نسأل الله لكم كل التوفيق والتسهيل غدا يا دفعة
ربي يفرح قلب كل حد منكم وما تروحوا إلا مجبوري الخاطر

اللهم امين 🤲🤲❤❤

نصيحة من واقع التجربة :
نتذكر ليالي فاينال الباثو في دفعتنا ال45 (ليالي سودة الله لا تروعكم 😂)
كل يوم نسأل في روحي سؤال وقتها : أنا كيف نبي نلم المنهج هذا كله ؟ كيف حنديرها ؟ كيف حنقدر عليه كله في وقت قصير

و صدقوني كيف ما نقوللكم والله خشيت للامتحان بكل المنهج من بدايته لنهايته
بفضل أسلوب معين اتبعته في كل الشيتات
و اللي هو :

في كل شيت ، عرفت شن ال(DETAILS المهمة) ، و شن النقاط الرئيسية و اللي هنا يشكلن أكثر أهمية و قريتهن، و باقي الكلام في الساس

نعطيكم أبسط مثال : في كورس الBreast
يعني ما تبيلهش فقيه بيش تعرف أن أهم توبيك لازم تقراه في البريست هو الكانسر متاعه ، باقي كلام البريست عبارة عن رابش حرفيا 😂😂

في كورس الblood ما تبيلهاش فقيه أنه أكيدة أهم توبيك هو الأنيميا و خاصة الأنواع المشهورة : (iron deficiency / Sickle cell anemia )

في كورس الGIT مثلا لما تبي تجي تقرا الكانسر مثلا
ما تعديش تسيب الكارسينوما اللي هي تمثل 90% من الكانسرز متاع الستومك
و تقرا الساركوما أو الكارسينويد تيومرز فيها

مثلا في الانفكشوس في مرض السيفيلس : اهم شيء تعرف أن له 3 مراحل و تعرف شن العلامات المميزة لكل مرحلة و اطلع من الزحمة
و هكذا...

رد بالكم رد بالكم حد فيكم يفكر يقرا كل التفاصيل في أي كورس
و الله والله و الله ما فيه أي حد حيقدر يكمل المنهج كله لو يبي يقرا كل التفاصيل راه
والعكس صحيح
اللي يقرا و يركز فقط عالمواضيع اللي واضح أنهن هنا النقاط الرئيسية ويتجنب الدوة الزايدة هذا هو اللي حيقدر يلم المنهج كله بعون الله

و موفقين يا رب ❤️🙌🏻

مبدئيا هكي
هذي خطة توريكم كيف تقدروا تقسموا وقتكم في أيام الباثو لدراستها بالكامل

و تبينلكم كيف تقدروا تجمعوا بين الجنرال و السستمك مع بعضهن في نفس الوقت

لأنه راه للعلم الامتحان 40% منه حيكون جنرال راه ، رد بالكم تسهوا عليه !

و الحاجة الأخرى ، الله الله في المراجعة الله الله في المراجعة الله الله في المراجعة

ما حد يتوقع روحه حيقرا شيت بكره مثلا ، و يظل متذكره بكامل تفاصيله لعند يوم الامتحان !

مستحيل هكي ، مش روبوتات نحنا 😂💔
فلازم لازم من المراجعة عالسريع كل فترة زي ما أنا مبين لكم في الجدول

تقدروا تعتمدوه في قرايتكم أو تبنوا جدول جديد خاص بيكم بناء عليه

المهم تاخذوا الفكرة في تقسيم الوقت

‏تجري الرياح كما تجري سفينتنا
نحن الرياح ونحن البحر والسفنُ

إن الذي يرتجي شيئاً بهمّتهِ
يلقاهُ ولو حاربَتْهُ الإنسُ والجنُّ

فاقصد إلى قمم الأشياءِ تدركها
تجري الرياح كما رادت لها السفنُ

⭐❤❤☑

شير للغير يا وجوه الخير ، نسأل الله أن يفرج عن كل مريض كربه 🙌🙌

‌‎#معلومة_عامة ❤

الأسبرين أو ما يعرف ب
Acetyl Salicylic Acid

بشكل عام يفضل تجنب إعطاءه للأطفال خوفا من :-
(Reye's Syndrome)

إلا في بعض الأمراض الخطيرة واللي تشكل تهديد لحياة الطفل زي مثلا :-
(Kawasaki Diseases)

في المرض هذا الطفل معرض أنه يصيرله MI بسبب تأثر Coronory Artery

في المرض هذا بالذات لازم الأسبرين ينعطى للطفل حماية له من التخثرات اللي ممكن يصيرن في الشريان التاجي

السلام عليكم و رحمة الله
دكاترة الدفعة 48 ، حيّاكم الله جميعا وإن شاء الله تكونوا جميعا بخير وصحة وعافية

نعرفكم بنفسي من الدفعة 45 #محمد_العمامي 🤍🙌🏻

بما أنكم مقبلين السنة القادمة على #ثالثة_بشري و بحكم أني نقري في وحدة من موادها #الباثو أو #علم_الأمراض ، حبيت أني نعطيكم بعض التفاصيل اللي أعتقد أنهن حيهمنكم السنة القادمة

أولا : كم مادة في سنة ثالثة ؟
الجواب : 4 مواد
1️⃣ علم الأدوية (Pharmacology) حتقروا فيه مختلف أنواع الأدوية ، وكيف طريقة أخد الذواء ، و شن الميكانزم متاعه ، ولشنو يستخدم ، وشنو أعراضه الجانبية ، و حتقروا في بدايتها كلام عام ، ثم تبدوا تقروا أدوية كل system بروحه ، و عليها 300 درجة

2️⃣ علم الكائنات الدقيقة (Microbiology) حتقروا فيه من اسمه 😂 الكائنات الدقيقة : فيروسات و بكتريا و فطريات ، عائلاتهن ومختلف أنواعهن وشن الأمراض اللي يسببن فيهن ، ولازم حتى تفهموا كيف جسمنا يحارب فيهن، فهذا ليش حتقروا معاها حتى (immunity المناعة) وكيف نعالجوهن فلذلك حتاخذوا حتى كورس : (Antibiotics المضادات الحيوية) ، و عليها 200 درجة

3️⃣ علم الطفيليات (Parasitology) ، حتقروا فيه الطفيليات سواء وحيدة الخلية (Protozoa) أو الديدان والحشرات ، و عليها 100 درجة

4️⃣و أخيرا أهم مادة في سنة ثالثة كلها و نقدر نقوللكم أهم مادة في مسيرتكم ك دكاترة (بعد الباطنة) ألا و هي مادة علم الأمراض (Pathology) خليتها آخر شيء لأني نبي نفصللكم فيها و نحكيلكم على نظام شرحي لها 😂❤️❤️🙌🏻 :-

مادة علم الأمراض يا جماعة الخير هي القاعدة الأساسية اللي إنت حتبني علمك عليها ك دكتور مستقبلا، لازم المادة هذي تكون متمكن منها 100% بيش القادم يكون ساهل عليك

المادة هذي يا جماعة الخير مادة فهم ثم فهم ثم فهم ثم فهم ثم حفظ وتثبيت معلومة ، لازم تكون مستوعب المرض والأعراض كيف صارن بيش بعدها يسهل عليك تذكر المعلومة

المادة هذي برضو عليها 300 درجة و مقسمة جزئين (General & Systemic) و مواضيع كل جزء حتلقوهن في جدول حنرفقه لكم مع الرسالة لوطا 😁👇🏻

وحنكون معاكم في شرح المادة هذي خطوة بخطوة من أول ما تبدوا السنة لعند يوم امتحانكم بعون الله وانتم طيبين (و سبق وأني قريتها للدفعتين اللي قبلكم 46 و 47)

من أول ما تبدا السنة بعون الله، كل كورس تاخذوه في الباثو ، حناخذ الشيت متاعه الخاص بالجامعة ونديرلكم التالي :-
✅ نوفرلكم له فيديو شرح كامل و بجودة واضحة وممتازة على إحدى المنصات المتوفرة حاليا
✅ حنديرلكم فيه ملخص مطبوع ومنسق ومنظم وفيه أهم النقاط
✅ حنوفرلكم سبورات ومخططات تجميعية لأهم مواضيع الكورس
✅ حنوفرلكم تجميعة ام سي كيوز ،و أهم النقاط الخاصة بالأسئلة المقالية في الكورس هذا للتركيز عليها و التدرب عليها استعدادا للامتحان
🔴 و النقطة الأهم طبعا 😂🤍 :- أنه قبل موعد أي امتحان عندكم فيها (سواء جزئي أو معمل أو فاينال) حنديرلكم مكثفات (سواء عالمنصة أو باتفاق مع أحد المعاهد) نغطوا فيهن مواضيع الامتحان كله بإذن الله


حبّيت أنكم جميعا تكون عندكم المعلومات هذينا من توا ، فإن شاء الله نكون أفدتكم ونفعتكم، إن شاء الله كل سنة وإنتم طيبيين، ونتلاقوا مع بداية سنة ثالثة على خير إن شاء الله 🤍🙌🏻🙌🏻

🔺رابط القناة الخاصة بنا عالتيلي :
(t.me/Pathoo46)
🔺رابط قناة اليوتيوب الخاصة بنا في الباثو و فيها محاضرات تقدروا تشوفوا شرحنا من خلالها :
(https://www.youtube.com/c/PathologyAsmaandMohammed)
🔺رابط الحساب الشخصي الخاص بي لمن لديه اي استفسار :
@Alomami97

دكاترة الدفعة 47 (لمن شاء له الله أن لا يدخل على امتحان الباثو الدور الأول)

و كذلك دكاترة الدفعة 48 (اللي حاب يبدا في الباثو من توّا)

أي حد يحب ياخذ خصوصي في مادة الباثو فحنكون قادر أني نعطيه ابتداء من الأسبوع القادم بمشيئة الله تعالى

ويقدر يتفضل يتواصل معايا :- @Alomami977

وربي يحفظكم ويرعاكم جميعا ❤❤🤲

ألف مبروك لكل دكاترة الدفعة 47 اللي نجحوا في الفرصة الاولى ، ونسأل الله كل التوفيق والتيسير لدكاترة الفرصة الثانية 🤍🤍🤲🤲

كلمة بسيطة حاب نقولها لطلبة الفرصة الثانية
بعيدا عن الوهم والكلام الزايد

أعتقد مارة عليكم قصة مجموعة الطلبة ( قريب 5 أنفار ) من دفعة 44 ، واللي مش سامعها يعدي يسأل عليهم

كل واحد فيهم جابوا مواد 3 كلهن دور ثاني
فارما وباثو وميكرو وبارا ، وتوا كلهم قاعدين مع دفعتهم يمتحنوا في امتحان سنة التخرج ❤💪💪

يعني اللي عنده الرغبة ومستعد يكسر الدنيا علشان ينجح ومتوكل على الله ، حيصفيهن ولو كانن كلهن دور ثاني

#وانتهى_الكلام 👌👌💫

تنويه لطلبة الدور الثاني دفعة 47 :-
نظرا لقلة عدد الطلبة الراغبين تم إلغاء (مكثف الباثو على المنصة)
ونسأل الله لكم كل التوفيق 🙏🏻🤍

واللي محتاج أي مساعدة أو استفسار يتفضل (@Alomami977)

دكاترة الدفعة 48 ❤️🙌🏻
حان وقت الانطلاقة معكم في مادة #علم_الأمراض #Pathology

مبدئيا أول المحاضرات حنوفرهن لكم على قناتنا على اليوتيوب علشان تشاهدوا نظامنا وكيفية شرحنا للمادة ، والباقي حيكون على المنصة بإذن الله 🙌🏻🤍

علشان نكونوا متفقين على (system) نمشوا بيه من توا ، نظامنا حيكون كالتالي :-
✅ المنهج حيكون مقسم إلى جنرال (12 موضوع مختلف) و (systemic حنحكوا فيه على أمراض كل جهاز في الجسم بروحه) ،و طبعا أكيدة حنمشوا بالترتيب من الجنرال ثم للسستمك
✅ في الفيديو حنشرحلكم من شيت مطبوع ملون مرتب ومنظم من إعدادي أنا (هو نفسه شيت الجامعة لكن منظم ومرتب وخالي من الحشو الزايد 😂🤍) وحيكون نازل نسخة منه PDF هنا مع كل محاضرة
✅ بعد نهاية أي موضوع حنززلكم أسئلة (mcqs + Short Note) سواء من تأليفي الشخصي أو من امتحانات سنوات سابقة للتدريب عليها
✅ بعدما تبدوا سنة 3 بشري في الجامعة ، أي زيادات جديدة في أي موضوع حنجمعهن ونديرلهن فيديو شرح خاص بيهن
✅ منهج المعمل حيتم شرحه خطوة بخطوة مع معامل الجامعة و حنكون متبع مع زملاء من دفعتكم يحضروا كل معمل ونعطيكم الزبدة فيه
✅ حنديروا مكثف قبل كل امتحان يكون جاهز و متوفر قبل الامتحان بفترة علشان كلكم تستفيدوا منه

نسأل الله التوفيق والتيسير لنا ولكم ،و نسأل الله أنه يعاوني على ما وعدتكم بيه، وبإذن الله كلكم قدها ❤️❤️💪🏻💪🏻

وتوا في خلال 5 دقائق حتنزل أول محاضرة في أول موضوع من الجنرال باثولوجي ، #ترقبوها 💪🏻💪🏻❤️❤️

الجزء الأول من المحاضرة الأولى : (Adaptation / Part 1) 🙌🏻🤍
https://www.youtube.com/watch?v=KRUs15hlRRg

ما زلنا مستمرين معاكم دكاترة الدفعة 48 ❤️🙌🏻
وهذا الجزء الثاني من المحاضرة الأولى عن موضوع : (Adaptation)
متوفر بالكامل على قناتنا على اليوتيوب 🤍🙌🏻

الرابط :-
(https://youtu.be/SPZIO759YMY)

سلام عليكم دكاترة الدفعة 48 ❤️💪🏻💪🏻
وهذا الجزء الثالث من محاضرة (Adaptation)
حكينا فيه عن :-
#Hypertrophy
#Hyperplasia

https://www.youtube.com/watch?v=b_LT2_vgDvE

أصبحنا وأصبح الملك لله
ويومكم معطر بتوفيق الرحمن جميعا ❤️🙌🏻🙌🏻🙌🏻

وأخيرا نزلتلكم الجزء #الرابع والأخير من أول موضوع في #الباثولوجي واللي هو موضوع : (Adaptation)🙌🏻🙌🏻🤍💫💫

فوق الرسالة هذي يا دكاترة حتلقوا روابط محاضرات الجزء #الأول و #الثاني و #الثالث
يا ريت اللي يحب يطلع على شرحنا وكيفية ونظام شرحنا يشوفهن
لأنه بإذن الله ابتداء من الكورس الجاي حيكونن المحاضرات متوفرات على #منصة (همزة) ، و مش حنزل على اليوتيوب إلا بعض المقتطفات من المحاضرات فقط 🙏🏻🙏🏻💛

https://youtu.be/PRFwz7QFlc4

السلام عليكم دكاترة الدفعة 48
يومكم جميل ومبارك ❤️🙌🏻🙌🏻

#تذكير
انطلاقتنا الرسمية في مادة الباثولوجي للسنة الثالثة طب بشري على منصة #همزة حتكون الأسبوع هذا بإذن الله 💫💪🏻
هذا موقع المنصة لمن يحب يفتح حساب ويسجل فيها من توا :
(http://hamza.com.ly/register)

و كيف ما قلتلكم من قبل ، أول كورس في مادة الباثو شرحته لكم #مجانا و #بالكامل ❤️🙌🏻 على اليوتيوب في 4 فيديوات :-

1️⃣ (https://youtu.be/KRUs15hlRRg)
2️⃣ (https://youtu.be/SPZIO759YMY)
3️⃣ (https://youtu.be/b_LT2_vgDvE)
4️⃣ (https://youtu.be/PRFwz7QFlc4)
الشيت الخاص بالكورس : (https://t.me/Pathoo46/2616)

و بدءا من الكورس الجاي اللي هو كورس : (Cell injury) ، حيقعد الكورس متوفر بالكامل على #المنصة فقط ، و على اليوتيوب حتنزل مقدمة بسيطة فقط عن الكورس علشان اللي يحب يشوف طريقة الشرح فيه قبل .

دمتم في أمان الله وحفظه 🤍💫