#تغييرة_جو

مرت عليا الجملة هذي في شيت الجينيتك متاع الجامعة متاعكم

حرفيا منصدم من هول المعلومة 😂😂

على فكرة 😂😂
المكثف درته بتسجيلات من الحوش
يعني وضوح صوت أحسن من هكي مش حتلقوا
عاد الله خصوصي وحد يعيطلك في وذنك قاعد 😂🤣💔

هذينا مجموعة من :
85 سؤال اختياري
و 20 سؤال صح أو خطأ
عن كورس #cvs ❤️❤️

حاولوا تطلعوا على بعض منهن و تختبروا أنفسكم، بيش تعرفوا أرواحكم هل تمكنتم كويس من الكورس أو لا ، و حتى بيش تعرفوا شن المواضيع اللي ما زلتوا مش مثبتيهن كويس

ربي يوفقكم جميعا 🙌🏻💚
#أسماء_الجازوي
#محمد_العمامي

مراجعة سريعة لإجابات الشورت نوت المتوقعة في كورس CVS ، الأسئلة تلقوهن تحت هنا 👇

كلمتين خفاف ظراف 👌👌

البي دي إف اللي حنشرح عليه فيديو أورام الأطفال ❤️🙏

المحاضرة الثالثة والأخيرة في النيوبلاجيا 💛🙏

بعنوان : أورام الأطفال 👌💛
https://youtu.be/Bm6w2E5eaQg

#تغييرة_جو

قالّك لما تشوف مصيبة غيرك تهون عليك مصيبتك
قاعد كيفكم حاليا مزرور زرّة شينة في رابعة (عيون على أشعة على كميونتي على طب شرعي و دنيا خالطة في بعضها 🤣💔)

لكن كل ما نشوف حالكم ونشوف عرايككم على قروباتكم نقول الحمد لله تاريتنا في نعمة 😂😂

نبصر معاكم و الله ، كلنا في الهوا سوا مضروبين بعصا وحدة 😂😂💔💔
لكن هذا حال الدنيا ، لازم نتعبوا ونجتهدوا ونبذلوا علشان في النهاية نكسبوا ثمار تعبنا و نفرحوا بنجاحنا

ربي يسهللنا وإياكم ويسخر لنا كل سبل النجاح يا رب❤️❤️🙌🏻🙌🏻🙌🏻🙌🏻

دكاترة

هذينا مصطلحات خاصات بالCVS ، عيب جدا جدا تكونوا مش فاهميهن 😂❤️❤️
و مرات واجدين يكونوا دايخين فيهن لعند توا ، فقلنا نوضحوهن :-

🔸 Thrombosis :
كتلة صلبة ماسكة في جدار الوعاء الدموي ، متكونة بشكل أساسي من دم متجلط

🔸 Atherosclerosis :
كتلة صلبة ماسكة في جدار الوعاء الدموي ، متكونة بسبب تراكم الدهون جوا جدار الوعاء الدموي

🔸 Ischemia :
تعني أن العضو الفلاني بدأ يعاني من نقص Blood Supply

🔸 Infarction :
هو أن خلايا أي نسيج تبدا في الموت Necrosis بسبب نقص الدم عليها Ischemia

🔸 Arrhythmia :
هي أي خلل يحدث في نبضات القلب ، سواء معدل النبضات (أقل من 60 أو أكثر من 100) ، أو انتظامية النبضات

🔸 Angina :
هي حالة من الألم تصيب الإنسان عندما يكون الدم الذي يصل إلى القلب أقل من أني يكفي القلب

🔸 Myocardial infarction :
هو أن خلايا القلب يحدث لها NECROSIS بسبب الIschemia
(بمعنى : أن الأنجينا تسبق حدوث الMI)

🔸 Cardiac arrest :
هو التوقف المفاجئ لعضلة القلب عن النبض

🔸 Acute Heart failure :
هو الضعف "المفاجئ و الشديد" في قوة نبض القلب ، و الذي يؤدي إلى نقص مفاجئ و شديد في Cardiac Out put

🔸 Chronic Heart Failure :
هو ضعف "نوعا ما ليس بالشديد و مستمر لفترة طويلة" في قوة نبض القلب


لعل و عسى تستفيدوا ❤️🙌🏻

#للجعب_فقط 😂😂👌
عيت جعب اللي سكنوا يبوني أي زيادات في المنهج متاعكم السنة هذي نجمعهن و نزلهن

حرفيا المنهج زي ما قتلكم 95% هو نفسه متاع السنة اللي فاتت في CVS

لكن عشان خاطر تجعيبكم وعشان خاطر ما نحرمكمش من فلفلة شيت الجامعة كله 😂😂 اهو جمعتلكم الحاجات اللي ممكن تكون فعلا زيادة عن شيت السنة اللي فاتت و معاهن اخرى تسجيل لشرحهن 😂☝️

حتضحكوا عليهن و الله وحتشوفوا أن أغلبهن كلام فاضي فعلا

لكن أهو بيش تشوفوا بس 🙄

عالعموم ، موفقين يا دفعة وإن شاء الله ربي يسهللنا جميعا 💛💛🤲