توا حنحكيلكم على كورس الرينال ❤️🙏

الكورس هذا يعتبر من الكورسات المهمة اللي عمليا حيهمكم في كثير من المواضيع والمواد في سنواتكم القادمة ، فحال الغاية لازم تقنطوا مواضيعه كويس 💪🏻

الكورس مقسم إلى جزئين (و برضو نحن درناله ملخصين اثنين فقط) :-
🔴 الجزئية الأول : أمراض ال(Glomerulus) اللي هنا : (nephrotic + nephrtitic syndrome) ، في الملخص الأول لخصتلكم أمراض النيفروتك و النيفريتك و شرحتلكم كيف نقسموهن و نصنفوهن ، و شن العلامات الرئيسية للنيفريتك و شن العلامات الرئيسية للنيفروتك ، و شرحتلكم الKeys اللي منهن تقدروا تحلوا أي كيس في الامتحان على الموضوع هذا ، نزلوا التسجيل الأول للرينال و أسمعوه ، حتلقوا الموضوع بسييييييط جدا و سهل جدا جدا عليكم إن شاء الله ❤️🙏

🔴 الجزئية الثانية : و هي اللي تشمل باقي أمراض ال(urinary system) :-
🔹 Tubulo-interstitial diseases : (Mainly Acute + Chronic Pyeloenphrtitis)
الجزئية متاع البييلونيفريتس بالذات لازم تعرفوا كل صغيرة و كبيرة فيها لأنها موضع شورت نوت ، و أنا مبسطها لكم في خريطة وحدة و سبورة وحدة حنزلها لكم تحت الرسالة
🔹Acute kidney injury (Toxic and ischemic)
و في الجزئية هذي لازم تعرفوا الdefinition متاع الAcute kidney injury ، ولازم تعرفوا شن الفرق بين التوكسك و الاسكمك ، و لازم تعرفوا مراحلها الثلاثة ، و أنا مرحلة التعافي "recovery" هي أكثر مرحلة أصلا يصير فيها Death
🔹Cystic Diseases of the kidney
وهنا ركزولي على 3 حاجات : (السيست اللي يصير مع الغسيل الكلوي لأنه ممكن يتحول لكانسر) ، و كذلك الPolycyctic Kidney Disease
🔹Urinary Tract stones
و في جزئية الStone ، ركزوا على الRisk factors ، و أنواع الستون من ناحية التركيبة ، و كل وحدة أمتى تصير ، و من منهن شفاف ومن لا في الX-Ray
🔹Hydronephrosis
يكفي هنا أنكم تعرفوا الأسباب و التعريف
🔹Tumors of the kidney : (Benign and Malignant)
و في جزئية التيومر ، في البيناين ركزولي على الOncocytoma
أما في الMalignant ، فركزولي على RCC + Nephroblastoma
في الRCC ، ركزوا أنها تجي للكبار ، وركزوا عال Risk factors (خاصىة التدخين) ، و ركزوا عالأعراض ال3 الرئيسية ، و أنواعها و كل نوع مع أي خلل جيني يصير ، و أنها ممكن تفرز هرمونات بكمية كبيرة و تدير Paraneoplastic effect
و في الNephroblastoma ركزوا أنها تجي للصغار ، و فيه 3 syndromes تصير معاهن ، لازم تعرفوهن و تعرفوا شن فيهن ، و كذلك تعرفوا أن الورم هذا تحت الميكروسكوب فيه خلايا امبريونية زرقـــاء
🔹Diseases of Urinary Bladder (و بالنسبة للجزئية هذي الدكتورة سواء السنة اللي فاتت أو السنة هذي ما عمرها سألت عليها مطلقا)



هذينا تركيزات الكورس المهمة بإذن الله ❤️🙌🏻
التسجيلين ، و الملخصين ، و كل السبورات و الجداول ، و تجميعة الشورت نوت المحتمل ، كلها تلقوها أسفل الرسالة 👇🏻

الملخص الأول للرينال 🧡

تجميعات و جداول و خرائط يساعدنكم واجد بإذن الله في كورس الرينال ☝🏻☝🏻❤️
و آخر شيء ، في الأسفل تلقوا تجميعة الشورت نوت المحتمل في كورس الرينال 👇🏻

قناة زميلتكم الدكتورة إيلين عطية ، تلقوا فيها كل ما يخص المعمل بطريقة مرتبة ومنسقة وأكثر من ممتازة
تفيدكم جدا ❤️🙏
https://t.me/pathology2233

امتحانات سابقة لقسم الباثولوجي في جامعة بنغازي 👇🏻👇🏻

🔺 امتحان الجزئي الأول الدفعة 45
🔺 امتحان الدور الثاني الدفعة 45
🔺 امتحان الجزئي الأول الدفعة 46
🔺 امتحان الجزئي الثاني الدفعة 46
🔺 امتحان فاينال الدور الأول الدفعة 46