🔸 أول سؤال :-
سؤال مباشر وبسيط ، شن نقولوا على "death" لما يكون سببه "arterial obstruction"
والإجابة هي عنوان الموضوع نفسه 😂 "infarction"

🔸 ثاني سؤال :-
أكثر ال"infacrtions" اللي ممكن يصيرن في أي مريض ، حيندرجن تحت أي نوع من النيكروسس ؟
الإجابة : Coagulative ، لأن المثال الوحيد اللي يكون خاطي هكي هو : brain infarction

🔸 ثالث سؤال :-
و هذا اللي قلتلكم عليه لما شرحنا ال"fat embolism"
السؤال جاي على هيئة كيس سيناريو ، مريض جاي للعيادة بعد ما طاح من مكان مرتفع و تكسرن عرم عظام في جسمه ، وتوا بدا يعاني من : (pulmonary symptoms : shortness of breath + Cyanosis)

شن اللي صار غالبا عنده ؟
الإجابة : الfat طلع من الbone marrow و خش للدم و دار fat embolism 😁

🔸 رابع سؤال :-
شنو المعلومة الخطأ بخصوص الinfarction :-
🔹 الwhite infraction يصير فعلا في الhard organs فالاختيار E صحيح
🔹الRed / Hemorrhagic infarction يصير فعلا لما يكون السبب venous obstruction مثلا في ovary ، فالاختيار D صحيح
🔹 زي ما قلنا أن أغلب الinnfarctions ما لم يتعرضن لانفكشن ، فحينتهن بتكوين scar
🔹الinfaction فعلا هو : Ischemic death
🔹 لكن الاختيار الأول : Brain infarction is a type of coagulative necrosis هذي هي المعلومة الغلط

🔸 خامس سؤال :-
شنو الحاجة اللي بدونها مستحيل يصير الparadoxical embolism
لاحظوا أنه يبي الحاجة الessential يعني لابد لابد لابد منها

فالإجابة هي : right to left shunt
يعني قناة أو ثقب يوصل ما بين الright side و الleft side في القلب بيش يعبر الembolus من خلاله

زي ما لاحظتوا دكاترتنا ، الأسئلة سوبر بسيطة وساهلة
امغير بس تبي واحد فاهم و مستوعب ❤️🙏

سلام عليكم دكاترتنا 💛
بكره مش حناخذوا محاضرة جديدة
ولكن ، حنعطي محاضرة الAccumulation من جديد

لأن زملاءكم في المجموعة الثانية ما زال ما خذوها

وبرضو أي حد ثاني حاب يجي يحضرها يتفضل معانا ما فيش أي مشكلة 💛🙏

موفقين يا رب 🤲💛

السلام عليكم يا دكاترتنا ❤️🙏
بكره بإذن الله عزّ وجلّ

من الساعة 12:00 للساعة 2:00 كالعادة
حناخذوا محاضرتنا للمجموعتين (1+2)

نكملوا فيها الهيمودينامك بالكامل
ناخذوا باقي الإمبولزم و الشوك

و مش حتكون أكثر من ساعة المحاضرة بإذن الله 🙌🏻❤️

آخر ملخص في الهيمودينامك تلقوني منزله بكره في مصوراتي سليمان و مصوراتي مركز ليبيا 🙏💙

ربي يوفقنا و إياكم لكل الخير يا رب ❤️

اليوم يا دكاترة كملنا وأخيرا كورس الهيمودينامك 😂❤


هكي شطبناه بكل محتوياته :-
✔ Edema / hemorrhage / Hyperemia and Congestion
✔ Hemostasis and Thrombosis
✔ Infarction and Embolism
✔ Shock

كل واحد فيهن نزلناله ملخص خاص بيه
والملخص الرابع و الأخير حنحطه لكم لوطا 👇

مع مجموعة 40 سؤال MCQs و T/F و كذلك تجميعة لأسئلة الشورت نوت المحتملة في كورس الهيمودينامك بالكامل بيش تتدربوا عليهن ❤❤🙏


نتلاقوا يوم الاثنين القادم مع كورس جديد
و حيكون : (Genetic Diseases)
#محمد_العمامي 🙏❤

اخر ملخص في الهيمودينامك ☝️
الMCQs و الشورت نوت المحتمل 👇