Kurdlarning ham qoʻshiqlari juda goʻzal!

@usmonosphere

​​#review #taqriz

🔰Ilya Yablokov – "Rus fitna nazariyasi madaniyati"

Ingliz tilida fitna nazariyasi "Conspiracy theory" deb ataladi. Bunga barchamiz birdek duch kelganmiz. Ya'ni nazariyani ahamiyati shundaki, ma'lum bir odamlar guruhi o'z manfaatlaridan, ambitsiyalaridan yoki boshqa klanlar manfaatlardan kelib chiqqan holda alohida soha, davlat yoki dunyoni boshqara oladigan kuchga ega ekanligiga ishonishdir.

Qisqa qilib aytganda, ruscha "Теория заговора" – bu reallikni idrok qilish usuli bo'lib, undagi asosiy g'oya dunyoni yashirin kuchlar boshqarishiga bo'lgan ishonch ustiga quriladi.

Ushbu kitobda, Rossiya va postsovet mamlakatlari hududida keng yoyilgan fitna nazariyalari kelib chiqishi, sabablari va oqibatlari haqida gap boradi. Ayniqsa, oqibatlari juda muhim. Chunki 2000-yillarda asosan Kremlning antig'arb va rus madaniyatini saqlash g'oyasi ustiga qurilgan fitna nazariyalari, hozirda eng yuqori minbarlardan turib ham aytilmoqda. Bu esa siyosiy maydonda konspirologik paradigmalarning aholini nazorat qilishda kuchli richag bo'la olishini isbotlaydi.

Kitobda olgan uchta muhim xulosa shular:
1⃣ Siyosiy ambitsiyalar, korrupsiya, liberalizm, saylovlar umuman barcha-barcha ijtimoiy hayotda uchraydigan mavzular konspirologiya bilan chambarchas bog'liq. Ayniqsa, siyosat u bilan oziqlanadi va kerak mahalsa foydalanadi ham. Bundan ehtiyot bo'lish lozim.

2⃣ Qanchalik paradoksal bo'lmasin, har qanday fitna nazariyasining ilk elementlari eng avvalo, jamiyatdagi intellektual va ziyoli qatlam orasida dunyoga keladi. Fitna nazariyasi mualliflari hattoki mashhur olim, yozuvchi va siyosiy arbob bo'lishi ham mumkin. Bu esa unga qarshi kurashda juda katta mushkulot hosil qiladi.

3⃣ AQShda ham konspirologiya juda yaxshi shakllangan. Faqat uning Rossiya va postsovet davlatlaridan kichik farqi, uni yetishtirgan fitnachilar kamdan-kam hollarda yozuvchi, mashhur teleko'rsatuv boshlovchisi yoki deputat bo'lishi mumkin. Odatda fitna nazariyachilari populizmga moyil bo'lishadi va bu ularning jamiyat narrativlarini o'zgartirishda, ommani ma'lum masalalarga oldindan belgilangan prizmalar orqali qarashga undashga olib keladi. Misolz o'zimizda yuz minglab obunachisi bor bir talay fitna nazariyachilari borligi ham bu teoriyani tasdiqlaydi.

4⃣ Konspirologik nazariya hamisha ham quruq gapdan iborat bo'lmaydi. U ba'zan real fakt, sana va moddiyatga ega bo'ladi. Natijada, ularga qarshi kurashish aslida bu g'oyani yanada chuqurlashishiga sabab bo'lib qolishi mumkin.

Bu bir tomondan o'ta qiziqarli, boshqa tomindan nihoyatda qaltis mavzu hisoblanadi. Kitobdan o'zim uchun kerakli ma'lumotlarni bilib oldim.

P.s: Asar rus tilida. O'zbekcha varianti mavjud emas.

@panda_books

#sarhisob #mart

Oy Sarhisobi.

Mana bahor ham kirib kelgan oyda ham mutolaa va ijod davom etdi. Bu oyda eng esda qolarli voqea albatta, James Robinson bilan uchrashuv bo'ldi deyish mumkin. Ajoyib atmosfera. Shuningdek, bookbloger do'stlar bilan ko'rishdim, kitoblar o'qib tugatdim. Yangi mavsumga yangi rejalar tuzdim. Albatta, hali qiladigan ishlarim ko'p.

♻️ Jorj Oruell — "Molxona"
Taqriz 👉ko'k yozuvni bosing

♻️ Egil Byarnason — "Islandiya dunyoni qanday o'zgartirdi"
Taqriz 👉ko'k yozuvni bosing

♻️ Elis Manro — "Ijara ijodxona"
Taqriz 👉ko'k yozuvni bosing

Oyning eng qiziqarli postlari:
👉 Norasmiy "o'zbek kitobxonlar kuni"
👉 Anime va mangalar
👉 Xorijiy agent
👉 Javlon Jovliyev
👉 Tolkin va kuch ishlatmaslik
👉 Nozik ip

Yoqimli mutolaa!

Siz-chi, bu oy qaysi kitoblarni mutolaa qildingiz?

@panda_books

Instagram | Youtube | Tiktok

Siz ham men kabi butun umr davomida buyuk yozuvchi Lev Nikolayevich Tolstoyni faqat keksa paytini, uuzzun oppoq soqolli paytdagi rasmlarini ko'rgan bo'lsangiz kerak.

Bugun esa Tolstoyning yoshlikdagi rasmni ko'rib qoldim. Bu rasmda Tolstoy 20 yoshda. 1848-yil

@panda_books

#youtube_tavsiya

Bilasiz, endilikda Youtube kontentlarni ham rivojlantirib borishga qaror qilganman. Mana shuning ilk qadamlarini kutib oling.

Bugun men sizlarga shafqatsiz dohiy, sobiq Ittifoq diktatori bo'lgan Iosif Stalinning dafn marosimi kinoxronikasidan qiziq bir lahzani hikoya qilib bermoqchiman.

Sizlardan yagona iltimos, Youtube kanalimga obuna bo'ling, layk va kommentlar qoldiring. Imkon qadar bizni qo'llab-quvvatlab tursangiz, juda minnatdor bo'lardim😊

Demak, havola quyida:
https://www.youtube.com/watch?v=HsWfeSNk_Fw

@panda_books

Manabu voqea👇 bo'yicha, rasmiy munosabat emish😁🤦‍♂
https://t.me/kunuz/65079

Birato'la "Ayb talaba qizlarda, nega qo'ygan yashirin kameramizni topib olib janjal qilishadi? Indamay yurishmaydimi?" deyishmabdi:))

Oldinroq sado-mazoxizm, victimbleyming (jinoyatda jabrlanuvchini o'zini ayblash)haqida yozgandim, manimcha endi ba'zi iflos fetishlar haqidayam yozaman shekilli.

Shame, shame, shame.

@panda_books

​​#review #taqriz

🔰Ilya Ilf, Yevgeniy Petrov — "O'n ikki stul"

"Hayot g‘oyat murakkab narsa, janobi maslahatchi to‘ralar, lekin murakkab bo‘lgani bilan sandiq kabi osongina ochiladi. Faqat kalitini topa bilish kerak. Kimki kalitini topolmasa, nobud bo‘ladi."

O'tkir yumoristik asar. Hozirgi til bilan aytganda intellektual sarkastik deyish mumkin. Kitob 1927-28-yillarda yaratilgan va hozirga qadar SSSR haqida o'qigan asarlarim orasida eng zo'rlaridan biri.

Syujetni qisqacha tushuntirsam, Ippolit Matveevich ismli sobiq dvoryan va Ostap Bender ismli uchiga chiqqan qallob yigitning hayot yo'llari kutilmaganda tutashib qoladi va ular katta boylik izidan yo'lga chiqishadi. Maqsad: Ippolit o'ziga meros qolgan oltin-javoxirlarni topish, u esa usta Gambs yaratgan nodir 12 ta stul ichiga yashirilgan edi. Ammo mebel qimmat bo'lganidan stullar donalab sotilgan va butun mamlakat bo'ylab tarqalib ketgandi. Bizning qahramonlarimiz, javoxirlarni qidirish asnosida mamlakatdagi bolsheviklarni hokimiyatga kelgan ilk yillaridagi Rossiyani ko'rsatib berishadi, turli joylardagi insonlarning hayotini ochiq-oydin tasvirlashadi.

Kitobni nega o'qish kerak?
Birinchidan, kitob bir emas, ikkita ajoyib did va ilm egasi bo'lgan insonlar tarafidan yozilgan. Tarixda bunday holat kam uchraydi. Ular nafaqat birga yozishgan, balki haqiqiy adabiyot gultojini yaratishgan. Qiziq ular qanday ijod qilishgan deysizmi? Ilf va Petrov hayotini yaqindan o'rgangan olimlar shunday xulosaga kelishganki, ulardan biri navbat bilan mashinkada yoki qo'lda yozib turgan, ikkinchisi xona bo'ylab yurib ovoz chiqarib gapirib turgan.

Qizig'i, kitob senzura uchragan, ammo nashr qilishdan to'xtatilmagan, uyoq-buyog'i o'zgartirilgan. Undagi yana bitta yutuq bu - qahramonlar aslida bosh antogonistlar hamdir. Ya'ni kitobda to'liq yaxshi va to'liq yomon qahramonlar yo'q. Ularning bari insonning ichida bo'lganidek, kitob juda tabiiy va qahramonlar ham yozuvchi xohlagani uchun emas, "voqeani o'zlari his qilib, harakatlanadilar".

Men kitobni maktab paytlari o'qib chiqqandim, albatta hozir qayta o'qisam, yana yangi nuqtalarni o'zim uchun kashf qilishim aniq. Umuman olganda, o'zini kitobxonman deb bilgan inson uchun shu kitobni o'qib chiqishni tavsiya qilaman.

@panda_books