Bayden NATO sammitida Ukraina prezidentini adashib Putin deb tanishtirdi

Amerika xalqi o'z prezidentining esi kirdi-chiqdi bo'lib qolgani uchun "Ispancha uyat" his qilsa kerak.

Qiziq, endiyam butun boshli imperiyani shu odam boshqaryotganiga kim ishonarkin?

@panda_books

​​Men o'qigan kitoblarimdadir dengiz...

Hozir o'ylab qarasam, bolaligimda dengiz sarguzashtlari haqidagi kitoblar jon-u dilim edi.

Nimaligini bilmadimu, lekin negadir menga yelkanli kemalarda uzoq sayohatlarga chiqqan insonlar taqdiri haqida o'qish juda manzur bo'lardi. Xayolan ular bilan birga dengizlarni kezar, zarrabindan ufqqa termular, maftunkor ekzotik portlarda go'zal xonimlarga xushomad qilardim. Yozuvchi Fenimor Kuperning bitta kitobida amerikalik hindular oldiga daryo bo'ylab suzib borgan bo'lsam, Jyul Vernning "Suv ostida 80 ming km" kitobida kapitan Nemoning "Nauitilus" suvosti kemasida mehmon bo'lardim. Yoki "Odam-amfibiya" bilan marvarid oviga chiqardik..."O'n besh yoshli kapitan" bilan do'st edik...Va hozir eslolmayotganim yana o'nlab boshqa kitoblar bor.

Masalan, menga ayniqsa rus yozuvchisi Andrey Nekrasovning "Kapitan Vrungel sayohatlari" nomli yumoristik qissasi juda yoqardi. Unda "Xatar" deb atalmish kemada dunyo bo'ylab sayohatga chiqqan ajoyib uchovlon to'g'risida hikoya qilinardi. Ayniqsa, kitob so'ngidagi kemadagi anjomlar ro'yxati yodlab olgandim, o'zimcha yelkanlarni qachon ko'tarish lozimu, kompasdan qanday foydalanish bo'yicha bilimlarimni oshirardim. Eng yaqin dengizdan juda olis, minglab kilometr uzoq masofada yashaydigan bolakay uchun juda g'alati ermak, nima dedingiz?

Katta bo'lganimda ham dengiz sayohatlari haqida o'qishdan to'xtamadim. Endi ilmiy-ommabop asarlar ham ro'yxatga qo'shildi. Oxirgi o'qiganim esa Yann Martellning "Pi hayoti" romani bo'lgandi. Ko'pchilik u asosida olingan filmni ko'rgandur.

Xullas, hamon dengizlar meni o'ziga chorlaydi. Ammo endi faqat kitoblar o'qish bilan cheklanmoqchi emasman. Niyat qildimki, dengizlarni o'z ko'zim bilan ko'raman. O'sha qumloq sohillarda uzoq-uzoqdagi ufqqa termulaman. Dengiz to'lqinlari nihoyat oyoqlarimni yuvib turadi. Shunda ko'zimni yumaman va nihoyat o'sha tuyg'uni chinakamiga his qilaman. Bolalikdan menda yashaydigan ajib tuyg'uni. Baxtni. Erkinlikni. Shavqni. Yaqin kelajakda, o'zi nasib aylasa...

@panda_books

"Non-Fiction" loyihasining birinchi soni chiqdi!

Loyihamizning dastlabki soni Jeyms Robinson va Daren Ajemog’luning “Mamlakatlar tanazzuli sabablari” kitobi haqida.

Do'stlar, kanalga obuna bo'linglar, like bosinglar va izohlarda o'z fikrlaringizni yozib qoldiringlar.

📌 https://youtu.be/2qk1FPsAHOU

@Bookerberg

Sevimli ingliz yozuvchi(lar)ingiz qaysi?

@panda_books

Ehhe! Sizlarning shunaqa savollarimga javoblaringizni sevamanda:)

Demak, sevimli ingliz yozuvchilari Bulgakov, Hoshimov, Martin Iden, Chingiz Aytmatov....)

Эта Life - в Кайф!

Bugun ikkinchi o'g'lim 1 oylik bo'ldi. Va bu ba'zi narsalar haqida o'ylashga majbur qildi deyish mumkin.

Dunyoda hech narsa vaqt o'tishini farzanding ulg'ayotganini ko'rishdek aniq ko'rsata olmaydi. Bu esa o'z-o'zidan miya hujayralaringda nimadurlarni chaqnashiga olib keladi.

Kelgan asosiy xulosalarimdan biri shuki, hayot davom etaveradi. Sen uni mazmunli yoki mazmunsiz o'tkazishingdan qat'i nazar, vaqt bir xilda o'taveradi. Uni qanday o'tkazish esa o'zingni qo'lingda.

Nimagadur erishishni maqsad qildingmi, hozir boshla. Hech nimani kutma, o'ylama, hisoblama - shunchaki boshla. Mayda-chuyda narsalarga parvo qilma, seniki deb o'yladingmi, o'shanga erish!

Dunyo sen o'ylagandan go'zalroq, ulkanroq va ajoyibroq. Vaqtni mazmunli va foydali o'tkazish uchun doimo mashg'ulot topiladi.

Bu hayot xuddi Zivertning ashulasidagi so'zlar kabidir:

Эта Life — в кайф!
Когда ты сделал выбор сам.
И по пустякам не ищешь повода в глазах.
Когда в ожогах ток, ведь для тебя это урок.
Куда-то унесло, и вот ты вновь сыграл в любовь.

@panda_books

Shu brat allaqachon o'n uchinchi kitobini yozib tugatibdi.

Sen esa ulardan hali birortasini o'qimagansan!

@panda_books

#haqida

Siyosiy qotilliklar

Biz yashayotgan XXI asrda zumer avlodi uchun tarixdagi siyosiy qotilliklar hech qanday emotsiya uyg'otmaydi. Ular hatto yaqin davrda bo'lib o'tganlardan ham bexabar. Masalan, Yuliy Sezarga qilingan suiqasd bizlarga uzoq o'tmish bo'lib tuyulsa, Boris Nemsovga qilingan suiqasd biz uchun unday emas. Ammo negadur Zumerlar tarixda Putinga qarshi siyosiy opponentlar faqat Navalniydan boshlangan deb bilishadi. Mayli, bunga qaytamiz.

Siyosiy raqiblarni jismonan yo'q qilish - insoniyat tarixining eng qadimgi qurollaridan biridir. Hozirgi avlod ancha tinch davrda yashayotgani uchun Navalniy yoki Sinzdyo Abe o'limidan qattiq shok tushib qolishgandi. Ammo biz bilgan tinch davr allaqachon ortda qoldi.

Aynan, Amerikani o'ziga keladigan bo'lsak, ulardagi prezidentlarga qilinadigan suiqasdlar bo'yicha bemalol alohida fan tashkil qilsa bo'ladi. Ehhe, Gamiltondan tortib, Linkoln, Kennedi va Reygangacha.... Har bir davrda bu eski usul hech qayerga yo'q bo'lib ketmadi. Va mana biz yana o'sha an'analarga qaytishayotganini ko'rib turibmiz.

Trampga qilingan suiqasd - bu jiddiy chaqiriq, raqiblar endi hech narsadan qaytmasligiga ishora.

Uning muvaffaqiyatsizlikka uchrashi esa aksincha Trampning saylovlarda yanada ko'proq ovoz olishiga imkon.

Ha, Tramp qaytadi, kuchliroq bo'lib qaytadi.

@boredpandablog

Shu kitobni shunchaki muqovasi uchun sotib olishni istaydi bu ko'ngil.

Mazmuni ham juda qiziqarli ekan lekin..

@panda_books

‼️E'lon

Bugun soat 20-00da, Mening Yurtim 5 (MY5) kanalida "Gapiring" tok-shousida Kitobxonlik haqida suhbat beriladi.

Panda Books sifatida men ham intervyu berganman, kuzatib borasiz degan umiddaman.

@panda_books

https://youtu.be/gwxtpmtpMbA?si=qWHNjutdV90KvRVP

Youtubeda ko'rish uchun

Ko'rsatuvdan lavha.

@panda_books

Bukblogerlar bugungi kunda adabiyotshunoslar va ijodkorlarning oʻrnini egalladimi?

Havas-havasga boshlangan bukbloging endilikda yaxshigina auditoriya yigʻib qoʻydi. Solishtiradigan boʻlsak, blog yuritadigan hech bir adabiyotshunos yoki ijodkorda oʻrtacha bukblogerniki kabi auditoriya yoʻq.

Biror yillar oldin, adabiy tanqidchilik haqida yozganimda "Falon universitetda falon mutaxassis" bor deb eʼtiroz bildirishgandi. Xoʻsh, mutaxassisning mutaxassisligi nima bilan oʻlchanadi bu sohada? 82.7 ball bilan oʻqishga zoʻrgʻa kirgan talabalarga dars berishi yoki ilmbozlik yoʻlida itam oʻqimaydigan jurnal va konferensiyalarda chiqargan maqolalari bilanmi?

Adabiyotshunoslar ham, ijodkorlar ham jamiyatning adabiy didini belgilab berishi kerak. Kerak boʻlsa har bir yangi va eski nashrlarga munosabat bildirishi kerak (imkon darajasida albatta). Oʻquvchi jurnal oʻqiyaptimi, jurnalda, gazeta oʻqiyaptimi, gazetada, televizor koʻryaptimi, televizorda fikr-mulohazalarini berib borishi kerak.

Zamonamiz ijodkorlariga qarasam, ular faqat oʻz ijodi bilan band. Ular boshqalarni oʻqimaydi yoki kamida shunday taassurot qoldiradi. Oʻtgan asrning adabiyotimiz gullagan davrlariga qarasak esa, ijodkorlar yozish bilan birga faol oʻqishgan. Ularning jahon adabiyoti va zamondoshlari haqidagi fikr-mulohazalarini hoziram bemalol topishimiz mumkin.

Aytmoqchimanki, bugun bukblogerlar adabiyotshunoslar va ijodkorlarning vazifasini bajaryapti. Ular ancha boyib borayotgan kitob bozorini muntazam kuzatmoqda, tahlil qilmoqda, nashriyotlar bilan doimiy aloqa qilmoqda, barcha kitob taqdimotlarida qatnashmoqda va tinimsiz mutolaa qilmoqda, xulosalarini boʻlishmoqda. Bir soʻz bilan aytganda, bugungi oʻquvchi nima oʻqishini belgilamoqda.

Tanish bukblogerlarning umumiy auditoriyasi nari-berisi bilan ellik ming atrofida. Aholimiz soniga nisbatan kam, ammo kitob oʻquvchilar ham kam, ularning soniga qiyosan bu sezilarli son. Ya'ni kimdir men hech bir bukblogerni kuzatmayman va ularning tavsiyasiga koʻra oʻqimayman desa adashadi. Bozorga nima kirishini eng koʻp xarid qiladigan faol xaridorlarning xaridi va fikri belgilaydi. Shunday ekan, kitobxonlarning katta qismi bevosita yoki bilvosita bizning taʼsirimiz ostida.

Nega bu masalaga toʻxtalib qoldim? Chunki oxirgi vaqtlarda oliy oʻquv yurtlaridagi oʻqituvchilar va havaskor ijodkorlar tomonidan bukblogerlarga nisbatan har xil fikrlar aytilayotganini eshitdim. Bu fikrlar zamirida qandaydir hasad, alam uchqunlari seziladi. Sizlar kitob oʻqimasangiz kimdir oʻqiydi, sizlar ergashtirmasangiz kimdir ergashtiradi.

Yuqoridagi barcha fikrlarni qisqa tezis shaklida yozdim. Eʼtiroz bildirish uchun boʻsh nuqtalarni topish mumkin, chunki har birini alohida kengaytma shaklida tushuntirish kerak aslida. Texnik imkoniyatlar yoʻl bermagani bois, fikrlarimning uzviy davomini tushunishni har bir kishining oʻziga havola qilaman.

@salimov_blogi

Eski bukinistik kitoblar qanday restavratsiya qilinadi? Ko'ramiz.

@panda_books