حبينا نوضحولكم يا دفعة شن درنا معاكم نحنا في الباثو لعند توا 💙🙏🏻 :

أولا : جميع كورسات الجينيرال : (ما عدا neoplasia + Nutrition + Gene) ، شرحناهن لكم في فيديوات ، تلقوهن في قناتنا هذي : (@pathoo46) ، و اللي يبيهن يلقاهن زي العادة : (في المكتبة ، الدور الرابع ، ثالث كمبيوتر على اليسار ، القرص D ، في مجلد اسمه : باثو الدفعة 46 أسماء الجازوي / محمد العمامي)

ثانيا : جميع كورسات الجينيرال : (ما عدا neoplasia + Nutrition + Gene + infectious) ، درنالكم فيهن 🌟MCQs + true and false + short note🌟 ، كل كورس بروحه 👌🏻💙

ثالثا : جميع شيتاتنا اللي نشرحوا منهن في الفيديوات ، و كذلك جميع الMCQs اللي درناهن لكم ، تلقوهن متوفرات بالكامل في :
- مصوراتي المصدر في جامعة العرب الطبية
- مصوراتي مركز ليبيا التدريبي

و بعون الله عز و جل ، نفس الشيء حنديروه لكم في آخر كورسات الجينيرال :
- Nutrition
- Gene
- Noeplasia

و نسأل الله التوفيق لكم جميعا يا دفعة و إنتم قدها 💚💪🏻

ترقبوا بعون الله أول فيديو لشرح النيوبلازيا : 🙏🏻💚

المحاضرة 15 (الجزء الأول) :-
Neoplasia and Carcinogenesis 💙🙏🏻

https://www.youtube.com/watch?v=MK5GUtgpSmg

البي دي إف الخاص بNoeplasia Part 1 💚🙏🏻

يا دفعة ، طبعا نحنا قررنا أننا نشرحولكم كورس الNeoplasia على ثلاثة أجزاء ، كل جزء حيكون ساعة واحدة بالكثير .
و هذا اللي فوق هو الجزء الأول ☝️ و معاه البي دي إف الخاص بيه .

بعون الله اليوم تلقوه في المكتبة ، و البي دي إف تلقوه في التصوير 🙏💙

و حنزلولكم الجزأين الأخيرين في نهاية يومي الثلاثاء و الأربعاء بعون الله 💚🙏

يا دفعة 46
حاب نحكيلكم عن شيء بخصوص كورس النيوبلازيا

كيف ما إنتم عارفين ، الدكتور أحمد بن حسونة هو اللي عطاه ، و شيته اللي نزله لكم 56 صفحة ، هو نفسه شيت السنة اللي فاتت ، اللي أنا نشرحلكم منه في الفيديو .

أنا داير ملخص فيه كورس النيوبلازيا و نطبع فيه حاليا و نشرح الفيديو عليه ، ملخص 16 صفحة فقط ، و لكن شامل لكل المعلومات و الأفكار اللي في الشيت .

حاليا مثلا : أول 24 صفحة في شيت الدكتور بن حسونة ، لخصتهن لكم في 4 أوراق فقط لا غير ، و شرحت عليه فيديو Part 1 Neoplasia

و هذا بي دي في فيه ال4 أوراق لو تبوا تطلعوا عليهن قاعد فوق في الرسالة هذي ☝️☝️

عالعموم : استعينوا بالملخص أثناء دراستكم للكورس ، يفيدكم و يختصر عليكم وقت واااااجد بكل ، نصيحة لكم 👌

رسميا كورس النيوبلازيا مش حيكون داخل في الامتحان الجزئي الأول 😂🙏❤

ولكن بعون الله عز وجل ، حنوتولكم الفيديوات لشرحه بالكامل من توا ، علشان تلقوهن واتيات مباشرة بعد الجزئي الأول 👌👌

شدوا الهمة في ما مضى من كورسات
وربي يسهلها عليكم و يوفقكم جميعا يا 46 💙💪

(https://twitter.com/Alomami97/status/1238048710673735682)

(https://twitter.com/samaalatrash/status/1238146435847159809)

نصيحة مني لكل نفر منكم يا دفعة 46 🔴🔴🔴
الوقت توا حساس بكل ، و وقت جد

تعاملوا مع خبر العطلة كأنه خبر مغلوط ولا أساس له من الصحة ، لين جامعة بنغازي و الصفحات الرسمية لأقسام سنة ثالثة نفسها تؤكدلكم أنه تم تأجيل الامتحانات بشكل رسمي

و في حالة تم تأجيلهن
يبقى يا حظكم يا دفعة 46
الدفعات اللي سبقنكم كانوا يتمنوا يومين أو ٣ زيادة بيش يلحقوا اللي يتلحق عليه !

فما بالكم إنتم خذيتوا أسبوعين كاملات عطلة !

الله الله فيهن يا دفعة
اجتهدوا فيهن و أقروا كويس فيهن و ما تضيعوش وقتكم فيهن !


نصيحة لكم
و نسأل الله التوفيق لكم جميعا
و ربي يحمينا و يحمي كل العباد من كل شر 💙🙏

بما أن الصفحة الرسمية لقسم علم الأدوية دارت مشاركة لإعلان العطلة ، معناها بعون الله الموضوع أصبح قاب قوسين أو أدنى أنه يكون رسمي بإذن الله

ألف مبروك عليكم يا دفعة 💐😍
و شدوا همتكم في هالفرصة 💪💙

رسميا يا دفعة 💙

رسميا تأجيل جميع الامتحانات الجزئية سنة ثالثة بشري ❤️🙏🏻

توا تقدروا ترقدوا و إنتوا مطمئنين
و الصباح رباح يا دفعة

ربي يوفقكم و يفتحها عليكم جميعا 🙏🏻💚