شير للغير يا وجوه الخير ، نسأل الله أن يفرج عن كل مريض كربه 🙌🙌

‌‎#معلومة_عامة ❤

الأسبرين أو ما يعرف ب
Acetyl Salicylic Acid

بشكل عام يفضل تجنب إعطاءه للأطفال خوفا من :-
(Reye's Syndrome)

إلا في بعض الأمراض الخطيرة واللي تشكل تهديد لحياة الطفل زي مثلا :-
(Kawasaki Diseases)

في المرض هذا الطفل معرض أنه يصيرله MI بسبب تأثر Coronory Artery

في المرض هذا بالذات لازم الأسبرين ينعطى للطفل حماية له من التخثرات اللي ممكن يصيرن في الشريان التاجي

السلام عليكم و رحمة الله
دكاترة الدفعة 48 ، حيّاكم الله جميعا وإن شاء الله تكونوا جميعا بخير وصحة وعافية

نعرفكم بنفسي من الدفعة 45 #محمد_العمامي 🤍🙌🏻

بما أنكم مقبلين السنة القادمة على #ثالثة_بشري و بحكم أني نقري في وحدة من موادها #الباثو أو #علم_الأمراض ، حبيت أني نعطيكم بعض التفاصيل اللي أعتقد أنهن حيهمنكم السنة القادمة

أولا : كم مادة في سنة ثالثة ؟
الجواب : 4 مواد
1️⃣ علم الأدوية (Pharmacology) حتقروا فيه مختلف أنواع الأدوية ، وكيف طريقة أخد الذواء ، و شن الميكانزم متاعه ، ولشنو يستخدم ، وشنو أعراضه الجانبية ، و حتقروا في بدايتها كلام عام ، ثم تبدوا تقروا أدوية كل system بروحه ، و عليها 300 درجة

2️⃣ علم الكائنات الدقيقة (Microbiology) حتقروا فيه من اسمه 😂 الكائنات الدقيقة : فيروسات و بكتريا و فطريات ، عائلاتهن ومختلف أنواعهن وشن الأمراض اللي يسببن فيهن ، ولازم حتى تفهموا كيف جسمنا يحارب فيهن، فهذا ليش حتقروا معاها حتى (immunity المناعة) وكيف نعالجوهن فلذلك حتاخذوا حتى كورس : (Antibiotics المضادات الحيوية) ، و عليها 200 درجة

3️⃣ علم الطفيليات (Parasitology) ، حتقروا فيه الطفيليات سواء وحيدة الخلية (Protozoa) أو الديدان والحشرات ، و عليها 100 درجة

4️⃣و أخيرا أهم مادة في سنة ثالثة كلها و نقدر نقوللكم أهم مادة في مسيرتكم ك دكاترة (بعد الباطنة) ألا و هي مادة علم الأمراض (Pathology) خليتها آخر شيء لأني نبي نفصللكم فيها و نحكيلكم على نظام شرحي لها 😂❤️❤️🙌🏻 :-

مادة علم الأمراض يا جماعة الخير هي القاعدة الأساسية اللي إنت حتبني علمك عليها ك دكتور مستقبلا، لازم المادة هذي تكون متمكن منها 100% بيش القادم يكون ساهل عليك

المادة هذي يا جماعة الخير مادة فهم ثم فهم ثم فهم ثم فهم ثم حفظ وتثبيت معلومة ، لازم تكون مستوعب المرض والأعراض كيف صارن بيش بعدها يسهل عليك تذكر المعلومة

المادة هذي برضو عليها 300 درجة و مقسمة جزئين (General & Systemic) و مواضيع كل جزء حتلقوهن في جدول حنرفقه لكم مع الرسالة لوطا 😁👇🏻

وحنكون معاكم في شرح المادة هذي خطوة بخطوة من أول ما تبدوا السنة لعند يوم امتحانكم بعون الله وانتم طيبين (و سبق وأني قريتها للدفعتين اللي قبلكم 46 و 47)

من أول ما تبدا السنة بعون الله، كل كورس تاخذوه في الباثو ، حناخذ الشيت متاعه الخاص بالجامعة ونديرلكم التالي :-
✅ نوفرلكم له فيديو شرح كامل و بجودة واضحة وممتازة على إحدى المنصات المتوفرة حاليا
✅ حنديرلكم فيه ملخص مطبوع ومنسق ومنظم وفيه أهم النقاط
✅ حنوفرلكم سبورات ومخططات تجميعية لأهم مواضيع الكورس
✅ حنوفرلكم تجميعة ام سي كيوز ،و أهم النقاط الخاصة بالأسئلة المقالية في الكورس هذا للتركيز عليها و التدرب عليها استعدادا للامتحان
🔴 و النقطة الأهم طبعا 😂🤍 :- أنه قبل موعد أي امتحان عندكم فيها (سواء جزئي أو معمل أو فاينال) حنديرلكم مكثفات (سواء عالمنصة أو باتفاق مع أحد المعاهد) نغطوا فيهن مواضيع الامتحان كله بإذن الله


حبّيت أنكم جميعا تكون عندكم المعلومات هذينا من توا ، فإن شاء الله نكون أفدتكم ونفعتكم، إن شاء الله كل سنة وإنتم طيبيين، ونتلاقوا مع بداية سنة ثالثة على خير إن شاء الله 🤍🙌🏻🙌🏻

🔺رابط القناة الخاصة بنا عالتيلي :
(t.me/Pathoo46)
🔺رابط قناة اليوتيوب الخاصة بنا في الباثو و فيها محاضرات تقدروا تشوفوا شرحنا من خلالها :
(https://www.youtube.com/c/PathologyAsmaandMohammed)
🔺رابط الحساب الشخصي الخاص بي لمن لديه اي استفسار :
@Alomami97

دكاترة الدفعة 47 (لمن شاء له الله أن لا يدخل على امتحان الباثو الدور الأول)

و كذلك دكاترة الدفعة 48 (اللي حاب يبدا في الباثو من توّا)

أي حد يحب ياخذ خصوصي في مادة الباثو فحنكون قادر أني نعطيه ابتداء من الأسبوع القادم بمشيئة الله تعالى

ويقدر يتفضل يتواصل معايا :- @Alomami977

وربي يحفظكم ويرعاكم جميعا ❤❤🤲

ألف مبروك لكل دكاترة الدفعة 47 اللي نجحوا في الفرصة الاولى ، ونسأل الله كل التوفيق والتيسير لدكاترة الفرصة الثانية 🤍🤍🤲🤲

كلمة بسيطة حاب نقولها لطلبة الفرصة الثانية
بعيدا عن الوهم والكلام الزايد

أعتقد مارة عليكم قصة مجموعة الطلبة ( قريب 5 أنفار ) من دفعة 44 ، واللي مش سامعها يعدي يسأل عليهم

كل واحد فيهم جابوا مواد 3 كلهن دور ثاني
فارما وباثو وميكرو وبارا ، وتوا كلهم قاعدين مع دفعتهم يمتحنوا في امتحان سنة التخرج ❤💪💪

يعني اللي عنده الرغبة ومستعد يكسر الدنيا علشان ينجح ومتوكل على الله ، حيصفيهن ولو كانن كلهن دور ثاني

#وانتهى_الكلام 👌👌💫

تنويه لطلبة الدور الثاني دفعة 47 :-
نظرا لقلة عدد الطلبة الراغبين تم إلغاء (مكثف الباثو على المنصة)
ونسأل الله لكم كل التوفيق 🙏🏻🤍

واللي محتاج أي مساعدة أو استفسار يتفضل (@Alomami977)

دكاترة الدفعة 48 ❤️🙌🏻
حان وقت الانطلاقة معكم في مادة #علم_الأمراض #Pathology

مبدئيا أول المحاضرات حنوفرهن لكم على قناتنا على اليوتيوب علشان تشاهدوا نظامنا وكيفية شرحنا للمادة ، والباقي حيكون على المنصة بإذن الله 🙌🏻🤍

علشان نكونوا متفقين على (system) نمشوا بيه من توا ، نظامنا حيكون كالتالي :-
✅ المنهج حيكون مقسم إلى جنرال (12 موضوع مختلف) و (systemic حنحكوا فيه على أمراض كل جهاز في الجسم بروحه) ،و طبعا أكيدة حنمشوا بالترتيب من الجنرال ثم للسستمك
✅ في الفيديو حنشرحلكم من شيت مطبوع ملون مرتب ومنظم من إعدادي أنا (هو نفسه شيت الجامعة لكن منظم ومرتب وخالي من الحشو الزايد 😂🤍) وحيكون نازل نسخة منه PDF هنا مع كل محاضرة
✅ بعد نهاية أي موضوع حنززلكم أسئلة (mcqs + Short Note) سواء من تأليفي الشخصي أو من امتحانات سنوات سابقة للتدريب عليها
✅ بعدما تبدوا سنة 3 بشري في الجامعة ، أي زيادات جديدة في أي موضوع حنجمعهن ونديرلهن فيديو شرح خاص بيهن
✅ منهج المعمل حيتم شرحه خطوة بخطوة مع معامل الجامعة و حنكون متبع مع زملاء من دفعتكم يحضروا كل معمل ونعطيكم الزبدة فيه
✅ حنديروا مكثف قبل كل امتحان يكون جاهز و متوفر قبل الامتحان بفترة علشان كلكم تستفيدوا منه

نسأل الله التوفيق والتيسير لنا ولكم ،و نسأل الله أنه يعاوني على ما وعدتكم بيه، وبإذن الله كلكم قدها ❤️❤️💪🏻💪🏻

وتوا في خلال 5 دقائق حتنزل أول محاضرة في أول موضوع من الجنرال باثولوجي ، #ترقبوها 💪🏻💪🏻❤️❤️

الجزء الأول من المحاضرة الأولى : (Adaptation / Part 1) 🙌🏻🤍
https://www.youtube.com/watch?v=KRUs15hlRRg

ما زلنا مستمرين معاكم دكاترة الدفعة 48 ❤️🙌🏻
وهذا الجزء الثاني من المحاضرة الأولى عن موضوع : (Adaptation)
متوفر بالكامل على قناتنا على اليوتيوب 🤍🙌🏻

الرابط :-
(https://youtu.be/SPZIO759YMY)

سلام عليكم دكاترة الدفعة 48 ❤️💪🏻💪🏻
وهذا الجزء الثالث من محاضرة (Adaptation)
حكينا فيه عن :-
#Hypertrophy
#Hyperplasia

https://www.youtube.com/watch?v=b_LT2_vgDvE

أصبحنا وأصبح الملك لله
ويومكم معطر بتوفيق الرحمن جميعا ❤️🙌🏻🙌🏻🙌🏻

وأخيرا نزلتلكم الجزء #الرابع والأخير من أول موضوع في #الباثولوجي واللي هو موضوع : (Adaptation)🙌🏻🙌🏻🤍💫💫

فوق الرسالة هذي يا دكاترة حتلقوا روابط محاضرات الجزء #الأول و #الثاني و #الثالث
يا ريت اللي يحب يطلع على شرحنا وكيفية ونظام شرحنا يشوفهن
لأنه بإذن الله ابتداء من الكورس الجاي حيكونن المحاضرات متوفرات على #منصة (همزة) ، و مش حنزل على اليوتيوب إلا بعض المقتطفات من المحاضرات فقط 🙏🏻🙏🏻💛

https://youtu.be/PRFwz7QFlc4

السلام عليكم دكاترة الدفعة 48
يومكم جميل ومبارك ❤️🙌🏻🙌🏻

#تذكير
انطلاقتنا الرسمية في مادة الباثولوجي للسنة الثالثة طب بشري على منصة #همزة حتكون الأسبوع هذا بإذن الله 💫💪🏻
هذا موقع المنصة لمن يحب يفتح حساب ويسجل فيها من توا :
(http://hamza.com.ly/register)

و كيف ما قلتلكم من قبل ، أول كورس في مادة الباثو شرحته لكم #مجانا و #بالكامل ❤️🙌🏻 على اليوتيوب في 4 فيديوات :-

1️⃣ (https://youtu.be/KRUs15hlRRg)
2️⃣ (https://youtu.be/SPZIO759YMY)
3️⃣ (https://youtu.be/b_LT2_vgDvE)
4️⃣ (https://youtu.be/PRFwz7QFlc4)
الشيت الخاص بالكورس : (https://t.me/Pathoo46/2616)

و بدءا من الكورس الجاي اللي هو كورس : (Cell injury) ، حيقعد الكورس متوفر بالكامل على #المنصة فقط ، و على اليوتيوب حتنزل مقدمة بسيطة فقط عن الكورس علشان اللي يحب يشوف طريقة الشرح فيه قبل .

دمتم في أمان الله وحفظه 🤍💫

ها قد حان الوقت المنتظر يا دكاترتنا 🙌🏻❤️❤️
ونعلن عن البداية رسميا مع منصة #همزة

✅ و البداية مع كورس #جنرال_باثولوجي #General_Pathology ، بإذن الله حنشرحوه خطوة بخطوة بكل التفاصيل والمعلومات المطلوبة ، مع توضيح جميع مواضع الأسئلة والنقاط المهمة وكذلك مراجعة بعض أسئلة السنوات السابقة على كل موضوع في الجنرال باثولوجي

✅ الجنرال باثولوجي يشمل المواضيع التالية : (Adaptation / Cell injury / Cell death / Accumulation / inflammation and repair / Hemodynamic Disorders / immune diseases / infectious Diseases / Genetics and Nutritional diseases / Neoplasia) و كلها حيتم شرحها عالمنصة بعون الله تعالي

✅ مبدئيا :-
🔺أول محاضرة (Adaptation وفرتها لكم مجانا على اليوتيوب تلقوها في الرسالة هذي https://t.me/Pathoo46/2617
🔺أما ثاني محاضرة (Cell injury) حتكون متوفرة فقط على المنصة ، لكن المقدمة عليها متوفرة مجانا على اليوتيوب لمن يحب يشوف بداية الشرح : (https://youtu.be/HtB3bNk8Oqk)

✅ #للاشتراك_في_الكورس :-
🔺قم بفتح حساب خاص بيك في المنصة عبر الرابط التالي : http://Hamza.com.ly
🔺قم بإدخال رقم الهاتف
🔺أدخل الايميل الخاص بك
🔺 قم بإختيار كلمة مرور
🔺سيتم تفعيل حسابك فوراً
🔺 ثم يجب التوجه ل مقر المنصة (المجاور ل معهد التدارك) ، ل كي يتم شحن الحساب بقيمة الاشتراك في الكورس (100 دينار)
🔺 ثم قم بزيارة موقع المنصة وقم بالاشتراك في كورس الجنرال وحيبدن الفيديوات يشتغلن معاك ويجيك الشرح والمنهج كاملا مكملا لعندك في الحوش ❤️🙏🏻

لأي استفسارات أخرى يرجى التواصل مع المنصة عبر رقم الهاتف : (0912366349) أو التواصل معي على الخاص : (t.me/Alomami977)

وإن شاء تكون بداية رحلة مليانة بالنجاح والتوفيق معكم يا دفعة ❤️❤️❤️🙌🏻🤍

السلام عليكم دفعة 48 🤍🙏🏻
ربي يسهل مشواركم في سنة ثالثة وتكون سنة كلها خير عليكم
حتلاحظوا "و ممكن كثير منكم أوريدي يعرفوا" أن سنة ثالثة تبيلها حاجتين مهمات جدا :-
✅ أنك تكون متبع منهج الجامعة
✅ وأنك توفر أكبر قدر ممكن من وقتك (للدراسة والراحة😉)

وهذينا العاملين اللي اشتغلنا على توفيرهن لكم في شرحنا لمادة #الباثولوجي (علم الأمراض واللي تعتبر #أهم مادة في سنة 3 في مشوارك الطبي ك طبيب بشري)
ح نشرحوا على #منصة_همزة كافة مواضيع الباثولوجي في #فيديوات (صوت و صورة) عالية الجودة ، بما يتماشى مع منهج الجامعة وحنكونوا على #UPDATE مع أي جديد منهم ، و كذلك حندربوا في كل محاضرة على أسئلة من امتحانات السنوات السابقة

بحيث الطالب يكون :-
✅ تعلّم و فهم ودرس 100%
✅ عرف منهج الجامعة و تركيزاتها
هذا كله و هو في المنزل دون تضييع للوقت 😍💪🏻❤️

مبدئيا ، انطلقنا في كورس #الجنرال_باثولوجي
وحتلقوني حطيتلكم فيديو يوضح كيفية التسجيل على المنصة و الاشتراك في الكورس علشان يوصلنكم المحاضرات أول بأول 💫💫

مبدئيا أي طالب يبي يشترك في #الجنرال_باثولوجي ، لازم يمشي ل نقطة البيع الخاصة ب #منصة_همزة (في شارع مركز التدارك بالقرب من جامعة العرب الطبية) و يشري كرت 100 دينار علشان يدفع بيه قيمة الكورس لما يسجل في المنصة (شوفوا الفيديو بيش تفهموا أكثر)

ولكن في الأسابيع القادمة بإذن الله حنوفروا وسائل دفع إلكترونية (إدفع لي و موبي كاش أو غيرها) علشان كل زملائنا من داخل بنغازي ومن (خارجها بالذات 😂❤️) يكون عندهم القدرة على التسجيل والاشتراك بالكامل بشكل أونلاين .

✅ هذا رابط التسجيل في المنصة : (http://hamza.com.ly/register)
✅ لو أي حد واجهاته أي صعوبة يتفضل يستعين بيا وحنساعده على التسجيل : (@Alomami977)
✅ وهذا رابط الفيديو اللي درته لكم لشرح خطوات التسجيل والدفع والاشتراك : (https://youtu.be/zx0KfmybTwM)