يا شباب ضروري ضروري كلكم تسمعوا التسجيلات الثلاثة اللي فوق هذينا ☝️☝️

حكيت فيهن كلام مهم جدا عن الباثو و كيف يبي يصير فيها و في محاضراتها و امتحان المعمل متاعها

نبيكم كلكم تسمعوهن بالكامل و تعطوني رأيكم بيش نشوفوا الأغلبية شن يبوا و كيف نديروا

#محمد_العمامي @Alomami97

رسالة من زميلتنا في سنة ثالثة بشري ، من مدينة #المرج

الحمد لله الذي يسّر علينا ، و سخرنا سبيلا للتيسير على غيرنا 💛🤲

بإذن الله عز وجلّ

بكره حنزللكم مواعيد وأيام عودتنا في محاضرات منهج الباثو

حيكونن 3 أيام أسبوعيا ، بالتنسيق مع جدول محاضرات الفارما والميكرو للدكتورين أيمن الدقوالي و محمد العماري

المهم ، الأسبوع الجاي حناخذوا فيه 3 محاضرات :-
1)- Diseases of Stomach
2)- Diseases of Intestines :-
3)- Non_Noeplastic Liver Diseases

ثم الأسبوع اللي بعد حتكون اخر محاضرة Gits بعنوان :
(Tumors of Liver and Diseases of GB and Exocrine Pancrease)

و هكي يكون فاضللنا في المنهج :
- Female ٣ محاضرات
- Blood 3 محاضرات
- Renal ٣ محاضرات
- Endo crine محاضرتين
- CNS محاضرة
- Bone + Cartilage محاضرة
- Male محاضرة

لو مشينا بالترتيب هذا ، 3 محاضرات أسبوعيا بدون تعطيل ، حنكملوا يوم(1-مارس شهر 3) ، و هكي يكون عندكم أسبوعين كاملات فاضيات قبل امتحان باثو الفاينال

نظامنا حيكون نفس نظام منهج الجزئي من ناحية المنهج والشيتات والشورت نوت و الام سي كيوز

وإن شاء الله ربي يسخرلنا أنه نأدوا واجبنا معكم على أكمل وجه يا دفعة 💙🙌

#نسأل_الله_التوفيق_لنا_ولكم
#محمد_العمامي

للأسف يا دكاترة مش حنقدروا نعطوا محاضراتنا على الموعد اللي قلتلكم عليه امس

ابتداء من بكره الدكتورين الدقوالي والعماري حيقعدوا يعطو فارما وميكرو يوميا من 9 الصبح لعند 3 الظهر

وأنا هكي ما نقدرش نعطي في الفترة هذي ، لأني حنضر الطالب هكي و نخيره ما بين يا أما يحضر باثو و تفوته الميكرو أو الفارما ، أو العكس

لذلك ، ابتداء من بكره الأحد : محاضراتنا حيكونن من (3 - 5:30)

#يا_ريت_تبلغوا_بعضكم من بعد إذنكم 💛🙏

وبعون الله
وعد مني ، كل محاضرة أنا شخصيا حنسجلها ونصور صبوراتها، و ينزلن كلهن أول بأول هنا عالقناة، بيش الفائدة تعم الجميع 🙏❤

#نسأل_الله_التوفيق_لنا_ولكم
#محمد_العمامي

غدا بعون الله عزّ وجلّ
محاضرتنا من الساعة 3-5:30 العشية
ناخذوا فيها :
Diseases of Stomach :
- Acute / Chronic Gastritis
- Acute / Chronic Peptic Ulcer
- Cancers of Stomach

حتلقوني حاط شيتين عن الستومك في تصوير مركز ليبيا (Stomach 1 + Stomah 2)

اللي يبي يجيبهن معاه يكون أفضل 😉
نتلاقوا معكم بكره يا دفعة

#نسأل_الله_التوفيق_لنا_ولكم
#محمد_العمامي 💙🙏

الشيتين متاع الStomach
Part 1 + Part 2 ☝️☝️

🔴المحاضرة الجاية🔴
حتكون يوم الثلاثاء غدا ، من الساعة 3-5 العشية على نفس الموعد .

حناخذوا فيها : Diseases of Intestines 🙏💙

#نسأل_الله_التوفيق_لنا_ولكم
#محمد_العمامي

اليوم خذينا في محاضرتنا أمراض الأمعاء ، وخذينا فيها تحديدا :-
1)- Malabsorption syndromes
2)- Acute Appendicitis
3)- Ischemic bowel Diseases
4)- Infectious EnteroColitis
5)- Inflammatory Bowel Diseases (Ulcerative Colitis + Crohn's Disease)
6)- Obstructive bowel Diseases

و هذينا تسجيلاتها و صبوراتها الأربعة لوطا 👇

🔴 المحاضرة القادمة 🔴
حتكون محاضرتنا الجاية بعون الله غدا الأربعاء على نفس الموعد من الساعة 3 إلى 5 العشية

يا ريت تعلموا بعضكم يا شباب
وهكي حنكونوا كملنا للأسبوع هذا بالكامل 💙

#نسأل_الله_التوفيق_لنا_ولكم
#محمد_العمامي