نهاركم مُبارك ويومكم طيب يا دكاترة ❤️🙏

نسأل الله أن يسهل ويفتح عليكم ويوفقكم جميعا 💪💪💚

نبي نذكركم أنه شغلنا كله قاعد في 🔴 مصوراتي سليمان 🔴 لمن يحتاجه

✅ ملخصاتنا لمنهج الباثو كاملا
✅ MCQs منهج الباثو كاملا
✅ الشورت نوت المتوقع للمنهج كاملا
✅ مكثفاتي الخاصة بيا في الجزئي الأول والثاني
✅ محاضراتي اللي عطيتهن في مركز ليبيا من الجي أي تي لنهاية المنهج


أي شيء تبوه منهن ، توكلوا على الله بعد الامتحان للمصوراتي وتحصلوه

ربي يسهل عليكم ويفرحكم
#نسأل_الله_التوفيق_لنا_ولكم
#محمد_العمامي

حنبدا نحكيلكم عن أول 4 كورسات في مادة الباثو 💚
cell injury part 1 + part 2
Adapatation + Accumulation

🔴 أولا :- من وين تقراهن ؟
يا أما من شيت الجامعة (رغم أني لا أنصح بيهن لأنهن دج و مش مرتبات) ، أو من ملخصاتي لهن (6 صفحات لكل كورس منهن ، بإذن الله مغطيات كل شيء)

🔴 ثانيا :- من وين تسمع شرحهن ؟
حنحطلكم تسجيل نص ساعة على كل واحد فيهن ، و التسجيل يلملكم الموضوع و يفهمه لك بالكامل من بدايته لنهايته

🔴 ثالثا :- شنو الشورت نوت المحتمل فيهن ؟
برضو حتلقوني لوطا مجمعلكم الشورت نوت المحتمل في كل واحد من الكورسات الأربعة هذينا ، و للعلم أي شورت نوت جا في الجزئي الأول أو الفاينال من الكورسات هذينا ، كنت أنا مسبقا متوقعه لكم ضمن التجميعة ، يعني ك شورت نوت أقرا تجميعتي و إنت مغمض عيونك ، و باقي الكلام فيهن اقراه قراية MCQs

#نصيحتي_لكم_فيهن :-
ما تتعمقوش واجد في دراسة السل انجري ، لأنه (الدكتورة مي) مرة مرة تحط في أسئلة يدوخن الطالب شويا في الكورس هذا ، لكن على عكسها بالضبط (الدكتورة وردة) ديما أسئلتها في كورس الأدابتايشن و الأكميولايشن مباشرات و ساهلات جدا جدا جدا .

فثبتوا اللي أسئلته ساهلة و مباشرة ، و ما تتعمقوش واجد في السل انجري ، بالإضافة إلى أنكم لااااااازم تثبتوا أي حاجة محتملة كشورت نوت فيهن

الملخصات و التسجيلات و تجميعة الشورت نوت تلقوهن بالأسفل 👇🏻👇🏻

ملخصاتهن 👇🏻👇🏻
متوفرات ك نسخة ورقية في مصوراتي سليمان

تسجيلاتهن 👇🏻👇🏻

تجميعات شورت نوت ❤️🙏
كل كورس جنبه رابط الرسالة اللي حتلقوا فيها التجميعة 🙏🙏

Cell injury part 1 (t.me/Pathoo46/600)

Cell injury part 2 (t.me/Pathoo46/604)

Adaptation (t.me/Pathoo46/609)

Accumulation (t.me/Pathoo46/612)

حنبدا توا نحكيلكم على كورس (الانفلاميشن و الريباير Inflammation and repair) بالتفصيل الممل ❤️🙌🏻 :

🔴 أولا : من وين تقروه ؟
ودكم تقروه من شيت الجامعة أوكي ما فيش مشكلة لكن أنا ما ننصحش بيه نهائيااااا ، خاصة الكورس هذا الشيت متاعه للجامعة معجن تعجين ، و مواضيعه مش مترتبات كويس للأسف ، فننصحكم تقروا من الملخص اللي دايرينه في الكورس هذا حتلقوني حاطه لكم PDF تحت الرسالة هذي .

🔴 ثانيا : من وين تسمعوه ؟
درتلكم تسجيل 40 دقيقة ، نشرحلكم فيه الموضوع بأسرع ما يمكن بحيث نعطيكم مواضع السؤال و نشرحلكم النقاط المهمة و المفصلية في الموضوع ، تلقوهن برضو تحت الرسالة

🔴 ثالثا : شن مواضع التركيز فيه ؟
1)- Definition of inflammation
2)- Comparison between acute and chronic inflammation
3)- cardinal signs of inflammation
4)- vascular and wbc events of inflammation
و لازم في كل خطوة من خطوات الwbc تعرفوا من المادة الكيميائية المسؤولة عن الخطوة هذي ، ديما يكونن موضع سؤال المواد هذينا
5)- outcomes of acute inflammation و أمتى يصير كل واحد فيهن
6)- claasification of acute inflammation (suppurative and non suppurative)
7)- definition and the 4 classes of ulcer
8)- examples of serous inflammation (skin blisters in viral infections and burns)
9)- definition of fistula and sinus
10)- cells of chronic inflammation (most importantly T helper lymphocytes and macrophages and how they co-operate with each other)
11)- Definition of Granulma, cells of granuloma, types of giant cells, types of granuloma
12)- Who meditate the acute phase reaction in Systemic effects of inflammation (TNF, IL-1, IL-6) ?
13)- Classification and the main source and the main function of each of the chemical mediators of inflammation
14)- The main 4 products of complement proteins, and their function
💚repair 💚
1)- types of repair, definition of regeneration and scarring
2)- examples of growth factors, and their mechanism of action
3)- 3 steps of scar formation
4)- definition of granulation tissue
5)- definition of angiogenesis, it's growth factors, and it's types
6)- comparison between primary and secondary intention of wound healing
7) the main event in the 1st,2nd,3rd day of wound healing
8)- definition of keloid
9)- factors affecting wound healing
10)- the main 4 steps of bone fracture healing
11)- factors affecting bone fracture healing


نصيحة أخيرة ، أي حد مش قادر يتقبل الكورس و ما يبيش يقراه ، أضعف الإيمان يثبت الشورت نوت المحتمل منه و اللي جمعته لكم كله ، حتلقوه برضو أسفل الرسالة هذي ، الانفلاميشن لااااااااااازم يجي منه شورت نوت في الدور الثاني و حرام يضيع

دبش الانفلاميشن كله تحت الرسالة هذي 👇🏻👇🏻

ملخصاتنا في الانفلاميشن و الريباير ❤️🙌🏻👇🏻👇🏻

تسجيل 40 دقيقة ، لأهم النقاط في الانفلاميشن و الريباير 👇🏻👇🏻❤️

تجميعة الشورت نوت المحتمل في الانفلاميشن 👇🏻👇🏻❤️
(https://t.me/Pathoo46/632)

تجميعة الشورت نوت المحتمل في الريباير 👇🏻👇🏻❤️
(https://t.me/Pathoo46/622)

اليوم حنحكيلكم على كورس الهيمودينامك بالكامل و الزبدة الخاصة بيه 🙌🏻💙

الكورس مقسم أجزاء جوا :
🔴 Edema, hemorrhage, hyperemia and congestions
🔴 Hemostasis and Thrombosis
🔴 Infarction
🔴Embolism
🔴 Shock

الكورس تحط في أسئلته بالكامل في الامتحان الدكتورة : (ابتسام الحصادي) ، و سواء السنة اللي فاتت في الجزئيات أو الدور الأول أو الثاني ، و حتى السنة هذي ، كانن أسئلتها ساااااااااااهلات سااااااااااااهلات جدا جدا جدا و مباشرات ، ف كورس زي هذا حرام والله تسيبوه ، أسئلته واجدة و ساهلة بكلللللل

❇️ من وين تقروه ؟
عيب الكورس هذا ، شيتاته مرصوصات بكلام وااااااااااااااااجد ما لهش أي لزمة ، فأنا ننصحكم نصيحة لوجه الله تعالى ، أقروا من ملخصاتنا له ، ما يطقنش 20 صفحة (شيت الثرومبوسس فقط متاع الجامعة فوق من 20 صفحة 😂 فلكم أن تتخيلوا كمية الدج)

❇️ من وين تفهموه ؟
حنزللكم تسجيلات لشرح أهم النقاط و التركيز على أهم النقاط و اللي دائما الدكتورة ابتسام تسأل عليهن في الكورس هذا ، مدة التسجيلات للهيمو بالكامل ساعة و ربع

❇️ و الشورت نوت المحتمل ؟
برضو مجمعه لكم للهيمودينامك كله ، ولااااااااااااااازم يجي منه في الدور الثاني ، فلازم تثبتوا كل سؤال محتمل شورت نوت في الكورس هذا

#نصيحتي_لكم_فيه
ركزوا على :-
🔸تعريف الأوديما و أسبابها الخمسة ، و متى يكون كل سبب لازم تفهم كل سبب كيف يدير في أوديما بدون ما تحفظ الأسباب ، أفهم فهم ، بحيث في الامتحان لما يعطيك أي مرض يدير أوديما ، تعرف إنت شن الميكانزم متاع الأدويما هنا .
🔸أنواع الأوديما (3 تقسيمات)
🔸 لازم تعرف الكلينيكال significance متاع الأوديما
🔸بالنسبة للهيمورج يكفيكم أن تعرفوا كل تعريف لأنواع الاكسترنال و الانترنال هيموريج
🔸الهيبريميا و الكونجسن لازم تعرفوا المقارنة ما بينهم
🔸 تبعيات الكونجسن الأربعة لازم تعرفوهن
🔸 و لازم تعرفوا أسباب و النقاط المميزة في المورفولوجي للكونجسن في : الليفر و lung و spleen

🔸 بالنسبة للهيموستاسس ، لازم تعرفوا شن المواد اللي تستعمل فيهن الإندوثيليم ك anti-thrombotic و أيضا ك prothrombotic ، و لازم تعرفوا خطوات الplatelet في تكوين الجلطة
🔸 بالنسبة للثرومبوسس ، لازم تعرفوا الأسباب ال3 ، و تفهموا الكيسات اللي ممكن يؤدن إلى كل سبب بدون ما تحفظوهن حفظ
🔸 تعالوا للhypercoagubility لازم تعرفوا الأسباب الsecondary لأنهن أصلا بعدين حيكونن هنا نفسهن أسباب الdeep venous thrombosis
🔸 لازم تعرفوا أن الثرومبوسس في الإنسان الحي ، و الخثرة في الإنسان الميت ، شنو الفروقات ما بينهن
🔸 لازم تعرفوا أن الثرومبسس ، يا في القلب أو الأورطا (ميورال) ، يا أما أرتيريال ، يا أما فينوس ، يا أما على صمام القلب
🔸 لازم تعرفوا الفروقات في جدول المقارنة ما بين جلطة الأرتيري و الvein
🔸 لازم تعرفوا أن أكثر شريانين يصير فيهن تجلط هنا : cerebral and coronary
🔸 لازم تعرفوا أنه بيش تصير جلطة عالصمام ، لازم من أنه يكون عندي endocarditis ، اللي مرات يكون بكتيري و مرات أوتوأميون
🔸 و أخيرا لازم تعرفوا شن معنى DIC
🔸 و تعرفوا شن مصير الجلطة لو تكونت


🔸 بالنسبة للشوك ، يكفيكم تتعرفوا تعريفها ، و أنواعها ، و أمتى يصير كل نوع ، و المراحل ال3 لها و شنو المميز فقط في كل نوع
🔸 بالنسبة للانفاركشن ، يكفيكم تعرفوا تعريفه ، و أسبابه (يا وريد يا شريان مصكر و غالبا بجلطة) ، و تقسيمته (على حسب اللون و التلوث البكتيري و العمر) ، و تعرفوا المورفولجي متاعه سواء بالعين أو تحت الميكروسكوب (كلهن COAGULATIVE NECROSIS, EXCEPT CNS INFARCTION ) ، وتعرفوا كذلك العوامل اللي يحددن سهولة حدوث الانفاركشن

🔸 بالنسبة للامبولزم اعرفوا تعريفه ، وتقسميته (على حسب نوع الامبولس ، و مكان تكونه ، و وين يصكر)
🔸 بالنسبة للPulmonary embolism ، لازم تعرفوا احتمالات وين ممكن يصير ، و شن ممكن يدير ، وأنه السبب الرئيسي له هو DVT
🔸 بالنسبة للSystemic embolism ، لازم تعرفوا وين يتكون (80% في القلب ، أو الأورطا ، أو بارادوكسال ، أو مش معروف) ، و كذلك وين ممكن يصكر
🔸 بالنسبة للfat embolism لازم تعرفوا أسبابه كويس
🔸 و بالنسبة للamniotic fluid embolism ، لازم تعرفوا أسبابه ، و أنه يدير للأم DIC ، و تعرفوا شن مرات نلقوا في دم الأم لو صارلها هكي
🔸 آخر شيء الAIR EMBOLISM ، تعرفوا أنه أقل شيء 100 ملي من الهواء لازم بيش يصير ، و الرسك فاكتورز ، و أنه له نوعين : (Acute type : causing ischemia, chokes and bends) ، و النوع الكرونك اللي اسمه caisson diseases يديرلي نيكروسس في العظم ، و طبعا السبب متاعه هو انخفاض ضغط الهواء المفاجئ

تسجيلاته وملخصاته وتجميعة الشورت نوت تلقوها أسفل الرسالة 👇🏻👇🏻

تسجيلات لشرح أهم النقاط في الهيمودينامك بالكامل (ساعة و ربع فقط) 👇🏻👇🏻