جدول نزيك بكل ، يختصر عليكم الأمراض ال(Nephrotic / Nephrtitic) و وين يكونن الترسبات و الأشكال المميزة في كل واحد فيهن ، و هل هو 1ry أو 2ry و هل فيه دور للأميونتي فيه أو لا 💙🙏

#نسأل_الله_التوفيق_لنا_ولكم
#محمد_العمامي

🔴 اليوم خذينا أول محاضرة في كورس الرينال (و حرفيا كملنا فيها نص الكورس ، 3 شيتات الجامعة الأولى في كورس الرينال 🙏❤️)

🔴 حكينا فيها تحديدا على أصعب جزئية في الكورس ، و هي أمراض ال (Glomerulus) ، اللي على حسب الأعراض متاعهن يا أما يكونن (Nephrtotic) أو (Nephritic)

🔴 بالنسبة للملخص تلقوه مثبت أعلى الرسالة هذي ☝🏻 وتّاته لكم زميلتكم الدكتورة #أسماء_الجازوي (و اختصرت فيه شيتات الجامعة الثلاثة الأولات أكثر من 90 شريحة إلى 13 صفحة فقط لا غير ، #نصيحة نزلوه عندكم حتستفيدوا منه واجد بكل أيام الفاينال في المراجعة و التثبيت لما يضيق الوقت ❤️🙏)

🔴 هذا تسجيل محاضرة اليوم ، مقسم على جزئين تلقوه في الأسفل 👇🏻 (ساعة ، ساعة)
و أما بالنسبة للسبورات فاليوم رسمنا سبورتين ، و اللي أهم من السبورة هو الجدول اللي فيه كل نوع من الأمراض و لأي سندروم ينتمي ، و هل هو 1ry أو 2ry



#نسأل_الله_التوفيق_لنا_ولكم
#محمد_العمامي 🙏💛

نسأل الله أن يوفقكم جميعا غدا يا دكاترة ❤ ، و تطلعوا من امتحان بكره كلكم فرحانين مبسوطين ، و بإذن الله إنتم قدها و أكثر ، و حتكونوا كلكم فخورين بما أنجزتم 💙💪💪


الحاجة الأخرى 😂🙏
بكره حيكون عندنا محاضرة نكملوا فيها كورس #الرينال

حتكون من الساعة 1 ظهرا ، إلى ال3 ❤🙏

الملخص حتلقوه بإذن جاهز في المصوراتي و عالقناة قبل المحاضرة بكره 🙏❤

#نسأل_الله_التوفيق_لنا_ولكم
#محمد_العمامي

الملخص الثاني و الأخير في كورس #الرينال 💛

سبورات محاضرة اليوم الأربعة ، عدلتهن لكم وخليتهن أوضح ما يكون ❤❤ #نصيحة استعينوا بيهن ، يسهلن عليكم الشيت واجد 👆👆

السلام عليكم 💜 كيف حالكم
هذا باور بوينت حطيت فيه السلايدات حسب system كنت نبي نزلهن من قبل كل سيستم بروحه صور هنا بس مش حيكون منظم ، تقدرو تقرو منه بإذن الله فيه كل شي وخوذو شيتي من المصدر فيه النقاط من كتاب عمران حسب system برضو 💜
#أسماء_الجازوي

نصيحتي لكم يا طلبة بالنسبة للأيام الجاية
الله الله في #الوقت ابتعدوا عن أي شيء يضيع وقتكم ، وحاولوا قد ما تقدروا أي شيء يوفرلكم الوقت ديروه

الحاجة الأخيرة ، بخصوص #المعمل ، أعتذر عن شرحه نظرا لعدة عوامل : ( ضيق الوقت ، و لانشغالي بتحضير ما تبقى من المنهج ، و كذلك لأنه دكاترة واجد أخرى حيشرحوا المعمل)

#لكن أنا ننصحكم بطريقة :-

🔸أولا :-
سواء #السلايدات أو #الجارات ، قسموهن على حسب كل سستم بروحه

🔸ثانيا :-
و كل #System ، خوذوا ورقة بيضاء ، اكتبوا فيها #الجارات تبع السستم هذا ، و من وراء الورقة اكتبوا عناوين #السلايدات التابعات للستم هذا

🔸ثالثا :-
#لا_بد #لا_بد #لا_بد أنه جنب كل سلايد أو شريحة ترسم بروحك علامة مميزة تقدر تميز بيها #الجار أو #السلايد (حتى لو كانت العلامة هذي #غير_علمية ، لأنكم توا مش مطالبين بالفهم فقط ! بل مطالبين بالفهم + الحفظ ، فلابد كل جار أو سلايد تبحثوا فيه على علامة مميزة و تحفظوها بيش لما تجيكم في الامتحان تعرفوا السلايد هذا او الجار هذا طول)

🔸رابعا :-
بعدما كل سستم تجمع فيه سلايداته + جاراته في ورقة كاملة ، و تكونوا لقيتوا العلامة المميزة في الجار هذا ، أبدوا توا أحفظوهن و سمعوهن مرة و مرتين و ثلاثة (حاولوا أنكم تدسوا الورقة و تسمعوا على أرواحكم شنو السلاديات و شنو الجارات اللي شور السستم هذا ، و مع كل سلايد أو جار اذكروا برضو شنو العلامة اللي ميزاته عن غيره)

🔸خامسا :-
لابد ثم لابد ثم لابد ، أنكم تختبروا أرواحكم بأرواحكم في الحوش قبل يوم الامتحان ، نزلوا صور #الجارات و #السلايدات بدون أساميهن ، و رتبوهن في مجلد سواء في النقال أو اللاب ، و اقعدوا قلبوهن بشكل عشوائي و اختبروا أرواحكم كل جار و كلا سلايد هل قدرتوا تذكروا و تعرفوا هذا شور من و هذا شور من

لازم بيئة الامتحان و شعور الامتحان تجربوه في الحوش مرتين و ثلاثة و أربعة قبل ما تجوا يوم الامتحان ، بيش تعرفوا أرواحكم لو فيه أي توتر أو أي غلطة ممكن تصير كيف أنكم تجنبوها


هذينا نصائحي لكم بناء على ما عشته أنا تحديدا السنة اللي فاتت
ونحب نطمنكم و الله الامتحان ما فيه أي فكرة و ساهل جدا جدا لو أنكم نظمتوا طريقة قرايتكم له فقط ، ال70 مضمونات في الجيب

#نسأل_الله_التوفيق_لنا_ولكم
#محمد_العمامي ❤️🙏

بكره بعون الله عزّ وجلّ نبدوا أول محاضرة في كورس #BLOOD ❤️❤️🙏
محاضرتنا بكره حتكون على أمراض ال(#RBCs) و اللي هنا أنواع #الأنيميا

🔸🔸الموعد : من 2:30 الظهر إلى 5:00 العشية ، و الملخص حيكون واتي في تصوير مركز ليبيا ، و برضو عالقناة حتلقوه

و هكي يكون ما زللنا فقط 8 محاضرات و نكملوا منهج الباثو بالكامل ، حنكملوهن قبل شهر 3 بعون الله ، و حيكونن المحاضرات هذينا كيف ما موضحلكم في الجدول فوق ☝🏻☝🏻

#نسأل_الله_التوفيق_لنا_ولكم
#محمد_العمامي

الملخص الأول في البلود ، و اللي يحكي على أمراض كريات الدم الحمراء ❤️🙏

الملخص متوفر #ملون في مصوراتي مركز ليبيا يا دكاترة ❤️🙏

أول محاضرة في كورس الBLOOD
أمراض الRBCs (Anemia) 💛🙏

#نسأل_الله_التوفيق_لنا_و_لكم
#محمد_العمامي

https://youtu.be/xm-2m7j-Hvg