نحنا يا دفعة معاش فاضللنا في الباثو غير اخر كورس اللي هو البون 😂💛

حنأجلوه حاليا و نخلوه بعدين
حاليا فيه كم حاجة حنبدا نديرهن لكم :-

- نزللكم الشورت نوت المتوقع على باقي الكورسات
- نحاول نديرلكم مجموعة MCQs و كيسس على باقي الكورسات
- نحاول أني نزللكم ملخصاتنا في الجنرال علشان تستعينوا بيهن وقت الباثو


نصيحتي لكم حاليا ، أقطعوا أكبر شوط ممكن من كورسات الباثو سواء الكبيرة أو الصغيرة مع دراستكم للفارما ، استغلوا الفرصة الذهبية اللي جتكم 💛💪

وهذينا آخر ثلاث كورسات عطيناهن للي يبي يقرا أي واحد منهن 👇👇

محاضرة الإندوكراين و شيتها : (https://t.me/Pathoo46/1313)

محاضرة الميل و شيتها : (https://t.me/Pathoo46/1344)

محاضرة الCNS و شيتها : (https://t.me/Pathoo46/1336)

#نسأل_الله_التوفيق_لنا_ولكم
#محمد_العمامي

فيه عدد بسيط من الطلبة اقترحوا أنه بالرغم من أن الفارما حتكون أول مادة ، لكن مراجعة الرينال والبلود نخلوها الأسبوع هذا أحسن شيء

فلذلك قلت نشوف رأي باقي الطلبة و منها نقرروا

أي حد يبينا نديروا مراجعة رينال و بلود الأسبوع هذا في #مركز_ليبيا ، يا ريت يتفضل و يدزلنا (@Alomami97) ، و لو الأغلبية يبوا هكي ، فبإذن الله حيصير هكي و حنعلمكم بالمواعيد و الأيام

🙏💙

بناء على أن رغبة أغلبية الطلبة هي أن مراجعة كورس : (الرينال و البلود) تكون الأسبوع هذا

عليه قررنا
أنه بكرا حنبدوا في المراجعة
و بكره حنبدوا بكورس #الرينال
تحديدا نحكو على #Nephrotic and #Nephritic Syndromes

من الساعة (12:30 ظهرا) بعد محاضرة الفارما إلى (3:00 عصرا)

جيبوا معاكم الملخص لأنه حيساعدكم و يسهل عليكم واجد بكل 🙏💛

#نسأل_الله_التوفيق_لنا_ولكم
#محمد_العمامي

اليوم خذينا حرفيا و راجعنا أكثر من نص كورس الرينال و الجزء الأصعب منه (اللي هو أمراض الglomerulus)

حكينا فيه على النيفروتك و النيفرتك بالكامل و بالتفصيل الممل ، و حكينا على كل مرض شن يميزه و كيف تعرفه في الامتحان و في الكيسس و كيف تفطن لكل واحد منهن 👌🏻👌🏻

#نصيحة من القلب و الله ، أي حد ما زال ما قرى النيفروتك و النيفرتك يتوكل على الله و ينزل التسجيل متاع المراجعة والملخص و يبدا فيهن 👌🏻💙💙

الملخص (من إعداد زميلتكم #أسماء_الجازوي) تلقوه أسفل الرسالة هذي ، و معاه جدول مهم جدا يختصر عليكم الأمراض كلهن 👌🏻💚

#نسأل_الله_التوفيق_لنا_ولكم
#محمد_العمامي ❤️🙌🏻

الملخص الأول للرينال 🧡

يا دكاترة فيه حاجة نبي نبه عليها
طلبة واجد يقولوا أن الكورسات الصغار مش مهمات و يضيعن في الوقت و الأهمية كلها في الكورسات الكبار ، لأنه الكورسات الكبار هنا اللي عليهن mcqs أكثر

بس لو تجوا تحسبوها بطريقة أخرى حتلقوا أن هي هي

الموضوع لو تبوا تحسبوه بطريقة صحيحة ، احسبوا كم حتحلوا mcq من كورس معين ، مقابل الوقت اللي حياخذه منكم الكورس هذا

امتحان الدور الثاني قاعد فوق في القناة قدامكم و شوفوه بأنفسكم و تأكدوا

كورس الGIT كان عليه 15 mcq فقط
و كورسات الإندو و المايل و السي إن إس ، كان عليهن نفس العدد من الأسئلة مع بعضهن

لكن الجي أي تي أضعف الإيمان يبيلك يومين كاملات بيش تثبته ، أما الثلاثة الأخريات تثبتهن و تقراهن بالكامل في يوم واحد

فبالله يا دكاترة ، فكروا كويس لما تقرروا شن الكورسات اللي تبوا تقروهن
وحال الغاية ديما خلي هدفك أنك تخش قاري المنهج بالكامل و مار عليه كله ، أحسن من أنك تعبى على الكورسات الكبار فقط ثم يصير ما لا يحمد عقباه

#محمد_العمامي

اليوم عاودنا شرحنا باقي مواضيع كورس الرينال ❤️🙌🏻
- Tubulointerstitial Diseases
- Acute Kidney injury (Toxic and ISchemic)
- Cystic Diseases
- Nephrolithiasis and Hydronephrosis
- Tumor of Kidney
- Diseases of Urinary bladder

برضو زي ما قلتلكم امس ننصح أي حد ما زال ما قرا الكورس أنه يسمع تسجيلات المراجعة الاثنين هذينا ، و بإذن الرحمن في أسرع وقت ممكن حيلقى روحه مقنط الكورس بالكامل ❤️🙌🏻🙌🏻

الملخص الثاني و السبورات اللي استعنا بيهن اليوم حنزلهن لكم بالأسفل بإذن الله

#نسأل_الله_التوفيق_لنا_ولكم
#محمد_العمامي 💙

غدا بإذن الرحمن على موعدنا المعتاد ، نراجعوا كورس الWBC بإذن الرحمن 💛🙏

اليوم راجعنا كورس الWBC بالكامل من بدايته لنهايته
و وضحّنا كل جزء فيه و بسطناه ، و شرحنا كيف ممكن يجي السؤال عليه ، و ضربنا عرم أمثلة بأسئلة من امتحانات السنوات السابقة 🙏💙

بإذن الله اللي حيقرا من التسجيل لأول مرة حيلقى روحه مثبت الكورس بشكل ممتاز جدا 👌🏻💚💚

التسجيل متاع المحاضرة
والملخص اللي وتيناه للموضوع
مع السبورة اللي استعنا بيها في شرح الموضوع
تلقوهن بالكامل أسفل الرسالة هذي ❤️❤️

#نسأل_الله_التوفيق_لنا_ولكم
#محمد_العمامي

لظروف مفاجئة ، أعتذر يا دكاترة بكره عن باقي مراجعة الBlood

بس عالعموم يا دكاترة ، الجزئية اللي فاضلة من الBlood أساسا ، هي جزئيتين :-

Anemia :
شرحتها بالتفصيل الممل في فيديو ساعتين تلقوه عاليوتيوب
https://youtu.be/xm-2m7j-Hvg

جزئية الHemorrhage

هذي حرفيا أسهل وأبسط جزئية أساسا ، تلقوني شارحها بالسبورات بكل و منظمها في الرسالة هذي : (https://t.me/Pathoo46/1284)

#نسأل_الله_التوفيق_لنا_ولكم
#محمد_العمامي

جدول ممكن يساعدكم ف تنظيم دراسة الفارما تقدرو تعدلو عليه كيف ما يناسبكم ،
لأنه في كم حد طلب مني جدول 💜
موفقين

درتلكم الشورت نوت المتوقع من كورس البلود بالكامل ❤️
كل سؤال وتحته الإجابة النموذجية الخاصة بيه
ربي يوفقكم جميعا 💙🙌🏻
#أسماء_الجازوي

☝🏻☝🏻❤️❤️ شورت نوت البلود