Telegram`da foydali va qiziqarli kanallar tobora ko'payib bormoqda. Bugun biz sizning e'tiboringizga adabiyot va kitobxonlikni targ‘ib qiluvchi eng sara kanallarni havola etamiz.

Barcha kanallarga a'zo bo‘lish uchun havolani BOSING!

#youtube_tavsiya

Mana bu yer sizlarga ajoyib turkmancha Rep olib keldim. Ha, bu ikki so'z - turkman va rep bitta jumlada ketma-ket kelmoqda😁

Yo'q, yo'q, bu siz o'ylagandek, supermen Arkadag'imizdan navbatdagi xit ham emas:)

Emin Rasen ismli repper bor ekan va uning vatanparvarlik ruhidagi rep qo'shiqlari tarmoqda yetarlicha chiqib keldi. Shulardan birini, turkiy xalqlar birligi va tarixi haqidagi "Turon" ni e'tiboringizga havola qilaman.

Unda ko'pgina bobolarimiz hurmat bilan tilga olingan. Bir eshitib ko'rish zarar qilmaydi.

@panda_books

Sayohatga o'zingiz bilan qaysi kitob(lar)ni olib chiqqan bo'lardiz?

@panda_books

​​​​#review #taqriz

Aziz Nesin — "Futbol qiroli"

Og'riqli mavzular kulgu bilan yoritib berilgan futbolga aloqasi yo'q satira.

"Saiiiiid! Said! Menga....menga to'pni oshir....!"

Kech bahor. Tushdan biroz o'tgan bir mahalda ushbu taqrizni yozishga o'tirarkanman, mahalladagi bolakaylar uy oldidagi maydonchada futbol o'ynashni boshlagandilar. Odatda bunday vaqtlarda derazani bekitib qo'yardim, ammo bugun aynan futbol o'yini haqida qog'oz qoralayotganim sababidan ularning baqiriq-chaqiriqlari fonida yozishda davom etdim...

Turk hayotining 60-70-yillaridagi ijtimoiy ko'rinishlarini yaqqol aks ettiradigan o'tkir qalam ustasi Aziz Nesin asarlarida orasida shuni juda yoqtiraman. Uni mutolaasi paytida miriqib kulib olganman. Ammo muallif "Futbol qiroli"da kitobxonni nafaqat ajoyib yumor bilan kuldiradi, balki og'riqli mavzulari bilan o'ylantirib qo'yadi ham.

"Futbol qiroli" komedik romani iilk bora 1957-yilda "Futbol qiroli. Said Ofsayd" nomi ostida nashr etilgan. 1970-yilda esa yozuvchi yana o'z romaniga qaytib, uni to'ldirilgan holda qayta chop etadi.

"Futbol qiroli" romani syujeti haqida qisqacha to'xtalib o'tsam. Unda Said ismli badavlat, ammo nihoyatda sodda va qo'rqoq yigit, buning ustiga ko'rish qobiliyati ham zaif yigitcha tasodifan obro'li oila farzandi, ammo yengiltak Sevim ismli qizga oshiq bo'lib qoladi. Qiz uning yosh bolalarcha samimiy sevgisi ustidan ayovsiz kuladi va uni kalaka qilib yuradi. Said shunchalik soddaki, Sevimdan bir bora bo'sa olganidan so'ng, qiz uni qornidagi bolaning otasi ekanligiga ishontiradi (!)

Asar davomida sodda Said o'z sevgilisi Sevimga yoqishga harakat qiladi, unga futbolchilar yoqishidan xabar topgach, katta futbolchi bo'lishga harakat qiladi (basketbolni o'rganib, yaxshi ko'rgan qiziga yoqishga intilgan Jodu filmidagi Roxit eslansin). Nihoyat o'zgarishga qaror qilgach, qattiq mehnat va ozroq omad oqibatida oxir-oqibat katta futbol yulduziga aylanadi, erkak sifatida o'sadi va bir paytlar ustidan kulganlardan ajoyib tarzda qasos oladi. Bir so'z bilan aytganda, asar ajoyib sarguzashtlarga boy kulgili hikoya. U yerda personaj ismlarida ham ko'p ma'no yashiringanini asarni o'qib tushunib olasiz.

Shu bilan birga, romanda turk jamiyati, jumladan bizning yurt aholisi orasida ham katta o'rin tutadigan "futbol kasalligi"ning ijtimoiy jihatlari tilga olinadi, professional sportda hukm surayotgan noprofessional odob-axloq va iflos "o'yinlar" satirik usulda tasvirlanadi.

Kitob shunchaki futbol muammolari to'g'risida emas, menimcha futbol umuman asosiy planda ham turmaydi. Aslida "Futbol qiroli" - tom ma'noda bir insonning rivojlanib borishini, o'z shaxsiy fikri va hayotini qurishga bo'lgan harakatlarini ifoda etadigan qissa. Bu asar har bir inson o'z taqdirining ijodkori ekanligini yana bir barchaga isbot etadi desam mubolag'a bo'lmaydi. Motivatsiya berishni-ku, Aziz Nesin mahorat ila uddalagan.

Garchi men juda katta va murakkab mavzularborasida gapirayotgandek tuyulsam ham, aslini olganda "Futbol qiroli" mutolaasi juda yengil va nihoyatda yoqimlidir. Har kim unda o'zining bir bo'lagini topishi mumkin, Hatto kitobdagi ba'zi narsalar xuddi menga o'ta tanishday, menga tegib ketganday tuyulaverdi, men boshida protagonist holatiga qayg'urib chin dildan afsuslandim.

Baxtimga, roman so'nggida hamma narsa o'z joyiga tushdi va men kitobni asta yopib, javondagi o'z joyiga qo'yarkanman, yengil tin oldim.

Taqrizni yozib bo'lib, derazadan tashqariga ko'z tashladim. Ko'chada bolalar haliyam futbol o'ynashardi.

"Said, Olg'aa, Tep... Goooooolll!!!!!"

Yoqimli mutolaa!

@panda_books

Shu taqrizni men yozganimga ishonishmayapti, tovba😁

Litsey payti 30 ta qizbolani ortda qoldirib, Qoraqalpog'iston Republic da Ona tili va adabiyotidan Olimpiadada 1-o'rinni olganimni aytib maqtanaymi yoki?:)

@panda_books

Bu haykalni faqat tarix darsligidagi rasmlarini ko'rgandim.

Farg'onada borishga joylar tavsiya qilinglar:)

@boredpandablog

#haqida

Kofferbuch

Kuni kecha "Sayohatga nima kitob olib chiqasiz?" deb so'ragandim.

Bugun nemischa "kofferbuch" degan so'z borligini bilib qoldim - u o'qish niyatida sayohatga olib chiqiladigan, lekin oxir-oqibat butun safar vaqtida hech qachon ochib ham qaralmaydigan kitoblarga aytilarkan.

Hozir sayohat qilib yuribman. Va afsuski, bu rost ekan.

@panda_books

Seni Shohimardonda, tog' etaklarida sog'inyapman.

@panda_books

Krinj xabarlar turkumi davom etadi.

"Andisha va g'urur"ni bermapti haliyam:)

@panda_books

Eng qizig'i, aslida tungi klubga boradi degani- u odam kitob o'qimaydi, yoki undanam yomoni - vapshe "tugagan" odam degani emas. O'zi istagandek dam olishga har kimning haqqi bor. Kimdur o'tirib kitob o'qiydi, kimdur tungi klubga boradi.

Eng muhimi - me'yor. O'shani bilish kerak. Ish-oila, dam olish va o'qish orasidagi "oltin muvozanat"ni saqlay olsangiz bo'ldi.

Am I right?

@panda_books

Odamlarning doʻzaxga kirish-kirmaslik tanlovini oʻzlariga qoʻyib bering.

Devid Frimen

👉 Qisqa satrlar

Xayr Farg'ona, Salom Qo'qon!

@boredpandablog

Sevara opayam "xonlar avlodidan" ekan.

@panda_books

#haqida

Xudoyorxon saroyi

Hozir ushbu saroyni aylanib chiqib, bir paytlar o'z nigohlarini boqqa qaratib o'tirgan xon devoni yonidagi kresloda o'tirgancha xayol surayapman.

Maktabda tarixni bizga juda noto'g'ri o'rgatishgan. Tarix aslo u qog'ozlarda yozilgani kabi bo'lmaganini saroyning o'zida o'tirib his qilayapman.

E'tibor berganim, saroyda yerto'la yo'q. Balki qachondir bo'lgandur, ammo qandaydir bunker yoki qochib chiqsa bo'ladigan tunnellar aniq yo'q. Xonlar o'z xalqidan qochish haqida aslo o'ylamagan.

Saroy (Xiva xoni saroyi ham) juda yuksak did va dizayn bilan qurilgan. Xonsaroyi jaziramada ham salqin va soyali bo'lishi ta'minlangan. Isitish texnologiyalari ham oddiy va samarali. Ya'ni saroy - xonlikdagi eng boy inson yashaydigan xonadon bo'lgan.

Hozirgi davrda prezidentlar, bosh vazirlar va boshqa yuqori amaldorlar ishlaydigan binolar butun dunyoda deyarli bir xil - oq, minimalistik, har qanday go'zal arxitekturadan uzoq. Lekin ular mana bu saroyni qo'riqlashdan ko'ra yuz barobar kuchliroq qo'riqlanadi. Yashash joylari esa xalqqa mutlaqo noma'lum.

Xon saroyini esa egallab olish oson. Bu na turma, na qal'a. Bu ko'proq san'at asari. Xudoyorxon saroyida na Vazirlar Kengashi, na Minfin bor. Bu eng avvalo xon xarami va uning yuzcha mulozimlari yashaydigan va ishlaydigan joy, xolos.

Xalq xonlikda yashayotganini juda yaxshi anglagan. Ular xonni ag'darib tashlash haqida o'ylamagan. Xon davlat belgisi, ayni damda davlatning o'zi bo'lgan.

Monarxiya tuzumi xalq bilan shunday garmoniyada bo'lganini Qo'qonda aniq sezish mumkin. U davlatni ortiqcha kuch ishlatmasdan boshqargan. Ixcham va samarali davlat boshqaruvi. Hamma xon qanday yashashini bilgan, va hech narsa yashirilmagan.

Faqat u tashqi siyosatga va yangicha qarashlarga juda kech ahamiyat bergan va oxiri xonlik tashqi ta'sir oqibatida qulagan.

Bu endi boshqa hikoya.

@panda_books