اليوم حنحكيلكم على كورس النيوبلازيا و الكارسينوجينيسس ❤️🙏
الكورسين هذينا ، عطوهن في الجامعة الدكتورين : أحمد بن حسونة و الدكتورة شريفة ، و الحق الحق أنهم ديما في الامتحان أسئلتهم ما فيهنش برم وتعقيد ، الإجابة ديما على سؤالهم تقعد واضحة و صريحة

و الكورس هذا فيه ميزة جميلة بكل ، أنك لو قريته و قنّطته كويس ، يساعدك و يختصر عليك عرررررررم كلام في جزئية أورام كل organ بعدين في الsystemic

فنصحية لكم مني ، أقروه أقروه أقروه كويس و قنطوه و ثبتوه 🙏🙏

🔴 من وين تقروه ؟
أنا دايرله 3 ملخصات ، مغطيات كل المعلومات اللي إنتوا تحتاجوهن بالكامل ، حنزلهن لكم تحت الرسالة هذي

🔴 من وين تسمعوله ؟
أنا دايرله تسجيل مكثف ساعتين مغطيه فيه بالكاامل وموضحلكم فيه أهم النقاط ، برضو حنزله لكم تحت الرسالة هذي

🔴 شن النقاط اللي تركزوا عليهن ؟
🔸 تسمية الأورام لازم تعرفوهن كويس
🔸ال3 أمثلة على الmixed tumors
🔸 المقارنة ما بين الbenign and malignant tumors بكافة تفاصيلها
🔸أمتى يكون الورم الحميد خطير على جسمنا ؟
🔸و شن العوامل اللي نحددوا بيهن فرصة شفاء الإنسان من الورم Prognosis ؟
🔸 المقارنة ما بين الساركوما و الكارسينوما اعرفوها بكافة تفاصيلها ،أصلا مرات يسألك شورت نوت احكيلي عليهن ، أو حتى على وحدة منهن فقط
🔸لازم تعرفو شن طرق انتشار الورم ال4 (ركزولي بالله على krukenberg tumor)
🔸 لازم تعرفوا أن 4 أعضاء (2L2B, LIVER, LUNG, BRAIN, BONE) فرصة حدوث metastatic cancer فيهن أكثر من فرصة حدوث primary cancer يطلع منهن طول
🔸لازم تعرفوا شن هي الmetastatic cascade لأن يسألوا عليهن شورت نوت ، رؤوس أقلام فقط
🔸 لازم جدا تفهم كويس شن معنى الDifferentiation and Staging
🔵🔵 من الملخص الثاني لازم تقرا التالي 🔵🔵
🔸 الSCC ، و الميلانوما ، والBASAL Cell carcinoma ، لأنهن حيمرن عليكم في الskin
🔸 examples of the locally malignant tumors
🔸 teratoma بأنوعها الثلاثة
🔸 و الإمبريونال تيومرز أعرفوا أمثلتهن
🔵🔵 من الملخص الثالث لازم تقرا التالي 🔵🔵
🔸 paraneoplastic effects of cacner
🔸 pre-malignant lesion
🔸 defintion of : Proto-oncogen, Oncogen. tumor suppressor gene, carcinogene
🔸 لازم تعرف شن أنواع الDNA Damage الثلاثة
🔸 لازم تعرفوا أن الRAS ONCOGEN هنا أشهر وحدات ينشطن بالPOINT MUTATION
🔸 ولازم تعرفوا أن جين الERB-B2 هو أكثر واحد يدير في بريست كانسر لما ينشط ب Amplification
🔸 و كذلك جدول أمثلة الtranslocation الثلاثة لازم تحفظووووووه حفظ خاصة متاع الChronic myeloid lukemia
🔸 لازم تعرفوا شن هنا المواد المسرطنة (3 كيماويات ركزوا عليهن :أفلاتوكسين ، و الأسبيستوس ، و البنزوبيرين) ، الهرمونين (إستروجين ، و تيستوستيرون) ، الأشعة (uv and x-ray) ،و لااااااااااازم تركزا على كل فيروس شن يدير من كانسر
🔸 جدول الtumor suppressor gene ، لاااااااااااااازم تحفظوا كل جين لو خرب شن الكانسر اللي يصير (هذا سؤال مضمون في كل امتحان من كم سنة 💪🏻💪🏻💚)
🔸 لازم تعرفوا شن هيا (multi-step theory of carcinogenesis) و لازم تعرفوا أن أول خطوة فيها يصير فيها : (irreversible DNA damage, with memory) ، على عكس المرحلة الثانية ، و لازم تفطنوا أن الDNA damage لازم ما يكونش قاتل ، و إلا الخلية حتموت منه و مش حيتكون السرطان
🔸لازم تعرفوا أن الكارسينوجينسس هو : (multi-step process) ، لكن السرطان ديما أصله خلية وحدة : (mono-coloncal)
🔸 لازم تعرفوا شن خصائص التيومر ماركر
🔸ولازم تركزوا على جميع الهرمونات يعتبرن ماركر لأي سرطان تحديدا ؟ و كذلك ركزولي عل CEA, AFP, CA-125 و السرطانات اللي يعتبرن ماركرز لهن


🔴🔴 أخيرا
بالنسبة للجزئية متاع الأدينوما و البابلوما و البيناين ميزينكايمال تيومرز ، فاللي يبي يقراها احتياطا للشورت نوت ، حيلقاني ملخصها تلخيص بسيط في جداول منظمات عالرابط هذا : (https://t.me/Pathoo46/1581)

أسفل الرسالة حتلقوني حاطلكم التسجيل و الملخصات بعون الله 💚👇🏻

ملخصات النيوبلازيا و الكارسينوجينسس الثلاثة 💚👇🏻

اليوم حنحكيلكم على كورس الRespiratory 💛🙏

عطاه في الجامعة الدكتور : "خالد الجهاني" وسبق وأني قتلكم الدكتور هذا أسئلة ديما هدية و ساهلات جدا

والكورس حتى مستقبلا لكم مهم جدا جدا ، فردبالكم تسيبوه نهائيا ، لازم تقروه !

⚪ من وين تقروه ؟ ومن وين تسمعوله ؟
نحنا درنالكم ملخص 20 ورقة ، شامل لكل النقاط المهمة في الكورس ، و الكورس كله درتله تسجيل ساعتين ، وضحت فيه مواضع الأسئلة والحاجات المهمة

⚪ شن النقاط المهمة في الكورس ؟
🔸️ adult and infantile respiratory distress syndrome
لازم تعرفوا الفرق بيناتهن بالكامل ، ملخصهن لكم في جدول تلقوه في الملخص ، يجي شورت نوت

🔸️ لازم تعرفوا :-
تعريف ، و أسباب ، ومضاعفات ، و Gross and micro morphology لكل من أمراض COPD الأربعة (Asthma, Emphysema, Bronchiactasis and Bronchitis) لأنهن يجن شورت نوت

🔸️ Comparison between Atopic and non-Atopic Asthma

🔸️ بالنسبة لل Restrictive Pulmonary Diseases يكفي أنكم تعرفوا أمثلة فقط عليهن

🔸️ ركزوا أن الAsbestos ، مضر بطريقتين ، أنه يدير Fibrosis + أنه مسرطن ، و يدير سرطان سواء في Lung or Pleura

🔸️ Definiton, risk factors, stages, and types of Pneumonia

🔸️ Comparison between Lobar and Bronchopneumonia

🔸️ Viral Pneumonia ركزوا على نقاطها المميزة (أنها intersitial + with Lymphocytic infiltration)

🔸️ causes of pulmonary HTN

🔸️ Risk factors and types of lung cancer

🔸️ حاطلكم جدول مقارنة بين أنواع سرطان الرئة المختلفة ، حال الغاية احفظوه صم ، فيما عدا المورفولجي متاع كل كانسر ، مش مهمة واجد في الامتحان

🔸️ لازم تعرفوا سرطان الرئة لو كان في قمة الرئة Pancoast tumor شن يدير ؟ و شن له من تأثيرات سواء Local أو Paraneoplastic

🔸️ بالنسبة لأمراض البلورا ، ركزوا على اسباب التراكمات جوا البلورا

🔸️ و بالنسبة لسرطان البلورا (mesothelioma) ركزوا على أنه الحميد يكون كتلة واحدة تكتشف بالصدفة لا أعراض له

و أن الخبيث منها هو اللي يكون خطير و يدير أعراض و هو اللي يكون سببه Asbestosis


التسجيل المكثف للكورس و الملخص و الشورت نوت المتوقع فيه + بعض الخرائط اللي استعنت بيهن في الشرح تلقوهن أسفل الرسالة 💛👇

ملخصنا لكورس الRespiratory ، منظم و مرتب و يغنيكم عن شيت الجامعة 👌❤

اليوم حنحكيلكم على كورس الCVS ❤️🙌🏻

شوفوا ، الكورس هذا واحد من أطول كورسين في الباثو كلها ، و هو أطول كورس بعد الGIT ، لكن الجي أي تي عموما ، أسئلته ديما سهلة و واضحة ، عكس للأسف أسئلة كورس الcvs ، فأنا ما ننصحش واجد الطلبة أنهم يركزوا واجد على كورس الcvs بقد ما ننصح بالتركيز على كورس الGIT

عموما
كورس الCVS عطاته في الجامعة الدكتورة "حنان العوامي" ، وللأسف الشديد و لسبب غير معروف الدكتورة حنان أسئلتها خاصة الMCQs بعضهن مباشر جدا ، و البعض الآخر مبهم أو ممكن تلقى فيه أكثر من إجابة صحيحة ، فأنا ننصح بقراية الCVS أوكي ، لكن بدون ما تضيع فيه وقت واجد و لا تغوص فيه

وفي النهاية بكل الcvs كله على بعضه 8 ام سي كيوز من أصل 90 كانن عليه في الفاينال ، يعني ما يستحقش منك أنك تهول منه وتعطيه وقت وااااجد بكل
بل بالعكس ، أقروه بفهم واعرفوا الأفكار الرئيسية فيه اللي حنكيلكم عليهن ، و ثبتوا مواضيع الشورت نوت فيه و حتكونوا أموركم طيبة فيه بإذن الله

🔴 من وين تقروه ؟ و من وين تسمعوله ؟
نحنا درنالكم فيه 6 ملخصات منظمات مرتبات يغطن كافة مواضيعه

1️⃣ الملخص الأول : (Atherosclerosis and aneurysm and dissection)
2️⃣ الملخص الثاني : (hypertension and vasculitis and vascular tumors)
3️⃣ الملخص الثالث : (heart failure and congenital heart Diseases)
4️⃣ الملخص الرابع : (ischemic heart diseases : Angina pectoris, Mi and sudden cardiac death)
5️⃣ الملخص الخامس : (valvular diseases and cardiomyopatheis)
6️⃣ الملخص السادس : (endocarditis, myocarditis, and pericarditis)

كل ملخص ، درتلكم فيه تسجيل سريع مدته لا تتجاوز ساعة واحدة (يعني إجمالي 6 ساعات للcvs كاملا) ، مع كل تسجيل مخططات توضيحية وضحت فيهن نقاط مهمة جدا تحتاج رسم بيش تتوضح و تتلخص كويس

توكلوا على الله #لمصوراتي_سليمان ، و اشروا الملخصات ك نسخة ملونة ، و نزلوا التسجيلات و المخططات ، و في ظرف يوم واحد تقدروا تسمعوا ال6 تسجيلات كلهن ، و يكون الcvs كله بأهم النقاط اللي فيه ثابت عندكم و ساهل بإذن الله 🙏❤️❤️

كذلك مواضع الشورت نوت بإذن الله مغطييهن في تجميعة وحدة ، حنزلها لكم أسفل الرسالة هذي برضو 👇🏻

فوق حتلقوا تسجيلات الcvs الستة ، كل تسجيل ما يفوتش الساعة ☝🏻☝🏻
و تحت الرسالة هذي حنحطلكم الملخصات ال6 بالترتيب 👇🏻👇🏻، ومعاهن تجميعة الشورت نوت

🙏❤️