توا حنحكيلكم على صفقة كويسة و ممتازة جدا تقدروا توفروا بيها درجات سماح في امتحان البيبر في الباثو 😂❤️🤝
وبيش ما ندوخكمش معايا ، دبشها كلها حيكون في الرسالة هذي 👇🏻👇🏻

ال4 كورسات الصغار في المنهج :-
1️⃣ Endocrine
2️⃣ Male Reproductive Organs
3️⃣ Central nervous System
4️⃣ Joints + Bone

الكورسات الأربعة هذينا ، قرايتهن و الله العظيم و الله العظيم و الله العظيم ما تاخذ منكم يوم و معها
لكن وزنهن ثقيل في الامتحان مع بعضهن ، في الدور الأول كلهن جا عليهن : (12 ام سي كيو من أصل 90 ، و 5 صح و غلط من أصل 40 ، و سؤال شورت نوت من أصل 15)

لو اتشوفوا أي كورس آخر في المنهج كله قرايته تاخذ يوم فقط ، مستحيل يكون عليه الكم هذا من الدرجات ، كيف هالكورسات ال4 الصغار
لذلك و الله ثم و الله يا جماعة الخير هذي تعتبر صفقة رابحة لكل واحد يبي يلم أكبر قدر من الدرجات في البيبر في الدور الثاني ❤️👌🏻

نبدوها بالأهم : 1️⃣ Endocrine
من حظكم أنه أهم واحد فيهن و أسهل واحد فيهن أصلا 💚🙌🏻
أغلبه كلام من الفسيولوجي في سنة 2
لخصته لكم في 6 سبورات نسقتهن لكم في شيت واحد ، و على ضمانتي أٌقروا منهن و إنتوا مترحين ، الفاينال ما طلعش منه نهائيا ❤️🙌🏻
و سؤال الشورت نوت أصلا جا منه ، تحديدا كان على : (changes of Diabetic Nephropathy)

🔸تسجيل الإندوكراين : (https://t.me/Pathoo46/1313)
🔸ملخص الإندوكراين : (https://t.me/Pathoo46/1315)
🔸شورت نوت الإندوكراين : (https://t.me/Pathoo46/1424)


اللي بعده : 2️⃣ Male Reproductive Organs
شرحته لكم في فيديو عاليوتيوب ساعة و معاها ، و تسجيله الصوتي برضو متوفر عالقناة ، ودرتلكم ملخص مفيد جدا ويسهل عليكم واجد أفضل من شيت الجامعة بألف مرة (خاصة الكورس هذا رد باله حد يقراه من شيت الجامعة يجيب الكآبة حرفيا 😂😂💔)

أهم المواضيع اللي دائما تنسألوا عليهن :
📘 Cancer of Prostate
📘 Benign Prostatic Hyperplasia
📘Hypospadius and EPISPADIUS
📘Pre-malignant Lesions of Penis
📘 Testicular Tumors

🔸فيديو كورس الميل : (https://youtu.be/GOXxcYaPN0o)
🔸تسجيل كورس الميل : (https://t.me/Pathoo46/1345)
🔸ملخص كورس الميل : (https://t.me/Pathoo46/1344)
تجميعة الشورت نوت له : (https://t.me/Pathoo46/1446)

اللي بعده : 3️⃣ Central Nervous System

و الكورس هذا اختصاره في كلمتين :
🟧 ischemic Diseases of CNS

🟧 Tumors of CNS بكافة تفاصيلهن ، من مورفولجي مميزة ، أو عمر مميز ، منظمهن لكم في جداول مقارنة ممتازات بكل في الملخص

أغلب إن لم نقل كل أسئلة الCNS في كل سنة ، ما يطلعنش من 2 TOPICS هذينا 👆🏻👆🏻

🔸فيديو كورس الCNS : (https://youtu.be/LpSG8g_i0TE)
🔸تسجيل كورس الCNS : (https://t.me/Pathoo46/1335)
🔸ملخص الCNS : (https://t.me/Pathoo46/1330)
🔸 شورت نوت الCNS : (https://t.me/Pathoo46/1427)

و أخييييييييرا كورس 4️⃣ jOINTS and Bone Pathology

و أكثر 3 Topics ديما يكون السؤال عليهن في الكورس هذا ، و لااااااازم تركزوا عليهن كويس :
📕 Diseases of Joints : (Osteoarthritis / Gouty Arthritis / Rheumatoid Arthritis) تلقوني في أول ورقة في الملخص مقارن بينهن بطريقة جميلة بكل ❤️🙏
📕 Osteomyelitis : (خاصة كيف توصل الانفكشن للعظم ، و من أكثر البكتريات شيوعا ، و خطوات المورفولوجي)
📕 Tumors of Bone : (تقسيماتهن و النقاط المميزة لكل ورم من ناحية أكثر العظام شيوعا أنه يجي فيهن ،و لو فيه مورفولوجي مميزة أو عمر مميز ، برضو تلقوني منسقهن لكم في جداول مقارنة جميلات بكل بيش يسهل حفظ أنواعهن ❤️🙏)


🔸 تسجيل كورس البون : (https://t.me/Pathoo46/1641)
🔸 ملخص كورس البون : (https://t.me/Pathoo46/1642)
🔸 شورت نوت كورس البون :(https://t.me/Pathoo46/1663)

و هكي حكيتلكم كل شيء عن الكورسات ال4 الصغار هذينا ، لعلّ و عسى نكون أفدتكم ونفعتكم
❤️🙏🙏

آخر كورس في المنهج كله هو كورس الBlood
حبيت نحكيلكم عليه آخر حاجة لسبب واحد فقط

لأن الكورس هذا كورس طووووووووووووويل ، و أسئلته طشة طشة طشة طشة بكلللللللل
لدرجة أن كورس البلود أطول من الكورسات ال4 الصغار مجتمعات ، ومع ذلك أسئلته 4 ام سي كيوز ، و 2 صح و غلط ، و 1 شورت نوت فقط فقط 😅😅
بل ، و لدرجة أنه واحد من شيتات الblood اللي هو (hemorrhagic disorders) ، حرفيا ما جابوش منه ولا سؤال لا الدور الأول لا الدور الثاني السنة اللي فاتت ، ولا الدور الأول السنة هذي

ولكن...
هذا لا ينفي حقيقة أهمية الكورس هذا (كلينكيا و نظريا) لكم مستقبلا
فاللي يبي يطلع على أهم النقاط فيه ، يقرا الرسالة هذي 😂👇🏻👇🏻

الكورس مقسم 3 أجزاء :-
🔸 Diseases of RBCs (Anemia)
🔸 Hemorrhagic Diseases (Platelet or Coagulation disorders)
🔸 Diseases of WBCs

🔴 بالنسبة للأنيميا
شرحتها لكم في فيديو ساعتين شرح كافي و واف جدا بإذن الله ، تلقوه عاليوتيوب
لكن دائما مواضع السؤال في الأنيميا هنا :
🔺Hemolytic Anemia (General Characters / Spherocytosis / Sickle cell /G6PD deficiency / Thalassemias)
🔺Iron deficiency Anemia

🔹رابط فيديو الأنيميا : (https://www.youtube.com/watch?v=xm-2m7j-Hvg)
🔹سبورات الأنيميا : (https://t.me/Pathoo46/1302)
🔹ملخص الأنيميا : (https://t.me/Pathoo46/1273)


🔴 بالنسبة لل(Hemorhhagic Disorders) ، لخصتهن لكم في سبورتين خفاف ظراف ، و تسجيلهن ما يفوتش ساعة ، حنحطلكم رابط السبورتين هذينا مع التسجيل و الملخص

🔹سبورات أمراض النزيف : (https://t.me/Pathoo46/1285)
🔹الملخص : (https://t.me/Pathoo46/1283)
🔹التسجيل : (https://t.me/Pathoo46/1284)


🔴 وأخيرا بالنسبة لأمراض ال (WBCs)
الموضوع هذا ينقسم لجزئين ، أمراض يخصن زيادة أعداد الwbcs و أمراض يخصن نقصان أعداد الwbc ، و من أسباب زيادة الأعداد هو سرطان نخاع العظم (lukemia or lymphoma) ، لكن مش شرط تكون سرطان ، مرات تكون ردة فعل من جهاز المناعة على انفكشن صايرة

المهم نبي نقوللكم أنه فيه طلبة واجد يعتقدوا أن موضع السؤال في الكورس هذا ديما يكون عالسرطان ، و الشيء هذا غير صحيح تماما ، السنة اللي فاتت كان كل الأسئلة من جزئية السرطان ، لكن السنة هذي الدكتورة بدت تسأل حتى في غير السرطان


المهم ، نحنا درنالكم رأي جميل في كلا الموضوعين
بالنسبة لأمراض الWBC غير السرطانية ، لخصتها لكم في سبورة جميلة ومنظمة وبسيطة بالكامل
بالنسبلة لسرطانات الWBC (سواء لمفوما أو ليوكيميا) ، نسقتهن لكم في جداول مقارنة ، و شرحتلكم تعريف كل سرطان ، و تقسيماته ، حتستفيدوا واجد من جداول المقارنة في معرفة النقاط المهمة في كل نوع سرطان

🔹تسجيل الWBC : (https://t.me/Pathoo46/1408)
🔹شيت الWBC : (https://t.me/Pathoo46/1406)
🔹سبورت الWBC : (https://t.me/Pathoo46/1407)


في النهاية ، اللي يبي يفوت الكورس هذا في امتحان الدور الثاني ، نصيحتي له أنه أضعف الإيمان يقرا مواضيع الشورت نوت المحتملة فيه ، لأنه مستحيل يجي امتحان فاينال بدون ما يكون الكورس هذا عليه أقل شيء سؤال شورت نوت واحد ، تلقوني مجمعهن لكم بالكامل في بي دي إف واحد : (https://t.me/Pathoo46/1411)


و هكي نكون حكيتلكم على منهج الباثو بالكامل يا دفعة
من بابو لمحرابو كيف ما يقولوا 😂❤️🙌🏻

نسأل الله أني نكون أفدتكم وساعدتكم
ونسأل الله يوفقكم لكل الخير ويرعاكم جميعا ويرزقكم التوفيق من عنده

زميلكم محمد العمامي 💙🙏

فيديو تعريفي عن مادة #الباثولوجي درته لزملائي الدكاترة من الدفعة 47 ❤

رابط قناتنا : (@Pathoo46)

رابط الفيديو :
https://youtu.be/Ms_oLAB3wZs

بكره بإذن الله حيكون امتحان الفرصة الثانية في مادة #الباثو لدكاترة الدفعة 46 ✌💙

نسأل الله لكم التوفيق والسداد جميعا
وإن شاء الله ربي يحفظكم ويرعاكم جميعا، ونكونوا مع بعضنا في المستقبل القريب دكاترة ممتازين ، وننفعوا البلاد والعباد ❤🤲

هذي نهاية رحلتنا معاكم يا دفعة 46 ، سامحونا كان قصرنا مع أي حد فيكم

إن أحسننا فهو بفضل الله وحده 💛
وإن أخطأنا وقصرنا فالخطأ والتقصير منا

#نسأل_الله_التوفيق_لنا_ولكم
#محمد_العمامي
#أسماء_الجازوي

يا دكاترة ال47 ❤️🙏
كان سخّر الله عزّ وجلّ ، بعد #عيد_الأضحى بإذن الله

حنبدا معاكم في مادة #الباثولوجي في #مركز_ليبيا
وحنبدوا طبعا ب #الجنرال_باثولوجي

أفضل وقت نبدوا فيه ، بيش تكون ضمنتوا منهج الجزئي وتريحتوا عليه ، و حتى يخفف عليكم في الدراسة وقت ما تبدا الجامعة ، و في نفس الوقت بيش كلكم تحصلوا فرصة للاستمتاع ب عطلتكم 💙🙏

و حتى بعد ما تبدا دراستكم رسميا في الجامعة ، حنفتحوا مجموعة أخرى لمن يبينا نعطوا مرة أخرى 👌🏻

وبيش تعرفوا النظام من توا ، كل كورس في المادة :
🔸حتلقوني منزللكم فيه ملخص مطبوع ، تجيبوه معاكم (و علشان تكونوا في الصورة، الملخص دايره لكم من شيت الجامعة، فيه كل معلومات شيت الجامعة،لكن منظم ومرتب أكثر)
🔸نشرحلكم عالسبورة
🔸ثم نمروا مع بعضنا عالملخص و تبعوا معايا بالداتا شو
🔸ولما تروحوا وتثبتوا الكورس ، تلقوني منززلكم برضو ام سي كيوز وأسئلة شورت نوت متوقعة على الكورس هذا (متوفرات ك نسخة مطبوعة لو أي حد يبيهن على ورق) ، تثبتوهن كويس بيش يكون الكورس هكي مضمون

انتظروني في رسالة قادمة نأكدلكم على موعد البداية
وإن شاء الله ربي يسهللنا ويسّر علينا ويوفقنا جميعا

#محمد_العمامي ❤️🙏

حنبدا نعطي خصوصي في مادة #الباثولوجي

فمن يبي يتفضل يتواصل معايا @Alomami97

و ربي يسهللكم جميعا 🙏❤️

#يوم_عرفة

▪️قال الإمام النَّووي -رحمه الله تعالى- :

💎 فهذا اليوم أفضل أيَّام السَّنة للدُّعاء، فينبغي أن يستفرغ الإنسان وسعه في:

▪️الذِّكر والدُّعاء وقراءة القرآن، وأن يدعو بأنواع الأدعية ويأتي بأنوع الأذكار،

⬅️ ويدعو لنفسه ووالديه، وأقاربه، ومشايخه، وأصحابه، وأصدقائه، وأحبابه، وسائر من أحسن إليه وجميع المسلمين؛

⚠️ ‏وليحذر كلَّ الحذرِ مِن التَّقصير في ذلك كلِّه؛ فإنَّ هذا اليوم، لا يمكن تداركه بخلاف غيره.

📜[ الأذكار ١/ ٣٤٢ ]

إلى كل الأعزّاء مشتركي القناة كل عام و أنتم بألف خير و ينعاد عليكم العيد بالخير و الهناء و العافية 🎉🎉🎉🎉🙌🏻🙌🏻🙌🏻❤️❤️❤️❤️❤️❤️❤️🎉🎉

أمّا بعد...
إلى دكاترة الدفعة 47
أعتقد أنّ كثير منكم يحبّوا لو أنهم يشوفوا نموذج من طريقة شرحنا قبل ما نبدوا رسميّا في #مركز_ليبيا مقتبل الأيام ، و لذلك قبل العيد كنت مجهزلكم مقدمة بسيطة (فيديو) عن أول كورس في مادة الباثو و اللي هو كورس (Adaptation) ، شرح مباشر منّي على الورق .

الفيديو نزلته لكم على قناتي على اليوتيوب
ومتوفر بجودة عالية (اختاروا جودة 720 بيش يبان عليكم واضح وضوح الشمس 🙏❤️)
أتمّنى أنكم تشاركوا الفيديو مع زملاءكم ، بيش اللي حابّ يشوف طريقة شرحنا وهل حينسجم معنا أو لا

عيدكم مبارك و سعيد 💙🙌🏻
و ربّي يوفقنا و إياكم لكل الخير
#محمد_العمامي ❤️🙏

https://www.youtube.com/watch?v=fd2jPUEdLso&t=1s رابط الفيديو :

في الرسالة هذي نبي نحكيلكم موضوع يهمنا كلنا ك طلبة طب بشري ، موضوع يهم كل الطلبة في جميع السنوات في جميع كليات الطب البشري في ليبيا

أكيدة إنتم عارفين مدى سوء وضع الأطباء في ليبيا ما بعد التخرج (على الصعيد التدريبي و المادي هنا الاثنين)

فلذلك أفضل خطة ممكن طالب الطب الليبي يديرها أنه مباشرة بعد التخرج يدير امتحانات معادلة و يسافر لدولة التدريب الطبي فيها ممتاز و يبدا يدرب في التخصص اللي يبيه غادي

لو نبوا نقارنوا ما بين امتحانات المعادلة المتاحة حاليا على الساحة، مش حنلقوا أفضل من امتحانات المعادلة الأمريكية USMLE ك قوة و قيمة واعتراف عالمي

لأن الامتحانات هذينا مش حيفتحن لك باب أمريكا بس ، بل حتى بريطانيا و إيرلندا و الخليج العربي و غيرهن من الدول

مشكلة امتحانات المعادلة الأمريكية أنه بعد سنة 2024 مش حيسمح لأي طالب طب أو متخرج من جامعة ليبية أنه يقدم عليهن أصلا، و الكلام هذا صادر من منظمة ECFMG المسؤولة أصلا عن تسجيل و تنظيم طلبة الطب المختلفين لامتحانات المعادلة

ولكن...
المنظمة هذي برضو أوضحت أن أي طالب ناوي مستقبلا يدير امتحانات الUSMLE ، يقدر يفتح أكاونت عندهم من توا ، و يدفع حق الاشتراك 150$ ، و هكي بالراحة عليه يقدر امتى ما يبي يدير امتحانات المعادلة حتى لو بعد 2024

فأنا أنصح بشدة أي حد يبي يقدم عليهن الامتحانات هذينا أنه يفتح أكاونت في موقع ECFMG و يسجل روحه من توا، بيش يحمي نفسه من قرار سحب الاعتماد سنة 2024

و درتلكم فيديو بسيط على قناتنا على اليوتيوب وضحتلكم فيه خطوات التسجيل كلهن ❤❤🙏

نسأل الله أن يوفقنا و إياكم لكل الخير
#محمد_العمامي

https://youtu.be/SQnMOz_wFpU

يا دكاترة الدُّفعة 47 ❤🙏

زميلتي و زميلتكم الدكتورة #أسماء_الجازوي حتبدا بإذن الله في إعداد فيديوات ل شرح الجنرال باثولوجي بالكامل و تنزلهن لكم على قناتنا عاليوتيوب وكذلك على قناتنا هنا 💪💛

بإذن الله تستفيدوا منهن كلكم ، و حتحبوا شرحها و نظامها 🙏❤