الكورس الأول ❤️🙏 :-
🔸 Cell Injury part 1 :
Hypoxic, free radical and chemical injury

🔸 Cell injury part 2 :
Necrosis and Apoptosis

دكاترة 🙏❤️
كيف ما إنتم شايفين في القائمة اللي فوق

كل كورس من كورسات الجنرال
حنوفرلكم التالي فيه :
🔸1. (تسجيل المحاضرة لشرح الكورس لما عطيته لكم في المعهد)
🔸2. (مكثف مسجله أنا بروحي في الحوش واضح الصوت فيه وضوح الشمس نشرحلكم فيه بشكل سريع أهم النقاط في كل الكورس علشان الناس اللي تبي ريفرش سريع على أي كورس)
🔸3. (ملخصنا الخاص بنا في كل كورس بروحه)
🔸4. (أقل شيء 30 ام سي كيو ، و 15 سؤال صح و خطأ ، و كل الأسئلة المتوقعة شورت نوت في بي دي إف واحد خاص بكل كورس بروحه)
🔸5. (أسئلة السنوات السابقة مع شرح إجابتهن على كورس بروحه)
🔸6. (الإضافات الموجودة في شيتات السنة هذي علشان اللي يقرا من ملخصاتنا أو من شيتات السنة اللي فاتت يكون مطمن)
هذا كله حنوفره لكم في قائمة وحدة خاصة بكل كورس بروحه
و في القائمة هذي ، مجرد ما تضغطوا على الحاجة اللي تبوها حتشيلكم طول للحاجة اللي تبوها بدون ما تتعبوا في البحث عليها 🙏❤️❤️

لا تنسونا من صالح الدعاء
ونسأل الله لكم التوفيق جميعا يا رب ❤️🙌🏻🙌🏻🙌🏻
هذ

يومك طيب يا عرب 💛
بالنسبة للجماعة اللي يحبوا نظام
عطيني الزبدة واطلقني 😂

نظام المكثف يمشي معاكم ، خوذوا منه زبدة كل كورس المهمة واللي لازم تركزوا عليها

في القائمة اللي نزلتها امس
درتلكم مكثف نص ساعة نص ساعة
على موضوع سل انجري بارت 1 + 2

و باقي الأيام الجاية حنزل على باقي المواضيع كان سخر الله 🙏💚

كل محاضرات كورس الاميونتي (جنرال باثو)
بإذن الله الشرح ضامن كل شيء عطوه لكم
في الجامعة السنة هذي

🙏💙

في هذه القائمة
حنحطلكم كل شيء خاص بالأدابتايشن 🙏💛

و هذا كل ما يخص كورس الأدابتايشن 💛💪

نهاركم طيب و جمعتكم مباركة يا دفعة ❤️🙏
شفت توا شيت الأكميولايشن الخاص بيكم السنة هذي ، و حرفيا 99.9% نفس الكلام اللي عطيناه ، و نفس السنة اللي فاتت ، بل و حاذفين منه مواضيع أخرى 😂😂 (الأمثلة الأربعة الأولى على Pathways of accumulation و حاذفين موضوع hyaline change)

بس طبعا ، فيه معيلومات (تصغير معلومات 😂❤️) بسيطة نبيكم تعرفوهن ، شوفوا التسجيل بالأسفل 👇🏻

في القائمة هذي حنحطلكم كل شيء بخصوص كورس الAccumulation ❤️🙏

نأتي إليكم بحلقة جديدة من مسلسل :

كاشف حقائق الإشاعات
حول إضافات الشيتات 😂🙏❤️❤️

لعند توا نزلتلكم إضافات وشرح (السل انجري والأدابتايشن والأكوميولايشن وكلهن كانن بسيطة جدا ولا تكاد تذكر)

أما بالنسبة للكورسات اللي بعدها :-
🔸1. الإنفلاميشن :
شفت الشيت متاعكم السنة هذي
حرفيا نفسه نفس السنة اللي فاتت فيما عدا :-
🔺🔺 ضافت جدول مقارنة ما بين (exudate / transudate) و حرفيا الجدول ما فيهش أي معلومة جديدة كلهن قايلينه ، مع ذلك حنزله فويس
🔺🔺 أنا قلتلكم في المحاضرة أنه C reactive protein ما هوش البروتين الوحيد اللي ينفرز ك acute phase protein فالدكتورة السنة هذي ضافت مثالين أخرى حنزلهن لكم مع الشرح بسيطات جدا جدا جدا
🔺🔺 أما بالنسبة للRepair ما فيهش أي إضافة ، بل تم حذف موضوع الbone healing بالكامل هيجوووو 😂💙👏🏻👏🏻

🔸2. الهيمودينامك :
كللللللللللله بالكاااااااااااااااامل (edema / hemorrhage / hyperemia and congestion / hemostasis and thrmobosis / infarction / embolism / shock) نفس السنة اللي فاتت بالضبط و نفس ما عطيتكم بالضبط 100% بدون أي تغيير أو زيادة

🔸3. الإميونتي :-
99.999% نفس السنة اللي فاتت ونفس ما عطيتكم (أعلى من نسبة قتل الديتول 😂😂🦠)
لكن الدكتورة ضافت معلومة بسيطة في موضوع SLE أن المرض يضرب حتى (Spleen + Liver) فقط لا غير

فكونوا مطمنين وهانيين
الجماعة اللي يقروا من ملخصاتي يستمروا
والجماعة اللي يقروا من شيتات السنة اللي فاتت برضوا يستمروا

و ما ادوروش كلام أي حد يقوللكم الشيتات معبيات بزيادات جديدة

نهاركم مبارك دكاترتنا 💛
بكره الأحد بإذن الله ، على تمام الساعة 2:00 ظهرا

نبدوا في كورس الانفكشوس
حناخذوه على 3 محاضرات خفاف ظراف

كل محاضرة نعطيكم فيها شيت من ال3 شيتات اللي نزلتهن لكم الجامعة

وبالنسبة للملخص فإن شاء الله غدا يكون جاهز بالنسبة للمحاضرة الأولى

وموفقين يا رب 💛🙏
#Mohammed_Alamami

دكاترتنا المحاضرة بعد نص ساعة بإذن الله من توا
و هذا الشيت توا كيف حطيته عند مصوراتي سليمان

الجزء الأول (من أصل 3) في كورس الانفكشوس ❤️🙏🙏
الجامعة شيتها الأول 24 شريحة ، لخصتهن لكم و بسطتهن و نسقتهن و نظمتهن في 9 فقط ❤️🙏🙏

بإذن الله يفتحلكم حتى النفس للقراية منه 😂💙💪🏻

بالله عليكم دكاترة اللي سجل محاضرة اليوم يبعثها ليا @Alomami97