يا دفعة ❤️🙏
بدينا اليوم في كورس 🔸#الاميونتي 🔸

و خذينا أول محاضرة وهي مقدمة مهمة عالاميونتي

بإذن الله المحاضرة الجاية حتكون يوم #الاثنين (بعد بكره) ، و حناخذوا فيها ثاني موضوع و يعتبر مهم جدا جدا جدا وهو (Hypersensitivity reactions) ❤️🙏

و بخصوص الجدول
أغلبية الحاضرين يناسبهم أن موعد المحاضرات يكون بعد محاضرات الفارما للدكتور أيمن الدقوالي و الميكرو للدكتور محمد العماري

لذلك جدولنا الحالي حيكون كالتالي :-

#الاثنين : من الساعة 12:45 إلى 2:30 الظهر
#الخميس : من الساعة 12:45 إلى 2:30 الظهر

علشان يكون عندكم الوقت الكافي أنكم تحضروا الفارما أو الميكرو ثم تجوا للباثو ❤️🙏

موفقين يا دفعة 💙🙏

تذكير يا شبيبة 😁🙏💛
بكره الاثنين محاضرتنا الثانية في الاميونتي على قصاد الساعة (12:45 الظهر) وإنتو طيبين

و حناخذوا الأنواع الأربعة لتفاعلات الحساسية
Hypersensitivity Reactions 💛🙏

بكره الخميس كان سخر الله 🙏

في #مركز_الابتهال (الدولي حاليا)
حناخذوا المحاضرة الثالثة في كورس الاميونتي
ونحكوا فيها عن :-

Auto-immune Diseases :-
✔ SLE
✔ Rheumatoid Arthritis
✔ Sjogrene Syndrome

و حتكون على تمام الساعة 12:45 ظهرا إلى 2:30 ظهرا 🙏

يا شباب توا كيف عرفت أنه بكره عندكم فارما و ميكرو في مركز ليبيا لعند الساعة 1 الظهر

لذلك

محاضرتنا بكره للباثو حتكون الساعة 1:20 الظهر باذن الله

لعند وين ما نطقوا كان سخر ربي 🙏

يومكم طيب دكاترة 🙏💛

بإذن الرحمن كان ربي سخرّ

محاضرتنا الجاية والأخيرة في كورس الاميونتي (immunodeficiency بعنوان)

حتكون يوم الأحد القادم من الساعة 2:00 الظهر لعند ما نكملوا

ما نبيش نديرها السبت لأنه اليوم الوحيد اللي تتريحوا فيه هو والجمعة

وما نبيش نديرها اثنين أو خميس لأنه عندكم فارما وميكرو وبارا في المعاهد طول النهار والعشية 😂

لذلك الأفضل أنه نختاروا ما بين الأحد والثلاثاء والأربعاء

وكان النصيب ليوم الأحد 😂🙏💛

نتلاقوا على خير يا رب 🙏❤

دكاترة 💛🙏
موعدنا بكره على تمام الساعة 2:00 الظهر كان سخر ربي

دكاترة لظرف خارج عن ارادتي
جيت للمعهد اليوم و اضطريت نطلع قبل ما نعطي المحاضرة

وحنعلمكم بموعد المحاضرة الجاية هنا بإذن الله 🙏

خطرها عالMacrophage
وعملية الatnigen presentation
😂😂❤️❤️

دكاترة ❤🙏
الموعد الجديد للمحاضرة الأخيرة في الاميونتي
حيكون يوم الاربعاء

اللي هو بعد بكره 😂💛🙏 (19/01/2022)

على تمام الساعة 2:00 ظهرا بإذن الرحمن

المكان : مركز الابتهال (الدولي حاليا)

دكاترة
زي ما بلغتكم
بكره المحاضرة الاخيرة في كورس الاميونتي الساعة 2:00 بالضبط

علشان نبدوا في كورس الانفكشوس او النيوبلاجيا الاسبوع الجاي كان سخر ربي ❤️🙏

دكاترة 🙏❤️
كان سخّر ربي الأسبوع الجاي حنبدوا بكورس النيوبلاجيا بإذن الله عز و جل

دكاترة ❤️🙏
حنبدوا نديروا تشطيبات لمنهج الجنرال باثو

بالنسبة للسل انجري بارت 1
الحاجة الوحيدة اللي في شيت السنة هذي ممكن تكون معلومة جديدة هي بعض التفاصيل فيم
يتعلق بالRe-Perfusion injury

و فكرتها بسيطة جدا جدا جدا شوفوا التسجيل 👇🏻

الكورس الأول ❤️🙏 :-
🔸 Cell Injury part 1 :
Hypoxic, free radical and chemical injury

🔸 Cell injury part 2 :
Necrosis and Apoptosis

دكاترة 🙏❤️
كيف ما إنتم شايفين في القائمة اللي فوق

كل كورس من كورسات الجنرال
حنوفرلكم التالي فيه :
🔸1. (تسجيل المحاضرة لشرح الكورس لما عطيته لكم في المعهد)
🔸2. (مكثف مسجله أنا بروحي في الحوش واضح الصوت فيه وضوح الشمس نشرحلكم فيه بشكل سريع أهم النقاط في كل الكورس علشان الناس اللي تبي ريفرش سريع على أي كورس)
🔸3. (ملخصنا الخاص بنا في كل كورس بروحه)
🔸4. (أقل شيء 30 ام سي كيو ، و 15 سؤال صح و خطأ ، و كل الأسئلة المتوقعة شورت نوت في بي دي إف واحد خاص بكل كورس بروحه)
🔸5. (أسئلة السنوات السابقة مع شرح إجابتهن على كورس بروحه)
🔸6. (الإضافات الموجودة في شيتات السنة هذي علشان اللي يقرا من ملخصاتنا أو من شيتات السنة اللي فاتت يكون مطمن)
هذا كله حنوفره لكم في قائمة وحدة خاصة بكل كورس بروحه
و في القائمة هذي ، مجرد ما تضغطوا على الحاجة اللي تبوها حتشيلكم طول للحاجة اللي تبوها بدون ما تتعبوا في البحث عليها 🙏❤️❤️

لا تنسونا من صالح الدعاء
ونسأل الله لكم التوفيق جميعا يا رب ❤️🙌🏻🙌🏻🙌🏻
هذ

يومك طيب يا عرب 💛
بالنسبة للجماعة اللي يحبوا نظام
عطيني الزبدة واطلقني 😂

نظام المكثف يمشي معاكم ، خوذوا منه زبدة كل كورس المهمة واللي لازم تركزوا عليها

في القائمة اللي نزلتها امس
درتلكم مكثف نص ساعة نص ساعة
على موضوع سل انجري بارت 1 + 2

و باقي الأيام الجاية حنزل على باقي المواضيع كان سخر الله 🙏💚