🔸️ دكاترة المجموعة الثانية :-

بكره #السبت
حنعطيكم محاضرة #باثو إضافية من الساعة 10:00 ل 12:00 الصبح

ناخذوا فيها أول جزئية في كورس #Hemodynanic

بيش تقعدوا إنتوا والمجموعة الأولى واصلين لنفس الجزئية ، وتبدوا من يوم #الاثنين مع بعضكم

بالله بلغوا بعضكم يا دكاترة
وموفقين جميعا يا رب 💛🤲

من امبدري شوي خذينا أول محاضرة هيمودينامك مع دكاترة #المجموعة_الثانية 💚

و بعد بكره #الإثنين بإذن الرحمن 📣

حتكون محاضرة الهيمودينامك الثانية للمجموعتين مع بعضهن في نفس الوقت 👌

و حتكون اخر محاضرة في الدوام كله ، بعد الفارما و الميكرو يعني

يوم #الإثنين حتلقوا ملخصنا #الثاني للهيمودينامك جاهز في المصوراتي جيبوه معاكم لو تبوا تبعوا منه

و ربي يوفقنا جميعا لما فيه كل الخير 🧡🤲
#محمد_العمامي

هذا ملخصنا للجزئية الثانية في كورس الهيمودينامك (Hemostasis and Thrombosis) ، حتلقوه متوفر ملون في مصوراتي #مركز_ليبيا ، و #مصوراتي_سليمان ، جيبوه معاكم يا دكاترة للمحاضرة بيش اتبعوا فيه 💛🙏

سلام عليكم يا دكاترة 💛🙏

بإذن الله ما زاللنا 7 محاضرات فقط و نكملوا الجزئية اللي (بإذن الله) حتدخل في امتحان الجزئي الأول

🔷️ باقي الThrombosis + الinfarction
🔷️ ال (Embolism) + ال (Shock)

الاميونتي على محاضرتين علشان ما نثقلش عليكم
🔷️ Immune Diseases
🔷️ Immune Diseases

وكذلك الانفكشوس أحسن شيء يكون في محاضرتين بيش تكون كل وحدة خفيفة ظريفة

🔷️ Infectious Diseases
🔷️ infectious Diseases

ثم اخر محاضرة
🔷️ Genetic / Nutritional Diseases

و لو مشينا بمعدلنا الحالي (محاضرتين أسبوعيا) فحنكمللكم في بداية شهر 10 بإذن الله 🙏❤


تكون الجامعة دوبها كيف بدت ، بينما إنتو تكونوا مطمنين على منهج الجزئي الأول بالكامل 💙🙏

◼◼ ملاحظة :-
كورس النيوبلاجيا هو تابع للجنرال باثولوجي ، لكن الدفعة 45 و كذلك ال46 كان الكورس هذا خاشلهم في الجزئي الثاني وليس الأول

دكاترة 💛
بإذن الله بكره محاضرتنا على موعدها

نكملوا جزئية الThrombosis وناخذوا معها جزئية اخرى بسيطة اللي هي Infarction 🙏❤

حتلقوني حاطلكم ملخص جديد فيه الانفاركشن خذوه بكره من التصوير 💛🙏

و نتلاقوا على خير 🙏❤

دكاترة ❤️🙏
هذي الجزئية الجديدة اللي نبوا ناخذوها اليوم مع تكملة الثرومبوسس
👇🏻👇🏻
حتلقوها متوفرة في مصوراتي مركز ليبيا و كذلك مصوراتي سليمان 🙏❤️

🔸 السؤال الأول :-
يقولك أنه فيه مريض عنده خلل في (Von WilliBrand Factor) مش موجود في جسمه ، يبقى شن العملية اللي حتخرب بسبب عدم وجود البروتين هذا ؟

الإجابة : Platelet Adhesion
معاش حيمسكن في مكان التسريب متاع الدم ، لأنه كانن عابيات على VWF بيش يمسكن فيه

🔸السؤال الثاني :-
بالنسبة لل(Heprain Induced Thrombocytopenia)
الاختيارات الأربعة الأولى خاطئة كلهن :-
- هي تصير أقل مع (LMWH)
- هي تصير بسبب تكون Anti-Heparin Antibodies
- هي تصير في مختلف الأعمار
- وما لهاش علاقة بالبروتين C or S نهائيا

الاختيار الوحيد الصحيح هو أنها High risk 2ry hypercoagubility

🔸 السؤال الثالث :- شن هو أهم Risk factor لحدوث الثرومبوسس ؟
الجواب و قلناه ألف مرة في المحاضرة 😂❤️ :endothelial cell injury

🔸 السؤال الرابع :-
شن هو الترتيب الصحيح للشرايين الأكثر حدوثا للجلطات فيهن
زي ما قلتلكم دوروا الإجابة اللي يكونن فيها أول شريانيين هما : الcoronory + Cerebral
لسوء حظ الإنسان أن أكثر شرايين يتجلط الدم فيهن هن أهم شرايين في جسمه 😂💔

🔸 السؤال الخامس :-
شن نسموا الجلطات اللي يصيرن على صمامات القلب ؟
الجواب : Vegetation

🔸 السؤال السادس :-
إنسان مات في حادث ، و لقو عنده جلطة ، و الجلطة هذي مطاطية و من فوق لونها دهني أصفر ، و مش ماسكة في جدار الblood vessel اللي متكونة فيه ، ففي الغالب الجلطة هذي كنها ؟

Post mortem clot واضحة و تعيط عياط 😂🙌🏻

🔸 السؤال السابع :-
شن من الاختيارات يعتبر من خصائص الإندوثيليام اللي هن anti-platelet ؟
- ADP : هذا أصلا يحفز الصفائح مش يثبطهن
- Fibrin : هذا مش حيأثر على الصفائح نهائيا
- Prostacycline I2 : هذا فعلا حيخلي الصفائح معاش يتنشطن
- thrombin : صحيح أن الإندوثيليام تستخدم فيه بيش تثبط الصفائح ، لكن الشيء هذا يصير بعدما هي تغير الوظيفة الأصلية متاعه ، على عكس البروستاقلاندن أي تو ، هذا أصلا وظيفته الأصلية يثبط الصفائح
- TXA2 :هذا يشنط الصفائح مش يثبطهن

لذلك الإجابة الأصح هي PGI2 ❤️🙏