المخططات و الجداول اللي نظمت لكم كورس البون فيهن 💚🙏

يا دكاترة
أولا : أكيدة كلكم سمعتوا أن الشورت نوت عليهن 56 درجة ، و 14 سؤال حيكونن في الفاينال ، و أكيدة كلكم قاعدين تفكروا كيف حتحلوهن و كيف حتلحقوا عليهن و أكيدة كلكم واكلين همهن

لكن يا جماعة الخير
نبيكم اديروا حاجة وحدة فقط
بحتوا و ركزوا في الجانب المشرق من الموضوع ، يا جماعة الشورت نوت أرحم بمليون مرة (خاصة في الباثو) من الام سي كيو ، لأن الام سي كيو (نظامه نظام ALL or None 😂😂😂) يا تختار الإجابة الصح يا إما مش حتاخذ أي درجة

لكن الشورت نوت فيه مجال كبيييييييير أنك تاخذ و لو على الأقل نص الدرجة
فهذا حاجة في صالحكم و الله في صالحكم و الله في صالحكم

خاصة أنه عكس جماعة المايكرو و الفارما (اللي الشورت عندهم مش متوقع) ، على عكس قسم الباثو متوقعات الشورت نوت اللي يجيبوا فيهن ، زي ما صار بالضبط في الجزئي الأول و الثاني

لذلك ، استبشروا خيرا ، و قولوا لعلّه و عساه خير لكم
و توّكلوا على الله و كمّلوا قرايتكم كويس كيف ما كنتم مخططين ، مع التركيز على دراسة الشورت نوت المحتمل لكل كورس من بداية لنهاية الباثو

و اللي ما زال ما بدا يثبت الشورت نوت ، يبدا من توا ، و هذا ملف pdf درته لكم فيه الشورت نوت للباثو كاملة بالترتيب من بداية لنهاية المنهج 👇🏻👇🏻

ربي يسهل عليكم و يحفظكم جميعا و يوفقكم لكل الخير
#محمد_العمامي ❤️🙌🏻

1)- Neoplasia :-
Talk about fibroma (tissue of origin / sites / micro and gross morphology / complications)

2)- Respiratory :-
Regarding infantile respiratory distress syndrome, talk about : (risk factors / Gross and microscopic morphology)

3)- CVS :-
- What are the components of Atherosclerosis plaque
- Talk about pathogenesis of Atherosclerosis (مش مذكر كويس جانا أو لا)
- blood vessel response to injury (مش مذكر كويس جانا أو لا)

4)- GIT :-
Regarding Celiac Disease, talk about :
- The antibodies used in diagnosis of Coeliac Disease
- The microscopic morphology of Coeliac Diseases

5)- What are the risk factors of (مش مذكر كويس كان يسأل على سرطان المرارة ولا على قناة الصفراء)

6)- Renal : What is the definition and the main causes of Acute kidney injury ?

7)- Breast : What are the risk factors of breast cancer

8)- Female : regarding Atypical Endometrial hyperplasia,
- What is the tumor suppressor gene that is mutated
- What is the involved hormone ? give 4 examples of conditions that lead to overproduction of this hormone

9)- Blood : What is the definition of Lukemia, classify Myeloid neoplasms

10)- Endocrine : (مش مذكر هل كان أنه يبي تقسيمة أنواع الهيبر أو الهيبو ثيرويدزم)

أسئلة الشورت نوت للدور الأول باثولوجي السنة اللي فاتت للدفعة 45 ☝🏻☝🏻☝🏻

11 سؤال شورت نوت متوقع في كورس البون ☝🏻☝🏻، إذا فيكم حد يبيش يقرا كورس البون ، أقل شيء يثبت الشورت نوت هذا فقط (و فيه احتمال كبير مرات حتى ام سي كيوز البون تحلوهن من الكلام متاع الشورت 😉💚)

Liver Cirrhosis increases risk of infection, Why ?!

معلومة سريعة أعتقد حتفيدكم 🙏💖

طبعا الأنيميا ممكن تصير لعدة أسباب أخرى هنا زي النزيف من الesophageal varices و غيرها و غيرها...

كونوا على يقين أن كل صعب تمروا بيه حاليا ، حيكون يوما ما ذكرى تفتخروا أنكم قدرتم تجتازوها 💛💪

اذكروا ديما يا دكاترة :
Metastatic Tumors are the most common type of Malignancies in : 2B2L
شن هنا الإثنين بي الإثنين إل ؟
2B : BONE / BRAIN
2L : LUNG / LIVER

هذينا ديما السرطانات الخبيثة فيهن اللي جايات من برا أكثر شيوعا من اللي تطلع في العضو منه نفسه

🙌🏻💙

يا دفعة ، نبيكم تركزوا كويس في الامتحان و إنتوا تجاوبوا لأن مرات الإجابة تقعد تعيّط قدامك وإنت مش فاطنلها بكللللللللل : مثلا السؤال هذا جاكم في الجزئي الثاني ، اختار المعلومة الخطأ عن الكارسينوجينسس

الاختيار الثالث يقول : أنه لابد يكون فيه DNA Mutation قااااااااتل بيش يتكون السرطان

توا يا جماعة الخير ، لو كان الميوتايشن قاتل ، كيف تبي تعيش أصلا الخلية السرطانية و تعطي سرطان ؟!

سؤال زي هذا حتى اللي مش قاري نيوبلازيا بكل يحله المفروض

سؤال كيف هذا ممكن واجدين يسهوا عليه بالرغم من أنه يعتبر هدية ، فركزوا يا دكاترة 😂❤️🙌🏻