بحمد الله وفضله
وُفّقنا في إعطاء مُكثَّف كامل في منهج الجُزئِي الثاني بالكامل 💛

واليوم كان الختام مع كورس #الريسبايراتوري

إن أصبت فهو ب فضل من الله ، وإن أخطأت فهو منّي

#نسأل_الله_التوفيق_لنا_و_لكم
#محمد_العمامي ❤💐

نقاط مهمة جدا جدا جدا ، يا ريت أقل شيء يا شباب أنكم تقروهن :-

🔵 أولا 🟡
الأعراض الثلاثة المميزة لأي حالة يكون عندها (Aortic Valve stenosis) هنا :
Dyspnea, Angina and Syncope (SAD ☹️☹️)
أي كيس في الامتحان تجيك فيهن هذينا الأعراض ال3 ، و يكون من ضمن الخيارات : Aortic Valve stenosis ، فمعناها تختاره و إنت مغمض عيونك 👌🏻

🔵 ثانيا 🟡
الأعراض الثلاثة المميزة ل (Aortic Valve Regurgitation) :
1)- الإحساس بالنبضات (awarness of beats)
2)- حركة تهز الرأس مع كل نبضة (bobbing motion of head)
3)- الدياستولك برشر منخفض و ضغط السستولك مرتفع

أي كيس في الامتحان تجيكم فيها الأعراض الثلاثة هذينا طول اختار الإجابة : (Aortic Valve Regurgitation)


🔵 ثالثا 🟡
لما يجيبلك أي مرض و يقولك احكيلي عن الفئة من الناس المعرضة للمرض هذا ، احكيله عن الناس المعرضين لأسباب المرض هذا .

مثلا : لو قالك من هم الناس المعرضين ل (Abodominal Aortic Aneurysm)
هنا ، تقدر تكتبله نفس الناس المعرضين لل Atherosclerosis ، اللي هما الناس اللي عندهم دهون عاليات ، و سكر و ضغط و و و .إلخ ، ليش ؟ لأن الأثيروسكليروسس هو نفسه يؤدي إلى أنورزم ، و أكثر مكان للأثيروسكليروسس أصلا هو الأبدومنال أورطا .

و مثلا ، لو قالك من هما الناس المعرضين لارتفاع ضغط الدم ؟
- تقدر تقوله مثلا اللي عندهم فاميلي هستوري بارتفاع ضغط الدم ، تقدر تقوله الناس اللي ياكلوا في ملح واجد ، الناس اللي ما يتمرنوش بكل ، و هكذا لأنه نحنا شرحنا أن هذينا كلهن ممكن يؤدن إلى ضغط دم مرتفع


#نسأل_الله_التوفيق_لنا_و_لكم
#محمد_العمامي ❤️❤️

لو أي حد فيكم ما زال مش مثبت شيت معين أو أي موضوع معين ، يتوكل على الله و ينزل التسجيل متاع الموضوع هذا من المكثف👌💛

الشرح سريع سريع ، تركيز على أهم النقاط ، وكذلك توصيل للمعلومة بطريقة ممتازة 👌❤

التسجيلات 👇

🔸CVS 1 : (t.me/Pathoo46/1081)
🔸CVS 2 : (t.me/Pathoo46/1085)
🔸CVS 3 : (t.me/Pathoo46/1087)
🔸CVS 4 : (t.me/Pathoo46/1094)
🔸CVS 5 : (t.me/Pathoo46/1098)
🔸CVS 6 : (t.me/Pathoo46/1103)
🔸Respiratory: (t.me/Pathoo46/1107)
🔸GIT : (t.me/Pathoo46/1114)
🔸Skin : (t.me/Pathoo46/1117)
🔸Neoplasia and Carcinogenesis : (t.me/Pathoo46/1123)


❤️💪🏻 ربي يقويكم يا دفعة

#نسأل_الله_التوفيق_لنا_و_لكم
#محمد_العمامي 💙💙

شورت نوت النيوبلازيا المتوقع ، مع تسجيل لشرح الإجابات ☝️☝️

اسمعوا التسجيل اللي فوق ☝️ ، و حتفهموا الفكرة من الرسمة 😉💛

آخر نصيحة حاب نقدمها لكم
مهما كان سؤال الشورت نوت ، عمره ما حد فيكم يسيبه فاضي ، اكتبوا أي شيء ، حرفيا أي شيء يخطر على بالكم اكتبوه ، بس عمركم و رد بالكم تسيبوا الشورت نوت فاضي

الدكتور المصحح لما يحقك مش كاتب شيء ، مش حيعطيك أي درجة و هو ضميره متريح

لكن لما يحقك كاتب و تاعب حتى لو إجابتك مش نموذجية ، حيعطيك ممكن نص درجة السؤال أو حتى مرات أكثر


ربي يوفقكم جميعا يا دفعة ❤🤲
والسلام عليكم ورحمة الله

بالتوفيق ف امتحان الباثو ، خليكم ريلاكس وخوذو الموضوع ببساطة أهم شي انه تكون نفسيتكم متريحة قبل الامتحان حتجاوبو كويس كلكم وربي مش حيضيع تعبكم ،
حاولو ترقدو كويس النوم يساعد على تنظيم المعلومات ..
واللي عنده شي يبي يراجعه يوعى على الفجر ويصلي ويراجع أفضل ساعات للمراجعة
وقبل الامتحان ب ساعة ضروري توقفو كل شي بيش تكونو مركزين ومستعدين نفسيا وعندكم جهد تحلو الامتحان ..
ويا رب يكون الامتحان ساهل وتطلعو كلكم راضيين 🤲🏻💜💜💜
#أسماء_الجازوي

Never give up 💜

يا شباب ضروري ضروري كلكم تسمعوا التسجيلات الثلاثة اللي فوق هذينا ☝️☝️

حكيت فيهن كلام مهم جدا عن الباثو و كيف يبي يصير فيها و في محاضراتها و امتحان المعمل متاعها

نبيكم كلكم تسمعوهن بالكامل و تعطوني رأيكم بيش نشوفوا الأغلبية شن يبوا و كيف نديروا

#محمد_العمامي @Alomami97

رسالة من زميلتنا في سنة ثالثة بشري ، من مدينة #المرج

الحمد لله الذي يسّر علينا ، و سخرنا سبيلا للتيسير على غيرنا 💛🤲

بإذن الله عز وجلّ

بكره حنزللكم مواعيد وأيام عودتنا في محاضرات منهج الباثو

حيكونن 3 أيام أسبوعيا ، بالتنسيق مع جدول محاضرات الفارما والميكرو للدكتورين أيمن الدقوالي و محمد العماري

المهم ، الأسبوع الجاي حناخذوا فيه 3 محاضرات :-
1)- Diseases of Stomach
2)- Diseases of Intestines :-
3)- Non_Noeplastic Liver Diseases

ثم الأسبوع اللي بعد حتكون اخر محاضرة Gits بعنوان :
(Tumors of Liver and Diseases of GB and Exocrine Pancrease)

و هكي يكون فاضللنا في المنهج :
- Female ٣ محاضرات
- Blood 3 محاضرات
- Renal ٣ محاضرات
- Endo crine محاضرتين
- CNS محاضرة
- Bone + Cartilage محاضرة
- Male محاضرة

لو مشينا بالترتيب هذا ، 3 محاضرات أسبوعيا بدون تعطيل ، حنكملوا يوم(1-مارس شهر 3) ، و هكي يكون عندكم أسبوعين كاملات فاضيات قبل امتحان باثو الفاينال

نظامنا حيكون نفس نظام منهج الجزئي من ناحية المنهج والشيتات والشورت نوت و الام سي كيوز

وإن شاء الله ربي يسخرلنا أنه نأدوا واجبنا معكم على أكمل وجه يا دفعة 💙🙌

#نسأل_الله_التوفيق_لنا_ولكم
#محمد_العمامي