معلومة خلوها عندكم ممكن تفيدكم يوما ما 😉❤️
لو نبوا نقولوا شن أكثر السرطانات الخبيثة شيوعا في كل جنس !
فحيتربع على عرش القائمة :-
🔸 بالنسبة للرجال : سرطان البروستاتا Prostate carcinoma
🔸و بالنسبة للنساء : سرطان الثدي Breast Cancer

لكن الكلام هذا حيتغير ، لو أنه نبوا نحكوا عن شن أكثر السرطانات الخبيثة - قَتْلا و سفكا - للمريض ، فحيتربع على عرش القائمة للجنسين كلاهما :
🔸سرطان الرئة Lung Cancer

فشوفوا سبحان الله
رغم أنه سرطان الرئة أقل شيوعا مقارنة بسرطان البروستاتا والثدي ، لكن حالات الموت اللي يدير فيهن سرطان الرئة أكثر من حالات الموت من سرطان البروستاتا والثدي .

دكاترة ❤️🙏
كان سخّر ربي
بكره من الساعة 11:15 ما قبل الظهر
لعند الساعة 1:15 ظُهرا

حتكون محاضرتنا الأخيرة في كورس الانفكشوس
والأسبوع الجاي ناخذوا النيوبلازيا والكارسينوجينسس في 3 محاضرات بالكثير بكل

المكان كالعادة : (مركز الابتهال سابقا ، الدولي حاليا)
و موفقين يا ر ب🙏💙

على فكرة الملخص نزلته لكم أمس فوق 😁☝🏻

المحاضرة الأخيرة في كورس الانفكشوس

حكينا فيها على :-
#Shistosomiasis
#Hydatid_Cyst
#Syphilis

يوم السبت القادم
الساعة 8:30 صباحا حتكون اولى محاضرات النيوبلازيا 🙏💛💛

يا دفعة
بالله اللي عنده نسخة PDF
من شيتات الجينيتك و النيوترشن متاع الجامعة السنة هذي يدزهن ليا ولا تصغروا 🙏

t.me/Alomami97

بعيدا عن الباثو شويا...
#نصيحة لي ولكم جميعا ، تعاونوا مع بعضكم وساعدوا بعضكم وأرشدوا بعضكم
واللي يشوف زميل له يواجه صعوبة في موضوع ما يحاول يقدمله العون بأي طريقة ممكنة

وما تبخلوش على بعضكم بأي نوع من المعلومات أو أي حاجة ممكن تفيد زملائكم
وخلوا صوب عيونكم ديما حديث الرسول عليه أفضل الصلاة و السلام ❤️

دكاترة 💛🙏
بكره 8:30 الصبح
في #مركز_الابتهال (الدولي حاليا)

ناخذوا أول محاضرة نيوبلازيا
و اللي متنبل يجي (أغلبيتكم عارفكم 😒😂)

درتلكم فيديو جديد حينزل الليلة بعد منتصف الليل حصريا على قناتنا 😎💛

وكان كثر بكره الصبح يكون نازل

طبعا الكورس كله حيكون فقط في 3 محاضرات
لكن نوعا ما حيكونن مليانات بالمعلومات الجديدة ، لذلك الله الله في فنيجين القهوة والحلو 🍰☕😂💛💪 قبل ما تجوا للمحاضرة أو تبدوا في الفيديو

وإن شاء الله ديما طيبين 💛🙏
الشيت الأول من أصلي 3
تلقوه PDF تحت الرسالة 👇

دكاترة ❤️🙏
سامحوني عالتأخير في تنزيل الفيديو
الفيديو كان واتي من الليلة اللي قبل أول محاضرة نيوبلازيا
لما نزلته في صبح ايوم المحاضرة لقيت فيه خطأ فاضطريت نحذفه

و ما قدرتش نعدل الخطأ هذا أمس بكل لأني كنت مريض و واكلها بردة طيبة 😅💔
عالعموم

أهو نزلته فيديو المحاضرة الأولى و جاهز و واتي و معاه الملخص الخاص بيه PDF 🙏💚
لا تنسونا من صالح دعاءكم و ديما موفقين يا رب 🙌🏻❤️❤️

https://youtu.be/Sc1-p5Yc-Do

دكاترة و لا تصغروا
لو حد شرا أول شيت cvs اليوم بالله يصوره ليا و يدزه ليا ، رحمة على والديكم 🙏🙏

t.me/Alomami97

بكره كان سخر ربي الأربعاء ، الساعة 8:30 صباحا

حتكون ثاني محاضرة لنا في كورس نيوبلازيا
ويقعدلنا بعدها محاضرة وحدة و خلاص نكملوه الكورس هذا 🙏❤️❤️
موفقين يا رب

آسف على التأخير دكاترة 💙🙏
هذا شيت النيوبلازيا الثاني

و بهكي يكون ما زاللنا شيت واحد و محاضرة وحدة ونكملوا كورس النيوبلاجيا كله على بعضه كان سخر ربي ❤️🙌🏻

دكاترة ❤️🙏
جمعتكم مباركة يا رب 💚🙌🏻🙌🏻

هذا الفيديو الثاني في كورس : (النيوبلاجيا و الكارسينوجينسس) 🙌🏻🙌🏻💙💙

هكي رسميا الفيديو هذا مع الفيديو الأول ، شرحتلكم فيه كل صغيرة و كبيرة موجودات في شيت الدكتور أحمد بن حسونة ذا ال56 صفحة 😂😂

ما زالي فقط ، نشرحلكم جزئية أورام الأطفال (الشيت الصغير) اللي نزلاته لكم الدكتورة شريفة

إن شاء الله تستفيدوا جميعا
ولا تنسونا من صالح الدعاء
و ديما موفقين يا رب ❤️❤️🙌🏻

https://youtu.be/OSZfTld1kQU

آسف على التأخير دكاترة 💙🙏
هذا شيت النيوبلازيا الثاني

و بهكي يكون ما زاللنا شيت واحد و محاضرة وحدة ونكملوا كورس النيوبلاجيا كله على بعضه كان سخر ربي ❤️🙌🏻

فويس عالسريع
تعليقا على الأسئلة اللي اليوم جنكم في امتحان التاتوريال باثو 💛🙏

إن شاء الله تستفيدوا 🙏💛😁

المحظوظ ابن المحظوظة اللي مرّ عالسؤالين هذينا في القناة قبل امتحان اليوم 😂😂😂😂😂❤️❤️🙌🏻

عقبال
CVS الباثو

😂😂😂🙏💛

#تغييرة_جو

مرت عليا الجملة هذي في شيت الجينيتك متاع الجامعة متاعكم

حرفيا منصدم من هول المعلومة 😂😂