هيجوا يا دفعة 😂😂❤☝️

بالنسبة لكورس النيوبلازيا يا دفعة ، بناء على على تقسيمة المواضيع الداخلة في الامتحان :

- Neoplasia part 1+2 هي الجزئية اللي في البداية متاع الشيت
- Spread of tumors طرق الانتشار
- Soft tissue tumors + childhood tumors هذينا اللي قاعدات في الخريطة هذي لوطا ☝️
- Clinical features + Diagnosis هذينا يمثلن اخر جزئية في الشيت
- و معاش فضل أي جزئية اخرى في شيت دكتور بن حسونة إلا اللي تتحدث عن الكارسينوجينيسس اللي هو نفسه موضوع شيت الدكتورة شريفة

هذا ليش من البداية نحنا دمجنا الكورسين مع بعضهن لما شرحناهن (لأنهن يحكن على نفس الموضوع)


يعني الزبدة يا دفعة ، نصيحة لكم اقروا الشيت كله (لكن طبعا خلوا أولويتكم الCVS + ريسبايراتوري + GIT + Skin)

#نسأل_الله_التوفيق_لنا_و_لكم
#محمد_العمامي ❤🙌

شيتات الcvs الستة 6️⃣ :-

شيتات الجي أي تي (إلى حد اللحظة شيتين عطيناهن ، لكن اللي داخل فقط هو النصف الأول من الشيت الأول) 👇🏻

السلام عليكم جميعا و مرحبا بكم في قناتنا ❤️🙌🏻
في الرسالة هذي حنحطلكم قائمة تسهل عليكم الوصول لجميع محتويات قناتنا 💚☘️

- المحاضرات (تسجيلات صوتية أو فيديوات)
- الشيتات (pdf)
- أسئلة الMCQs و الشورت نوت المحتمل
- سبوراتنا في محاضرات المعهد ❤️

#نسأل_الله_التوفيق_لنا_و_لكم
#محمد_العمامي 💛

سلام عليكم يا دفعة ❤️🙌🏻

هذي حتكون آخر رسالة نزلوها عالقناة لعند ما يجن أيّام الباثو الجزئي الثاني بعون الله وإنتم طيبين

أي حد فيكم يبي أي شيء في منهج الباثو الجزئي الثاني (شيتات أو ام سي كيوز أو التسجيلات أو الشورت نوت) تلقوهن في القائمة في الرسالة المثبتة في القناة 👆🏻(t.me/Pathoo46/1068)

وإذا أي حد فيكم يبي من أي ملف نسخة ورقية أو يبي التسجيلات في فلاش لأنه ما يقدرش يحملهن من النت ، يمشي لتصوير #مركز_ليبيا أو تصوير #مركز_التدارك تلقوا ملف الجزئي الثاني بالدبش متاعه كله قاعد عاللابتوب غادي

إن شاء الله نكونوا ما قصرنا معاكم يا دفعة ❤️🙌🏻
توّكلوا على الله، وآمنوا بأنفسكم و بقدراتكم، وساعدوا بعضكم وما تخلوا حد يثبط من همتكم ، إنتم قدها وأهلها السنة هذي💪🏻💛💛

#نسأل_الله_التوفيق_لنا_و_لكم
#محمد_العمامي @Alomami97 ❤️

نصيحة حاب نوجهها لكم يا دفعة في الفارما 💛
و الكلام اللي حنقوله لكم راه عن تجربة
لازم لازم لازم تقنطوا شيت الجامعة
راه الامتحان أقل شيء أقل شيء 98% مباشر من الشيت

العبدلله السنة اللي فاتت كان مصدر دراستي للفارما هو فقط شيتات الجامعة وقدرت نكون من أوائلها

#الزبدة ، مهما كان مصدر دراستك ، لازم تشيّك على شيتات الجامعة ، و راه أسئلة Explain why عمرهن ما يجن برا شيت الجامعة

ف قلت نبهكم بالشيء هذا

#نسأل_الله_التوفيق_لنا_و_لكم
#محمد_العمامي 💛🙌

هيجوا يا دفعة 😂❤️🙌🏻
أهو جدولكم تعدل وقعد لوز اللوز 😁👌🏻
وما تنسوش دور زملاءكم في اتحاد الطلبة اللي وقفوا و صبوا بيش يتعدل الجدول هكي و يقعد مناسب لكم جميعا

#نسأل_الله_التوفيق_لنا_و_لكم
#محمد_العمامي

هذا تسجيل ليا واضح بدون أي تشويش درته لكم في الحوش ، شرحت فيه و قريت فيه كورس الskin مباشرة من الملخص اللي دايره أنا 😁👆💛

#نسأل_الله_التوفيق_لنا_و_لكم
#محمد_العمامي

سلام عليكم يا دفعة 💛

طبعا فيه طلبة واجدين منكم راسلوني يطلبوا مني أني ندير مكثف أيام الامتحانات زي ما درنا في الجزئي الأول

بعون الرحمن كان سخر الله ، حسبتها كويس وحسبت كم حتكون المدة متاعه ، و بإذن الله كان ربي عطانا طولة العمر ، حنزللكم مكثف لمنهج الجزئي الثاني (تسجيلات صوتية شرح مباشر مش تسجيل في قاعة) ، و حتكون مدته مش أكثر من 13 ساعة 👌👌

#للعلم المكثف حيكون من شيتاتنا اللي مش منقصين فيهن أي حرف عن شيت الجامعة 👌

في أيام الجزئي الثاني (6 أيام كاملات) ، تسمع ساعتين و معاها كل يوم ، تكملهن في 5 أيام ، و اخر يوم تخلوه للمراجعة (حتى اللي قاري من قبل يقدر يسمعهن و يستفيد ويزيد يثبت أكثر) 👌

نوضحلكم فيهن شنو المهم و شن المش مهم ، و شنو مواضع الشورت نوت ، و شنو الحاجات اللي تركزوا عليهن 💛🙌

المكثف حيكون جاهز قبل امتحان المايكرو بكم يوم و حنعلمكم بيه لما نجهزه ✌😁

الحاجة الأخرى : للطلبة اللي ما يحبوش التسجيلات ، حنديروا كذلك مكثف في مركز ليبيا طيلة ال6 أيام اللي قبل امتحان الباثو

مش حنشرحوا فيهن منهج الجزئي من الصفر ، ولكن حنحاولوا نلموا جميع النقاط الممكنة

يومين للCVS
يوم للنيوبلازيا
يوم للريسبايراتوري
يوم للSKIN
يوم للGit

حاجة وحدة مرات تخليني نضطر نلغي المكثف (في المعهد فقط) ، و هي لو أن قسم الجراحة حدد موعد الامتحان متاعنا في أيام الباثو ، فوقتها حنكون للأسف مشغول بالتحضير لامتحاني 😂💔

وإن شاء الله مش حنقصروا معاكم و حنستمروا في هالمادة معاكم لعند نهاية السنة 💛✌

و #نسأل_الله_التوفيق_لنا_و_لكم
#محمد_العمامي 💛💛

ارجو من الجميع مشاركة المنشور..
عندنا طالبة في سنة ثالثة بشري والدتها تعاني من ورم و تحتاج عملية خارج ليبيا و الحاجة تعاني من الم شديد نتيجة ضغط الورم عالنخاع الشوكي.. دارت منشور تطلب فيه المساعدة عشان تلم قيمة العملية..
شخصيا نحث نفسي ونحث زملائي وجميع الطلبة انهم يتبرعوا ويشاركوا في علاج هذه الحالة وان شاء الله تكون صدقة بالغة ورسولنا صلي الله عليه وسلم يقول (ومن أحياها فكأنما أحيا الناس جميعا)..
العشر جنيه اللي تصرفهن في الكفتيريا تبرع بيهن.. عشرة مع عشرة حيطلع رقم يغطي مصاريف العملية..
ياريت الجميع يشارك ..
هضا رقمهم للتواصل 0918668273
وحنحطوا صندوق في مركز التدارك للتبرعات و حيكون فيه واحد حتي في مركز ليبيا وتواصلت معاهم بالخصوص..
ربي يحفظكم جميعا ويشفي مرضاكم