"Ular" podcasti ko'pchilik propagandist ma'naviyatchilarga yoqmapti. Yoqmaydiyam. Ularning davri o'tganini tan olishni istashmayapti. Yoshlar muammolaridan uzoqda ekanliklarini esa tan olishmaydi. Nega haligacha kimlargadur o'zlari hech qachon bosib o'tolmaydigan yo'ldan yurishga da'vat qilishadi))

Ehh, bundan 10 yillarcha oldin bu propagandist va agitator tog'a-xolalarning "yulduzli davrlari" edi. Istalgan davrada suqilib kirib, aslida yo'q narsalarni kult darajasiga opchiqishardi. Yoshlarni faqat bir xil qolipli manqurt qilish, ular ichida o'zim ham borman, haligacha o'sha davrlarni kulib eslayman. Qanchalar laqma bo'lganmiz...

Bular jamiyatga hech nima bermaydi, shunday ekranga chiqib ma'naviy safsata sotishdan boshqa. Ular asl madaniyatni ham himoya qila olmaydi, chunki ularning o'zida ziyoli va liberal inson qiyofasi mavjud emas. Ular san'at va erkinlik aslida nima ekanligini tasavvur qila olishmaydi.

Qandaydir shu ko'rsatuvdan keyin shu ma'naviyatchi propagandistlarga achindimam, bunga arzishmasa ham. Afsus.

📱 @panda_books

#haqida

Zamonaviy kutubxona ochish

Albatta, kitobxon kishilarning deyarli barchasi kutubxonalarni sevsa kerak. Bizda, afsuski, joylarda bunday maskanlar kamayib ketgan. O'zim ham imkon qadar o'zim tug'ilib o'sgan joyda kutubxona ochishni o'z oldimga niyat qilib qo'yganman.

Ammo vaqt va zamon o'zgarib borayapti. Endi kutubxonalar shunchaki mingtacha kitob yig'ib, o'quv zali tashkil qilib qo'yish bilan cheklanib qolmayapti. Butun dunyoda kutubxonalar endilikda barcha qatlamdan o'qish va o'rganishni istagan kishilar uchun bir joyda yig'iladigan maskanga aylanib bormoqda.

Dunyodagi ko'plab kutubxonalarni kuzatib, imkon bo'lsa, ularga tashrif buyurib zamonaviy kutubxona konsepsiyasini tadbiq qilishni o'ylayman doim. Albatta, bu oson ish emas, ammo harakat qilib ko'rishga arziydi.

Bu haqida oldin ham yozgan edim. Shunchaki, endi shu yangiliklarni yurtimizga ham olib kelish qoldi.

Bizga zamonaviy kutubxonalar kerak.

📱 @panda_books

#youtube_tavsiya

Men ham endilikda Youtubeda kontent qilishni boshladim. Bundan keyin faolroq bo'lishga harakat qilaman. Hozircha havaskorona video montaj qilindi, qo'llab-quvvatlaysiz deb o'ylayman!

Birinchi video natsionalizm va milliy davlatchilik tarixi haqida

Ko'rish uchun👉 https://www.youtube.com/watch?v=Y84o6hGmFfs&t=6s

📱 @panda_books

#Youtube_tavsiya

Ukrainalik ajoyib travel-bloger Anton Ptushkin mana 1 yildirki, ijodni umuman yig'ishtirgan. Uning yo'qligi rosa bilinyapti. Ammo Ptushkin kanalidagi videolar prosmotr yig'ishda davom etmoqda.

Masalan, Norvegiya to'g'risidagi mana shu ajoyib videoga ham 1 yarim yil bo'lib qolibdi. Chiqqan zahoti mazza qilib ko'rgan va feedback yozgan sevimli videom. Menimcha, Ptushkinning oxirgi 10 ta videochiqishini bemalol alohida hujjatli film sifatida baholasa arziydi.

Youtube har doim va barchaga birdek tavsiya qiladigan kanallarimdan biri.

📱 @panda_books

#youtube_tavsiya

Men kuzatadigan Youtube kanallar

Youtube bu juda katta resurs. Undan eng foydalilarini olish uchun ba'zan saralab turish hech ham zarar qilmaydi. Men o'zim ko'proq xorijiy kontentlarni kuzatsam-da, o'zbek Youtubeda ham sifatli kontentlar ko'payotganini quvonch bilan aytib o'tishim kerak. Keling, bugun shularnda ba'zilari bilan tanishamiz.

1️⃣ Leap English: Online Academy
Ingliz tilini oson, quvnoq va tez o'rganishda yordam beruvchi sifatli kanal. Adashmasam, noldan boshlab o'rgatadigan videokurslari ham bor.

2️⃣ Mahin Reads
O'zbek bookbloging sferasida hozirgi kunda eng faol va sifatli Youtube kanallardan biri. Mahinni kanalim obunachilari yaxshi tanisa kerak, u bilan biz Book Talks loyihasida birgamiz.

3️⃣ SUSAMBIL
ilmiy fantastika, fentezi janridagi film va seriallarning hamda mashhur franshizalarning tahliliga bagʻishlangan oʻzbek tilidagi YouTube kanal. Juda sifatli va original kontent, ayniqsa, yangiliklar muntazam chiqib turadi.

4️⃣ Ma'rufjon Ochilov
Kitoblar va kinolar haqidagi blog. Do'stim Ma'rufjon Youtube sohasida ham yaxshi ketayotgan edi, ammo hozir biroz sustlashdi. Lekin qiziqarli materiallar topiladi.

5️⃣ XURMO
Oʻzbek zabon auditoriya uchun xorijiy YouTube kontentini rasmiy tarjimasi va dublyaji bilan shugʻullanadigan sifatli kanal. Menga ayniqsa ularning dublyajlari manzur. Tiniq va ravon eshitiladi.

Bularga agar obuna bo'lmagan bo'lsangiz, obuna bo'lishni tavsiya qilaman. Zero, manfaatli ishlarni qo'llab-quvvatlasak, buning foydasi katta.

📱 @panda_books