اليوم حنحكيلكم على كورس الCVS ❤️🙌🏻

شوفوا ، الكورس هذا واحد من أطول كورسين في الباثو كلها ، و هو أطول كورس بعد الGIT ، لكن الجي أي تي عموما ، أسئلته ديما سهلة و واضحة ، عكس للأسف أسئلة كورس الcvs ، فأنا ما ننصحش واجد الطلبة أنهم يركزوا واجد على كورس الcvs بقد ما ننصح بالتركيز على كورس الGIT

عموما
كورس الCVS عطاته في الجامعة الدكتورة "حنان العوامي" ، وللأسف الشديد و لسبب غير معروف الدكتورة حنان أسئلتها خاصة الMCQs بعضهن مباشر جدا ، و البعض الآخر مبهم أو ممكن تلقى فيه أكثر من إجابة صحيحة ، فأنا ننصح بقراية الCVS أوكي ، لكن بدون ما تضيع فيه وقت واجد و لا تغوص فيه

وفي النهاية بكل الcvs كله على بعضه 8 ام سي كيوز من أصل 90 كانن عليه في الفاينال ، يعني ما يستحقش منك أنك تهول منه وتعطيه وقت وااااجد بكل
بل بالعكس ، أقروه بفهم واعرفوا الأفكار الرئيسية فيه اللي حنكيلكم عليهن ، و ثبتوا مواضيع الشورت نوت فيه و حتكونوا أموركم طيبة فيه بإذن الله

🔴 من وين تقروه ؟ و من وين تسمعوله ؟
نحنا درنالكم فيه 6 ملخصات منظمات مرتبات يغطن كافة مواضيعه

1️⃣ الملخص الأول : (Atherosclerosis and aneurysm and dissection)
2️⃣ الملخص الثاني : (hypertension and vasculitis and vascular tumors)
3️⃣ الملخص الثالث : (heart failure and congenital heart Diseases)
4️⃣ الملخص الرابع : (ischemic heart diseases : Angina pectoris, Mi and sudden cardiac death)
5️⃣ الملخص الخامس : (valvular diseases and cardiomyopatheis)
6️⃣ الملخص السادس : (endocarditis, myocarditis, and pericarditis)

كل ملخص ، درتلكم فيه تسجيل سريع مدته لا تتجاوز ساعة واحدة (يعني إجمالي 6 ساعات للcvs كاملا) ، مع كل تسجيل مخططات توضيحية وضحت فيهن نقاط مهمة جدا تحتاج رسم بيش تتوضح و تتلخص كويس

توكلوا على الله #لمصوراتي_سليمان ، و اشروا الملخصات ك نسخة ملونة ، و نزلوا التسجيلات و المخططات ، و في ظرف يوم واحد تقدروا تسمعوا ال6 تسجيلات كلهن ، و يكون الcvs كله بأهم النقاط اللي فيه ثابت عندكم و ساهل بإذن الله 🙏❤️❤️

كذلك مواضع الشورت نوت بإذن الله مغطييهن في تجميعة وحدة ، حنزلها لكم أسفل الرسالة هذي برضو 👇🏻

فوق حتلقوا تسجيلات الcvs الستة ، كل تسجيل ما يفوتش الساعة ☝🏻☝🏻
و تحت الرسالة هذي حنحطلكم الملخصات ال6 بالترتيب 👇🏻👇🏻، ومعاهن تجميعة الشورت نوت

🙏❤️

اليوم بإذن الله نحكيلكم عن كورس الGIT بالتفصي الممل ❤️🙌🏻

الكورس هذا دايرلكم فيه 6 ملخصات

🔹 الملخص الأول : (Oral cavity / Salivary gland / Esophagus)
🔹 الملخص الثاني : (Stomach : Gatritis and Ulcler)
🔹 الملخص الثالث : (Stomch cancer)
🔹 الملخص الرابع : (intestinal Diseases)
🔹 الملخص الخامس : (Non-neoplastic diseases of Liver)
🔹 الملخص السادس : (Tumors of Liver / Diseases of GB + Pancreases)

حتلقوني حاطهن لكم بالترتيب تحت الرسالة هذي بإذن الله ❤️🙏

📒📕نجوا توا نحكو على كل واحد فيهن أولا :
بالنسبة للجزئية اللي تشمل بداية الكورس (أورال كافيتي / الغدد اللعابية / المرئ / المعدة) ، الجزئيات هذينا عطتهن الدكتورة وردة في الجامعة ، و الدكتورة هذي معروفة وقلتها لكم في الجنرال أن أسئلتها ديما ساهلة و هدية ، و أساسا الجزئية هذي صغيرة نوعا ما ، و عليها أسئلة واجدة ، فرد باله حد يسيبها

🔴 من وين تسمعولها ؟ و من وين تقروها ؟
ننصحكم تسعموا تسجيلاتي فيها ، و أقروا من الملخصات ، و تبعوا مع السبورة (و هذي بالذات ننصحكم بيها حتلقوا أن السبورة تساعدكم واجد في تثبيت كل شيء بإذن الله)

ثانيا : بالنسبة لجزئية الintestine ، الجزئية هذي أطول و أسمط جزئية في الGIT كله
و أنا نصيحتي لكم ، 3 مواضيع فقط أقروا و ركزوا عليهن في الINTESTINE :-
1)- ACUTE APPENCITIS (بحكم أنه عيب تطلع من 3 و إنت مش قاريها)
2)- Mal-absorption sydnromes
3)- IBD : (Crohn's disease, and ulcerative colitis)

و هنا الثلاثة نصحتي لكم فيهن ركزوا في تسجيلي و سبوراتي لهن ، حتلقوهن يغننكم حتى عن الشيت أو الملخص بإذن الله 🙏💙

ثالثا و آخيرا : (أمراض الكبد و المرارة و البنكرياس)
بالنسبة لأمراض الكبد الغير سرطانية لازم تركزوا على :
1)- Juandice (definition, types and causes)
2)- Portan HTN (causes and complications)
3)- Liver cirhhosis : (definition, and main causes and ,manifestation)
4)- Viral Hepatitis : (specially HAV,HBV and HCV)

أما بالنسبة لسرطانات الكبد ، و أمراض المرارة و البنكرياس ، فركزوا على كل معلومة فيهن كويس بكل ، تعرفوا ليش ؟
🔸لأنه مستحيل عضو مهم كيف الليفر ما يسألكش عالسرطان متاعه
🔸ومستحيل عضو مهم كيف الGall bladder ما يسألكش عليه نهائيا
🔸و نفس الشيء البنكرياس

لذلك لازم لازم لازم لازم الجزئية هذي تقروها بالحرف الواحد ، لأنه حيكون عليها أسئلة واجد ، و هي أساسا جزئية بسيطة بكل
و هذي أكثر جزئية ننصحكم فيها تثبتوا سبوراتي فيهن ، لأنهن لامات أغلب الكلام المهم و مواضع الأسئلة


كل تسجيلاتي في الجي أي تي و السبورات و الملخصات و تجميعة الشورت نوت ، تلقوها أسفل الرسالة هذي 👇🏻

ملخصات الGIT ال6 👇🏻💚

سبوراتي في الجي أي تي بالترتيب 👇🏻