شرح الكيس اللي فوق ☝️

اليوم كملنا مراجعة كورس الCVS كله بحمد الله 💛💛🌻

وبكره بعون الله نراجعوا كورس النيوبلاجيا والكارسينوجينسس

من #تسعة_ونص الصبح إلى الساعة #واحد الظهر 💛

#نسأل_الله_التوفيق_لنا_و_لكم
#محمد_العمامي

اليوم كملنا مراجعة النيوبلازيا و الكارسينوجينسس بالكامل 💛💛

بكره علشان جمعة 😂 حناخذوا حاجات بسيطة بكل :-

#مراجعة لكورس #Skin
وكذلك
#مراجعة للجزء الداخل من كورس #GIT

بكره الجمعة ناخذوا في الصبح
ما بين
9:30 الصبح
إلى
الساعة 11:30 بإذن الله

#نسأل_الله_التوفيق_لنا_و_لكم
#محمد_العمامي 💛🌺

توا امبدري شوي كيف كملنا مراجعة :
#Skin
and
#GIT

لأول مرة محاضرة في يوم جمعة ناخذوها 😂💛✌

هكي خلاص ما زاللنا بكره السبت فقط نراجعوا كورس #الريسبايراتوري

و نكونوا هكي كملنا جميع كورسات الجزئي الثاني 💛💛✌

#نسأل_الله_التوفيق_لنا_و_لكم
#محمد_العمامي

عارفكم كلكم أكيدة حايسين توا و مش عارفين شن تلموا ولا شن تسيبوا ولا هل حيلتم المنهج أو لا

و برضو عارف أن الكلام مش حيفيد أي حد فيكم ، لكن نحاولوا قد ما نقدروا أنه نرفعوا من همّتكم

الحوسة والشعور متاع الضغط والضيّاع اللي أكيدة عايشينه توا كلّنا مارّين بيه من قبلكم ، و هو أمر طبيعي جدا جدا من ضخامة المنهج ، لكن صدقوني كل حد فينا ما دام وصل لسنة ثالثة ، معناها يقدر على المنهج متاعها كيف ما جميع الدفعات اللي قبلكم قدروا عليها


أهم شيء (وقلتها لكم من قبل حتى ما تبدوا سنة 3 في قروبكم عالفيس 😂) ما تخلوش الخوف و السترس يتمكن منكم

ما زال عندكم فوق من 60 ساعة تقريبا ، قد ما تقدروا اقروا و راجعوا و ثبتوا أي شيء مهما كان في هالمدة الفاضلة

وعمركم ولا حد فيكم يقلل من قيمة أي كورس ولا أي شيت ، الباثو ميزتها أنه أي شيء تقراه مستحيل ما تحلش بيه ، اللي تقراه حتلقى منه أسئلة كيف الله واحد ، من أي شيت كان

نصيحة لكم و الله من إنسان ياما عانى بسبب الأوفرة في السترس ، صح المنهج طويل صح الوضع مش مريح ، لكن و الله ثم و الله كلكم تقدروا عليه ، و كلكم حتطلعوا من هالسنة فخورين باللي قدمتوه فيها 💛💛✌

خلّوا أملكم في الله كبير ، و خلوا ثقتكم في أنفسكم قبل كل شيء كبيرة ✌ ، كونوا مؤمنين بأنكم تقدروا تنجزوا و تحققوا كل غاياتكم ✌✌

و ربّي يسهلها عليكم ، و تكون الباثو مسك الختام في الجزئي الثاني ، و تكون العقبة للفاينال و تفرحوا كلكم بنتائجكم فيه 🤲🤲


#نسأل_الله_التوفيق_لنا_و_لكم
#محمد_العمامي

مراجعة سريعة لإجابات الشورت نوت المتوقعة في كورس CVS ، الأسئلة تلقوهن تحت هنا 👇

لعند توا في المكثف راجعنا :-
- cvs بالكامل
- GIT الجزئية اللي داخلة بالكامل
- Neoplasia and Carcinogenesis بالكامل
- Skin بالكامل

و بكره السبت حيكون آخر يوم في المكثف بعون الله ، نراجعوا فيه كورس #الريسبايراتوري بالكامل ، موعدنا حيكون كالمعتاد من الساعة #تسعة_ونص الصبح إلى الساعة #واحد الظهر ، بعون الله عز و جل

#نسأل_الله_التوفيق_لنا_و_لكم
#محمد_العمامي ❤️

بحمد الله وفضله
وُفّقنا في إعطاء مُكثَّف كامل في منهج الجُزئِي الثاني بالكامل 💛

واليوم كان الختام مع كورس #الريسبايراتوري

إن أصبت فهو ب فضل من الله ، وإن أخطأت فهو منّي

#نسأل_الله_التوفيق_لنا_و_لكم
#محمد_العمامي ❤💐

نقاط مهمة جدا جدا جدا ، يا ريت أقل شيء يا شباب أنكم تقروهن :-

🔵 أولا 🟡
الأعراض الثلاثة المميزة لأي حالة يكون عندها (Aortic Valve stenosis) هنا :
Dyspnea, Angina and Syncope (SAD ☹️☹️)
أي كيس في الامتحان تجيك فيهن هذينا الأعراض ال3 ، و يكون من ضمن الخيارات : Aortic Valve stenosis ، فمعناها تختاره و إنت مغمض عيونك 👌🏻

🔵 ثانيا 🟡
الأعراض الثلاثة المميزة ل (Aortic Valve Regurgitation) :
1)- الإحساس بالنبضات (awarness of beats)
2)- حركة تهز الرأس مع كل نبضة (bobbing motion of head)
3)- الدياستولك برشر منخفض و ضغط السستولك مرتفع

أي كيس في الامتحان تجيكم فيها الأعراض الثلاثة هذينا طول اختار الإجابة : (Aortic Valve Regurgitation)


🔵 ثالثا 🟡
لما يجيبلك أي مرض و يقولك احكيلي عن الفئة من الناس المعرضة للمرض هذا ، احكيله عن الناس المعرضين لأسباب المرض هذا .

مثلا : لو قالك من هم الناس المعرضين ل (Abodominal Aortic Aneurysm)
هنا ، تقدر تكتبله نفس الناس المعرضين لل Atherosclerosis ، اللي هما الناس اللي عندهم دهون عاليات ، و سكر و ضغط و و و .إلخ ، ليش ؟ لأن الأثيروسكليروسس هو نفسه يؤدي إلى أنورزم ، و أكثر مكان للأثيروسكليروسس أصلا هو الأبدومنال أورطا .

و مثلا ، لو قالك من هما الناس المعرضين لارتفاع ضغط الدم ؟
- تقدر تقوله مثلا اللي عندهم فاميلي هستوري بارتفاع ضغط الدم ، تقدر تقوله الناس اللي ياكلوا في ملح واجد ، الناس اللي ما يتمرنوش بكل ، و هكذا لأنه نحنا شرحنا أن هذينا كلهن ممكن يؤدن إلى ضغط دم مرتفع


#نسأل_الله_التوفيق_لنا_و_لكم
#محمد_العمامي ❤️❤️

لو أي حد فيكم ما زال مش مثبت شيت معين أو أي موضوع معين ، يتوكل على الله و ينزل التسجيل متاع الموضوع هذا من المكثف👌💛

الشرح سريع سريع ، تركيز على أهم النقاط ، وكذلك توصيل للمعلومة بطريقة ممتازة 👌❤

التسجيلات 👇

🔸CVS 1 : (t.me/Pathoo46/1081)
🔸CVS 2 : (t.me/Pathoo46/1085)
🔸CVS 3 : (t.me/Pathoo46/1087)
🔸CVS 4 : (t.me/Pathoo46/1094)
🔸CVS 5 : (t.me/Pathoo46/1098)
🔸CVS 6 : (t.me/Pathoo46/1103)
🔸Respiratory: (t.me/Pathoo46/1107)
🔸GIT : (t.me/Pathoo46/1114)
🔸Skin : (t.me/Pathoo46/1117)
🔸Neoplasia and Carcinogenesis : (t.me/Pathoo46/1123)


❤️💪🏻 ربي يقويكم يا دفعة

#نسأل_الله_التوفيق_لنا_و_لكم
#محمد_العمامي 💙💙

شورت نوت النيوبلازيا المتوقع ، مع تسجيل لشرح الإجابات ☝️☝️

اسمعوا التسجيل اللي فوق ☝️ ، و حتفهموا الفكرة من الرسمة 😉💛

آخر نصيحة حاب نقدمها لكم
مهما كان سؤال الشورت نوت ، عمره ما حد فيكم يسيبه فاضي ، اكتبوا أي شيء ، حرفيا أي شيء يخطر على بالكم اكتبوه ، بس عمركم و رد بالكم تسيبوا الشورت نوت فاضي

الدكتور المصحح لما يحقك مش كاتب شيء ، مش حيعطيك أي درجة و هو ضميره متريح

لكن لما يحقك كاتب و تاعب حتى لو إجابتك مش نموذجية ، حيعطيك ممكن نص درجة السؤال أو حتى مرات أكثر


ربي يوفقكم جميعا يا دفعة ❤🤲
والسلام عليكم ورحمة الله

بالتوفيق ف امتحان الباثو ، خليكم ريلاكس وخوذو الموضوع ببساطة أهم شي انه تكون نفسيتكم متريحة قبل الامتحان حتجاوبو كويس كلكم وربي مش حيضيع تعبكم ،
حاولو ترقدو كويس النوم يساعد على تنظيم المعلومات ..
واللي عنده شي يبي يراجعه يوعى على الفجر ويصلي ويراجع أفضل ساعات للمراجعة
وقبل الامتحان ب ساعة ضروري توقفو كل شي بيش تكونو مركزين ومستعدين نفسيا وعندكم جهد تحلو الامتحان ..
ويا رب يكون الامتحان ساهل وتطلعو كلكم راضيين 🤲🏻💜💜💜
#أسماء_الجازوي