صبورات ال Skin هذينا أوضح 😁☝️

هذا ملخص قمت بإعداده لكم
يغنيكم عن شيت الجامعة نهائيا
7 صفحات فقط لا غير

حتلقوا يوم الأربعاء متوفر إن شاء الله في مصوراتي مركز ليبيا ❤️

و اللي يبي يقرا من شيت الجامعة برضو لا بأس و عادي جدا

#نسأل_الله_التوفيق_لنا_ولكم
#محمد_العمامي ❤️

بكره #الأربعاء بعون الله عز وجل
مش حناخذوا أي محاضرة جديدة ، حتكون فقط مراجعة سريعة لكورس (skin) ، و حنحلوا مع بعضنا شوية كيسس و كذلك ام سي كيوز (Neoplasia + CVS + Respiratory) ❤️

✅كورس الGIT
حنبدوا فيه بعون الله عزّ و جلّ ، من يوم الأحد القادم بإذن الله

✅و كيفه كيف كورس الcvs ، اللي يبي يسجل في كورس الgit بروحه يتفضل ما فيش أي مشكلة .

و نبي نعطي ملاحظة ، يا ريت يا شباب الحضور على تمام الموعد #12:00 ظهرا بالضبط ، خاصة في كورس الgit ، لأنه كورس ساهل و لكن مواضيعه واجد ، فلازم نبدوا بكري ، بيش نكملوا بكري و ناخذوا ريست طبعا 😂❤️❤️

ربي يوفقنا و إياكم لما فيه الخير
ويقدرنا أننا ننفعوكم و نفيدكم و نسهلوا عليكم
#محمد_العمامي 💛

الخطة الدراسية يا دفعة ، شدوا الهمة 💪💪
ربي يوفقكم و يسهل عليكم 🙏

بكره الأحد بعون الله نبدوا في أول محاضرة GIT كان سخر الله ❤️🙌🏻

هذا الشيت بي دي إف ، و حتلقوا منه نسخة في المصوراتي بكره ، جيبوا معاكم نسخة منه بيش نتبعوا بعد نشرحوا عالسبورة

ملاحظة : التسجيل ممكن لمن يبي كورس الGIT فقط

#نسأل_الله_التوفيق_لنا_و_لكم
#محمد_العمامي ❤️🙌🏻

صور محاضرة اليوم بدقة عالية ☝️

السلام عليكم يا دفعة ❤️
نبي نبهكم ، أن الجامعة كملوا لعند توا الكورسات اللي 100% داخلات في الجزئي الثاني ، و هنا :-
- النيوبلازيا (حيخش لأنه جزء منه عطاه لكم دكتور بن حسونة قبل الكورونا)
- الكارسينوجينيسس (دكتورة شريفة)
- الريسبايراتوري (دكتور خالد الجهاني)
- الcvs بالكامل نزلوه (دكتورة حنان العوامي)
- الskin على هيئة جزئين (للدكتورة مي امبيق)

نبي نبهكم بس بيش تقروا و تجتهدوا وتلتزموا في قرايتكم و تخلوا وقتكم الأيام هذينا مخصص أكثر للدراسة أكثر من أي شيء آخر

لأن القسم في أي لحظة يبدا ينزل الgit و يقولولكم أنه خاش (بالرغم من أن الشيء هذا مستبعد بحكم أنه السنة اللي فاتت خش لعند الcvs فقط)

#نسأل_الله_التوفيق_لنا_و_لكم
#محمد_العمامي 🙌🏻❤️

يا دكاترة
لازم كل واحد فيكم لما يقرى أي مادة يقراها بذكاء ، كيف يعني ؟

يعني مثلا لما تجي تبي تقرى للجزئي الثاني
لو إنت ما زال ما قريت النيوبلازيا ولا الCVS ، فوت النيوبلازيا و أبدا في الCVS ، لأنه معروفة و واضحة (حتى كأهمية كلينيكية) أن الCVS حيكون له نصيب الأسد في الامتحان و في الفاينال كذلك

على العموم ، نصيحتي لكم بالنسبة للكورسات متاع الجزئي الثاني (إذا افترضنا أن الGIT مش داخل)

ركزوا على :-
السي في إس
ثم الريسبايراتوري
ثم النيوبلازيا
ثم الكارسينوجينيسس
و آخر حاجة فكروا فيها هي الSKIN
هكي الترتيب الصحيح للكورسات من الأكثر عددا في أسئلة الجزئي للأقل عددا

و حنبدا أنا بعون الله نزللكم الأسئلة المحتملة شورت نوت من كل كورس ، لعلّ و عسى ما يطلعش الامتحان منهن كيف ما درنا معاكم في الجزئي الأول بالضبط

#نسأل_الله_التوفيق_لنا_و_لكم
#محمد_العمامي ❤️🙌🏻

طبعا كلكم أكيدة شفتوا يا دكاترة أن مقرر الباثو في الجزئي الثاني حيكون :
- النيوبلازيا
- الكارسينوجينيسس
- السي في إس
- الريسبايراتوري
- الskin
- و أول محاضرة git (على حسب كلام اتحاد دفعتكم)

نحنا في المعهد عطيناكم بداية الgit و اللي تتضمن :-
Diseases of :-
- Oral Cavity
- Salivary Gland
- Esophagus

بكره نكملوا أمراض الEsophagus ، و ناخذوا بعض أمراض الStomach ، بيش نكونوا ضمننا أننا كملنا أي جزئية حتنزلها الجامعة (في محاضرة الGIT الأولى الخاصة بالجامعة)

بكره حنقروا من الشيت الجزئية اللي شرحناها عالسبورة المحاضرة اللي فاتت ، و نكملوا على نفس السياق

بالنسبة لشيتات الGIT ، سبق و أني نزلت أول شيت فيه أمراض (Oral Cavity,Salivary Gland and Esophagus) ، و بكره تلقوني منزل الشيت الثاني اللي هو يحكي على (Diseases of Stomach)

و هذي نسخة البي دي إف متاع الشيت الثاني

#نسأل_الله_التوفيق_لنا_و_لكم
#محمد_العمامي 🙌🏻❤️

غدا الأربعاء بعون الله عزّ وجلّ
حتكون آخر محاضرة لنا في #مركز_ليبيا ، نكملوا فيها المنهج اللي داخل في الجزئي الثاني بالكامل

و بعدها خلاص نوقفوا محاضرات ، بيش تاخذوا راحتكم في الاستعداد للامتحانات الجزئية الثانية

بكره حنجي الساعة 11:30 نوتي السبورات و الداتا شو ، و الساعة 12:00 بالضبط حنبدو يا شباب ، فيا ريت يا دكاترة الحضور يكون عال12:00 بالضبط أو يا حبذا قبلها بكم دقيقة

و ما تنسوش تجيبوا معاكم شيت الستومك 😁❤️

#نسأل_الله_التوفيق_لنا_و_لكم
#محمد_العمامي

اليوم قرينا الشيت في أمراض (الفم ، الغدد اللعابية ، المريء)

و خذينا أول جزئية في أمراض المعدة :
#Congenital_Pyloric_Stenosie
#Gastritis

هكي بعون الله نكونوا غطينا كل النقاط اللي ممكن تعطيهن الجامعة في أول محاضرة جي أي تي (و حتخش للامتحان) ، و بالتالي غطينا منهج الجزئي الثاني بالكامل .

هذينا سبورات محاضرة اليوم تلقوهن تحت الرسالة هذي 👇(نزلتهن لكم على هيئة ملفات بيش الجودة تقعد محفوظة)

و تسجيل محاضرة اليوم على جزئين (تكملة أمراض المريء و قراية الشيت في التسجيل الاول ، و مقدمة أمراض المعدة في الجزء الثاني) برضو تلقوهن لوطا 👇👇

و هكي حنوقفوا نحنا و معاش حنعطوا أي محاضرة في المعهد لين تكملوا امتحاناتكم الجزئية الثانية ✌💛

لما نوتي الشورت نوت للكورسات كلهن ، حنزلهن لكم في التصوير و نعلمكم بيهن ، و كذلك أيام الامتحان حنكونوا معاكم عالقناة هنا 😁✌🧡

ربي يوفقكم يا دفعة و يسهل عليكم هالسنة و تطلعوا منها كلكم راضيين فرحانين

و #نسأل_الله_التوفيق_لنا_و_لكم
#محمد_العمامي 💙