يا دكاترة ال47 ❤️🙏
كان سخّر الله عزّ وجلّ ، بعد #عيد_الأضحى بإذن الله

حنبدا معاكم في مادة #الباثولوجي في #مركز_ليبيا
وحنبدوا طبعا ب #الجنرال_باثولوجي

أفضل وقت نبدوا فيه ، بيش تكون ضمنتوا منهج الجزئي وتريحتوا عليه ، و حتى يخفف عليكم في الدراسة وقت ما تبدا الجامعة ، و في نفس الوقت بيش كلكم تحصلوا فرصة للاستمتاع ب عطلتكم 💙🙏

و حتى بعد ما تبدا دراستكم رسميا في الجامعة ، حنفتحوا مجموعة أخرى لمن يبينا نعطوا مرة أخرى 👌🏻

وبيش تعرفوا النظام من توا ، كل كورس في المادة :
🔸حتلقوني منزللكم فيه ملخص مطبوع ، تجيبوه معاكم (و علشان تكونوا في الصورة، الملخص دايره لكم من شيت الجامعة، فيه كل معلومات شيت الجامعة،لكن منظم ومرتب أكثر)
🔸نشرحلكم عالسبورة
🔸ثم نمروا مع بعضنا عالملخص و تبعوا معايا بالداتا شو
🔸ولما تروحوا وتثبتوا الكورس ، تلقوني منززلكم برضو ام سي كيوز وأسئلة شورت نوت متوقعة على الكورس هذا (متوفرات ك نسخة مطبوعة لو أي حد يبيهن على ورق) ، تثبتوهن كويس بيش يكون الكورس هكي مضمون

انتظروني في رسالة قادمة نأكدلكم على موعد البداية
وإن شاء الله ربي يسهللنا ويسّر علينا ويوفقنا جميعا

#محمد_العمامي ❤️🙏

حنبدا نعطي خصوصي في مادة #الباثولوجي

فمن يبي يتفضل يتواصل معايا @Alomami97

و ربي يسهللكم جميعا 🙏❤️

#يوم_عرفة

▪️قال الإمام النَّووي -رحمه الله تعالى- :

💎 فهذا اليوم أفضل أيَّام السَّنة للدُّعاء، فينبغي أن يستفرغ الإنسان وسعه في:

▪️الذِّكر والدُّعاء وقراءة القرآن، وأن يدعو بأنواع الأدعية ويأتي بأنوع الأذكار،

⬅️ ويدعو لنفسه ووالديه، وأقاربه، ومشايخه، وأصحابه، وأصدقائه، وأحبابه، وسائر من أحسن إليه وجميع المسلمين؛

⚠️ ‏وليحذر كلَّ الحذرِ مِن التَّقصير في ذلك كلِّه؛ فإنَّ هذا اليوم، لا يمكن تداركه بخلاف غيره.

📜[ الأذكار ١/ ٣٤٢ ]

إلى كل الأعزّاء مشتركي القناة كل عام و أنتم بألف خير و ينعاد عليكم العيد بالخير و الهناء و العافية 🎉🎉🎉🎉🙌🏻🙌🏻🙌🏻❤️❤️❤️❤️❤️❤️❤️🎉🎉

أمّا بعد...
إلى دكاترة الدفعة 47
أعتقد أنّ كثير منكم يحبّوا لو أنهم يشوفوا نموذج من طريقة شرحنا قبل ما نبدوا رسميّا في #مركز_ليبيا مقتبل الأيام ، و لذلك قبل العيد كنت مجهزلكم مقدمة بسيطة (فيديو) عن أول كورس في مادة الباثو و اللي هو كورس (Adaptation) ، شرح مباشر منّي على الورق .

الفيديو نزلته لكم على قناتي على اليوتيوب
ومتوفر بجودة عالية (اختاروا جودة 720 بيش يبان عليكم واضح وضوح الشمس 🙏❤️)
أتمّنى أنكم تشاركوا الفيديو مع زملاءكم ، بيش اللي حابّ يشوف طريقة شرحنا وهل حينسجم معنا أو لا

عيدكم مبارك و سعيد 💙🙌🏻
و ربّي يوفقنا و إياكم لكل الخير
#محمد_العمامي ❤️🙏

https://www.youtube.com/watch?v=fd2jPUEdLso&t=1s رابط الفيديو :

في الرسالة هذي نبي نحكيلكم موضوع يهمنا كلنا ك طلبة طب بشري ، موضوع يهم كل الطلبة في جميع السنوات في جميع كليات الطب البشري في ليبيا

أكيدة إنتم عارفين مدى سوء وضع الأطباء في ليبيا ما بعد التخرج (على الصعيد التدريبي و المادي هنا الاثنين)

فلذلك أفضل خطة ممكن طالب الطب الليبي يديرها أنه مباشرة بعد التخرج يدير امتحانات معادلة و يسافر لدولة التدريب الطبي فيها ممتاز و يبدا يدرب في التخصص اللي يبيه غادي

لو نبوا نقارنوا ما بين امتحانات المعادلة المتاحة حاليا على الساحة، مش حنلقوا أفضل من امتحانات المعادلة الأمريكية USMLE ك قوة و قيمة واعتراف عالمي

لأن الامتحانات هذينا مش حيفتحن لك باب أمريكا بس ، بل حتى بريطانيا و إيرلندا و الخليج العربي و غيرهن من الدول

مشكلة امتحانات المعادلة الأمريكية أنه بعد سنة 2024 مش حيسمح لأي طالب طب أو متخرج من جامعة ليبية أنه يقدم عليهن أصلا، و الكلام هذا صادر من منظمة ECFMG المسؤولة أصلا عن تسجيل و تنظيم طلبة الطب المختلفين لامتحانات المعادلة

ولكن...
المنظمة هذي برضو أوضحت أن أي طالب ناوي مستقبلا يدير امتحانات الUSMLE ، يقدر يفتح أكاونت عندهم من توا ، و يدفع حق الاشتراك 150$ ، و هكي بالراحة عليه يقدر امتى ما يبي يدير امتحانات المعادلة حتى لو بعد 2024

فأنا أنصح بشدة أي حد يبي يقدم عليهن الامتحانات هذينا أنه يفتح أكاونت في موقع ECFMG و يسجل روحه من توا، بيش يحمي نفسه من قرار سحب الاعتماد سنة 2024

و درتلكم فيديو بسيط على قناتنا على اليوتيوب وضحتلكم فيه خطوات التسجيل كلهن ❤❤🙏

نسأل الله أن يوفقنا و إياكم لكل الخير
#محمد_العمامي

https://youtu.be/SQnMOz_wFpU

يا دكاترة الدُّفعة 47 ❤🙏

زميلتي و زميلتكم الدكتورة #أسماء_الجازوي حتبدا بإذن الله في إعداد فيديوات ل شرح الجنرال باثولوجي بالكامل و تنزلهن لكم على قناتنا عاليوتيوب وكذلك على قناتنا هنا 💪💛

بإذن الله تستفيدوا منهن كلكم ، و حتحبوا شرحها و نظامها 🙏❤

إعلان لطلبة الدفعة 47 ❤️

الأسبوع القادم بإذن الله حتبدا محاضرات #الفارما و #الميكرو و #الباثو في مركز ليبيا 💙💪🏻

أول يوم حيكون يوم الاثنين القادم
محاضرة الميكرو من الساعة 12:00 إلى 2:00 الظهر
و محاضرة الفارما من الساعة 2:00 إلى 4:00 العصر

وأنا بإذن الله (#محمد_العمامي) حنعطيكم مبدئيا الباثو قبل الميكرو و الفارما من الساعة 10:00 الصبح إلى 12:00 الظهر يوم الاثنين 🙏❤️

ولأنّ فيه بعض من الطلبة يبوا يحضروا كل المحاضرات ، و لكن ما يقدروش عليهن كلهن في يوم واحد ، فأنا بإذن الله حنعاود نعطي كل محاضرة مرّة أخرى في يوم مختلف 💙🙏

استنّوا منّي التأكيد غدا إن شاء الله
خلّوكم متبّعين مع القناة أول بأول و حنزللكم عليها أي جديد (@Pathoo46)

#محمد_العمامي

زي ما قلتلكم أمس يا دفعة 🙏💛

🔶️ أول محاضرة #باثو حتكون يوم #الاثنين القادم من الساعة 10:00 إلى 12:00 الظهر

🔶️ و نفس المحاضرة حنعاودها يوم #الثلاثاء
من الساعة 12:00 الظهر إلى 2:00 الظهر

حنخاذوا كورس ال #Adaptation ، وقبلها مقدمة بسيطة على مادة الباثو 🙏💛

✔ الشيت تلقوه متوفر في مصوراتي #مركز_ليبيا و برضو مصوراتي #سليمان

إن شاء الله تكون بداية خير علينا و عليكم
ونسأل الله التوفيق لنا جميعا يا رب 🤲❤

#محمد_العمامي

أهلين بيكم يا دفعة 47 💜
أنا زميلتكم #أسماء_الجازوي


و هذا أول فيديو لأول كورس ، كورس الAdaptation

ملاحظة : زميلي الدكتور #محمد_العمامي هو اللي حيعطي في #مركز_ليبيا ، و أنا حنزللكم فيديوات خاصات بيا على قناتنا عاليوتيوب

موفقين جميعا 💜💜

رابط الفيديو :
https://m.youtube.com/watch?v=NdSjrFTX-j0

تنسوش موعدنا معاكم بكره يا دفعة في أول محاضرة 😉💙🙏

من الساعة 10:00 الصبح إلى 12:00 الظهر

موفقين يا رب 💚🤲
#محمد_العمامي

اليوم يا دكاترة خذينا أول كورس (Adaptation)
شرحنا الكورس من البداية للنهاية ، ثم خذينا بعض الأسئلة عليه اللي جن في امتحانات سنوات سابقة 🙏❤️

تحت الرسالة هذي حنزللكم :-
🔸 الملخص الخاص بينا في الكورس هذا
🔸 مجموعة 45 سؤال ام سي كيو و كذلك (T+F) ، و كذلك جميع الأسئلة المحتملة أنها تجي شورت نوت

و #للعلم
بكره #الثلاثاء بإذن الله حنعاودوها المحاضرة من الساعة 12:00 إلى 2:00 الظهر 🙏💙