شوفوا السؤالين هذينا على موضوع الEdema
هنا الاثنين جن في امتحانات سنوات سابقة

🔸السؤال الأول : شن الميكانزم اللي عن طريقها تصير الPulmonary Edema في حالة Heart Failure

و قلناها اليوم ببساطة لما القلب يفشل
الدم معاش يطلع كويس من القلب
وبالتالي القلب يقعد محتقن بالدم
والأوردة اللي جايات من الرئتين معاش يصبن الدم كويس في القلب
وبالتالي ضغط الدم في الpulmonary vessels يزيد ، و هذا اللي يخلي المية تطلع من الدم و تتراكم في الlung

🔸 السؤال الثاني :
فيميل بيشنت ، جلد الbreast متاعها يشبه قشرة البرتقال ، و محفر pitted ، و بشكل عام فيه انتفاخ صاير في هذه المنطقة ، و لما خذوا عينة من الbreast لقوا أنه عندها سرطان في الbreast

شنو المكينازم متاع الأوديما هنا ؟
و قلنا اليوم أن خلايا السرطان نفسهن و هنا ينتشرن مرات يخشن للاوعية اللمفاوية و ينتشرن مع اللمف لكن مرات يتكاثرن بكمية كبيرة جوا الأوعية اللمفاوية لين ما من كثرة الخلايا جوا يتسكر الوعاء اللمفاوي و يكون سبب في حدوث الأوديما ❤️🙏