كيف حالكم دكاترة 💛

نبي نعلمكم أني شفت شيتات الجامعة ومحاضراتهم اللي نزلن لعند توا

Cell Inury
Cell Death : Necrosis + Apoptosis
Accumulation

و على ضمانتي
99.99% من الكلام اللي حاطينه الجامعة في شيتاتهم السنة هذي هو نفسه اللي عطيته لكم في الملخصات وفي المعهد

فيه معيلومات (تصغير معلومات 😂) جديدة ضافوهن لكن ما يشكلنش حتى نسبة 1% من إجمالي الشيت

لذلك ما تدوروهنش حاليا ، وبعدين لو حصلت فرصة حنجمعهن لكم و تقروهن في سويعة عالسريع

🙏🙏 وديما طيبين

السلام عليكم دكاترة ❤️🙌🏻

كيف حالكم كيف حال صحتكم إن شاء الله أموركم طيبة جميعا يا رب 🙌🏻💚

🔸 أعتذر جدا إن تأخرت أو تعطلت في الرد على أي استفسار منكم في الأيام السابقة ، كنت مشغول بالدراسة شوي (روتة العيون وامتحانها والحمد لله مشى بخير 😂❤️) ، هذا أولا.

🔸 ثانيا :-
بإذن الله حنكون متفرغ لشرح أي كورس من كورسات الباثو (نظام خصوصي) في الأيام القادمة ، فلو أي حد احتاج يتفضل ويتواصل معايا : (t.me/Alomami97)

🔸 ثالثا :-
بإذن الله في اليومين القادمات نبي نسق مع واحد من المعاهد علشان نعطيكم كورس مصغر (اميونتي و انفكشوس ونيوبلاجيا تقريبا حيكونن 10 محاضرات هكي) ، بإذن الله امغير نسق فيها حنزللكم الموعد والمكان

موفقين يا دفعة وربي يسهللكم جميعا ❤️🙏🙏

دكاترة ❤️🙏
كان سخّر الله يوم السبت القادم (08/يناير)
حنبدا في كورس خاص بشرح المواضيع التالية من الجنرال باثولوجي :
🔸اميونتي
🔸انفكشوس infectious diseases
🔸النيوبلاجيا Noeplasia And Carcinogenesis

و حيكون المكان في المركز الدولي (#معهد_الابتهال سابقا)

مبدئيا أول يوم حيكون يوم السبت من الساعة 10:00 صباحا إلى 12:00 الظهر
وفي أول يوم حنسقوا مع بعضنا الأيام الأخرى اللي تكون مناسبة لكم بإذن الله

أرقام المعهد :-
0923457770
0915457706

❤️🙏 و ربي يسهل عليكم جميعا

اللي شاف اول فيديو في الاميونتي 😂😂☝️

ألف مبروك عليكم تغيير الخطة يا دفعة 💛
🙏

الحمد لله الخطة توا كويسة بكل ومريحة لكم كلكم

وإن شاء الله ربي يكمل عليكم وتفرحوا بنجاحكم جميعا 🙌

#تذكير :-

يوم السبت الساعة 10:00 الصبح
في #مركز_الابتهال (الدولي حاليا)
انطلاقتنا لتكملة ما تبقى من الجنرال باثولوجي

و حنبدوا ب #الاميونتي

الشيت فيه مجهز و واتي ومتوفر مطبوع وPDF

وإن شاء الله تكون بداية خير علينا جميعا
🙏💛

يا دفعة ❤️🙏
بدينا اليوم في كورس 🔸#الاميونتي 🔸

و خذينا أول محاضرة وهي مقدمة مهمة عالاميونتي

بإذن الله المحاضرة الجاية حتكون يوم #الاثنين (بعد بكره) ، و حناخذوا فيها ثاني موضوع و يعتبر مهم جدا جدا جدا وهو (Hypersensitivity reactions) ❤️🙏

و بخصوص الجدول
أغلبية الحاضرين يناسبهم أن موعد المحاضرات يكون بعد محاضرات الفارما للدكتور أيمن الدقوالي و الميكرو للدكتور محمد العماري

لذلك جدولنا الحالي حيكون كالتالي :-

#الاثنين : من الساعة 12:45 إلى 2:30 الظهر
#الخميس : من الساعة 12:45 إلى 2:30 الظهر

علشان يكون عندكم الوقت الكافي أنكم تحضروا الفارما أو الميكرو ثم تجوا للباثو ❤️🙏

موفقين يا دفعة 💙🙏

تذكير يا شبيبة 😁🙏💛
بكره الاثنين محاضرتنا الثانية في الاميونتي على قصاد الساعة (12:45 الظهر) وإنتو طيبين

و حناخذوا الأنواع الأربعة لتفاعلات الحساسية
Hypersensitivity Reactions 💛🙏

بكره الخميس كان سخر الله 🙏

في #مركز_الابتهال (الدولي حاليا)
حناخذوا المحاضرة الثالثة في كورس الاميونتي
ونحكوا فيها عن :-

Auto-immune Diseases :-
✔ SLE
✔ Rheumatoid Arthritis
✔ Sjogrene Syndrome

و حتكون على تمام الساعة 12:45 ظهرا إلى 2:30 ظهرا 🙏

يا شباب توا كيف عرفت أنه بكره عندكم فارما و ميكرو في مركز ليبيا لعند الساعة 1 الظهر

لذلك

محاضرتنا بكره للباثو حتكون الساعة 1:20 الظهر باذن الله

لعند وين ما نطقوا كان سخر ربي 🙏

يومكم طيب دكاترة 🙏💛

بإذن الرحمن كان ربي سخرّ

محاضرتنا الجاية والأخيرة في كورس الاميونتي (immunodeficiency بعنوان)

حتكون يوم الأحد القادم من الساعة 2:00 الظهر لعند ما نكملوا

ما نبيش نديرها السبت لأنه اليوم الوحيد اللي تتريحوا فيه هو والجمعة

وما نبيش نديرها اثنين أو خميس لأنه عندكم فارما وميكرو وبارا في المعاهد طول النهار والعشية 😂

لذلك الأفضل أنه نختاروا ما بين الأحد والثلاثاء والأربعاء

وكان النصيب ليوم الأحد 😂🙏💛

نتلاقوا على خير يا رب 🙏❤

دكاترة 💛🙏
موعدنا بكره على تمام الساعة 2:00 الظهر كان سخر ربي

دكاترة لظرف خارج عن ارادتي
جيت للمعهد اليوم و اضطريت نطلع قبل ما نعطي المحاضرة

وحنعلمكم بموعد المحاضرة الجاية هنا بإذن الله 🙏

خطرها عالMacrophage
وعملية الatnigen presentation
😂😂❤️❤️

دكاترة ❤🙏
الموعد الجديد للمحاضرة الأخيرة في الاميونتي
حيكون يوم الاربعاء

اللي هو بعد بكره 😂💛🙏 (19/01/2022)

على تمام الساعة 2:00 ظهرا بإذن الرحمن

المكان : مركز الابتهال (الدولي حاليا)

دكاترة
زي ما بلغتكم
بكره المحاضرة الاخيرة في كورس الاميونتي الساعة 2:00 بالضبط

علشان نبدوا في كورس الانفكشوس او النيوبلاجيا الاسبوع الجاي كان سخر ربي ❤️🙏

دكاترة 🙏❤️
كان سخّر ربي الأسبوع الجاي حنبدوا بكورس النيوبلاجيا بإذن الله عز و جل