​​​​#reading

Ovqatlanish kulti

Bilasizmi yo'qmi, lekin Jek Londonning "Hayotga muhabbat" degan hikoyasi bor. Real voqealarga asoslangan ushbu hikoya ovloq joyda och-nahor va yaralangan tarzda qolib ketgan insonning tirik qolish uchun kurashini tasvirlaydi. Uning finalida qahramon uzoq vaqt ochlikdan qiynalib, qutqarilganidan keyin unda g'alati odat paydo bo'ladi. U mutlaqo hojati bo'lmasa ham o'z kayutasida ovqat g'amlab qo'yishni boshlaydi.

Kecha Endryu Doygning "Memento mori" kitobini o'qirkanman unda qiziq bir tadqiqot haqida yozilganini o'qib qoldim.

Xullas, 1944-yilda Minnesota universitetida amerikalik fiziolog Anselya Kisa boshchiligida qiziq tajriba o'tkaziladi. Yuqori jismoniy va ruhiy sog'liqqa ega 36 ta erkak ochlik bilan sinaladi.

Birinchi 3 oyda ular normal ovqatlar bilan boqiladi, keyin 6 oyda esa ratsion keskin pasaytiriladi, lekin ulardan aktiv hayot kechirish talab qilinadi. Natijada tiklangan sog'liqdan keyin erkaklar hayot tarzida qiziq o'zgarishlar yuz beradi.

Ko'ngillilarda ovqatga tiyiqsiz qiziqish paydo bo'ladi. Bu tabiiy deyishingiz mumkin. Erkaklar ovqat haqida o'ylamay tura olishmaydi. Suhbatlarning asosiy mavzusi ovqat bo'lib qoladi. Ovqatlanish vaqti uzayadi, tez-tez yamlamay yutish odat tusiga kiradi. Kulinar mavzusidagi kitoblar, menyu va qishloq xo'jaligi haqidagi maqolalar sevimli mutolaa janriga aylanadi. Eng katta ko'ngilochar narsa, boshqalar qanday ovqatlanishini kuzatish edi. Choy, kofe va jevachka chaynash hajmi keskin ortib ketadi.

Ular sinov davridan keyin kuniga 8000 - 10000 kaloriya taomlana boshlashadi, bu normadan 3 baravar ko'p edi. Natijada ba'zilar bo'kib qolishdan azob chekishadi, qolganlar esa qancha ko'p yemasin, to'yganini bilolmas, hatto 5 ming kaloriyadan keyin ham doimiy ochlikni his qilishardi. Faqatgina 3-4 oydan keyingina ular normal hayot tarziga qaytishga muvaffaq bo'lishadi.


Hozir shukrki, biz ochlik emas, hamma joyda to'qlik. Lekin ovqatlanishga bo'lgan qiziqish juda yuqoridek tuyuladi menga. Masalan, instagramda food yoki gastronomik blogging sferasi juda aktiv tomosha qilinyapti. Deyarli barcha restoran va oshxona o'z ijtimoiy tarmoqlarida ovqatlanish kultini shiddat bilan olib borayapti. Telegram gruppalarda choyxona va yangi ovqatlarni yeyish mavzusi trendda. Ko'pchilik semirishdan azob chekayapti.

Menga mana shu paradoks qiziq tuyuldi. Bu haqida o'ylab ko'rishga arziydi.

@panda_books

https://t.me/BoredPandablog/7987

Sizlarga va'da qilgan postim. Chushpan bo'lishni istamasangiz, o'qib layk bosib keling!

@panda_books

Hozir mashi kutubxonaga borib, samovardan issiq-issiq choy ichib, mazzza qip kitob o'qib o'tirishdi istaydi bu ko'ngil...

@panda_books

Yoki ulkan kitob do'koniga...

@panda_books

#haqida

Taqiqlangan meva

Mendan ba'zida kitobxonlar botda ba'zi bir adabiy kitoblarni o'qib fikr bildirishimni so'rashadi. Ammo u kitoblar shunday zerikarli va menga umuman yoqmaydiki, men ularni tanqid qilib taqriz yozishdan o'zimni arang tiyib qolaman. Zero, bu ularning sotuvini yanada oshishiga xizmat qilib qo'yishi mumkin.

Chunki kitoblar qancha ko'p taqiqlansa va qancha ko'p tanqid qilinsa, ommada shuncha o'sha kitoblarga bo'lgan qiziqish ko'payadi. Shu sababdan kimdir kitoblaringizni tanqid qilsa, xursand bo'linglar.

@panda_books

#newbook #yangikitob

Nihoyat, sevimli yozuvchim va zamonaviy dunyoning eng kuchli eruditlaridan biri Nassim Nikolas Talebning "Антихрупкость: Как извлечь выгоду из хаоса" kitobini xarid qildim. Kitob yaxshigina qimmat ($17,3 ga tushdi menga). Lekin, albatta shunga arziydi.

Kitob tasodif va noaniqlikni sevuvchi "Antimo'rtlilik" haqida. Biz mavhumlik, qilayotgan ishlarimizni nega qilayotganimizni tushunmaganimizda, to'g'ri yo'lni aniqlashda va muvaffaqiyatga erishishda yordam beradi.

@panda_books

Insoniyat taraqqiyotini mutlaqo o'zgartirib yuborgan kashfiyot muhrlangan lahzalar.

Aka-uka Raytlar ilk samolyotni sinovdan o'tkazishmoqda.

Excited.

@panda_books

#haqida

Buyuk kashfiyot

Bundan roppa-rosa 120 yil oldin shu kuni asli velosiped ustalari bo'lgan aka-uka Uilbur va Orvill Rayt (Wright)lar Kitti-Xouk qumli plyajida insoniyat tarixida ilk bor uchuvchisi bo'lgan rejali parvozini amalga oshirishadi.

Birinchi parvoz atigi 12 sekund davom etadi. Keyinchalik ular bu vaqt va masofani uzaytirib boradilar. Ammo aynan mana shu 12 soniyalik parvoz insoniyat sivilizatsiyasini mutlaqo yangi bosqichga olib chiqish debochasi bo'lgan desam yanglishmayman. Ular insoniyat taraqqiyoti tezligini nihoyatda oshirib yuborish imkoniji beruvchi kashfiyot qilgandilar.

O'tgan yili yozuvchi Devid Makkalouning "Aka-uka Raytlar: Dunyoga uchishni o'rgatgan insonlar" kitobi mutolaasini tugatgandim. Ushbu ikki ixtirochi hayoti va ushbu kashfiyot tarixi bilan yaqindan tanishish menga beqiyos ilhom bag'ishlagandi.

Kitobga yozgan taqrizimni shu yerda o'qishingiz mumkin.

@panda_books

#haqida

Qirq kun

Ilmiy-ommabop kitoblar va boshqa xalqlar madaniyati haqida qanchalik ko'p o'qirkanman, bitta narsani tobora tiniqroq anglab borayapman — Oldingilar o'lim to'g'risida ko'p yozishgan va o'qishgan. Bu mavzu qandaydir tabu bo'lmagan. Eng qizig'i, Yaqin sharq va G'arb sivilizatsiyalarining bu borada o'xshashliklari talaygina.

Afsuski, zamonaviy yozuvchilar o'lim haqida bunday qiziqarli va ma'nili tarzda yozmay qo'yishgan. Kecha Nadya Vassefning sizlarga aytib bergan kitobini o'qirkanman, unda xristian va musulmon dunyosi dafn marosimlaridagi ba'zi odatlar tarixi misrliklardan kelib chiqqanini yozadi. Bu esa qiziq.

Barcha joyda bir xil vaqt oralig'i keltiriladi. 40 kun. Misrliklar uchun 40 kun - bu inson vafot etganidan so'ng, uni mumiyolashning birinchi bosqichini bildirgan. Musulmonlar uchun esa 40 kun bu - motam davri hisoblanadi. Bu vaqtda marhumning yaqinlari qora kiyib yurishlari lozim. 40-kuni esa marhum xotirasiga atab ma'raka o'tkazilgan.

XVII asrda G'arbda biror kema ekipajida o'lat yoki boshqa o'tkir yuqumli kasallik aniqlansa, kema darhol 40 kunlik izolyatsiyaga olingan. Bu tadbir italyancha "quarantena" - "40 kun" deb nom olgan. Shu yerdan biz bilgan "Karantin" so'zi kelib chiqqan.

shunaqa gaplar.

@panda_books

#news

Rossiyada "Слово пацана. Криминальный Татарстан 1970–2010-х" kitobining butun tiraji sotilib ketdi

Yaqinda shu nomda chiqqan serialning mashhurligi va uning taqiqlanishi haqidagi gap-so‘zlar ortidan rossiyaliklar jurnalist va yozuvchi Robert Garayevning kitobini sotib olishga shoshilishdi. Natijada, do'konlarda bosma versiyalar tugadi, endi qolganlar yangi nashrni kutishmoqda.

Ma'lumot uchun, serialga qozonlik Robert Garayevning “Yigit so‘zi. Kriminal Tatariston 1970–2010” asari asos qilib olingan bo‘lib, muallifning o‘zi ham 1989–1991 yillarda “Niza” to‘dasining a’zosi bo‘lgan. Bu esa, tasvirga olish jarayonlarida maslahatchi sifatida qatnashgan Garayevning tajribasi, liboslar bo‘yicha uslub yaratish, jargonlarni qo‘llash borasidagi bilim va ko‘rsatmalarini berishida, ayniqsa qo‘l kelgan.

@panda_books

​​#haqida

Qaror qabul qilishning eng samarali metodi haqida

Orangizda Doktor Haus seriali muxlislari ko'p bo'lsa kerak. Shuning uchun uni ortiqcha ta'riflab o'tirmayman. Tibbiyot dahosi. Lekin nihoyatda qo'rs va hissiz inson ham. O'z fikriga ega, boshqalarning u haqidagi fikrlariga allaqachon tupurgan shaxs. Ammo shunga qaramay, u eng og'ir bemorlarga ham tashxis qo'yishda kamdan-kam yanglishadi. Sababi nimada?

Agar yaxshilab e'tibor bersangiz, u yana hech qachon bemor bilan yuzma-yuz uchrashmaydi, o'z assistentlarini jo'natadi. Siz oldin hech shunday doktorni ko'rganmisiz? U o'ta muhim zaruriyat bo'lmasa, bemor bilan kontaktga kirishmaydi. Nega u boshqalarga o'xshab bemor hislariga yon bosmaydi?

Agar yanada e'tiborliroq bo'lsangiz, u doimo kasallik nimaligini topish uchun qo'yiladigan diagnoz haqida o'ylayotgan muhokmada, barcha simptomlarni birma-bir doskaga yozib chiqadi. Axir u daho bo'lsa, yozib nima qiladi, esida qolmaydimi?

Bularning sababi shundaki, u ko'pchilik qiladigan xatoni takrolamaslikka harakat qiladi. Uning muvaffaqiyati ham ana shunda. Doktor Haus metodi qisqacha quyida:

1. Fikrlarga emas, faktlarga tayaning;
2. Hissiyotlarga emas, muhokama va xulosalarga suyaning;
3. Xotira o'rniga yozuvlardan foydalaning.

Qabul qilgan qarorlaringizni tahlil qilish imkonini beradigan eng zo'r texnika - bu fikrlarni, mulohazalarni va umuman sizni o'ylantirgan barcha ma'lumotlarni yozishdir. Keyin masalan, buni olti oy yoki bir yildan so'ng baholab taqqoslab ko'rish mumkin bo'ladi. Balki siz haq yoki nohaq bo'lgangizni bilib olishning yagona yo'li shu.

Ha, bu qiyin, natijaga erishish uchun uzoq vaqt kerak bo'ladi. Ammo yozishni boshlaganingizda, fikrlash jarayoningiz, barcha faktlarni va bo'lajak voqealar ehtimolini baholash qobiliyatingiz qanchalik o'tkirlashganini sezib o'zingiz ham hayron qolasiz.

Hayotda mo'jiza sodir bo'lmaydi. Eng kuchli tahlilchilar ham, yozuvchilar ham, olimlar ham qiyin va uzoq yo'lni bosib o'tishgan bu darajaga yetguncha.

Qachonki hayotda siz omad bilan mahoratni farqlay boshlar ekansiz, hayot ma'nosini tushunib yetasiz.

@panda_books

#xayollar

Yillar o'tib ba'zan o'tirib o'ylab qolaman:

Balki Tay Lung haq bo'lgandir? Butun umr bolaga sen kelajakda albatta Ajdar jangchisi bo'lasan deb miyasiga singdirib kelib, ayni payti kelganda U Guey "yo'q" deganida, uning oldiga chiqib, jilla qursa sening yoningni olmagan ustoz Shi Fudan xafa bo'lishga haqqing borku, to'g'rimi?

@panda_books

​​Esingizda bo'lsa, yaqinda Asaxiy Booksning kitob taqdimotiga borganim haqida yozgandim. Oldiniga u yerda shaxsan nashriyot rahbari Firuz aka, keyin Telegram kanali tomonidan Asaxiyning yil davomida eng ko'p sotilgan "Yil bestsellerlari" reytingi e'lon qilindi.

Qizig'i, endi kelasi yildan boshlab ushbu Top-20 talik kitoblar muqovasida maxsus "Bestseller" stikeri🎖bilan chop etilarkan. To'g'ri, bu arzimas o'zgarishdek tuyular, lekin asosan boshqa kitobxon davlatlarda ommalashgan bu uslubning bizga ham kirib kelgani shunchaki yoqimli.

O'sha kuni Top-20 talik haqida Mirshakar Fayzulloyev ham xazil tariqasida zo'r gap aytdi: "Asaxiydan kitob olish uchun yaxshisi Yil oxirini kutgan ma'qul. Nima tanlashingni bilmay o'tirganingda, odamlar o'zlari tanlabergan top-20 ta kitobni ko'rsatib "Mashilarni o'qi, kam bo'miysan" deb qo'yishadi". Rostanam:)

Quvonarlisi esa Asaxiy mana shu bestseller kitoblari to'plamiga Yangi Yil aksiyasi e'lon qilibdi! Faqat 31-dekabrga qadar 1 059 000 so'mlik bestsellerlar to'plamini super chegirmada – atigi 699 000 so'mdan💰 xarid qilishingiz mumkin. Bu to'plam o'zingiz yoki yaqinlaringiz uchun Yangi Yilga benazir sovg'a bo'lishi shubhasiz.

Yana bir qulaylik: buyurtmalaringiz butun O'zbekiston bo'ylab bepul va tez fursatda yetkazib beriladi.

Xullas, bunday ajoyib imkoniyatni qo'ldan boy bermang. To'plamlar soni chegaralanganini hisobga olib hoziroq buyurtma berishga shoshiling, zero unutmangki, kitoblar – eng yaxshi sovg'a!

Bestsellerlar ro'yxati bilan tanishing: http://asaxiy.uz/u/bestseller2023