هيجوا يا دفعة 😂❤️🙌🏻
أهو جدولكم تعدل وقعد لوز اللوز 😁👌🏻
وما تنسوش دور زملاءكم في اتحاد الطلبة اللي وقفوا و صبوا بيش يتعدل الجدول هكي و يقعد مناسب لكم جميعا

#نسأل_الله_التوفيق_لنا_و_لكم
#محمد_العمامي

هذا تسجيل ليا واضح بدون أي تشويش درته لكم في الحوش ، شرحت فيه و قريت فيه كورس الskin مباشرة من الملخص اللي دايره أنا 😁👆💛

#نسأل_الله_التوفيق_لنا_و_لكم
#محمد_العمامي

سلام عليكم يا دفعة 💛

طبعا فيه طلبة واجدين منكم راسلوني يطلبوا مني أني ندير مكثف أيام الامتحانات زي ما درنا في الجزئي الأول

بعون الرحمن كان سخر الله ، حسبتها كويس وحسبت كم حتكون المدة متاعه ، و بإذن الله كان ربي عطانا طولة العمر ، حنزللكم مكثف لمنهج الجزئي الثاني (تسجيلات صوتية شرح مباشر مش تسجيل في قاعة) ، و حتكون مدته مش أكثر من 13 ساعة 👌👌

#للعلم المكثف حيكون من شيتاتنا اللي مش منقصين فيهن أي حرف عن شيت الجامعة 👌

في أيام الجزئي الثاني (6 أيام كاملات) ، تسمع ساعتين و معاها كل يوم ، تكملهن في 5 أيام ، و اخر يوم تخلوه للمراجعة (حتى اللي قاري من قبل يقدر يسمعهن و يستفيد ويزيد يثبت أكثر) 👌

نوضحلكم فيهن شنو المهم و شن المش مهم ، و شنو مواضع الشورت نوت ، و شنو الحاجات اللي تركزوا عليهن 💛🙌

المكثف حيكون جاهز قبل امتحان المايكرو بكم يوم و حنعلمكم بيه لما نجهزه ✌😁

الحاجة الأخرى : للطلبة اللي ما يحبوش التسجيلات ، حنديروا كذلك مكثف في مركز ليبيا طيلة ال6 أيام اللي قبل امتحان الباثو

مش حنشرحوا فيهن منهج الجزئي من الصفر ، ولكن حنحاولوا نلموا جميع النقاط الممكنة

يومين للCVS
يوم للنيوبلازيا
يوم للريسبايراتوري
يوم للSKIN
يوم للGit

حاجة وحدة مرات تخليني نضطر نلغي المكثف (في المعهد فقط) ، و هي لو أن قسم الجراحة حدد موعد الامتحان متاعنا في أيام الباثو ، فوقتها حنكون للأسف مشغول بالتحضير لامتحاني 😂💔

وإن شاء الله مش حنقصروا معاكم و حنستمروا في هالمادة معاكم لعند نهاية السنة 💛✌

و #نسأل_الله_التوفيق_لنا_و_لكم
#محمد_العمامي 💛💛

ارجو من الجميع مشاركة المنشور..
عندنا طالبة في سنة ثالثة بشري والدتها تعاني من ورم و تحتاج عملية خارج ليبيا و الحاجة تعاني من الم شديد نتيجة ضغط الورم عالنخاع الشوكي.. دارت منشور تطلب فيه المساعدة عشان تلم قيمة العملية..
شخصيا نحث نفسي ونحث زملائي وجميع الطلبة انهم يتبرعوا ويشاركوا في علاج هذه الحالة وان شاء الله تكون صدقة بالغة ورسولنا صلي الله عليه وسلم يقول (ومن أحياها فكأنما أحيا الناس جميعا)..
العشر جنيه اللي تصرفهن في الكفتيريا تبرع بيهن.. عشرة مع عشرة حيطلع رقم يغطي مصاريف العملية..
ياريت الجميع يشارك ..
هضا رقمهم للتواصل 0918668273
وحنحطوا صندوق في مركز التدارك للتبرعات و حيكون فيه واحد حتي في مركز ليبيا وتواصلت معاهم بالخصوص..
ربي يحفظكم جميعا ويشفي مرضاكم

نسأل الله أن يكون في عونكم جميعا في هالأيام 🤲💛

كبيرة الامتحان و ما أدراك ما كبيرة الامتحان

بكره بعون الله حيكون اخر يوم عندكم يا دفعة قبل أول امتحان في امتحانات الجزئي الثاني

شدوا الهمة فيه وأنزعوا الخوف والسترس والتوتر من قلوبكم بالكامل ، خلوكم كلكم ثقة و تفاؤل بأنكم حتطلعوا من المادة هذي بما يرضيكم و بما يشرح صدوركم بإذن الله

نصيحتي لكل حد فيكم بكره خلوه يوم مراجعة و تثبيت لكل الشيتات ، الفارما أكثر شيء حتحتاجه فيها أنك تكون مثبت المعلومات كويس ، ما فش بأس لو حد عنده شيت جديد و يبي يقراه بكره ، لكن خلوه اخر شيء ، و خلوا أولويتكم المراجعة


و لعند ما تخشوا للامتحان يوم الاثنين استمروا في المراجعة و التثبيت و استغلوا كل ثانية من وقتكم

نسأل الله العظيم أن يفتح عليكم و يسهل عليكم الامتحان

ودمتم في أمان الله ❤🤲

حنبدوا في تنزيل تسجيلات مكثفة لمنهج الجزئي الثاني ، 13 ساعة شرحنا فيهن بشكل مكثف جميع النقاط المهمة و مواضع الأسئلة في الكورسات التالية :
1)- CVS
2)- Respiratory
3)- Neoplasia and Carcinogenesis
4)- Skin
5)- Diseases of oral cavity and Salivary Glands (GIT)

كل تسجيل حيكون فيه معاه مرفقات (تجميعات أو رسمات أو خرائط تلخيصية) تلقوهن تحت التسجيل استعنت بيهن في الشرح ❤️

التسجيلات حيكونن بالترتيب في الأسفل 👇🏻 :-

هذا ملخص قمت بإعداده لكم
يغنيكم عن شيت الجامعة نهائيا
7 صفحات فقط لا غير

حتلقوا يوم الأربعاء متوفر إن شاء الله في مصوراتي مركز ليبيا ❤️

و اللي يبي يقرا من شيت الجامعة برضو لا بأس و عادي جدا

#نسأل_الله_التوفيق_لنا_ولكم
#محمد_العمامي ❤️

هكي نزلنا لعند توا مكثفات :
- CVS (7 ساعات)
- Respiratory (ساعتين)
- GIT (40 دقيقة)
- Skin (50 دقيقة)

ما زال النيوبلازيا نزله لكم يوم امتحان المايكرو بعون الله ، و هكي زي ما قلتلكم نكون درنا مكثف للجزء الثاني في أقل من 13 ساعة

في أيام الباثو ال6
كل يوم تسمعوا ساعتين و نص بالراحة ، و اخر يوم تخلوه للمراجعة 💛👌

و طبعا حيكون فيه مكثف برضو في المعهد أيام الباثو 😉

و بإذن الله معاكم لعند نهاية السنة يا دفعة 💛
#نسأل_الله_التوفيق_لنا_و_لكم
#محمد_العمامي

زي ما قلتلكم يا دفعة ، بعون الله حيكون عندنا مكثف في المعهد بعد امتحان المايكرو ، نلموا فيه جميع النقاط المهمة و نراجعوا فيه كورسات الباثو الداخلة في الجزئي الثاني ❤️

بإذن الله أي حد فيكم يحضر ، مش حيطلع إلا و هو فاهم و عارف على شن يركز و شن أهم المواضيع في كل كورس ناخذوه 👌🏻

المكان #مركز_ليبيا طبعا
كل يوم من أيام الباثو ، من الساعة #9_ونص_الصبح إلى الساعة #1_ظهرا

و هذا جدولنا فوق بيش تعرفوا النظام اللي حنمشوا بيه ❤️👆🏻

و ربي يوفقكم جميعا و يسهل عليكم امتحان المايكرو ، و تطلعوا منه راضيين كل الرضا 🤲🏻

#نسأل_الله_التوفيق_لنا_و_لكم
#محمد_العمامي

توا بعد ما تريّحتوا من المايكرو و الفارما ، خوذي رست العشية هذي ، و اللي ما رقدش يطيّب نومه ، و اللي في خاطره شيء يتسلى بيه يديره ، ولكن من بكره أبدوا في الجدية (طبعا لا بأس لو حد فيكم يبي يبدا يقرا من توا 😂)

المكثف زي ما وعدتكم جاهز بالكامل في منهج الجزئئ الثاني (أقل من 13 ساعة) ، كل كورس نزلتلكم تسجيل مكثف له و معاه مرفقات تحته ، تلقوهن عالروابط هذينا في الصفحة :

🔸CVS 1 : (t.me/Pathoo46/1081)
🔸CVS 2 : (t.me/Pathoo46/1085)
🔸CVS 3 : (t.me/Pathoo46/1087)
🔸CVS 4 : (t.me/Pathoo46/1094)
🔸CVS 5 : (t.me/Pathoo46/1098)
🔸CVS 6 : (t.me/Pathoo46/1103)
🔸Respiratory : (t.me/Pathoo46/1107)
🔸GIT : (t.me/Pathoo46/1114)
🔸Skin : (t.me/Pathoo46/1117)
🔸Neoplasia and Carcinogenesis : (t.me/Pathoo46/1123)


لو أي حد فيكم يبي التسجيلات وما عنداش نت كويس لتنزيلهن ، يجيبلي فلاش في مركز ليبيا في أيام المكثف ننسخهن له طول ❤️🙌🏻

و بعون الله عزّ و جلّ كيف ما قلتلكم ، ابتداء من بكره حيكون عندنا مكثف لعند اخر يوم قبل امتحان الباثو ، من #9_و_نص الصبح لعند #1 الظهر ، نلمّوا فيه المنهج كله كان سخّر الله ❤️💪🏻

#نسأل_الله_التوفيق_لنا_و_لكم
#محمد_العمامي 💙💙

اليوم راجعنا أول 3 شيتات في الCVS :
Athrosclerosis, Aneurysm and Dissection ✔✔
HTN, Vasculitis and Vascular Tumors ✔✔
Heart Failure and Congenital Heart Diseases ✔✔

بكره نكملوا الCVS كله بعون الله ❤
محاضرتنا على نفس الموعد : من #9_و_نص الصبح لعند #1 الظهر ، في #مركز_ليبيا

#نسأل_الله_التوفيق_لنا_و_لكم
#محمد_العمامي 💛💛