محاضرتنا القادمة حتكون غدا الثلاثاء بإذن الله 💛💛

على موعدنا من 3 إلى 5 العشية
نكملوا فيها كورس الفيميل بالكامل 🙏💛🌻

الملخص حتلقوه مطبوع و واتي في المصوراتي ، وشوية اخرى حنزللكم نسخة منه هنا 🙏

#نسأل_الله_التوفيق_لنا_ولكم
#محمد_العمامي

خريطة بيش ما تنسوش شنو اعراض ومضاعفات وأكثر ميكانزم مشهورة ل

🔴 Poly Cystic Ovarian Syndrome 🔴

الملخص الأخير في كورس الفيميل ، تلقوا فيه أمراض : Pregnancy + fallopian tube + Ovary

و هكي نكونوا لخصنا كورس الفيميل بالكامل في 3 ملخصات

و هذا رابط كل ملخص :

البريست 👇
(t.me/Pathoo46/1227)

Female Part 1 👇
(t.me/Pathoo46/1236)

Female Part 2 👇
(t.me/Pathoo46/1243)

#نسأل_الله_التوفيق_لنا_ولكم
#محمد_العمامي 💛

السلام عليكم يا دفعة 💛
أعتذر جدا عن التأخير بسبب شوية ظروف صارن

وتيتلكم فيديو المحاضرة الأخيرة في كورس الفيميل ، و كذلك التسجيل الصوتي لها ، تلقوه بالأسفل 👇


https://youtu.be/FBhF_rtbjsQ

يا دكاترة ، بكره لأنه فيه محاضرة بارا من الساعة 1-4 العشية ، و كذلك من 4-7 المغرب

لا حنقدروا نعطوا صبح لأن الأغلبية يحضروا فارما
ولا حنقدروا نعطو ظهر لأنه فيه من يبي يحضر بارا و فيه من يبي يحضر ميكرو

و مش حنقدر حتى نعطيكم متأخر لظروف عمل شخصية


فأعتذر بكره مش حنقدروا ناخذوا
يا ريت تبلغوا بعضكم إذا تعرفوا أي حد يحضرلنا 🙏🙏

#نسأل_الله_التوفيق_لنا_ولكم
#محمد_العمامي

القائمة هذي حنحطلكم فيها مرجع لجميع المحاضرات و الشيتات الخاصة بينا #قبل_الجزئي ، و كذلك محاضرات ما بعد الجزئي ابتداء من كورس الجي أتي 💛🙏

بكره كان سخر الله

أول محاضرة لنا في كورس #الرينال_باثولوجي

حنعطوه في #مُحاضرتين (ونغطوه بالكامل) ❤

🔶️ حتكون المحاضرة الأولى يوم #السبت بكره
(6-فبراير) من الساعة (12 الظهر ل 3 العشية)

🔶️ والمحاضرة الثانية يوم #الثلاثاء بعد امتحان معمل الفارما في العشية حتكون برضو

#التسجيل_مفتوح لمن يبي يحضر الكورس هذا فقط ، و برضو بإذن الله #حنسجل أنا شخصيا المحاضرتين و حنزلهن لكم هنا عالقناة 🙏💙


بالنسبة للملخصات اللي حنشرحوا بيهن ، حتلقوهن متوفرات في مصوراتي مركز ليبيا و كذلك هنا عالقناة بكره قبل المحاضرة


يا ريت تبلغوا بعضكم بيش الكل يستفيد
و #نسأل_الله_التوفيق_لنا_ولكم
#محمد_العمامي 💛🙏

جدول نزيك بكل ، يختصر عليكم الأمراض ال(Nephrotic / Nephrtitic) و وين يكونن الترسبات و الأشكال المميزة في كل واحد فيهن ، و هل هو 1ry أو 2ry و هل فيه دور للأميونتي فيه أو لا 💙🙏

#نسأل_الله_التوفيق_لنا_ولكم
#محمد_العمامي

🔴 اليوم خذينا أول محاضرة في كورس الرينال (و حرفيا كملنا فيها نص الكورس ، 3 شيتات الجامعة الأولى في كورس الرينال 🙏❤️)

🔴 حكينا فيها تحديدا على أصعب جزئية في الكورس ، و هي أمراض ال (Glomerulus) ، اللي على حسب الأعراض متاعهن يا أما يكونن (Nephrtotic) أو (Nephritic)

🔴 بالنسبة للملخص تلقوه مثبت أعلى الرسالة هذي ☝🏻 وتّاته لكم زميلتكم الدكتورة #أسماء_الجازوي (و اختصرت فيه شيتات الجامعة الثلاثة الأولات أكثر من 90 شريحة إلى 13 صفحة فقط لا غير ، #نصيحة نزلوه عندكم حتستفيدوا منه واجد بكل أيام الفاينال في المراجعة و التثبيت لما يضيق الوقت ❤️🙏)

🔴 هذا تسجيل محاضرة اليوم ، مقسم على جزئين تلقوه في الأسفل 👇🏻 (ساعة ، ساعة)
و أما بالنسبة للسبورات فاليوم رسمنا سبورتين ، و اللي أهم من السبورة هو الجدول اللي فيه كل نوع من الأمراض و لأي سندروم ينتمي ، و هل هو 1ry أو 2ry



#نسأل_الله_التوفيق_لنا_ولكم
#محمد_العمامي 🙏💛