🔸 السؤال الأول :-
يقولك أنه فيه مريض عنده خلل في (Von WilliBrand Factor) مش موجود في جسمه ، يبقى شن العملية اللي حتخرب بسبب عدم وجود البروتين هذا ؟

الإجابة : Platelet Adhesion
معاش حيمسكن في مكان التسريب متاع الدم ، لأنه كانن عابيات على VWF بيش يمسكن فيه

🔸السؤال الثاني :-
بالنسبة لل(Heprain Induced Thrombocytopenia)
الاختيارات الأربعة الأولى خاطئة كلهن :-
- هي تصير أقل مع (LMWH)
- هي تصير بسبب تكون Anti-Heparin Antibodies
- هي تصير في مختلف الأعمار
- وما لهاش علاقة بالبروتين C or S نهائيا

الاختيار الوحيد الصحيح هو أنها High risk 2ry hypercoagubility

🔸 السؤال الثالث :- شن هو أهم Risk factor لحدوث الثرومبوسس ؟
الجواب و قلناه ألف مرة في المحاضرة 😂❤️ :endothelial cell injury

🔸 السؤال الرابع :-
شن هو الترتيب الصحيح للشرايين الأكثر حدوثا للجلطات فيهن
زي ما قلتلكم دوروا الإجابة اللي يكونن فيها أول شريانيين هما : الcoronory + Cerebral
لسوء حظ الإنسان أن أكثر شرايين يتجلط الدم فيهن هن أهم شرايين في جسمه 😂💔

🔸 السؤال الخامس :-
شن نسموا الجلطات اللي يصيرن على صمامات القلب ؟
الجواب : Vegetation

🔸 السؤال السادس :-
إنسان مات في حادث ، و لقو عنده جلطة ، و الجلطة هذي مطاطية و من فوق لونها دهني أصفر ، و مش ماسكة في جدار الblood vessel اللي متكونة فيه ، ففي الغالب الجلطة هذي كنها ؟

Post mortem clot واضحة و تعيط عياط 😂🙌🏻

🔸 السؤال السابع :-
شن من الاختيارات يعتبر من خصائص الإندوثيليام اللي هن anti-platelet ؟
- ADP : هذا أصلا يحفز الصفائح مش يثبطهن
- Fibrin : هذا مش حيأثر على الصفائح نهائيا
- Prostacycline I2 : هذا فعلا حيخلي الصفائح معاش يتنشطن
- thrombin : صحيح أن الإندوثيليام تستخدم فيه بيش تثبط الصفائح ، لكن الشيء هذا يصير بعدما هي تغير الوظيفة الأصلية متاعه ، على عكس البروستاقلاندن أي تو ، هذا أصلا وظيفته الأصلية يثبط الصفائح
- TXA2 :هذا يشنط الصفائح مش يثبطهن

لذلك الإجابة الأصح هي PGI2 ❤️🙏

🔸 أول سؤال :-
سؤال مباشر وبسيط ، شن نقولوا على "death" لما يكون سببه "arterial obstruction"
والإجابة هي عنوان الموضوع نفسه 😂 "infarction"

🔸 ثاني سؤال :-
أكثر ال"infacrtions" اللي ممكن يصيرن في أي مريض ، حيندرجن تحت أي نوع من النيكروسس ؟
الإجابة : Coagulative ، لأن المثال الوحيد اللي يكون خاطي هكي هو : brain infarction

🔸 ثالث سؤال :-
و هذا اللي قلتلكم عليه لما شرحنا ال"fat embolism"
السؤال جاي على هيئة كيس سيناريو ، مريض جاي للعيادة بعد ما طاح من مكان مرتفع و تكسرن عرم عظام في جسمه ، وتوا بدا يعاني من : (pulmonary symptoms : shortness of breath + Cyanosis)

شن اللي صار غالبا عنده ؟
الإجابة : الfat طلع من الbone marrow و خش للدم و دار fat embolism 😁

🔸 رابع سؤال :-
شنو المعلومة الخطأ بخصوص الinfarction :-
🔹 الwhite infraction يصير فعلا في الhard organs فالاختيار E صحيح
🔹الRed / Hemorrhagic infarction يصير فعلا لما يكون السبب venous obstruction مثلا في ovary ، فالاختيار D صحيح
🔹 زي ما قلنا أن أغلب الinnfarctions ما لم يتعرضن لانفكشن ، فحينتهن بتكوين scar
🔹الinfaction فعلا هو : Ischemic death
🔹 لكن الاختيار الأول : Brain infarction is a type of coagulative necrosis هذي هي المعلومة الغلط

🔸 خامس سؤال :-
شنو الحاجة اللي بدونها مستحيل يصير الparadoxical embolism
لاحظوا أنه يبي الحاجة الessential يعني لابد لابد لابد منها

فالإجابة هي : right to left shunt
يعني قناة أو ثقب يوصل ما بين الright side و الleft side في القلب بيش يعبر الembolus من خلاله

زي ما لاحظتوا دكاترتنا ، الأسئلة سوبر بسيطة وساهلة
امغير بس تبي واحد فاهم و مستوعب ❤️🙏

سلام عليكم دكاترتنا 💛
بكره مش حناخذوا محاضرة جديدة
ولكن ، حنعطي محاضرة الAccumulation من جديد

لأن زملاءكم في المجموعة الثانية ما زال ما خذوها

وبرضو أي حد ثاني حاب يجي يحضرها يتفضل معانا ما فيش أي مشكلة 💛🙏

موفقين يا رب 🤲💛

السلام عليكم يا دكاترتنا ❤️🙏
بكره بإذن الله عزّ وجلّ

من الساعة 12:00 للساعة 2:00 كالعادة
حناخذوا محاضرتنا للمجموعتين (1+2)

نكملوا فيها الهيمودينامك بالكامل
ناخذوا باقي الإمبولزم و الشوك

و مش حتكون أكثر من ساعة المحاضرة بإذن الله 🙌🏻❤️

آخر ملخص في الهيمودينامك تلقوني منزله بكره في مصوراتي سليمان و مصوراتي مركز ليبيا 🙏💙

ربي يوفقنا و إياكم لكل الخير يا رب ❤️