دكاترتنا ❤
بإذن الله الأسبوع القادم يوم #الثلاثاء
حتبدأ محاضرات :
#باثو
#فارما
#ميكرو

في #مركز_ليبيا للمجموعة الثالثة ❤🙏
يعني حنبدوا معاهم من الصفر 👌💛

بالنسبة للباثو
حتكون البداية ب كورس #الأدابتايشن
من الساعة 1:00 إلى 3:00 ظُهرا بإذن الله

يا ريت تشاركوا الإعلان مع زملاءكم
علشان الخبر يوصل للجميع ❤🙏

دكاترتنا ❤🙏

يوم الاثنين والخميس القادمين
حيكون فيه إعادة شرح لكورس الانفلاميشن + الريبير

يعني الأسبوع هذا مش حناخذوا محاضرة جديدة 🙏😁💛

والحضور مفتوح للجميع ❤🙏

#محمد_العمامي

هذينا فوق ☝🏻 19 سؤال MCQ من امتحانات سنوات سابقة على كورسي : #النيوترشن و #الجينيتك
نزلتلكم فيهن فويس نشرحلكم فيه حل كل سؤال 🙏💙

بالله عليكم يا دكاترة شوفوهن الأسئلة ، لأنه والله ثم والله ثم و الله حتقتنعوا قناعة كاملة أن الكورسين هذينا أسهل كورسات في منهج الباثو كاملا ، و أسئلتهن هدية على طبق من ذهب وحرام الواحد يضيعهن

حبيت نبّه أنه في محاضرة الGenetic فيه 3 نقاط نسيت نقولهن لكم :-
🔸 فيه مرض اسمه Edward Syndrome اللي هو trisomy of chromosome 18
🔸 فيه مرض اسمه Patau Syndrome اللي هو Trisomy of chromosome 13
🔸 وحدة من الحاجات الخطيرة اللي ممكن نلقوهن في Patient of Turner Syndrome أنه نلقوا عندها تضيق في قوس الأورطا يسموا فيه : Co-arctation of Aorta

بالنسبة لشيتات الجينيك و النيوترشن
أنا بإذن الله يا دكاترة حنحاول أمتى ما نحصل فرصة أني نديرلكم فيهن ملخصات نزيكات كيف الكورسات اللي قبلهن 😂❤️🙏

#لكن ، علشان ما نعطلوش على أي طالب يبي يقرا الكورسات هذينا من توا ، فحبينا نزلوا pdf لشيتات الجامعة فيهن ، وبرضو حتى هنا نزيكات وخفاف ظراف مش كيف باقي كورسات الجنرال

اللي يبي ينزل pdf الجامعة و يتبع مع شرحنا و حيلقى كل الكلام اللي قلناه وكتبناه عالسبورة بإذن الله موجود في الشيت و بنفس الترتيب 💙🙏

دكاترتنا 💛🙋‍♂️
اليوم راجعنا مواضيع الانفلاميشن التالية :-
- Definition
- differences between acute / Chronic inflammation
- Cardinal signs
- Vascular Events
- WBC events
- Role of lymphatics and LNs
- Outcomes of Acute inflammation

باقي المواضيع كلهن حنكملوهن يوم الخميس بإذن الله ❤🙏

🔶️ #ننصحكم أول ما تقروا الكورس أنكم تقروه من الشيت اللي دايره لكم ، ثم لو أي حد فيكم يحب يزيد يقرا من أي مصدر اخر ، الشيت الخاص بينا موجود في مصوراتي مركز ليبيا و سليمان هنا الاثنين 🙏💛

🔶️🔶️ بالنسبة #للمجموعة_الثالثة
بكره بإذن الله أول محاضرة لنا على تمام الساعة 1 الظهر وحناخذوا فيها #Adaptation و نكملوه بإذن الله 🙏❤


جيبوا معاكم شيتنا أو شيت الجامعة بيش تبعوا فيهن ، ولنا لقاء بإذن الله

#محمد_العمامي

دكاترة 💛🙏
بكره بإذن الله لا يوجد أي محاضرة #فارما أو #ميكرو في #مركز_ليبيا

لكن نحنا حنعطوا محاضرة #باثو
علشان نكملوا مراجعة باقي كورس #الانفلاميشن

و علشان بكره حنعطوا بروحنا
حنخلوها بكري ، بيش تجوا و تروحوا بكري 😂💛✌

حتكون من 9:30 الصبح إلى 11:30 بإذن الله 🙏💛

نتلاقوا معاكم على خير 🙏💛💛

دكاترتنا ❤🙏

نحنا بإذن الله المحاضرة الجاية أمتى ما تكون
حناخذوا فيها كورس الاميونتي

و الاميونتي حتمر عليكم واجد حتى في المايكرو

لذلك ، فهم الاميونتي و الbasics متاعات الاميونتي ، حينفعكم واجد سواء في الباثو أو حتى المايكرو

لذلك يا دكاترة
درتلكم فيديو بسيط مدته 25 دقيقة ، شرحتلكم فيه الbasics اللي نحنا حنتحتاجوهن في كورس الاميونو-باثولوجي


✔✔ لاااااااااازم تشوفوه الفيديو قبل ما تجوا للمحاضرة الجاية

لأنه فيه كلام مش حيسعفني الوقت أني نعطيه كله في المحاضرة, و برضو فيه كلام حتستفيدوا منه إنتو بروحكم و الله

هذا رابط الفيديو : https://www.youtube.com/watch?v=zaCVN0CiOHU

و إن شاء الله نكون نفعتكم و سهلت عليكم و نتلاقوا معاكم المحاضرة الجاية بعون الله ❤️🙏