الحمد لله و الصلاة و السلام على رسول الله ❤️🙌🏻
نقدروا نقولوا يا دفعة أنه هكي نحنا قدرنا نكملوا معاكم المشوار في مادة الباثو بالكامل

المنهج بالكامل شرحناه في فيديوات أنا وزميلتي #أسماء_الجازوي ، وكل كورس من كورسات الباثو درناله ملخص مطبوع تقدروا تستعينوا بيهن و يسهلن عليكم واجد 💙🙏🙏

كذلك ، جمعّنالكم الشورت نوت المتوقع عن كل كورس ، و كذلك درنالكم فوق من 1000سؤال ام سي كيو تتدربوا عليهن 💪🏻💚💚

🔴بالنسبة لمنهج الجنرال التابع للجزئي الأول🔴
درتلكم فيه كيف ما تذكروا مكثف 12 ساعة ، ننصح أي حد يبي يراجع الجينيرال أنه يستعين بيهن ، تسجيلات واضحات ، صوت ممتاز ، شرح ممتاز و مبسط و مختصر ، ويخليك تثبت المعلومة وقتي 💪🏻💪🏻

🔴بالنسبة لمنهج الجزئي الثاني 🔴
نفس النظام بالضبط ، درتلكم فيه كيف ما تذكروا مكثف 12 ساعة ، يلملكم الحوسة متاعه في أقصر مدة ممكنة و بأوضح طريقة ، ننصح أي حد بيه في حالة ما زال ما قرى أي جزئية من منهج الجزئي الثاني 🙏💚

أما بالنسبة لباقي المنهج (جي أي تي ، رينال ، فيميل ، بلود ، إندوكراين ، سي إن إس ، مايل ، بون وجوينتس)
فهذينا عطيتهن لكم في المعهد ونزلتهن لكم مع السبورات هنا عالقناة 🙏💙أي حد يبي أي حاجة من الشغل اللي درناه هذا كله (ملخص ، محاضرة ، ام سي كيوز ، سبورات) يلقاهن منظمات في الرسالة المثبتة في قناتنا (t.me/Pathoo46)

وأي حد يبي شغلنا هذا كله ك نسخة إلكترونية أو ورقية ، يمشي 🔴لتصوير سليمان🔴 ، حتلقوني غادي حاط كل الملخصات والام سي كيوز و الشورت نوت ، وحتى المحاضرات و السبورات و الفيديوت اللي درناهن في الباثو ، ومنظمات كيف ما إنتم شايفين في الصور فوق ☝🏻

في الأخير بكل ، نعتذروا منكم على أي تقصير منا ، و إن شاء الله يا رب نكونوا سهلنا عليكم
إن أحسنّا فهو بفضل الله علينا
وإن أخطئنا فالخطأ منّا

وإن شاء الله ديما طيبين يا دفعة 💙🙌🏻
#أسماء_الجازوي
#محمد_العمامي

نهاركم مُبارك وجمعتكم طيبة يا دكاترة ❤🙏

نسأل الله أن يسهل ويفتح عليكم ويوفقكم غدا جميعا ، وبإذن الله تطلعوا كلكم فرحانين بما قدمتوه في مادة الفارما 💪💪💚

نبي نذكركم أنه شغلنا كله قاعد في 🔴 مصوراتي سليمان 🔴 لمن يحتاجه بكره

✅ ملخصاتنا لمنهج الباثو كاملا
✅ MCQs منهج الباثو كاملا
✅ الشورت نوت المتوقع للمنهج كاملا
✅ فيديواتنا في المنهج بالكامل
✅ مكثفاتي الخاصة بيا في الجزئي الأول والثاني
✅ محاضراتي اللي عطيتهن في مركز ليبيا من الجي أي تي لنهاية المنهج


أي شيء تبوه منهن ، توكلوا على الله بعد الامتحان للمصوراتي وتحصلوه

ربي يسهل عليكم ويفرحكم
#نسأل_الله_التوفيق_لنا_ولكم
#محمد_العمامي

شوفوا يا دكاترة ، توا توا توا جا وقت الجد في الباثو
معاش فيه بصارة حرفيا ولا عاد فيه أي مجال لأي حاجة حرفيا خاطي أنكم تشدوا قرايتكم و شيتاتكم وتوكلوا على الله من بكره خلاص معاش تستنوا أي لحظة

نقولها لكم من توا : من بكره كل حد فيكم يبدا يقرا و ما يوقفش نهائيا لعند آخر لحظة قبل ما يسلمولكم أوراق امتحان الباثو ، لعند آخر قطرة دم بالمعنى الحرفي

فيه من يبي يزرع الشؤم و الإحباط في نفسه و في زملاءه ، و واجدين منكم أكيدة توا باصمين بالعشرة أنه الباثو مستحيل تكمل ، لكن

والله الذي لا إله إلا هو يا جماعة تكمل ، خوذوا الكلام من مجرب ، السنة اللي فاتت خشيت بيها كلها الباثو حتى الكورسات الصغيرة لحقت أني نبرم عليهن

بيش تلحق أنك تقرى الكورسات كلهن (أو على الأقل أغلبهن) ب كفاءة و تجيب درجة ممتازة في الامتحان ، لازم أنك تتبع كل الخطوات الجاية :-

1️⃣ أولا :-
الوقت ثم الوقت ثم الوقت ثم الوقت ثم الوقت ، وشن أخرى ؟
الوقت ثم الوقت ثم الوقت
أي حاجة أيا كانت تضيع عليكم ولو نص ساعة من يومكم فوتوها ، النص ساعة هذي ، ياما تحز عليكم في الامتحان
طلوع برا الحوش حال الغاية أنسوه (إلا لحاجة شور القرايا) ، و حال الغاية اعتكاف في مكان القراية


2️⃣ثانيا :-
النوم ، لابد أنك ترقد كويس ، بيش لما توعى ، تكون ناشط وعقلك صافي ، فتقرا بسرعة و بتثبيت وبكفاءة في نفس الوقت ، لكن دير روحك سوبرمان و ارقد ساعتين و أوعى بعدها حتلقى روحك تكعكص في صفحتين بس بالساعات

3️⃣ ثالثا :-
لما تقرا أي موضوع (اعرف شن المهم اللي تركز عليه وشن اللي مش مهم و حال الغاية لا تغوص فيه و لا تضيع فيه وقت، وأنا اختصرت عليكم النقطة هذي بالمكثفات اللي درتهن في الجزئي الأول و الثاني ، و توضيحي للنقاط المهمة في ما تبقى من محاضرات المنهج)

4️⃣ رابعا :-
لازم ثم لازم ثم لازم ، أنه أضعف الإيمان كل 3 أو 4 أيام اديروا مراجعة للمنهج لللي قريتوه ، يا جماعة كلنا بشر ، بشر مش كمبيوترات ، مستحيل أنه تقرا شيت اليوم تجي بعد 10 أيام تلقاه مثبت بالكامل !
هذي مستحيلة (اللهم إلا مع أصحاب الذاكرة التصويرية اللي من عند ربي هما هكي)
لذلك (و هذا اللي كنت أنا ندير فيه تحديدا) ، لابد كل 3 أو 4 أيام مراجعة بالكامل للي قريته لعند توا ، أقل شيء برمة سريعة عليه

5️⃣ خامسا :-
لابد من مراجعة الشورت نوت لكل كورس بعدما تكمله ، لابد أنك تكون مثبت ، لأنه الامتحان (و كيف ما شفتم اليوم في الفارما) حيكون طويل ، و امتحان الباثو مليان شورت نوت ، وحال الغاية لاااااااااازم تكون مثبت وموتى الإجابة في عقلك ، وحال الغاية في الامتحان تنساب الإجابة من يديك إنسياب طول على ورقة الإجابة

6️⃣ سادسا :-
لابد من خطة تمشي عليها و تلزم روحك بيها غصبا عن كل الظروف
الباثو مادة عملاقة (سهلة لكن عملاقة) ، صعب إنك تلمها ك كتلة واحدة كاملة ، لكن دير خطة تلم بيها العملاق هذا جزء وراء جزء ، و حتلقى روحك قدرت عليها

و هذا ليش نزلتلكم الجدول اللي فوق ☝🏻☝🏻☝🏻 تستعينوا بيه في قراية المادة هذي بالكامل ، و حتلقوا أن الجدول هذا موافق للمعايير اللي حكيتلكم عليهن .

يقدر كل واحد فيكم بجوه يعدل في الجدول ينقل كورس و يحط بداله كورس آخر ، ينقل يوم كامل مكان يوم آخر ، المهم أن الجدول حيوريكم كيف أنكم تقدروا تحطوا خطة تقدروا تلموا بيها المادة .

لو احتجتوا أي شيء (فيديو محاضرة ، تسجيل محاضرة ، مكثف ، mcq ، شورت نوت ، ملخص) كللللللللله تلقوه مرتب في القائمة المثبتة في قناتنا (@Pathoo46) ، و تلقوه متوفر عند مصوراتي سليمان .

أي حد فيكم لو عنده أي استفسار أو طلب أو يبي أي مساعدة يتفضل في أي وقت ، سواء يراسلني (@Alomami97) أو يراسل زميلتي #أسماء (@mikasaacraman) ، و بإذن الله ما نردوا حد منكم خايب يا دفعة ❤️

#نسأل_الله_التوفيق_لنا_ولكم
#محمد_العمامي
#أسماء_الجازوي

دكاترة 🧡

نظرا لعدد الطلبة الكثيرين منكم اللي يبوني نديرلكم مراجعة سريعة للجنرال ، وتوضيح شن أهم النقاط فيه


حنزللكم بعدين إن شاء الله
على كل كورس من كورسات الجنرال ، رسالة صوتية نديرلكم فيها مراجعة سريعة سريعة لكل كورس من كورسات الجنرال ، و نوريكم شن أهم النقاط اللي لازم هنا اللي تقروهن في الكورس أولا

قبل كنا نفكر نديرلها لكم في معهد ، بس هكي حنضيع عليكم وقت واجد و نتعبكم ، فقلت خليني نزلهن هنا فويسات أوضح وأسرع وأقل تعبا لكم وليا و بيش الفائدة توصل للجميع 🙌❤


وبكره بإذن الله محاضرة البون و الجوينتس نزلها لكم 🙏💙💙

#نسأل_الله_التوفيق_لنا_ولكم
#محمد_العمامي

بديتلكم بأهم واحد أعتقد كلكم واكلين همّه ، وضحتلكم في التسجيل هذا على شن تركزوا في الانفلاميشن بالضبط ❤️🙏

ملاحظة : استعينوا بالصورة اللي تحت 👇🏻

12 دقيقة فقط ، شرح و توضيح لأهم نقاط الريبير 🙏💙

☝️☝️☝️ هذينا تسجيلاتي من أيام مكثف الجنرال للجزئي الأول

فيهن شرح و مرور سريع على أهم نقاط :

- Cell injury part 1 (نص ساعة)
- Cell injury part 2 (نص ساعة)
- Adaptation (نص ساعة)
- Accumulation (نص ساعة)
- Genetics (نص ساعة)
- Neutrition (نص ساعة)

الكورسات هذينا كلهن ، اللهم إلا الأكوميولايشن حيكون عليهن Bulk ما لا يقل عن ال12 MCQs + True and false مع بعضهن ، و حرام بكل يتضيعن لأنكم أوريدي قارييهن

و كذلك لأن شيتاتهن صغااااار بكل و يكملن في اقل من نص يوم كلهن .

و كذلك نبي نبهكم أن السل انجري و الادابتايشن و الاكوميولايشن دايرلهن ملخصات 6 أوراق فقط لكل واحد فيهن ، استعينوا بيهن يفيدنكم واجد 🧡🧡💪

☝️☝️ ملخصات 6 أوراق لكل كورس فقط 💛🙏

لمن يسأل على توزيعة درجات امتحان الباثو :-

السنة اللي فاتت الدور الأول للدفعة 45 كان كالتالي :-
80 سؤال MCQ كل سؤال عليه درجة
20 سؤال T/F كل سؤال عليه درجة
10 أسئلة شورت نوت (كل سؤال مقسم لأكثر من نقطة) ، وإجمالا كل سؤال شورت نوت عليه 4 درجات


المجموع 140 درجة
والسنة هذي حيزيدوا وقت الامتحان ، لأنهم حيزيدوا أسئلة أخرى (عوضا عن امتحان الأورال)

#نسأل_الله_التوفيق_لنا_ولكم
#محمد_العمامي 💛💛

بالنسبة للGIT يا دكاترة
ما فيش Organ مش حيجي عليه سؤال في الامتحان

لذلك ، رد باله أي حد فيكم يسيب :-
- Oral Caivty
- Salivary Glands
- Esophagus
- Gall Bladder
- Hepatic Tumors
- Pancrease

المواضيع الستة هذينا قرايتهن ما تاخذش ساعتين ، و مع ذلك فوق من نص أسئلة GIT منهن راه

رد بالكم تسيبوهن

و اللي يبي يضمن ال Git كله برضو يركز على :

- Autoimmune / H pylori gastritis
- Peptic Ulcer
- Malabsorption Syndromes

#نسأل_الله_التوفيق_لنا_ولكم
#محمد_العمامي ❤🙏