادسة في الجنرال باثولوجي نزلت ، و اللي هي : (#Repair)
3 فيديوات بسيطة ، معاها مجموعة من أسئلة السنوات السابقة عن الكورس هذا للتدريب عليها 🤍🤍💪🏻

هكي نكونوا شبه نص الجنرال كملناه 🙏🏻🤍🤍🤍

المحاضرة جاهزة عالمنصة ، و كالعادة وفرتلكم أول نص ساعة منها #مجانية على اليوتيوب للّي يحب يشوف الشرح قبل ثم يقرر هل يبي يشترك أو لا
رابط الفيديو : https://youtu.be/Ljhtwb-LYgs

و لو أي حد عنده أي استفسار عن المنصة ، يتفضل : @Alomami977
دمتم في أمان الله جميعا ❤️🙌🏻🙌🏻

دكاترة يومكم معطر بتوفيق الرحمن ❤️🙌🏻
محاضرتنا الجاية في #مركز_ليبيا حتكون يوم الأحد القادم 25/12
على تمام الساعة 1:15 ظهرا

حناخذوا الموضوع الثاني و نكملوه كله و اللي هو : (cell injury) ، ننصحكم تشوفوا المقدمة متاعه قبل ما تجوا ❤️😂 : (https://www.youtube.com/watch?v=HtB3bNk8Oqk&t=1586s)
وكالعادة ، الشرح حيكون #بالسبورات ونتبعوا في #الشيت مع #الداتا_شو

هذا الشيت نسخة منه لوطا وتلقوه متوفر عند تصوير سليمان ومركز ليبيا
نتلاقوا على بركة الله 🤍🙌🏻🙌🏻

#محمد_العمامي

دكاترة ما تنسوش بكره الأحد موعدنا
من 1:15 ل 3:00
على بركة الله ❤🙏
#محمد_العمامي

سلام عليكم يا دفعة 48 ❤
اليوم خذينا محاضرة Cell injury
و ناقشنا 75% منها وأهم عنوان فيها اللي هو
Hypoxic Cell injury بكامل تفاصيلها

والأهم من هكي ، وريتلكم أمثلة أسئلة عليه من السنوات السابقة بيش تتعلموهن من توا و حنعاود نزلهن لكم بعدين ❤💪💪

موعدنا الجاي يوم الأربعاء القادم في نفس التوقيت 1:15_3:00 🙏🤍

و دمتم في رعاية الله 🤍✌
#محمد_العمامي

السلام عليكم
فيه دزدان لقيته طايح في قاعة الباثو أمس في مركز ليبيا
وفيه ممتلكات شخصية لطالبة اسمها : (نور الهدى عصام)

يا ريت اللي يعرفها يخليها تتواصل معايا بيش نسلمها الدزدان @Alomami977

دكاترة ليلتكم سعيدة و مباركة 🤍🙌🏻
امتحانات الباثو دائما تكون مزيج من :
✅ أسئلة MCQs
✅ اسئلة True or Flase
✅ أسئلة شورت نوت

لذلك ، حنبدوا من هذه اللحظة
نزلوا بعد كل موضوع ناخذوه مجموعة من أسئلة السنوات السابقة للتدريب عليها + نوضحوا مواضع الشورت نوت علشان تركزوا عليهن كويس
ف يلا بينا
و البداية حتكون بموضوع الأدابتايشن 🙏🏻❤️❤️