✒


أخلاقك عنوانك.....♡
لَنْ تَسْتَطِيع تَغْيير شَكلَك ....♡
لِتَصْبَحْ أجْمَل فِي عيُون آلنَّاس ..♡
وَلَكنَّك تسْتَطِيع تَزيين أخْلآقَك وَتَجْمِل أدَبَك ،،♡
لِتَكون أجْمَل مَا رَأت عيُون النَّاس.

#خواطر-راقية..

انا مش كنت واعداكم بروايه #الوتين_الحلال😍
ومانزلتها ليك
بتاسف والله بس الرواية اتمسحت مني وياداب قدرت اتحصل عليها
وان شاء الله بنزله ليكم كاااامله كتعويض😘☺️
الليله الساعه 5مساء
#ودمتم_سالمين🐸🌸

الوتين الحلال ❤

#الوتين_الحلال_1
نزلنا للسمستر الجديد .. انا وصحباتي فاطمة و ريان و اميرة ..
اميرة : سندس تعالي .. ماشين نفطر نحنا جعانين شديد 😡 ماوقت حوامتك هسي .. تعالي ياخ😡
انا: دقيقه .. بس ماشه المكتب .. دايره اشوف المهندسين الجداد جابو مشاريعهم .. خلوني اكشف ياخ للبيوت الصغار😡
اميرة: ياخ انقلعي حنفوووتك بس
انا:مشيت ولما وصلت لقيت المكتب مقفول ..
عاينت بالشباك لقيت المهندسين مجتمعين مع رئيس القسم ..
وكان في مهندس تقنية معلومات 😍 واقف بشرح للباقين ..
اتلبدت براحه عشان اقدر اشوف من الشباك فوق😆 .. زول وسيم وملامحو فتانه واسمر وكحيل وطويل❤❤❤ وجسمو رياضي .. وشيك شدييييد 😍😍 .. وصوتو حلو كمان😍😍
قعدت اعاين ليهو وهو بشرح ونسيت نفسي ونسيت الفطور زاتو😆 وقام رئيس القسم قاطعو .. قال ليهو:
عمر بخطتك دي محتاجين اجهزة كتيرة .. الشركة بتقدر توفرها للطلاب ؟
انا : اسمو عمر😍😍❤❤❤
عمر رد ليهو اي بنقدر نوفرها اذا الله اراد 😃..
وواصل شرحو .. وانا يدي بدت تلين واتزلقت من الشباك 😏
وعملت صوت .. الليله خلاااص سجمممي حيقتولني لو شافوني😔
عميد الجامعه .. دي شنو الجوطه البره دي ؟
عمر لمحني من الشباك واقعه وماقدرت اقوم💔
قال للعميد: لالا مافي حاجه .. نحنا زاتنا خلصنا شرح باقي التنفيذ بس
وطلعو كلهم من المكتب .. وانا قبل ما يطلعو جريت واتدسيت ورا الحيطه ..
ولما مشو .. جيت راجعه 😆
لقيت عمر في وشي😍😍 .. قلبي لما وقف❤💘..
قلت في سري لازم امشي سرييع والا حيسألني الجابك شنو وكنتي بتعملي في شنو؟!
وكل ما اجي ماشه هو بمشي في نفس اتجاهي 😳
قلت ليهو: لو سمحت ممكن تزح لي عشان امر من هنا 😒
قال لي: بعد اعرف كنتي بتعملي في شنو ؟
قلت ليهو: ما كنت بعمل في شي .. اصلا كنت ماره من هنا ووقفت بس شويه وانت عاينت لي .. قايلني بعاين ليكم كنت😆
عمر ضحك وابتسم لي 😄 وفتح الشارع عشان امر ... وانا جيت ماره ..
قال لي : لوسمحتي
انا قلت "قال لوسمحتي😍😍 ديل بيجو من وييين 😍😍.. خلقه واخلاق 😍❤،،
قبلت عليهو وعامله فيها متغايظه منو😼 وببرود قلت ليهو نعم
قال لي: بالمناسبه التراب بتاع الحيطه فوق في طرحتك .. عشان كنتي واقفه كتير في الشباك😉
انا 😳😳 احححي ياسندس .. في داعي للكذب اها اتفضحتي👊 مبسوطه هسي يعني ياهبله ياعبيطه 👊
وبقيت بتكلم تحت تحت .. انا عبيطه انا هبله 👊
عمر كان منزل راسو عشان يسمعني بقول في شنو 😳
رفعت راسي لقيتو بسمع فيني بشاكل في روحي😤 . قال لي : هههههههههههههههههه
انا اتغظت من ضحكتو وقلت ليهو ماااالك بتضحك فيني😒
وفجأة قاطعتنا بت سمممحه شديد ومعتنيه بي روحها وانيقه ..
قالت ليهو : عمررر ياخ ما بتتصل وتقول اكلم اسراء اني جيت الجامعه
عمر : معليش ياسرو والله اتلخمت وماقايلك شغاله الليله
انا لقيت فرصتي وزغت طواااالي
عمر كورك لي سريع وبنادي يابت يا بت ..
اسراء:عمر دي منو
عمر :ضحك شويه و قال ليها ...

#الوتين_الحلال_2
عمر قال لي اسراء دي بت مجنونه ياخ ضحكتني 😂😂 شكلها شقيه وشليقه شديد 😂 .. اسراء قاطعت عمر : ماعلينا خلينا منها .. ممكن اشوف المشروع ..
عمر:طبعا سرو اتفضلي 😄 .. وبقى بعاين للطريق المشيت فيهو انا وانا وقتها اختفيت ...
مر اسبوع والشركة بتاعت ناس عمر اسمها القيصر للإستيراد والتصدير وكانت لازم تجي للجامعه وتنزل الاجهزة للطلاب الجداد ..
انا كنت قاعده مع صحباتي وجاتني اميره من بعيد سندس سندس ..
عندي ليك شمااار عجيييب 😉 بتديني كم ..
انا : اميره ياخ زحي من وشي هسي براي زهجانه من الحر ده😏 ماناقصاك كمان ..
في واحد كسااار سالني منك هسسي قال عجبتيهو 😍
انا قمت قاطعتها بزعل كده .. ياخ ما يسألني ولا اي حاجه انا .. خليني مع عمر الراح ده وما لاقياهو😪
وكلهم اتلمو في راسي اميره وزينب وفاطمة .. عمر منووو احكي سريييع😍😍😍 ..
قلت ليهم : شمشارات من يومكم وقعدت احكي ليهم الحصل اليوم داك ..
بعد خلصت الحكايه.. سمعت صوت زول قرييب لي عمر .. بقول ليهم نزلو الاجهزة براحه عشان ماتخسر ولاتتكسر.. اتلفت عشان اشوف منو البتكلم 😳😳😳 لقيتو عمر 😳😳..
شههههههههقت شهههقه كبيييره ( هييييييق 😳) الليله حيكون سمعني .. . صحباتي اتخلعو قالو لي مالك .. اشرت ليهم على عمر .. عاينو ليهو واتكسرو فيهو كمان😍😍 .. عمر اتلفت وهو بتكلم بالتلفون لقاني خاته يدي في خشمي .. ومخلوعه .. بقى بعاين لي شدييييد كده عشان يقدر يعرفني .. قمت اتلفت سريييع وجريييت .. طلعو وركبو الاجهزة .. وتاني اتشااالقت ومشيت جنب عربيتو عشان اعرف اسم الشركة بتاعتو .. لقيتها القيصر 😍😍 الاسم البحبو .. بقيت المس في العربيه واهبش الاسم وارسل ليهو بوسه في الهواء للعربيه 😘 واتصور براي مع العربيه .. كنت قايله المكان فاضي لانهم مشو يركبو الاجهزة ... بس ظهر لي عمر فجأة وانا كنت بتصور مع اسم الشركه 😂..
شههههقت طوااالي (هييييق😳) انت جيت بتين
قال لي : من لما كنتي بتتصوري مع الاسم وبتعملي في حاجات غريبه ..
بعدين انتي اصلا كده بتحبي تتكلمي براك ولا كيف😂..
قلت ليهو : معليش مامفروض اعمل كده انا اسفه .. وجريت طوالي لاني اتحرجت ...
وتاني ناداني يابت اقيفي .. يابت .. بس انا ما وقفت ..
جا اليوم التاني وطردوني من المحاضره عشان مامسجله 😏 .. طلعت وقعدت في الارض تحت شجره في الجامعه والمكان كان فاااضي ..
وشغلت اغنيه ياااي سحر عيونو ونظرااتو 😍😍 وبالجد كنت بتخيل في عمر لانو سحرني من اول مره ... وطبعا اندفعت ورا الغنيه وبقيت العلع بصووتي ونشاااذ شديييد اقسم بالله 😂 ..
وانا مندمجه جا عمر وقعد في الارض جنبي وبقى بعاين لي .. وانا ده كلو ما منتبهه ليهو لاني كنت مركبه السماعات ومغمضه عيوني ..
بس فتحتها القى عمر قاعد وبضحك فيني ..
انا اتخلعت شدييييد 😳😳 .. قبل ما اتكلم قال لي
غريبة الاطواار مالك قاعده براك ؟
انا كنت دايره اقوم سريع بس وقفني وقال لي ماحتقومي والليله مت حتهربي مني ..
اسمك منو انتي؟
انا قلت في سري(سندس باعبيطه اوووعك تتهابلي وقولي ليهو اسمك واتعرفي ماحتخسري شي)
قلت ليهو: اسمي سندس
مد لي يدو قال لي انا عمر
سلمت عليهو وكانت اول مره اسلم فيها حسيت بشعور غريب اتجاهو رغم اني مابعرفو..
قال لي :مالك زهجانه شكلك
قلت ليهوو: طردوني وهسي قاعده براي كنت قبل ماتجي انت😒
قال لي : قاعده براااك .. ولا كنتي بتتمرني على صووتك يافناانه😜
انا شميتو شديييد .. وقلت ليهو ما عندك دخل انت قاعد معاي ليه اصلا
قا لي : ع فكره انا شفتك لما طلعتي من القاعه زهجانه ومشيت اشتريت ليك سنيكرز عشان ما تصري تاني .. بس فتشت الجامعه كلها ما تخيلتك قاعده في الشجره دي
وطلع الشوكلاته واداني ليها
انا: شكرا ليك .. بس مابقدر اشيلها..كنت عامله تقيله .. ونفسي دخلت فيها 😔 بس قلت ما اتخافف ..
قام عمر ختاها لي فوق شنطتي وقام على حيلو وقال لي .. اتشرفنا سندوووسه 😉 لي قدام 😉..وسلام .. ومشى طوالي
بعد مشى .. قمت سريييع شلت الشوكلاته واكلتها .. وجيت اقوم ..
لقيت تحتها في ورقه مكتوب عليها .. ابتسامتك حلوووة شديد ..
الأصليه لكن ما المجامله 😉 ..
انا اتبسمت برااي وقعدت اضحك واتبسطت شديييد من حركتو دي ويمكن قلبي قال شححح❤..
عدى يومين وتاني ماشفتو .. ولسه محتفظه بالورقه وورقة الشوكلاته زاتها😂 كل دقيقه اطلعها واتبسم برااي وادخلها تاني ..
لحدي ما جا يوم الخميس .. كان دكتور محمد مرسلني للمعمل بتاعنا جوه الجامعه .. وانا ماشه للمعمل لمحت عمر متكل على البنش ومغمض عيونو ..
اتشااالقت تاااني ومشيت وقربت منو ولما وصلتو .. قعدت اتنح في عيونو وفي ملامحو واقول سبحاااان الله 😍
سمممح كده ليييه الزول ده 😍😍 .. واتخيلت طبعا اني عرستو وجبنا اولاد شبهو 😂 دا كلو وانا واقفه بعاين ليهو.. ما اتوقعت في يوم خيالي ده يبقى واقع ❤
ونسيت انو الدكتور مرسلني .. وجريت ليك الكرسي وقعدت ابحلق 😍😍 .. فجأة فتح عيونو ..😳😳
وانا جيت اقوم من الكرسي سرييع كنت

دايره اقع ..
سبتني بي يدو ووقفني .. وانا ساكته ما عارفه اقول شنو 😳
ابتسم لي .. قال لي كيفك ؟
انا استغربت انو ماسألني انا كنت بعمل في شنو وقلت ليهو: الحمد لله ..
قال لي : وانا كويس الحمد لله
قلت ليهو عن اذنك انا مرسلني ولازم امشي سريييع
جيت امشي .. جا وقف قدامي
قال لي : انا جيت الجامعه عشان اشوفك .. وهسي كنت بسمع في غنيتك
انا اتخلعت شديد😳😳😳..
تشوفني ليييه !؟
قال لي: اسمعينيي ياسندس...

اعملي لي متابعه لي حسابي عشان تصلك باقي القصة وكل منشوراتي
ونتقابل 😘😘

#الوتين_الحلال_3
وقفت وعاينت ليهو .. قال لي: انا داير اتعرف عليك اكتر.. طوالي باستعجال رديت ليهو: مابقدر اديك رقمي والله .. لاني كنت خااايفه شدييد .. زول كده ماشاء الله سمح وود ناس ووضعو فوق شديد وصاحب اكبر شركة ... اكيد داير يتسلى بي بس😔 .. احسن تختصري الموضوع ياسندس .. وبقيت اقول تحت تحت كده ..(لااا لااا لااا اوووعك ياسندس لااا ) عمر كان منزل راسو وبسمع فيني وبضحك .. رفعت راسي قلت ليهو مابقدر اديك رقمي ..
شال تلفوني من يدي وكتب رقمو وقال لي لو احتجتي لي اي حاجه انا موجود ... ومشى ..
جا االيل .. وانا اتحااااوم من سرير لي سرير ومن ركن لي ركن .. ادق ولا ما ادق ادق ولا ماادق .. والشفقه قاتلااااني شدييييد ..
خلاص ياسندس بسم الله قولي ودقي .. دقيت على رقمو ومارد ..
جيت انوم خلاص ... التلفون رن .. عمررررر😍😍😍 ..
بقيت انطط واتراقص براااي وادور بالتلفون 😂 عمررر عمرر عمررر عمررر ...
لحدي ما عمر قفل انا ما كنت فاضيه من الرقيص😒..
مشيت تاني يوم الجامعه في المحاضره التانيه قالو ناس الجامعه حيودونا لي شركه القيصر عشان نشوف نظام الشركه كيف ونربط كيف الاجهزة في المعامل ...
انا من سمعت اسم القيصر وشي بقى بضحك براهو وخلااااص يا الفرحه جاااات 💃
ركبنا الباص ووصلنا الشركه .. كانت كبيره شديييييد وحلوة والموظفين راقيييين وكلهم كساريين بالله
اميرة جات : سندس بالله عمر ده شكلو حابس المزز في الشغل هنا 😍 ماقاعدين نشوف زي ديل مالنا نحنا..
وبصوت واحد انا وهي ::: اااااااخ ياقلبي😍😍
وفاجأنا عمر بي ورا : سلامة قلبك سندس😄
اتلفتنا انا واميره مخلوعين شديد😳 .. قال لي نورتونا 😉
اميره سلمت عليهو واتخارجت وانا بقيت احمر ليها عشان ماتمشي بس مشت سريع 😏
عمر قرب مني شويه .. قال لي : امبارح ليه مارديتي
انا:اتخلعت انو عرفني كييف .. واتلخبطت طوالي .. ما انا الضربت ليك
عاااين لي جوه عيوني وهو مبتسم
وانا خلاص الوقت داك قلبي وقف ولما زول يعاين لي بتوتر ..
بقيت اقول ليهو : ما انا الضربت. انا ماضربت .. وهو لسه بعاين في عيوني .. وانا شغاله : اضربت انا .. ماضربت انت .. اضربت الحيطه
وعمر :😂😂😂😂😂😂😂😂😂 يابت مااالك
انا : ماعارفه زاتي كنت بسوي في شنو ... قلت ليهو ماتعاين لي كده لو سمحت تاني ..
وجيت امشي .. مسك يد الشنطه وقال لي تعالي معاي
انا :😳😳😳 اجي معاك وييين
عمر: عايز اوريك حاجه وبدوووون اسأله
ومشيت معاهو وانا متطمنه رغم اني ما بعرفو
طلعنا لي مكتبو فوق ومنو الواحد ممكن يشوف الشركة كلهاااا ...
وبقيت اعاين للشركه من فوق .. قلت ليهو حلوة ماشاء الله .. بس القيصر ده اسم منو
قال لي : اسم ابوي .. وقبل مايتم قاطعتو
قلت ليهو : محظوووظ ابوك يااخ 😍😍 شركتو رهيييبه .. انا لو عندي زيها .. كنت مشيت فرنسا ولندن وروسيا بقروشها ... واشتريت عربيه وفتحت دار للأيتام ولميتهم .. ونسيت نفسي وبقيت اتكلم كانها شركتي واقول في احلامي ...
قبلت لقيتو مبتسم بعاين لي وانا بتكلم قال لي: معناها حأتسوقيني انا اول واحد معاك ...
قلت ليهو : مافهمتك !؟
قام من كرسيهو وجا وقف جنبي في الشباك .. قال لي:
ابوي للأسف ما عايش عشان يسافر روسيا وفرنسا ولندن .. وامي برضو ...انا يتيم ياسندس .. اهلي اتوفو بعد التخريج بتاعي قبل ٥ سنين في حادث .. ومسكنا الشركة دي انا واخوي محمد وانحنا اتنين بس .. ومحمد مات قبل سنتين بسرطان في الدم ...
يعني ممكن تقولي عايش براي مافي الشركه بس .. في الدنيا كلها ... وابتسم لي
انا هنا حسيت اني غبيه شديد لاني اتكلمت بدون ما افكر .. وبدون ما اشعر دموعي جرت وزعلت شديد عليهو💔
وبالجد مابتقدر تعرف حزن الناس الجواها الا اذا قربت منها وشوفت الجزء الخفي من حياتها💔
قال لي: مالك بتبكي يابت ... انا عايش لسه مامت
انا ضحكت شويه فيهو وقلت ليهو:
انا اسفه والله ماكنت عارفه
قال لي :ماتتأسفي .. انا زاتي ماعارف الخلاني جبتك وحكيت ليك شنو
انا : ابتسمت بس وسكت
عمر:بصراحة والله ياسندس انا ارتحت ليك .. وماعارف السبب شنو
وعارف انك بتخافي مني وبرضو ما عارف السبب شنو ..
هنا اميرة دقت لي .قالت لي وينك انتي نحنا ماشين
قلت ليهو لازم امشي انا وسريييع عشان الباص مايفوتني
شال ورقه من مكتبو وكتب عليها : غريبة الاطوار البريئة شديييد ابتسامتك الحلوة لما تبكي بتضيع منك .. البت المجنونه ربنا يحفظك
ولفاها ومعاها حلاوه كانت في المكتب قال لي بعد تفتحيها تحت
اذا عاينتي لي فوق حاعتبر اننا بقينا اصحاب واذا ما عاينتي انا الخسرااان
سلمت عليهو في يدو وطلعت ... وانا نازله من السلم الشمار حرقني
وزوووت فتحت الورقه وقريتها .. قربت ادردق من السلم ..
لاقتني اميره ...كنتي وين انتي يابت
مديت ليها الورقه وعيوني كلها قلوب 😍.. بس اميره الكلبه شالت الحلاوة اول ودخلتها خشمها الكبير سريع سريع ...
لما وصانا الباب عاينت للمكتب فوق لقيتو واقف من الشباك بعاين لي :
ابتسمت ليهو وهو ابتسم لي ومن يومها

كانت بدايه الصداقه
.........
اسراء بتشتغل مع عمر وشافتنا بنوزع في البسمات .. بقت بتعاين لي من فوق لي تحت ونظرات كانها دايره توصل لي انتي ما مستواهو ...
نحنا طلعنا الباص ... واسراء دخلت مكتبها لي صحبتها هيام ..
رمت الورق بي زهج ..
هيام : اسراء مالك في شنو ؟
اسراء: هيام البت سندس دي ما مطمناني حاسه انو عمر بدا يرتاح ليها ..
اتخيلي المره الفاتت طلع من الشغل وقال لي احضري الاجتماعات عشان حضرتو مشى الجامعه وكان قاعد بعاين ليها طول اليوم ومراقب تصرفاتها ...
وجا حكى لي كمان .. انها بريئه وعفويه وبتضحكو بي حركاتها ..
قلت ليهو هي شافتك : قال لي : لا كنت بعاين ليها من بعيد كانت بتتونس مع صحباتها وبتحاكي في الممثلين
هيام البت دي انا مامرتاحه ليها نهاااااااائي خايفه عمر يحبها .. ماحصل عمل حركات زي دي قبل كده وماحصل قال لي وحده اديني رقمك وكل البنات جارين وراهو
هيام :ضحكت وقالت ليها وانتي اول واحده جاريه وراهو
اسراء ضربتها بالشنطه وقالت ليها : دا ماوقت سخافتك
هيام:يابت انتي جاده تخافي من بت اصغر منك 😂
وبعدين شكلها عبيطه بس .. عمر زاتو هاااااديء ومنطوي ومابحب الكلام الكتير ....
اسراء: اقول ليك عمر ضيع يوم كاااامل عشان يشوف العباطه البتقولي عنها دي .. عبيطين نحنا والله ... انا ماحاخليها تشيلو مني باي طريقه والله
هيام:بس يا اسراء عمر ما بحبك ومافكر فيك يوم ولا في بت زاتو وشكلو ماداير يعرس ... لانو اعمامو وخالتو كلهم حاولو يدوهو بناتهم بس هو ما كان بوافق
اسراء: لازم اشوف حل
هيام :طيب مس دايره تطفيشيها منو
اسمعيني كووووويس.....

اعملي لي متابعه لي حسابي انا عشان تصلك بأقي القصة وكل منشوراتي
#كل_الحب 😘
ونتقابل

#الوتين_الحلال_4
هيام : اسمعيني يا اسراء انتي تحاولي تلعبي على الاتنين .. منها عمر يزهج من سندس وسندس حتمل من تصرفاتو .. اءا حاولتي توقعيهم الاتنين في بعض .. فهمتي كيف؟
اسراء: وقع لي اي .. خلي الباقي علي
....
مر اسبوع وانا وعمر بدينا نتكلم بالتلفونات ونتونس ونهظر مع بعض .. وبقينا نقرب شويه شويه لي بعض .. واتفقنا انو نكون صريحين مع بعض شديد واي حاجه نحكيها ..
كنت بحكي ليهو تفاصيل يومي كلووو .. وبدون تعب وهو كان بيخلي شغلو ويقعد يسمعني بدون مايمل .. وما حصل قفل فيني وقال مشغول ..
بس ما كنا بنتقابل كتير لانو الجامعه كانت ضاغطاتني وهو الشركه معذباهو ..
يوم كنت زهجانه شديد .. ونفسي اطلع وبحنس في ناس اميره وابو يطلعو معاي عشان الدنيا حر شديد كانت ..
قعدت تحت شجرتي الفي الجامعه وبقيت بتكلم مع عمر بالمسجات .. سألني .. مالك قلت ليهو : زهجانه بس ..
قال لي : يازولة ماعندك موضوع .. اها الشغالين زينا يقولو شنو..
قمت قلت ليهو : خليني في حالي .. غلطانه انا الشكيت ليك
وبقى برسل وبرسل وانا مابرد ...
قعدت زي نص ساعه كده براااي والشمس والحر زايد ..
وفجأة😳..
جا عمر وخلعني بي وراي ... البت المجنونه 😆 ..الزول البزعل ..لازم يقعد في الحر ..
انا':😳😳 جيت بتين انت 😳 .. بعدين انا كده لو زعلت بقعد براي هنا .. وعرفتني كيف انت
عمر : اول حاجه بقولو للزول اتفضل بعدين بسألوا
وبعدين انتي زعلانه بتاكلي في شيبس كيف ! .. وقعد جنبي في الارض واتربع زيي وشال الشيبس وبقى ياكل ..
انا اتخلعت من تصرفاتوو ومن تواضعو ومن تعاملو معاي وفي سري قلت
)عااااد انت نعمه من االسما .. تتتعلى ما تتدلى .. الله يكتر الزيك يااخ😍😍(
قلت ليهو: عمر ليه قعدت في الارض بتتوسخ كده ..
ضحك وعاين لي: انتي قاعده فيها .. كيف انا ما اقعد فيها
انا خجلت شدييييد وقلبي داير يطير من مكانو بكلامو الحلو ده ..
وابتسمت وسكت ..
طلع سمااعه واداني وحده وهو خته وحده وطلع تلفونو .. وشغل اغنيه كاظم .. ارضي خدودها 😍😍
الوضع كان مكيفني شديييد ونسبت الحر زاتو .. وقفت الغنيه
وسألتو : انت بتراضي فيني يعني ولا كيف؟!
قال لي: انتي سمووكي سندس تسأل 😏 بتسألي كتير مالك
قلت ليهو : يازول رد .. قال لي : ابيت
قال لي خلاص .. لو كملتي الشيبس قبليني بوريك جيت لييه ..
ولو كملتو انا .. تسكتي ونكمل الغنيه .. موافقه؟!
قلت ليهو: اي .. وطبعا ما اتوقعتو ياكل سريع ويفوتني .. لما اتخلعت فيهو😳
قال لي :خلاص يلا حتسكتي وحنسمع سوا
وكملنا الغنيه وكانت حلوة شديد.. بعد خلصت قلت لبهو:انت بتحب تسمع لي كاظم
قال لي : اي .. بس الحاجه البتعجبني يعني ماعندي زول معييين كده .. وعم السكوت وبقينا الاتنين بنرسم في الارض ..
عمر كتب : مستهبله خطها شييين شديييد❤
انا اتغظت: دي انا مش .. قلت خطي شين مش ..
عمر قعد يضحك فيني .. قال لي هسي انا ماسالتك .. وماقلت سندس .. مضايقه مالك ..
قلت ليهو ... يازول عرفتك بس وزعلت منك .. وماعافيه ليك زاتو
عمر اتكل على الشجره .. وبقى بعاين لي وانا صاره شديد 😡
قال لي : سندس .. ابيت ارد عليهو..
رسل لي في الوتساب .. فتحت الرساله وانا ماقايلاها منو..
" لما تضحكي الحزن من دارنا يبعد 😄،،
اتلفت عليهو😳 عمررر... قاطعني
قال لي: انا اتاخرت ولازم امشي .. مرت ساعتين وانا ماحاسي بالوقت معاك ..
يلا ياسكره 😉 وسلم علي وطلع
وانا بي وراهو 😍😍 اتكلت في الشجره وبقيت بعاين ليهو ماشي .. في حاجه بتتحرك في قلبي بس ماقادرة اعرف اسمها شنو ..
في حاجه شاداني ليهو شدييييد .. وكل حاجه بعملها بقيت تعجبني شديد .. يمكن صاحبي شديد.. يمكن حبيتو ؟؟
لالا ياسندس .. اوعك .. احتمال هو مابحبك تكوني اتورطتي ساي معاهو..
وقطعو تفكيري الحلو ده .. اميره وزينب ..
هوباااا 😍😍 سنسووونه 😍😍 ارح قلنا نطلع عشان الحر هدا شويه ..
انا : سرحاااااانه بعييد
اميره جات في وضي وبقت تحرك في يدها👋 وانتبهت ليها بعد فتره
بقت بتضحك هي وزينب .. عقلك ويييين يابت ..
قلت ليهم : مشى معاهو واشرت على طريق عمر
هم عاينو كده لقو مافي زول 😳
اميره: الليلع مش قلت ليك سندس جنت .. الشجره دي مسكونه وانتو ماصدقتوني
زينب : اي والله مسكونه شديييد شكلها .. سندس يابت انتي نصيحه؟
انا 😒😒😒 اقسم بالله اقوم ادقكم اوريكم جني ده هسي يا كلاب . زحووو مني وقكت ومشيت
هم بقو يعاينو لي😳😳 البت دي مالها😳😳 كانت بتتبسم براااها 😳😳
..
رجعت البيت فرحاااانه ومبسوووطه ..
ويافرحه ماتمت 😩
ضربت لي اسراء صحبه عمر ..
اسراء: الووو سندس معاي
انا:ايوا منو انتي
اسراء: انا اسراء خطيبة عمر
انا:😳😳😳
اسراء: ههههههههههه شكلو عمر ماقال ليك عن خطوبتو
انا مصدومه وماقادره ارد
اسراء : نحنا مخطوبين لينا سنتين😆
وعمر وانا من صغار بنعرف بعض ..
قبل شويه وصلني ع البيت واداني رقمك وقال لي اتصلي اتعرفي عليها ...
البت المجنونه دي لذيذه كده وضحكت اسراء
انا: اتصدمت وزعلت والعبره وقفت في حلقي بس ماقدرت ارد .

. وجرحتني كلمة مجنوه دي رغم انها كانت بتعجبني من عمر .. بس هسي حسيت بيها اهااانه كبيره
قلت ليها: معليش بس نتكلم وقت تاني
قفلت وبكيت طواااالي لانو الدموع كانت واقفه لي وقعدت اتكلم مع روحي ..
انا مش قلت ليك ماتنجرفي ورا مشارعك وانتي الجبتي لي روحك ..
وبقيت مابتكلم مع عمر ولا سألتو .. ومر اسبوع
وهو يتصل ويرسل وانا كل ما اشوف اسمو ببكي وبزعل اكتر
...
لحدي مايوم وكان ومن احلى الايام 😍
عرس صحبتي حبيييبتي😍 وئام .. حنست ناس البيت لانهم صعبين شدييييد عشان يخلوني امشي ...
وسمحو لي امشي بعد تحانيس وتعب ...
لبست فستان موف وفيهو ورود بالابيض صغااار زي زيك كده .. وشكل ساندريلا ...
والطرحه كانت ستان بالابيض ولافاها حجاب ظااابط وطلعت مزة اليوم داك .. لانو حبيت اتناسى الزعل
..
جو العرسان داخلين ووقفو للاسلو وانا بحبو طبعا ورقصو على اغنية all of me وجيت وقفت اتاوق للعرسان واشوف الرقصه
لقيت عمر واقف في نفس اتجاهي ..
لابس بنطلون اسود وقميص اسود وجزمة كلاسيك بيجي حلووووة كده وساعه ارمأني البحبها 😍
عاينا لي بعض في نفس اللحظه والاتنين كنا مندهشين .. وانا وقفت يديني تلجو ... حسيت بشوق وبي غضب وبي زعل جواااي وما قدرت اتحرك لحظه ..
عمر مشى خطوات وانا لسه واقفه ماقادره اتحرك
قطع الناس الواقفين للمشاهده ديل وانا كمان برضو متلجه واقفه وعلامات التوتر ظهرت من اصابعي
لحدي ما وصلني وقرب لي ونزل لي في اضاني
وقال لي ...

يلاتعبت من الكتابه 😂😂😂
اعملي متابعه لي حسابي عشان تصلك باقي القصه وكل منشوراتي
#كل_الحب 😘😘

#الوتين_الحلال_5
عمر قرب مني وقال لي : سبحاااان الخلقك 😍 ربنا يحفظ ليك جمالك ويحرسك 😍 .. انا خجلت وابتسمت وانا مدنقره بس ابيت ارفع راسي واعاين ليهو لاني زعلااانه شديد ... قال لي مالك ما بتردي علي الايام الفاتت .. سندس في شنو ؟!
في زول قال ليك حاجه عني ؟ ولا انا زعلتك بدون قصد ؟!
انا مارديت عليهو ومشيت طوالي .. هو وقف يعاين لي من بعيد مستغرب .. قربت الحفله تخلص .. رسل لي : اطلعي بره داير اتكلم معاك ...
برضو مارديت.. تاني رسل: اذا مافهمت الحاصل شنو ماحاخليك واذا ما طلعتي حاخطفك قدااام الناس ..
انا ضحكت وقايلاهو بهظر ... وبرضو طنشتو وكنت بصفق .. اختفى من قدامي ..
وفجأة حسيت زول مسكني من يدي وسحبني لي بره ..
عمر😳 ده شنو البتعمل فيهو ده .. فك يدي ..
وعمر ما كان شغال بي .. سايقني من يدي لحدي ما وصلنا لي مكان موقف عربيتو .. في شارع النيل بالليل .. العرس كان في مارينا ..
فك يدي .. وطوالي كوركت فيهو..انت قايل نفسك منو عشان تتصرف كده .. وانت واحد حيوان بس وما بتحترم الناس واحسن تحترم روحك وتخليني في حاالي😡
وعمر ساكت وبعاين لي وانا بهيج واكورك ومنفعله ..
قال لي : خلصتي ..
انا : 😳😳بكل برود بتقول لي خلصتي
قال لي: من الاخر انا ما حاسيبك الا تقولي لي مالك ..
قلت ليهو : ياخي انت مش خاطب ابعد من سكتي عشان ما اعمل مشاكل مع خطيبتك ..
قال لي: خاااااااطب😳😳.. ده منو القال ليك الكلام الفااارغ ده ..
قلت ليهو : خطيبتك اسراء قالت لي
عمر قعد يضحك .. قال لي بتكون بتهظر معاك .. جنها هظار
انا اتخلعت وقلت ليهو : انت ماخاطب يعني !؟
قال لي: اكيييد لا
طيييب عشان تتأكدي .. طلع تلفونو وضرب لي اسراء وفتح الخط..
سلم عليها وطوالي سألها .. اسراء انتي قلتي لي سندس انك خطيبتي؟!
اسراء طوالي حاولت تتملص من الموضوع وقالت ليهو .. كنت بهظر معاها ماقايلاها بتزعل .. كيف اقول كده ونحنا اخوان ..
انا كنت سامعه الكلام وقدرت افهم طوالي اسراء ياتو نوع من البنات .. وعرفت انها خسيييسه ..
عمر بعد قفل الخط .. قال لي: انتي مجنونه والله البت دي اختي ياخ وبت جيرانها واصحاب واشتغلنا مع بعض وعشره بس ما اكتر
طبعا انا مشيت عمر وابتسمت ليهو وقلت ليهو ايوااا ..
في قلبي اتبسطت من حركتو واتطمنت من خوفي .. 😍😍😍
قلت ليهو زح من وشي خليني ارجع للحفله عشان مايقولو مشيت وين ..
قال لي ابيت وومسك يدي وماحاخليك تمشي الا تقولي لي ..
زعلتي لليييه لما عرفتي انها خطيبتي .. مافي حاجه اعتقد بتزعل ..
انا(اها ياسندس البمرقك شنو الليله .. معاهو حق .. بس ما بقدر اقول ليهو اني غرت عليهو)
قال لي: منتظر ردك انا
وانا ساكته وقلت اصلي ماببدا واصارحو بالجواي ..
خليهو هو اليبدا ..
قلت ليهو : حارد بعد توريني انت بررت لي ليييه
وفك يدي دي😏
فكيت يدي وقعد يعاين لي جوا عيوني ..
وانا خلاص التوتر اشتغل تااااني 😪.. الليله والليله ياسندس .. قلت ليهو ( بس عشان انت خاطب.. انت خاطب عشان .. وانت تخطب عشان .. وبقيت اتمتم وهو لسه بعاين جووه عيوني )
قال لي : انا برييييدك❤
انا شهقت شهقه كبييييييره كده😳 .. وسكته .. قال لي: مابريدك بس .. برييييدك شدييييد .. ولسه بعاين جوا عيوني ..
انا من التوتر .. جريت ركبت العربيه وما قدام ورا العربيه ..وقلت ليهو وصلني الحفله سريع ..
عمر ضحك وجا ركب وساقني .. وسريع وصلنا وعاين لي بالمرايه قبل ما انزل ..
سندس انتي سمممحة شديييد الليله 😍 .. وانا الخجل قتلني خلاااص😆.. وماقادره افتح خشمي .. نزلت وماقادره اتحرك ومتلجه كلي .. ناداني تاني😍😍 شندس😍
اتلفت قلت ليهو شندس😂 قال لي اااي انا حاسميك شندس تاني ..
وماتسأليني لييه .. وانا حارجع طوالي للبيت ولما تصلي وريني ..
قلت ليهو طيب ..
دخلت الحفله ومن الفرحه جريت حضنت العروس وبقيت بقول ليها مبروووووك مبرووووووك ياااخ💃💃
وئام العروس استغربت مني 😳 لاني باركت ليها مليووون مره في. العرس ..
مشيت البيت وغيرت ورقدت .. وبقيت بفكر في كلامو ومبسووووطه شديد .. ونمت والفستان والطرحه بتاعت العرس جنبي في السرير😍😍 من الفرحه..
الصباح رسل لي : " البت الانيقه .. صباح الورد "
رديت عليهو : وقلت ما اتخافف . صباح النور بس ..
مشيت الجامعه .. ورسالتو وكلامو وحركاتو هي الشاغلاني اليوووم كلو بفكر فيهو وحسيت اني اشتقت ليهو شدييد رغم انو المسافه بسيطه وامبارح شفتو 😆😥😊...
ضرب لي فجأة: سندس .. عايني وراك ..
وانا كنت بصور في ورق .. اتلفت لقيتو ومعاهو كيس 😳
مشيت ليهو .. سلمت عليهو وقلت ليهو ده شنو ..
قال لي: ممكن اخطفك تاااني❤ ..
بسرعه رديت ليهو ااااي😍
هيي لااا اقصد لااا ..
هو بقى يضحك .. قال لي كلام الأول ما بتحول يازوله ..
قلت ليهو عندي كتابه لكن كتيره .،.
قال لي بخطك الشين ده بتنتهي بكره😂
ضربتو بالشيت في يدو.. وقلت ليهو ': انت ثقيل ياخ 😏
قال لي : عااارفك مابتطلعي معاي ولا بتركبي عربيه عشان نفطر بره ..
عشااان كده جبت فطور وارح شجرتنا😍
انا:شجرتنا😍

😍😍
قال لي : ايوووه الشجره البتحبيها ..
قلت ليهو طيب😆 ومشينا على كده .. وقعدنا في الارض وقعد معاي زي الاطفال .. ولا اتكبر ولا قال حيتوسخ ولا شاف نفسو ولا قال هو مدير شركه كبيره يفطر في الارض ..
طلع الفطور والعصير لي وبيبسي ليهو .. قلت ليهو انا مابحب العصاير..
قال لي ماعلى كيفك تشربي عشان انتي بتقري وبتتعبي ..
)ضحكت جواي وقلت اقسم بالله ماعارفني مقضياها ونسه بس مع ناس اميره )
بقينا بناكل سوا في سندوتشاتنا ونشرب .... واتونسنا شويه ..
وقال لي: طلعي لي الشيت .. قلت ليهو لي؟
قال لي بس طلعي .. طلعتو وشال القلم وبقى بكتب لي في البحث😍😍😍 ..
انا بقيت بعاين ليهو وهو بكتب ومبسوطه شديد .. وقلت جواي (عمر ده نعمتي)❤❤
وخطو حلووو .. شديييد .. والبحث كان كتير...
قلت ليهو حتتأخر كده ياعمر .. قال لي لغيت الاجتماعات الليله عشان عارف اني لو جيت اشوفك .. حتسرقيني من الوقت ومن الناس💙
وبعدين انا بكتب ليك وبالمقابل انتي تونسيني ..
انا قلبي من الفرحه داير يطييييير من محلو ويقعد في يدو ..
وبقى مستمر يكتب .. وانا بعاين ليهو وبحكي وارص .. وماهليت قصه وماحكيتها...
وهناك في الشركه ...
اسراء : هايجه وبتكورك في هيام .. انتي انا مش قلت ليك البت دي مااااهينه وانتي ماصدقتيني ..
اها شوووفيها عملت شنو😡😡
هيام: كدي استهدي بالله والمره دي لازم نفكر كووووويس
عشان نطلعها من حياتو ونخلص
اسراء: والله لو ماطلعت . انا بقتلها بقتلها وبرتاح 😡😡
هيام: اسراء .. البت دي مش زعلت لما قلتي انك خطيبتو
اسراء:اي ..اهااا
هيام: معناها هسي برضو هي بتغير منك
اسراء: وبعد داااك
هيام : حنطفشها وبأسهل الطرق لانو عرفنا نقطه ضعفعا شنو. وانها سميعه وبتصدق . اسمعيني كوووويس ...

يلا والله يدي وجعتني 😔 ماتزعلو بحاول انزل ليكم بس ماتضايقو عليكم الله ..
واعملو متابعه لي حسابي عشان تصلكم باقي الروايه وكل منشوراتي
#كل_الحب 😘

#الوتين_الحلال_6
اتفقو اسراء وهيام علي .. وبدت اعمال السنه بتاعت السمستر .. وانا لسه ما صارحت عمر بمشاعري اتجاهو.. وهو لسه في تعاملو الحلو معاي وفي اهتمامو الرهييب.. وانا بقيت بتعلق بيهو زياااده شدييييد ..
يوم اتصلت عليهو بعد الامتحان وما رد علي .. كانت اول مره ادق ليهو كتير ومايرد ..
قلقت شديييد .. واليوم كلو ماقادره افهم الحاصل شنو .. .جا تاني يوم وبرضو في نفس الحاله ..
فكرت امش ليهو الشركه .. بس تاني قلت لا .. مفروض يقول براهو حاصل شنو معاهو..
جا تالت يوم .. وهنا خلااااص القلق مسكني وركبني شدييييد... وكان اخر امتحان لي .. اتشجعت وقلت امشي .. الشركه اشوف حاصل ليهو شنو..
مشيت ودخلت وقلت دايره اقابل المدير .. قالو لي طلع .. وانا طالعه قابلتني اسراء :
سندس كيفك
انا:الحمد لله وانتي
اسراء:الحمد لله .. عمر ده خليتو نايم الصباح كان بتكلم معاي قال الليله ماجاي ..
انا: اتغظت شدييييد وقربت اخنقها قلت ليها عارفه برضو قال لي كده ..
اسراء: هههههههههه والله .. طيب جيتي هنا ليييه
انا: جيت عشان الجامعه ودايره استفسر حاجه
اسراء: 😏 يازوله بالله .. وعاينت لي من فوق وتحت ومشت
انا هنا خلاااص دايره انفجر .. من حركاتها .. ومتجهه على الباب كده
لاقاني واحد اسمو مصطفى صاحب عمر ..
قال لي :سندس!؟
انا:ايوه
مصطفى: مرحب بيك .. انا صاحب عمر قال لي الليله ما جايي انا .. بس في بنت اسمها سندس حتجي تسأل عني وصف ليها انا وين ..
انا:😳 وعرفتني كيف
مصطفى: عمر وراني ليك في الحفله .. بتاعت وئام وأحمد .. واشر عليك وقال لي البت دي وتيني الحلال ❤
انا: مستغربه ومندهشه شديييد .. قلت ليهو .. وتيني الحلال يعني شنو!؟ وهو حكى ليك عني؟!
مصطفى: هههههههه .. صحي كلام عمر سئاااله شدييد انتي ..
وتيني يعني شريان قلبي ❤ الحلال يعني انو دايرك مرتو ودايرك ليهو شريكة حياتو بالحلال .. وع فكره عمر ماحب بنت قبل كده .. ومامر بالحاله دي االا معاك .. الوتين الحلال . يعني شريان قلبي الخايف اخسرو وعايز اضمنو بالحلال.. انتي دخلتي حياتو وقلبو سريييع وبقى متمسك بيك شدييييد لدرجة بقول لي':
مصطفى سندس بقت اول اولوياتي .. بخاف عليها شديييد ومابحبها تزعل ولا تضايق .. بقت لي قرييييبه من قلبي عشان كده سميتها وتيني ... زوله لامة كل الصفات الحلوة.. طيبه وبريئة وعفويه وحبووبه وبتدخل القلب سريييع .. هي فرحتي في الدنيا العوضني ليها ربنا .. بقت لي كل اهلي ❤💙
انا بسمع في كلام مصطفى وعيوني دمعو ..
قلت ليهو طيب هو وين وليه ماسأل مني الايام الفاتت
قال لي : الجواب عندو .. امشي ليهو وحتعرفي
ومشيت ووصلت المكان عشان اقابل عمر فيهو .. لقيتو قاعد جنب البحر وبشرب في قهوة
جيت وقعدت جنبو .. قال لي حسيت بيك جايه
قلت ليهو: اتاكدت كيف !؟
قال لي: عشان عااارفك ماحتقدري تقعدي اكتر من تلاته ايام وماتخافي علي
سالتو: عملت كده لييه واختفيت فجأة ..
قال لي : عشان اعرف انا شنو بالنسبه ليك
قلت ليهو:عرفت خلاص
قال : داير اسمعها منك .. رديت عليهو بحنيييه شديد : انا بحبك ياعمر وبحبك شدييييد والله ..
اتلفت علي وعاين جووه عيوني نظرات كلها حنيه وشوووق 😍 وانا اتكركبت كالعاده .. وعشان ما افلت في الكلام .. ختيت يدي في خشمي
عمر:😂😂😂😂😂😂😂 ياخ انتي عسل والله
وضحكنا سوا .. وسكتنا شويه .. وقال لي: شندس .. كلمة بريدك مازي بحبك ..
قلت ليهو:كيييف!؟
قال لي:بريييدك .. نقيه كده وطاهره .. بحبك دي بقولها اي زووول
انا وقفت على حيلي .. وكنا قاعدين برانا وبقيت اكورك ليهو..
عمرررر انا برييييدك بريييييدك شديييييد
عمر:😂😂😂😂 يامجنونه اسكتي الناس بجونا هسي ..
طلعنا عشان يركبني امجاد توصلني للبيت لاني كنت مابركب معاهو عربيتو.. وانا في الامجاد بضحك وبتبسم براااي .. ومبسوووطه شدييييد ..
بتاع الامجاد: شكلو المهندس .. بخاف عليك شديد .. لما قال لي سوق براحه
انا:👋😒✊👊 ماشغلتك انت وصلني بس
بتاع الامجاد:😒😒 هسي دي وحده يخافو عليها بالله😏
... ..
بعد اسبوعين .. فكرت اعمل مفاجأة لي عمر ..
قمت جهزت كيكه من البيت وقلت ادق عليهو واقول ليهو .. نطلع نمشي نفس المكان القلت ليهو فيهو اني بحبو..
ضربت وضربت مافي رد ..
بعد شويه رسلت لي اسراء مسج من تلفونو ..
سندس معليش بس عمر مافاضي هسي انا وهو مشغولين شويه .. انا: 😳😥 تاااني ضربت وبرضو مافي اي رد ..
طلعت طواااالي من بيتنا .. ومشيت الشركة السكرتيره ابت تدخلني قالت لي السيد عمر عندو اجتماع ..
انا ماسمعتها ومشيت .. وبقت تكورك لي .. لو سمحتي . لو سمحتي اقيفي ..
بس فتحت الباب .. بتاع المكتب
واتصدمت😳😳 لقيت ......

تعبت حبيبااااتي😘😘😘
يلا نتقابل تاااني
#كل_الحب 😘😘😘
اعملي متابعه لي حسااابي عشان ماتفوتك الاجزاااء وطلب صداقه

#الوتين_الحلال_7
لما دخلت المكتب لقيت اسراء واقفه ومنزله راسها شديييد في عمر .. وهو قاعد في الكرسي وبعاينو سوا في تلفون عمر..
القعده بتاعتهم والوضع ضايقني شدييييد ..والضايقني اكتر انو ماحسو بي زاتو لما دخلت المكتب ..
قمت ضربت الباب بي يدي شدييييد .. اتلفتو الاتنين
عمر:😳😳 شندس جيتي بتييين
اسراء:اهلييين سندس ..
انا: ماتقول لي سندس ولازفت .. ومعليش ازعجتك والله .. شكلك مشغوووووول شدييييد ...
وطلعت طوالي بعد هجت وكوركت .. عمر لحقني وبقى ينادي فيني ..
وانا نازله من السلم سريييع .. الشركة كلها بتعاين فينا ..
لما وصلت الباب .. مسك يدي .. ووقفني ..
انا هنا خلاااص انفجرت من البكا ..
عمر:سألني بهدوووء وصوت حنييين شدييييد .. مالك؟!
قلت ليهو : انت جيتني ليييه! انا ما مستواك فعلا ..
عمر:😳 سندس بسم الله ده شنو البتقولي فيهو ده
انا: عمر اطلع من حياتي.. لانو والله مابقدر استحمل اي ضغط انا
عمر:فهميني طيب حاصل ليييك شنو
انا: ساااكته ودموعي بجرو في سكوت
عمر : طلع منديل من جيبو ... ومسح لي دموعي .. وفي موظفييين كانو بره .. بقو مخلوووعين ،، البت دي منو😳
قال لي: دموعك غاااااليه شدييييد على قلبي زي ما انتي غااااليه عندي ..
سندس انا ماعارف الضايقك شنو بالضبط بس انا كنت في اجتماع مع اسراء.. وطوالي قاطعتو
قلت ليهو: انا من الصباح بضرب وانت مابترد .. عشان قاعد معاها ..
واجتماع شنو ده اليخليها تقرب منك كده وتنزل ليك في راسك ..
ماباقي الا تحضنك😡 وانت ماشفتها بتعاين ليك كيف ونظراتها كانت كيييف ..
عمر: ضحك وقال لي ده كلو شفتيهو من الثواااني دي بس
انا:عمر ماتضحك فيني .. والموضوع جاادي والله البت دي بتحبك وانت ماداير تصدق
عمر: مابتحبني
انا: لا بتحبك والله العظيم
عمر: بتحبني شدييييييد كمان
انا:😡😡😡 طيب خليها تنفعك وضربتو بشنطتي وجيت امشي
تاااااني مسك الشنطه قال لي: عيونك حلوووه شديييد وانت غيرااانهو..
انا قلبي خلااااص داير يقيف وقربت اقبل واقول ليهو اشتقت ليك زاتو..
قمت قلت ليهو: ياخ فكني مافاضيه ليييك ..
قرب مني وعاين لي جوووه عيوني:
انا كنت في اجتماااع حبييبي واسراء كانت بتوري فيني في شركه منافسه لينا .. حاولو يقلدو الاجهزة والمقطع مضحك فكنا بنعاين فيهو وبنضحك بعد خلص الاجتماع .. انتي دخلتي وفهمتي الموضوع غلط وده تلفوني ،، وفتح لي الفيديو .. وعرفت انو كلامو صح وكان فعلا مضحك .. وفهمت قصد اسراء شنووو من الرساله ..
قمت ابتسمت ابتسااامه صغيرووونه كده وقلت ليهو: معليش خلاااص
قال لي: يازوله ماقابل اعتذارك بس وزعلت من حركتك ودي عدم ثقه
انا: عمر معلييييش والله انا اسفه شديييد
عمر: ممكن اقبل اسفك بس بشرط ..
انا: اها شنو قول
قرب مني تاااني شديد .. وهمس برااااحه شديييد .. اخطفك اليوم كلو من الصباح ولحدي المغرب .. اصلا انتي مفروض تكوني في البيت الساعه ٧
انا: موافقه لكن انا مابركب معاك عربيتك برانا
عمر: ضحك وقال لي : طيييب انا اصلا عارف .. حنركب امجاد
ركبنا وبدون ما اسألو ماااشين وين لاني كنت مطمنه معاااااهو شدييييييد وواثقه شديييد انو ماحيأذيني ..
مشينا اول فطرنا سوا .. واكلنا الكيكه الكنت شايلاها .. مع الشاي .. وكنت قاعدين في مكان هااااديء كده وحلووو شديييد .. برضو بحر ونجيييله وشكلو مزرعه كده ... وعمر كان حاجزها عشان مافي زول يجي .. وبنتونس:
عمر: شندس انتي غير الكتابه بتحبي شنو
انا: قمت على حيلي(واخيييييرا زول سالني من ابداعاتي في هذا العالم البائس🐸)
قلت ليهو: مافي موهبه وماعندي ..
بغني وبرقص وبكتب وبقول شعر .. ونثر و.. ...
عمر قاطعني : عندك موهبه انتي ما مكتشفاها لكن
انا : استغربت وقلت ليهو شنووو؟!
ضحك وقال لي: بتنقي كتير😒
انا : الليله اصبر لي وحاااات الله ما اخليييك 👊👊 .. وقعدنا نتجارى في المزرعه وانا ساكاهو الا تقيف عشان ادقكك .. وهو جاري
" عشنا لحظه طفوله. ونسينا اننا كبااار وللحظه صغيييره بس نسينا العالم الكبير وهمومو وكل الراجينا .. وعشنا اللحظه بكل تفاصيلها الحلوووة بدوووون تفكير"
قرب المغرب يجي .. واتمشينا سوااا .. وهدومنا كانت موسخه من التراب واي واحد فينا بضحك على التاني .. وماشين ونحنا ساااكتين .. فجأة اتكلم عمر: شندس .. انتي نعمتي ❤
انا : اها وتاني
عمر: حاجه خااااصة وزوله بتفاااصيل كتيره .. ومن خصوصياتي وحاااجه خاتيها بعيييد عشان مافي زول يهبشا ولا يضايقا .. محافظ عليها ❤
انا: بكل بروود .. محافظ ولا واااالي و ههههههههههههه
عمر:😒 انتي حيوانه زاتك وغلطان انا البتكلم معاك ووقف امجاد وركبني ووصاااهو علي وانا لسه بضحك وبتهااابل 🐸
عمر: خلي بالك للطريق وسوق براحه
بتاع الامجاد : ما تخاف ياباش مهندس في الحفظ والصون
انا 😳 عرفت كيييف انو مهندس..
بتاع الامجاد : ههههههههه يا اختنا مافي زول مابعرف عمر القيصر .. صاحب اكبر شركات في السودان ومموليين ..ووو...
عمر قاطعو .. لو سمحت وصلها عشان الوقت .. وسلم علي ورجع
طبعا انا

الشمار حرقني😍 وسألت بتاع الامجاد
اها احكي لي عنو ... وطبعا هو ماخلى حاااجه . ورااني املاكهم وين وشركاتهم وانو عايش وحيييد واي شي فتيناهو سوا ..
قرررربت اشيل رقمو اقسم بالله😂
ورجعت البيت .. ويوم كاااان مابتنسي رقمو انو بدايتو سيئه بس نهايتو حلووة شديييد ..
....
اسراء وهيام بتكلمو بالليل ...
هيام: سرو الامور كيف
اسراء: هيام لسه والله البت دي لااااصقه فيهو
هيام: بعد ده خليني اقابلها ..
تاني يوم مشيت الجامعه ومبسوووووطه من امبارح
وكالعاااده يافرحه ماتمت 💔
جيت الجامعه مبسوطه وقاعدين في البنش انا واميره وبحكي ليها عن الحصل ...
وهي متشوووقه والشمااار حارقها😂
جات قعدت جنبنا هيام وكانت بتشرب في قهوه ..
انا طبعا الوقت داك ماكنت بعرفها ...
بعد سمعت كلاامنا كلووووو انا واميره ..
شالت تلفونها وضربت لي اسراء ..
هيام: شركة القيصر معاي !؟
انا طواااالي اتلفت للاسم من سمعتو
اسراء :ضحكت وقالت ليها اكيد وصلتي جنب سندس
هيام: لو سمحتي ممكن توصليني بي اسراء ..
صنت شوووويه كده هيام .. وقالت تاني .. ايوااا طلعت مع السيد عمر ..
انا هنا خلااااص النار اشتغلت ...
هيام لسه بتواااصل .. طيب ماعارفه حيجو بتين؛!؟
هيام ... ايوااا يعني قالو مشغولين الليله ماف زول يزعجهم ..
طيب ممكن اخد رقم السيد عمر ...
يعني مافي طريقه!؟
)بتسال وبترد على روحها واسراء هناك ميته من الضحك (
هيام: طيب ماعندك فكره حيرجعو بتين ..
اهااا .. قالو حيتعشو بره بعد يخلصو .. طيب ويين !؟ انا لاااازم اقابل اسراء ضروووري اوريها عينات قالت دايراها من الدم ..
انا 😡 خلاص الغضب اتملكني وهيام ما كان ظاااهر عليها ولااا ذره انها بتمثل ولا كانت بتعاين اتجاهي اصلا .. لو وبصراحه ماشكيت فيها ولا للحظه ..
وشلت تلفوني عشان اتأكد وما اظلم عمر المره دي ..
بس ضربت لي عمر ..
وللأسف .... زعلت اكتر ..

نقيف شوووويه .. والجاي احلى ومشوووق اكتر

اعملي متابعه لي حسااابي عشاااان ماتفوتك اجزاء الروايه
ونتقابل
#كل_الحب 😘

#الوتين_الحلال_8
شلت تلفوني وضربت لي عمر .. بس مارد علي .. وضربت تاني وتالت وعشره مكالمات وهو مابرد ..... و جاتمي زينب نطت في وشي ..
سندس الليله عازماااك بيتزا في برشلووونه والا نطلع حبييبتي ..
انا اصلا مضايقه وماعندي اخلاق .. قلت ليها ماعندي مزاج بعدين انتي عارفه ابوي مابخليني اطلع .. بالليل ولا بالصباح زاتو ..
وزينب اصرت واميره كمان معاها .. قالو لي بنتصرف نحنا وبنكلم امك .
شالو تلفون امي وحنسوها ومشت اتكلمت مع ابوي .. ووافق بعد تعب لانو ماعندي اخوان .. امي قالت ليهو مانحبسها البت بقت كبيره وبعد شويه حتعرس وتتحبس وتنشغل خليها ترفه شوويه عن حياتها ..
ابوي قال ليها: اي بعد ده زاااتو اقرب عريس حنوافق عليهو .. عسان بتك دي ماااقاعده في الارض شكلها .. وما ناقصين حركات وكلام الناس فيها ما كويس .. وهي زاتها بترفض في العرسان الكويسين بدون سبب ليييه .. لااازم يكون في سبب ..
امي : قالت بيهو خوف طبيعي لكن انا سألتها وقالت ماعندها زول
ابوي: طيب ده يسمو شنوو !؟ مافي بت بتأبى العرس ساااي ..
رجعت البيت واتخلعت انو ابوي وافق بس بشرط .. يوصلني ويرجعني..
وانا عرفت انو داير يشوف زينب واميره اشكالهم كيييف ..
المهم لبست واتحجبت كالعاده وطلعنا وهناك لتقاهم وسلم عليهم ..
اميره وزينب بتراجفو من شااافوهو 😂😂
وقعدنا ..
اميره: سندس قلبي قرررب يقيف من شفت ابوك😂
زينب : لكن ابوك قرررض اقسم بالله
انا: انتو ياقليلات الادب لسانكم ده مابقصر
الاتنين ردو: اتعلمنااا منك😏
وبنتونس كده .....
جا داخل عمر واسراء المطعم 😤
انا البيتزا وقفت في حلقي .. وابت تتبلع لي من الخلعه ..
قعد عمر واسراء واجهتني بالكرسي ..
وابتسمت لي ابتسامه خبييييييسه شدييييد
اميره وزينب: سندس مالك مخلوعه في شنو
قلت ليهم .. عمر ورانا واياااكم تتلفتو .. واتلفتو الاتنين في نفس اللحظه ...
😒😒
انا ماقدرت اقعد .. وخلاص فاض بي .. واسراء تتونس وتضحك .. وتعاين لي بطرف عينها ..
وعمر ما كان شايفني ..
لحدي ما جينا طالعين .. اميره وزينب بحذرو فيني :
سندس حنطلع بهدوء وبدون مشاكل .. عليييييك الله لانو المكان عااام ما دايرين فضايح ..
قلت ليهم : اكيد ماحاعمل شي .. ،،مشيتهم بس،،
ولما جينا مارين بي جنبهم اتلفت على عمر وقلت ليهو ..
بالهنا ان شاء الله .. اتخلع لما شافني .. وداير يتكلم .. قاطعتو
عن اذنك ابوي منتظرني تحت .. وابتسمت لي اسراء بس عشان احسسها اني مافارق معاي كتير .. رغم انو انا بجوووه بموووت .. ومتأكده انو اسراء عارفااااني مت من الغيظ ...
عمر ما كتر كلامو وقال لي مع السلامه ..
لما وصلت لبيتنا .. بكييييت وعزيييت في الحماام براااي💔💔
وطلعت لقيتو ضرب .. وحلفت ما ارد عليهو ...
تاني يوم الصباح .. جا الجامعه ورسل لي انا واقف بره جوه العربيه اطلعي لي ..
طلعت عشان اشوفو داير يقول شنو ..
ركبت وقعدت .. اهااا اتكلم!؟
عمر: تصرفاتك البتعملي فيها دي تصرفات اطفال بس ما اكتر
انا: تصرفات اطفال صح؟!
حضرتك مارديت علي ١٠ مكالمات واليوم كلو كنت مشغول معاها ..
قال لي ١٠ مكالمات بخلعه 😳
سندس انتي ماضربتي لي ولاااا مره وده التلفون فتشييهو
شلتو طبعا ولااا كذبت وشفتو ولقيت فعلا مافي اي مكالمات ..
(اسراء قدرت تمسحهم عشااان انا ما اصل لي عمر والموضوع يتفهم غلط وفعلا قدرت تخلق بينا سوء تفاااهم وبدا يكبر)
انا: عمر والله العظيم ضربت
عمر: لوضربتي وييين مكالماااتك
انا: عمر انت مامصدقني . انا الصباح .. (كنت دايره احكي ليهو عن البت الللي هي هياام وعن المكالمه بتاعته بس هو قاطعني واول مره اشوفو معصب كده)
عمر : سندس حركات الاطفال دي بطليها عليك الله واسراء دي صحبتي بس ما اكتر .. ولللمره الالف اقول ليك الكلام ده ..
انا: عمر انت بتتزهج فيني عشااانها هي؟!
عمر: يااااربي تصبرني .. تاااني رجعنا لي عشاانها وعشاااني .. وانتي ظالماها كده ليييه البت دي .. عملت ليك شنو .. بعدين حياتنا كانت كده بنطلع عادي لاننا اصحاب ومتعودين .. انتي براااك الاخدتي موقف وحسستي البت وابيتي تقعدي في المطعم .. وما كان في اي دااااعي للعملتيه ده ..
انتي عارفه لما مشيتي هي قالت شنو !؟
قالت لي عمر انا حاسه انو سندس ما حبتني .. عنر لو بعمل ليك مشاااكل انا ممكن ابعد منك عشان هي ماتضايق بس 😔
انا كنت مهلووعه في عمر .. اول مره اشوفو بتزهج فيني ويعصب للدر جه دي .. وحسيت جواااي انو مهما اقول ماحيصدق اي كلمه فيها ..
وفعلا اسراء قدرت تكسرني شديييد من جوه ..
اكتفيت بس بالسكوت وعاينت ليهو ولما تم كلامو قلت ليهو:
عن اذنك عندي محاضره ونزلت وقفلت الباب .. وحبست دموعي عشان ماتنزل قدامو .. لاني حسيت كرامتي اتجرحت والزول اللي انا بحبو ماقادر يفهمني ..
وكمان عممر سكت وبقى بعاين لي وانا ماشه ومافكر يناديني حتى او يسمعني..
.....
اسراء ضربت لي هيام مبسوووطه شديد في نفس اليوم الكنت انا ببكي فيهو .. ومحرووووقه من جوااااي
اسراء: هيووووومتي حبيبتي ياخ بمووو

ت فيك
هيام:هههههههههههه شكلو اليوم كان ظابط شديييييد من الحب ده
اسراء: ياخ عمر 😍😍😍😍 .. بنات المطعم كلهم كانو مقهيييين في سماااااحتو .. جنووو عديييل .. وانا حسيت اني محسووودة منهم كلهم 😆😆
هيام : وكده نكون نجحنا في اول خطوه عشان نفرقهم
اسراء : اصبري ااتم ليك عمر ضرب لي قبل شويه .. قال لي سندس زعلت مني ياسرو .. ماعارف افهمها كيييف انو نحنا مجرد اخوان بس
قلت ليهو عمر مايهمك انا بتكلم معاها وبفهمها .. قال لي اسراء معليش تعبتك وماحانساها ليك .. والله ربنا بشهد انا بريدها كيف وما داير اخسرها ..
هيام: وحتفهميها كيييف يا السمحه انكم اخوااان
اسراء: ههههههههههههههههه .. يابت يامستعبله مخك ده عارفاااهو فاهمني ماتعملي عبيطه ...
حاوريك كيييف حافهمها 😆 .. اسمعيني بس..

نتقابل تاااااني .وماتزعلو مني حبيباتي لانو يدي بتوجعني والله ..
كل مره برتاح وبرجع اكتب تاني ..
#كل_الحب 😘😘
واعملو لي متااابعه لي حسابي .. المتابعه هي البتوريك الحلقات الجديده عشان ماتفوتك

#الوتين_الحلال_9
وتاني اتفقت اسراء مع هيام علي ...
تاني يوم جاني تلفون من رقم غريب ..
انا: الووو .. منو معاي
اسراء: انا اسراء ودايره اشوفك ضروووري
انا: ما اظن بينا في كلام وجيت اقفل الخط .. قاطعتني
سندس عمر قال لي اتكلم معاك ضرووووري ..
ولازم اقابلك. لاني وعدتو .. قلت ليها طيب ..
جاتني وقعدنا سوا في الجامعه ...
اسراء: شوفي سندس الكلام الحاقولو هسي .. عمر عااارفو ..
نحنا من زماان اصحااااب شديييد ومتعلقين بي بعض شديييد ... تفاصي عمرو الصغيره كلها .. معاي انا .. عطرو البحبو وبحب ياكل شنو ويشرب شنو .. لما يكون متضايق بحب يقعد وين .. وهو كمان متعلق بي شدييييد .. اي حاجه تحصل بيجي جاري يحكيها لي .. ممكن تقولي حضن امو الفقدو في الدنيا دي . يعني انا ملجأ راحتو وامانو ❤
وهي بتحكي لي جاااني احساااس اني دايره اخنقها بس ..
قلت ليها: والمطلوب شنو مني .. جايه تحكي لي ليييه؟
قالت لي: لا ماتفهميني غلط .. انا بس حبيت افهمك اننا اخوان عشان ماتضايقي .. من علاقتنا .. وقامت ومشت
انا اتغظت شديييييييييد من الكلام القالتو لي وماعرفت اقول شنو..
والغاظني اكتتتر انها قالت عمر عارف بالكلام ده ..
عمر ضرب باليل لي اسراء.. اسراء انتي اتكلمتي مع سندس
اسراء: ايوووه والله قبيل ..فهمتها اننا اخوان ..
عمر: طيب ليه مابترد علي ..
اسراء: عمر يمكن سندس دي عشان صغيره لسه ماعارفه مشاعرها كووويس.. احتمال هي ما بتحبك بجد
عمر: مافاهمك !؟
اسراء: انت شوف تصرفاتها زي الاطفال .. احتمال بس شخصيه عجبتعا وحبت تعرفها .. لكن ما ختت انها تدخل في علاقه بالجد
عمر: سكت شووويه
اسراء: كدي خليها برااااها .. لو جاتك معناها دايراك ولما جات معناها كانت بتلعب بس ما اكتر...
..........
مر اسبوعييييين واي واحد فينا منتظر التاني هو يضرب اول ..
اشتقنا لي بعض شدييييد .. ولي حركاتنا وونستنا ولي هظارنا .. وانا اشتقت انو يجي يخطفني زي كل مره💔
بس للأسف سوء التفاهم بدا يزيد .. واي زول فينا فاهم براهو ..
واسراء قدرت تلعب علينا الاتنين وتطلع نفسها..
....
لحدي ما يوم عيد ميلادي قررررب .. وناس اميره كانو مخططين يعملوهو لي ...
عمر متذكر كوووويس عيد ميلادي .. ومرت تلاته اسااابيع واحنا ماعارفين شي عن بعض ..
كنا اليوم داك قاعدين انا واميره وزينب ..
اميره: سندس حامشي اجيب فطور .. دايرين شنو
زينب: شاورما.. انا: مانفسي افطر هسي والله
اميره:اووك حبييبو لما تجوووعي طيب .. 😘😘 ومشت
في الكفتيريا واقفه منتظره .. جاها عمر ..
السلام عليكم . اميره 😳😳 .. السيد عمر وعليكم السلام ..
عمر : ماتقولي لي السيد ..
اميره:😊 طيب بس عشان العميد بقول ليك كده .. سندس قاعده هناك ..
عمر: انا ما داير سندس .. دايرك انتي ممكن؟!
اميره:😳😳😳
(في سرها قالت لا مستحيييييل اخون صحبتي .. نحنا صحبات ياخ)
عمر لما شافها بتفكر ضحك وقال ليها ما تفهميني غلط .. دااايرك في موضوع ضروري وهسي ..
وساقها وكلمها ..
وبعد نص ساعه جات ..
زينب: اتاخرتي كده ماااالك ياااخ 😒👋 جعااانه انا ..
اميره: الزحمه بس ... وعاينت لي وابتسمت 😊
انا قلت اميره دي مااالها فجأة ..
قلت ليهم يابنات انا ماشه البيت تعباانه والله😥
زينب واميره: لاااا ماتمشي
انا: مالكم فجأة 😒
اميره : دايرين نتونس ياااخ .. اصبري شووويه بس
..
زينب تعالي معاي : وجرتها ومشو
انا:😒 البنات ديييل مااالهم .. هسي مش قالو نتونس ..اجججي مشووو خلوني مالهم😳
زينب': عملتيها واضحه يااخ كده حنكشف المفاااجأة ياهبله
اميره: اصبري ياااخ .. انا شفت عمر
زينب :😳 عمرررر عدييل.. حي هو الزول ده
اميره:استني اوريك قال شنو...

ونتقااابل تاااني ياسكراااات 😘😘😘
والله يدي بتوجعني لو ما كده كنت بكتب تاااني😘😘ماتضايقو

البنات البسألو من الحلقات الفاتتهم .. لازم تعملي متابعه لي حسابي انا عشان لما انزل جزء يصلك .. ومنشوراتي كمان
#كل_الحب 😘

يه وبقينا نعاين للبحر من بعيييد ..
وانا اشم في الورود .. فجأة جا قدامي وبقى يعاين لي .. قلت ليهو.. مااالك 😥..
قال لي: انتي شارده من الجنه .. كل يوم بتبقي احلى من القبلو .. ❤😍..
حلوووة كده ليييه انتي😍
انا الخجل اتملكني وهو لسه بشاغل وانا بقول ليهو .. اسكت ياعمر خلاااص .. قال لي ابييييييت مااابسكت .. قلت ليهو : خجلتني يااااخ وانا بعاين في الارض ..
قال لي: انا محظووووظ بيك شديييد .. انتي نعمتي ❤
قلت ليهو.. نعمه ولا ابتسام . ههههخ
عمر😡👊 ظررييييفه لكن😒
قلت ليهو: طيب احكي لي .. العمل العيد ميلاد ده منو بصرااااحه ..
قال لي : انا جيت الجامعه واتفقت مع اميره نعملو وانهم يودوك
المول ويخلوك تختاري حاجه برااااكي وتلبسيها ...
انا 😒 صحباتي الكلاااب انا قايلاهم هم الصرفو
المعفنات .. ياكلو بس .. يصبرو لي😒😒 وانا قال احضن فيهم الطريق كلو وشغاله ليهم انتو اغلى ناس😒👋
عمر عاين لي وابتسم.. انا 😒 مالك انت كمان بتتبسم ..
عمر: انا المفروض يحضنوووني بدلهم صح😆
انا😡😡😡😡💪👊✊👋✋😏😒 .. يحضنك كلب .. قول اميييين واديتو ضربه حااااره في يدو ..
عمر: ياخ اليشوف شكلك مابقول انك دقاااااقه كده .. بعدين كنت بهظر حبيييبي😏😒
انا: بلا حبييبي ولا بتاع ..
عمر: قرب مني وانا قلبي داير يقيف ..
ضحك فيني عشان خفت .. وهمس لي
انا مستحييييييييييل افكر في اضرك لما تبقي حقتي بالحلال .. الخوووف الجواك ده طبيعي عشان الرجال بقو كعبين ومن حقك تخافي من اي زول .. بس انا ما برضى زول يعاين ليك خلي يقرب منك ..
انا:😍😍😍😍😍😍😍😍😍😍😍😍😍😍😍
عمر: يلا عشان اوريك هديتك سريع قبل ما الوقت يتاخر
انا: هديتي شنو ..😍😍
غمر: تركبي وانتي ساااكته لحدي مانصل😒سااامعه!؟
انا :طيييب من عيووووني
وركبت بي ورا كالعاده بي وره
وطلعنا للهديه .....

نقيييف هنا حبيباااتي❤
اعملي متابعه لي حسابي عشان تصلك الاجزاء وكل منشورااااتي
#كل_الحب ❤

#الوتين_الحلال_10
قريب للساعه تلاته كده .. جاتني اميره وقالت لي نمشي عفراء مول .. قلت ليها لزومو شنوووو هسي.. ماعندي مزاج .. قالت لي ..عليييك الله . وبيحنسو فيني هي وزينب ..
وافقت عسان ما اكسر خاطرهم. ... وجواي ما كان عندي مزاااج لي اي شي بدون عمر💔..
مشينا ودخلنا واتفسحنا شوووويه .. ودخلنا محل الملابس ..
اميره عجبها فستان .. ابيض كده قماشتو كانت غريبه وقويه .. وانا كمان عجبني شديييييد .. وكان من فوق على الجسم وتحت ساندريلا كده .. سااااده وحلو وراقي شدييييد ...
واميره اصرت اطقمو ع مزاجي .. اخترت ليهو طرحه باللون الموف لانو لوني فاتح .. فالالوان الغامقه حلووه معاي .. وجزمة كلاسيك حلووه مورده بالموف والاصفر والوردي ..وحلوة شدييد ..
زينب واميره اصروووو علي ادخل اقيسو ..
دخلت ولبستو ولفيت الطرحه وطقمتو وصلحت الميكب وطلعت ..
قلت ليهم اها كده ظااابط ولا كيييف😉
اميره وزينب:😍😍😍😍😍واااااااو كسااااره اقسم بالله
قلت ليهم يلا داخله اغير ونقول للبت ما مقاسنا ..
امير وزينب:لالالا .. نحنا جايبنو ليييك هديه😚😚
انا: لالا ومابشيلهم غاليات ..
اميره وزينب :يابت انتي هبله ارح قدامنا سريييع😏
طلعنا وانا لابسه لبستي الجديده وابوس فيهم واحضنهم كل دقيقتين😘😘
قالو لي حنمشي مكان: انا قلت اكيييد عاملين عيد ميلادي وكده
واحسن ماأسأل واخرب المفاااجأة .. مشيت وانا ساكته😺
وصلنا ستااار بوكس😍😍 الكافي البحبو😍😍😍
بس كان فاااضي ومافي زول 😁 ... قعدت وانا مافاهمه شي.
واميره وزينب اي وحده تتبسم للتانيه ..
قلت ليهم الحاصل شنووو !! ليه المكان فااااضي ..
وفجأة 😳 اشتغلت اغنيه مابلاش تغيب عنا تاني .. محمد حماقي .. 💌..
انا سرحت مع الغنيه واتذكرت عمر💔..
بعد شويه ... عمر دخل وانا وقفت على حيلي .. بقينا نعاين لي بعض بس وفي سكااااااات حصل .. وبعد عمر .. دخلو ناس الجامعه ومصطفى صاحب عمر.. ومعاهم الكيكه الكبيره وشغلو اغنيه .. هابي بيرث دي .. جابو الكيكه وقطعتها وانا مصدوووومه من البحصل ده .. قطعتها للناس .. وعمر واقف بعيييد بعاين لي ..
نظراتو كلها حنيييه وشوووق ولهفه لي .. وانا اتكبكبت كالعاده ..
وجرحت نفسي بالسكينه وانا بعاين ليهو ..
اميره وزينب : سندس 😳😳 ده شنوو ..
وجاني عمر سريييع .. سندس في شنو .. وداير يمسك يدي ..
انا زحيتها منو وانا ساكته بس ..
الناس كملو الكيكه وبدو يمشو شويه شويه ولحدي نهايه الحفله انا وعمر ما اتكلمنا بس بنعاين .. بعد الناس مشو .. فضلنا انا وعمر ومصطفى واميره ..
عمر قرب مني وقال لي : ممكن اخطفك شووويه بس
رغم اني جواي دايره بس رديت ليهو لا وانا بعاين جوه عيونو..
لااا وابعد مني بس ..
عمر مسكني من يدي وطلعنا وركبنا العربيه وانا بكورك فيهو... فكني ياااعمر .. فكني يااخ .. ده شنو البتعمل فيهو ده ..
دور العربيه وسرييييع .. وانا بقيت اقول ليهو عمر خفف السرعه حتقتلنا مااا ممكن ياااعمر ..
ولا رد علي حتى ولا بكلمه .. لحدي ما وصلنا مكان البحر البحبو عمر وقعدنا ونزلني بالقوه وقعدنا في الارض...
سكتنا شووويه كده .. وبدا هو :
شندس ماداير نتكلم في الفات كلو .. ولا انا ولا انتي ..
شندس انا اشتقت لييييك ..( صوتها القالو بيها كان مختلف عن كل المرااات .. قالها بطريقه غريييبه وحلووة وطريقه لهفه من جوه القلب)
دخلت لي جوووه قلبي طوالي .. حسيت فيها كاني الوتين بتاعو .. احساس كان غريب وماااقدرت اقاااومو
.. رديت ليهووو بنفس اللهفه .. ونسيت زعلي وشكي كلوووو وكل الايام الفاتت .. وقلت ليهو..
وانا اشتقت ليييك شديييييييد ..(قلتها وكانو روحي طالعه معاها وداير تقابل روحو)
عمر: عارفه انتي اليوم ده ... ما يومك براهو
قلت ليهو:كيف؟
عمر: اتولدتي في اليوم ده عشااان تكوني حقتي براااي❤
سندس انا داااايرك حلااالي .. ولا اقول ليك وتيني الحلال❤
انا:😳😳 عمررر كلامك ده يعني عرس ولا شنو
عمر:ههههههههه عايني وشك بقى احمر كيف .. للدرجه دي بتخافي من العرس والمسؤوليه!؟
انا:خجلت وعاينت في الارض
عمر: اتخيلي اني اول مره اشوفك بتخجلي😉
انا:كلامك ده يعني شنو😡😡😡.. قصدك اني بنت مابخجل صح 😡
يازول ماتتكلم مع بنت قليله ادب طيب👊
عمر:هههههههههههههه ياخي لما تزعلي كده بتكيييف شديييد اني زهجتك ..
انا؛:👊 يلا انا زاتي حاخليك وجيت اقوم ضغطت على جرح يدي ..
وصرخت .. عمر😳يااابت انتبهي وقام على حيلو ومد لي يدو وقومني ..
مشينا للعربيه ( نسينا كل الزعل في لحظه وبدون مانسأل.. لانو ابسوق غلبنا المره دي )
فتح باب العربيه وشغل اغنيه عمرو دياب ومااالو لو ليله تهنا بعيد❤😍
وبقى يغني لي معاها ويعمل في حركات بي يدو في الهواء .. ويرسم مره قلب ومره يكتب شندس ❤وانا اضحك ..
وطلع لي ورود طبيعيه فجأة من العربيه 😳
انا: الورود دي كانت وييين انا ماشفتها ..😳
عمر : الزول لما يكون صاري مابشوف قدامو لكن😒
ضربتو بالورود في يدو وقلت ليهو بااااايخ 😒
قال لي تعالي اقيفي جنبي .. وقفنا متكلين في العرب

#الوتين_الحلال_11
مشينا انا وعمر .. وطول الطريق بنتونس ... وكنت متشووووقه شدييييد للهديه ... وصلنا الكافي نفسو بتاع استار بوكس ..
لقينا مصطفى واميره بتونسو وقنا من بغيد نعاين ليهم سوا..
مصطفى :هههههه والله يا اميره انتي مضحكه شديييد ياااخ
اميره: استنى اتم ليك .. وانا كنت بضحك في الولد عشان العصير عمل خريييطه في بنطلونو ... وقلت ليهو عشااان تاااني ما تقول لي ماتقعدي هنا ..
انا في سري( وااأاي خلاااص اتفضحنا .. صحبتي الما بتخجل ماحتكون خلت حاجه وماقالتها .. اححححي ياقلبي خلاص اتفضحنا... الليله تصبر لي بس)
وعمر زاتو كان بضحك في حكاوي اميره ... جيت داخله وقاطعتهم ...
اميره خافت ووقفت على حيلها سريييع جيتو بتين 😳
مصطفى وعمر بقو بضحكو فيها 😂😂
انا قربت منها وقرصتها في ضهرها وقلت ليها اصبري لي بس 😒
مصطفى قال لي عمر.. ياخ البنات ديل يردو الروووح .. 😂😂
عمر': شندس تعالي عشان الوقت ما يتأخر .. اوريك الهديه ..
فتح درج كده جوا المحل وبقى يفتش وشكلو ما لقااااهااا
سأل الجرسون وبرضو ما لقاها ... عمر : كيف يعني مااافي.. في زول دخل بي وراي المحل ده مما حجزتو !؟الجرسون : لا والله
عمر: بانفعال شدييييد .. طيب وينها.. انا مابخليك لو ما لقيتها ..
انا:عمر براحه عليهو ..اهدى شووويه حبييي.. بتتلقي براحه بس ..
عمر والجرسون بقو بفتشو وهو لسه معصب وبكورك فيهو .
الوقت بدا يتاخر ومصطفي قال ليهو:
عمر البنات ديل حيتأخرو كده خليني اوصلهم ..
اميره😍😍😍 ياسلام ع زوقك مصطفى وابتسمت كده بخجل
انا:😳😳😳😳 الحاصل شنو بين الجوز ديل
مصطفى ابتسم ليها وبقو بعاينو وبوزعو في البسمااات
انا": 👋 طاااخ لبعه في ضهر انا ميره ...
وتحت كده قللت ليها(بطلي الرشاقه واصبري لي)مصطفى مافي داعي بمشي انا واميره برااانا
عمر: مصطفي وصلهم لي الموقف بس .. عارف سندس انت
لما قلنا نطلع .. عمر وقفني :
مصطفى واميره طلعو قدامي .
عمر: انا اسف شندس
انا: حبييييبي ماتزعل .. وما مشكله ...اصلا شوفتك عندي بالدنيا كلهااا واجمل هديه اني لقيتك في الدنيا دي❤
عمر: ربنا يحفظظظك لي يااارب ويخليك لي
انا: ويحفظك لي يانعمتي😉
عمر: يازوله بقيتي بتحاكيني صح😂
انا: هيي حتأخر كده يلا مع السلامه .. وسلمت عليهو وطلعت
وبي وراي .. قبل على الجرسووون😒
عمر: انا ما حاقتنع انو العلبه دي اتبخرت في الهواء وحاعرف الشالها منو اصبر لي بس وطلع ..
انا واميره في العربيه ..
اميره : سندس دايره اركب قدام انا .. انتي خليك ورا
مصطفى بضحك فيها..
انا😡😳 يابت تعالي اركبي معاي .. ولا عبرتني وجرت ركبت
مصطفى عاين لي .. وابتسم خليها 😄
انا: الليله تصبر لي بس😡😡😡
ووصلنا للموقف وركبنا سريييع .. ونحنا راكبين .. بنتشاكل وبقرص فيها وادقها .. عشان كذبت علي في المول وعشان بتتراشق ..
انا: اميره اتقلي يااخ .. فضحتينا اقسم بالله
اميره: سندس😍😍😍😍 اقسم بالله حبيت عمر عشان صاحب مصطفى.. ياخي زول رااااقي
انا:😏😏 رااااقي بالله .. ولا عشان التوسان بتاعتو راقيه
اميره 😍😍😍 الاتنين
وقعدنا نضحك 😂😂😂.. انا: انتي مستهبله والله وانا بعرفك كوووويس
اميره: كل ماتتذكر ونستها مع مصطفى تحضني انا
لما ناس المواصلات بقو مستغربيييين فينا😂😂
...
اسراء هنناك في البيت شالت تلفونها بتتكلم مع هيام:
اسراء: هيام😍😍.. قدرت اعمل القلتي عليهووو ...
هيام:احكي اهااا شوقتيني😍😍
اسراء: طبعا مشيت وسبقت عمر للكافي .. ولقيت الهديه
هيام :اها كملي
اسراء: دبله بتاعت دهب .. ومحبس.. قلبي لما وجعني واتحرق😔
هيام: انتي عرفتي كييف مكانها!؟
اسراء: عمر الصباح حكى لي .. انو عيدميلاد سندس وانو اشتاق ليها وعايز يراضيها .. ووراني خطتو و الدبله .. وقال حيقول ليها اجي اتقدم ليك ونعمل خطوبه ..
طبعا حاولت اوقفو واشككو انو سندس ما دايره تعرس.. والمساعدني انها بتخاف من العرس..
فقلت لو حسستو انها ما جاهزة للعرس ومشى عرض عليها وهي فعلا حتكون خايفه كده الطرفين تااااني حيقعو مع بعض من سوء تفاهم بسيطة
هيام: اها ماعملتي كده ليييه ؟!
اسراء: لانو عمر اصر يعرض عليها الخطوبه ويشوف رايها
هيام: اها وعملتي شنو؟
اسراء: مشيت وحنست الجرسون واديتو قروش عشان يديني الهديه ..
هيام:جنيتي انتي 😳😳 قروووش قدر كم يعني
اسراء: بقيمه االهديه ..
هيام: جبتيها من وبييين😳😳
اسراء: من حسابنا انا واخوي .. ياخ ماشغلتك هسي اسمعيني
هيام:اها تمي ..
اسراء: شلتها وهددتو لو زول عرف انو انا جيت بي ورا عمر واني انا الشلتها .. ما حاخليه وحاوقعو في مشاكل
والجرسون خاف شكلو ... واصلا القروش بتعمي اي زوووول ...وبقت بتضحك ..
هيام: اسراء انا بديت اخاف منك والله .. ده كلو عشان تخربي فرحت سندس!؟
اسراء: اااااي واكترر وكل ما تقرب من عمر حأذيها .. ماهي بس .. اي بت لو عاينت ليهو في الشارع ساي .. ممكن اقتلها
هيام: قفلت الخط وبقت بتفكر.... اسراء دي وضعها ماشي اصعب .. وخافت فعلا من تصرفاتها .. وقالت دا ماحب دا مرض ..

. .
ه....
جا مصطفي داااخل البيت .. بنادي .
يااااسرو ياااسرو وييينك انتي....
(اسرااااء اخت مصطفى)

ونتقااااابل حبيباتي😘😘😘😘
تعبت والله من الكتااابه ..
اعملي متابعه لي حساااابي عشان تصلك باقي الرواايه .
#كل_الحب 😘
#Sansona