، صلو على النبي
روايه: بتمناك😍😍
بقلم: fofo Mahdi
الجزء الرابع عشر

مهند: طيب راجي شنو انت ي لؤي صارحها وخلاص😒👊
لؤي: راجي شنو كيف يعني ي مهند يعني انت نسيت العملتو فيني رنا؟😒
مهند: م نسيت بس كمان م كل اصابع اليد واحده ول شنو؟😒
لؤي: ايوا صح😔😔
مهند : طيب انت فاكر انها طمعانه فيك؟
لؤي: م ظنيت لانو وضعهم م شاء الله تبارك الله😐
مهند: براك قلتها يعني دي م ح تطمع فيك لانها م محتاجه اصلا
لؤي: صح كلامك بس برضو خايف اتخزل تاني ياخ وبعدين انا لسه م متاكد من مشاعري تجاهها
مهند: م متاكد شنو ياخ دا انت الحب واضح في عيونك
لؤي: يعني اتووكل؟ لاني م قاادر يخخ بفككر فيها ع طوول وم بتطلع من بالي😔
مهند: افضل تكلمها واتاكد من حبها ليك اول عشان م تقع تاني نفس الوقعه
لؤي: لالا ان شاء الله كان ربنا احيانا خليني الم في رقمها اول حاجه
مهند : يعني انت م عندك رقمها😂😂😂😂 لا انت طلعته مسكين شديد يااخ😂يحليل ايام زمان شكلو البت دي عرفت ليك😒
لؤي: تقول شنو بس😒 يلا ي مان انا ماشي
مهند: بعدين شارع النيل تمام؟؟😀
لؤي: خيير ان شاء الله😀

بهناك الاء لؤي عاجبها شدييد وبتفكر فيهو وقالت تدخل انستاا تشوفو❤
دخلت وحاولت اسمو ب كم طريقه وجاها😍❤ وكان خاتي صورتو في العرض❤وفتحت بقت تشوف في صورو وكل صوره احلى من التانيه👊 ولقت ليك البناات ديل منبرررشااات كيف😂
الاء مع نفسها : وااي شوف بالله البنات ديل منبرشات فيهو كيف😨
وبقت تشوف ف صورو وفي فيديوهات هو منزلها وبتضحك على هبالتو
وفجاه جاتها دينا من ورا وقالت ليها سبراايز😍😍
الاء اتخلعت وقامت وحاولت تدس الفون بس دينا قالت ليها شووفته شووفته😂😂تعاالي هنا تعالي هنا دا منو الود القرض دا بقيتي تحبي من وراي ول شنو😂😂
الاء سلمت عليها وطلبت من الحبشيه تجيب ليهم عصير وقعدو ف غرفه الاء
دينا: اها احكي لي دا منوو سرييع ي بت
الاء: جنك شمارات😂😂 وقعدت تحكي ليها قالت ليها دا ود صحبه ماما وووو... الخ
دينا: وااي انتي جاده دا القلتي عليهو منفسن😨😨
الاء: تصدقي
دينا : وريني صورو
والاء ورتها
دينا: ووااااي ي الاء😭😭 هسي دا بقولو عليهو منفسن😭😭 منفسنه انتي والله الود يسو كدي👋👋 بالله الود تقول نازل من مجله سيدتي😍 بتبالغي لكن بدعتي وشذيتي اجرمتي في حقو عدييل كدا😂😂
الاء : ياخ خلاص بطلي شوفي البنات ديل منبرشات فيهو كيف😢😢
دينا: ليهم حق عاد انا زاتي انبرشته ي انتي الود تقول نازل من مجله سيدتي😻💔خلاص تعالي نشوفو ف الفيس
الاء: تمام ودخلت الفيس وفتحو صفحتو والاء من كتاباتو عرفت انو زوول غاامض وزول عاقل وفاهم وواقعه ليهو❤ وانو اتخزل قبل كدا💔 وم بحكي عن خصوصياتو يعني بخليك في راسك الف سؤال لانو غامض جدا وشخصيتو عجبتها شديد😍❤
وبقت كل دقيقه تخش انستا وتشوف صورو❤
دينا: الاء خلاص كفايه ي بت جنيتي😂😂
الاء: وااي ي دينا شوفي البنات المعاهو ديل مزز كيف💔
دينا: شنو الغيره دي ي بت😂😂
الاء: الزول م يحكي ليك حاجه😒
الاء : تعالي شوفي الصوره دي هنا بشبه ابوهو شديد بس نسخه منو😍
دينا: اي بالجد بشبهو شديد وخلاص بعد دا كفايه ياخ كرهتيني لؤي لؤي😒 تعالي احكي ليك الحصل مع عدي شنوو ودينا شغاله تحكي وتحكي والاء في عالم تاني😍

تعالو نشووف لؤي
مشى لي رهف ف غرفتها
لؤي: رهووفتي😍
رهف: 😱😱 مالك ي لؤي؟ محموم ول حاجه؟
لؤي : الزول اصلو م يقول ليك كلام حلو😒
رهف: اختصر😏
لؤي: اممم عايز رقم الاء
رهف: 😂😂😂😂
لؤي: مالك بتضحكي؟
رهف : كنت منتظراك تجي تقول لي😂😂
لؤي: 😒😒
رهف : حركاتك واضحه ي اخوي المهم تدفع كم😌😌
لؤي مع نفسو: ديل مالهم كلهم منتظرني اقوول ي ربي حركاتي واضحه للدرجه دي😔😔
رهف: بتكلم معاك انا بالمناسبه😒
لؤي: اها😏
رهف : قلت ليك تدفع كم😏
لؤي : العايزاهو😒
رهف: تعزمني بعدين؟😌
لؤي: بعدين طالع مع اصحابي شارع النيل😒
رهف: سووقني معاكم مش ناس اسراء وايه جايين؟❤
لؤي: جايين اي
رهف: بس خلاص سوقني وبعد نطلع من هناك تعزمني😍❤
لؤي: خلاص خير بس هااتي الرقم😒
رهف: طيب هاكك
ولؤي شال الرقم وبقى يفكر في حنك يدخل بيهو ليها😂

الساعه 7:30 م
الاء قامت اتوضت وصلت المغرب❤ وجابت الكيكه اللي عملتها قبيل❤ ومعاها شاي وطلعت غرفتها فووق❤ وفتحت التلفزيون وقعدت تحضر❤

بهناك لؤي خلاص انا ح ارسل ليها بعد دا ياخ م بقدر انتظر اكتر من كدا

الاء قاعده بتحضر واخر استكانهه😴💜
قالت تدخل الواتتس شوويهه تدردش مع صحباتهاا😍
دخلت ولقت رقم غريب مرسل ليها واللي هو لؤي
لؤي: مساء الخير❤ (اححي انا بقلووبها من البدايه كدا😂)
الاء: مساء النور م عرفتك؟
لؤي: انا لؤي
الاء : لؤي مين؟ وهي في نفسها يااارب يكون لؤي الفي بالي❤

يلا نتلاقى في الحلقه الجايه
بقلم: فوزيه المهدي (fofo Mahdi)
يلا سلام عليكم😀✋

روايه: بتمناك😍😍
بقلم: fofo Mahdi
الجزء الخامس عشر

لؤي: لؤي اخو رهف
في اللحظه دي الاء بقت تنطط في السرير زي الهبله😂😂 والفرحه م سايعاها😻تشوفها تحلف تقول عقد عليها هسي😻💕 لا وكمان من الفرحه م ردت عليهو اتصلت على دينا توريها الحصل😂 (ي بتي استكينيي هو ي داب قال بسم الله😂😂 سلام الله م اداك ليهو زي الناس😂😂 اسي يمكن يطلع م لؤي زاتو😂 عاد نحن لينا الله وقعاد المظله🐸✌)
بعد هدت وفتتو لي دينا ي داب عايزه ترد عليهو (يحليلها مكبووته البت😂)
الاء: اهلين لؤي😀
لؤي: كيفك واخباركك؟
الاء: بخير الحمدلله انت كيفك
لؤي: في زحمهه من النعم الحمدلله💕
الاء: الحمدلله💕
لؤي: طبعا اخدته رقمك من رهف لانو شايفهم كلهم ماخدين ارقام بعض الا انا وانتي ف قلت اتعرف عليكك وكدا😀
الاء : ايووا لي الشرف والله😊
لؤي: تسلمي
وبقو يتعرفو على بعض
والاء اكتشفت انو زول حباب وظريف😍 بس م بدخل ف الناس سريع عشان كدهه😴💜 وهو كمان عرف طيبتها وقلبها الابيض وبقو يتونسو
لؤي: طبعا هسي ماشي على شارع النيل😍
الاء: بالجد ايامكك والله😻😻
لؤي: طبعا معااي رهف ومتعبطه قالت الا اعزمها والله عذبتني عذاب وجننتني جن تنق الطريق كلو كلامها كتير ياخ😒
الاء: 😂😂😂😂 لا يااخ رهف دي عثثل ياخ😻
لؤي : عسل شنو ياخ انتي م شفتيها بس
الاء : انت شكلك م بتحب الكلام الكتير بس
لؤي : 😂😂 م كدا بس هي بتتكلم في الفارغه😂😂 ولم م ارد عليها تقول م معبرها وتتجنن لي بتمعط معط زي بتاع الحبش بتاعين الركشات😂
الاء : 😂😂😂😂 يخس عليك والله بالغته وصفك بلييغ لكن😂 رهف م سمعتك بس😂
لؤي: 😂 مش كدا😂 لو سمعتني كان ردحت لي ردح😂😂
الاء: ليها حق لكن بعد وصفك كدا😂😂
لؤي : 😂😂
لؤي: يلا انا وصلته اقعد مع الشباب ديل شويه وبرجع ليك😊
الاء: اووكي😊
بعد طلع الاء بقت فرحانه شدييد😍
واتصلت على دينا تحكي ليها
دينا: 😂😂 والله طلع ظريف😂😂
الاء: مش كدا😍😍 اتخيلي بس ي دينا انا كنت فاكراهو منفسن لكن طلع ظرييف ووناس وزوول عاقل وفاهم❤ يعني فيهو كل الصفات الانا بحبها❤ وم عندو حركات الاولاد ديك.م شفتي ضحكني كيف😂 والله ليهم حق البنات ينبرشو فيهو كدا😭
دينا : 😂😂 م تجننيني خلاص
دينا: طيب اسالك سؤال
الاء: اها اتفضلي😍
دينا: انتي نسيتي امجد؟
الاء: 😔😔 اسي في داعي تجيبي لي سيرتو وتزكريني ليهو؟ انتي عارفه ي دينا الاحساس البحسو تجاه لؤي عمري م حسيتو مع امجد عشان كدا اقفلي الموضوع دا وم تقلبي علي الموااجع ياخ😔😔
دينا: خلاص حبيبتي معليش انا اسفه
الاء: اسفه ف عينك😒👊 من متين نحن بيناتنا كلام زي دا
الاء : خلاص يلا عايزه اشوف لؤي جا ول لا😻
دينا : خلاص يلا طيري انا زاتي عدي منتظرني😻
الاء: طيب يلا😍
الاء قفلت من دينا
ودخلت واتس قالت تشوف لؤي😍❤ دخلت لقتو لسه م دخل قالت خلاص تمشي تصلي العشاء❤ وتجي❤ قامت صلت العشاء وعملت ليها نسكافيه❤ وجات قعدت تحضر ف التلفزيون وفتحت فونها ودخلت واتس😍❤
لقت رهف مرسله ليها صوور وقالت ليها انها ف شارع النيل مع لؤي
الاء شافت الصوور ولقت اسراء قاعده جمب لؤي وفي صور ليهم وهم بضحكو مع بعض❤ الاء زعلت شديد من جواها انو معاهم بنات بس قالت اصلا م من حقها تزعل
الاء: ايامكمم والله😍
بعد شويهه كدا لؤي رسل ليها
لؤي: هلا
الاء: اهليين نورته
لؤي: منور بيك اصلا❤
الاء : تسلم ،، اها القعده كيف؟
لؤي: حلوه والله❤
وبقو يتونسو
بهناك اسراء بتتكلم مع ايه
اسراء: ايه
ايه: اها مالك ي بت؟؟😀
اسراء: لؤي دا مالو الليله مندمج ف فونو وشوفي بتبسم كيف؟😔
ايه:ومالو فيها شنو يعني؟😒
اسراء:لم يكون قاعد معانا م بمسك فونو بس الليله مالو😔
ايه: والله م عارفه م تشتغلي بيهو انتي مالك ومالو ياخ
اسراء:انتي عارفاني بحبوو ي ايه ياخ😢💔
ايه:بس هو م بحبك ي اسراء افهمي هو م بحبك
اسراء:خلاص اسكتي م يسمعك😒

بهناكك الاء بتتونس مع لؤي
لؤي:الاء شويه وبرجع ليك
الاء:طيب

لؤي:يلا ي شباب نحن نمشي بعد دا
عمر:م بدري ياخ اقعد شويه
لؤي:لا والله ماشي رهف دي عندها جامعه بكره والوقت اتاخر بعد دا
مهند:هو انت اتونسته معانا زاتو ماسكك فونك وقاعد
لؤي:(حمر ليهو) نظام اسكت😒👊

وطلعو منهم ومشو ولؤي بتكلم مع دينا
لؤي:طلعنا طبعا والحبشي قال الا يعزموهو😭😭
الاء:😂😂😂😂 يخس عليك
لؤي:عارفه دا كلو عشان شنو؟؟
الاء: عشان شنو؟
لؤي: عشان طلبته منها رقمك😍❤ وابت تديني ليهو الا اعزمها
الاء:😂😂😂😂 انت جاادي
لؤي: تصدقي
الاء:😂😂بالغته لكن
لؤي: بالغ الزمن ي انتي يلا عشان وصلنا
الاء:طيب
لؤي:خلي بالك من نفسك❤
الاء:طيب وانت كمان
مرت الايام وهم بتونسو وبتعرفو على بعض اكتر وطبعا مصطفى اخو محمد جا من السفر وعرسو خلاص قررب فضل ليهو اسبوع بس❤

يلا نتلاقى في الحلقه الجايه
بقلم: فوزيه المهدي(fofo mahdi)
يلا سلام عليكم😀

م لازم نحب عشان نكتب عن الحب ..
في ناس تستاهل ينكتب ليها كلام عند الحب و هم مجرد اصحاب 💞✨



براءة قلب @pllli

👨ﺍﻟﺸﺎﺏ : ﻫﻞ ﺗﺘﺰﻭﺟﻴﻨﻲ ؟
👩ﺍﻟﺒﻨﺖ : ﻋﻨﺪﻙ ﺑﻴﺖ؟
👨ﺍﻟﺸﺎﺏ : ﻻ .
👩ﺍﻟﺒﻨﺖ :ﻋﻨﺪﻙ ﻋﺮﺑﻴﺔ BMW؟
👨ﺍﻟﺸﺎﺏ : ﻻ .
👩ﺍﻟﺒﻨﺖ : ﻋﻨﺪﻙ ﻣﺮﺗﺐ؟
👨ﺍﻟﺸﺎﺏ : ﻻ ، ﻟﻜﻦ ﺍﻧﺎ😢😢 ....
ﺍﻟﺒﻨﺖ : ﻣﺎﺗﺸﺒﻜﻨﻲ ﺍﻧﺎ ﻭﺑﺘﺎﻉ . ﺍﻧﺖ ﻣﺎﻋﻨﺪﻙ ﺳﺠﻢ ﺭﻣﺎﺩﻙ ﻋﺎﻭﺯ ﺗﻌﺮﺳﻨﻲ
ﻛﻴﻒ😕 ؟؟ . ﻗﻮﻡ ﺑﺎﻟﻠﻪ ﻟﻒ ﻭ ﺷﻮﻑ ﻟﻴﻚ ﺟﺒﻞ ﺍﻃﻠﻌﻮ ﻭﺍﺭﻣﻰ ﺭﻭﺣﻚ !!!
ﺣﺰﻥ ﺍﻟﺸﺎﺏ😢😢 ﺟﺪﺍً ﻭﻗﺎﻝ ﻟﻲ ﺻﺎﺣﺒﺘﻬﺎ ﺍﻧﺎ ﻋﻨﺪﻱ ﻗﺼﺮ ﻭﺗﻼﺗﺔ ﻓﻼﺕ ﻓﻲ
ﻣﺼﺮ
ﻭﺍﻹﻣﺎﺭﺍﺕ
ﻭﻣﺎﻟﻴﺰﻳﺎ
ﺍﻟﺒﻴﺖ ﺍﻋﻤﻞ ﺑﻴﻬﻮ ﺷﻨﻮ؟ . ﻋﻨﺪﻱ ﻓﻴﺮﺍﺭﻱ ﻭﺑﻮﺭﺵ
ﻣﺎﻣﺤﺘﺎﺝ لي 🚘🚘BMW ﻋﺮﺑﻴﺘﻴﻦ ﻛﻔﺎﻳﺔ .
ﻭﻛﻴﻒ ﻳﻜﻮﻥ ﻋﻨﺪﻱ ﺭﺍﺗﺐ ﻭﺍﻧﺎ ﺻﺎﺣﺐ
ﺍﻟﺸﺮﻛﺔ🏧؟ .
ﺍﻟﻤﻬﻢ ! ﺍﻟﺒﺖ ﻫﺴﻲ ﻣﺮﺑﻮﻃﺔ ﻓﻲ ﺯﺭﻳﺒﺔ ﺍﻟﺸﻴﺦ ﺍﻟﺒﺮﻋﻲ ﺑﻌﺪ ﻣﺎ ﺍﻟﺸﺎﺏ
ﺃﺗﺰﻭﺝ ﻣﻦ ﺻﺎﺣﺒﺘﻬﺎ ..
ﻭﺑﺘﻘﻮﻝ ﻛﻠﻤﺘﻴﻦ ﺑﺲ
ﺍﻟﺸﻔﻘﺔ ﺗﻄﻴﺮ ، ﺍﻟﺸﻔﻘﺔ ﺗﻄﻴﺮ .
😂😂😂😂 ههههههه

عوضية كبي نعنان ..😂😂😂

محاسن رافعة فينا قضية #

😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂👌

زماااااااان كنا بنخرب نشيد العلم ونقوول :نشتري اللحمة باغلي ثمن ؟👿😂😂

مرت السنين😑💔
والوطن طلع جادي وعملا فينا والله😂😂😂👌

قمة. الالم. لما. تفتح. التلاجة😳
تلقي. جردل. الطحنية 🤗

تمشي. 🚶تجيب. عيشة

تلقاهو. دا. جردل. العجين🙊
✌🐸
🤣🤣🤣🤣

قبل شوية جايين من السووق وما عندنا قروش اتفقنا نأجر أمجاد ولما نصل نقوم جارين..
وفعلا لما وصلنا مكانا تلبنا من الأمجاد وجرينا دخلنا عمارة مضلمة...
سألت الجمبي: تفتكر بتاع الأمجاد بكون عمل شنو😳🤔😳
الجمبــي قال لي: أنا بتاع الأمجاد.. هو الحاصل شنو😥؟؟


😂😂😂😂

ما في. شي. اسمو. اللتسكر. يصلح😡

دي. مشاعر ناس😳

👈❤


ما. عدت. امك
👈🥄🍾🍴🍽👠👠

🤣🤣🤣🤣🤣🤣

في. واحد. سوداني. 👺
ساكن. في. الامارات. 🤗

يوم. كدا. فاتح. الاذاعة بتاعتم😳
سمع. كازم الساهر. بغني 🎤
بقول احتاج. امراة تجعلني. احذن 😢

صاحبك. اتعجب. من الاغنية 😳

قال. ليهو تعال. عندنا السودان😳
والله. عندنا حريم. 👹
يخلنك. تصلي. الجمعة يوم. الاتنين. زاتو 😁

🤣🤣🤣🤣🤣🤣

هل. صحيح. انو. المطار. ✈

اقرب. الطرق. للسعادة🤗
🐸✌
🤣🤣🤣🤣🤣

لما. تجيك. الصدفة. الحلوة
👈💃
😍❤
دايما. بتلقاك لابس. معفن 😡

🐸✌
🤣🤣🤣🤣🤣

الخوة. اصلا. مالعب. 😳

الخوة. احساس. ❤في. القلب ❤
✌🐸

قلت. ليها. بحبك 🤗❤

امها. كانت. قاعدة. 😳
سمعت. كلامي. 😳
قالت. لبتها. ايو. كدي.
دا. الولد. ولا. بلاش 😁
قامت زغرتت. قالت.
لي. يا ولدي. امشي. جيب. اهللك. للعقد 😳
عندنا. مازون. جاهذ.
بس انت امشي جيب. اهلك وتعال.









🏃🏿الساعة الكبيت. لي. الزوقة

لامن. غيرت. رقمي.
🤣🤣🤣🤣🤣

ﻭﺍﺣﺪ بفتش لي في سبب عشان يعرس في مرتو :
ﺟﻤﺎﻟﻚ ﻓﻄﺮﻩ ﻣﺎ ﺑﺎﻟﻜﺮﻳﻢ ﺑﺘﻜﻮﺳﻰ
ﻭﻋﻨﺪﻙ ﻧﻈﺮﻩ ﻛﺎﻓﻴﻪ ﺗﺒﻴﺪ ﻧﻈﺎﻡ ﺍﻟﺤﻮﺛﻲ
ﻓﻮﻗﻚ ﺷﺎﻣﻪ ﺯﻱ ﺃﺳﻠﺤﺔ ﺍﻟﺪﻣﺎﺭ ﺍﻟﺮﻭﺳﻰ
ﺑﺲ ﻋﻴﺒﻚ ﺣﺎﺟﻪ ﻭﺍﺣﺪﻩ . ...
ﻣﺎ ﺑﺘﻌﺮﻓﻲ ﺗﻌﻮﺳﻰ
قامت الساعه 2:00 صباحا" تكوس في الصاج والقرقريبة...

😅😅😅😅😅😅

بنمشي 🚶لي. قدام.

وما. بنعاين. لي وراء 😳

بنحب. الاصليييين. 🤗

وما بنحب الافتراء😏

لمن نقيف بنقيف قنا 🤞
🐸✌
🤣🤣🤣🤣🤣

روايه: بتمناك😍😍
بقلم: Fofo Mahdi
الجزء السادس عشر

في يوم لؤي قاعد ف المكتب لانو ابوهو مسكو الشركه مسافه يسافر ويجي ومهند قاعد معاهو❤
لؤي: مهند عملته القلتو ليك؟😀
مهند: ايوا بجي هسي الموظف بتاع قسم المراجعه😁
لؤي: طيب تمام يلا انا ح اطلع وانت امشي اشغل السكرتيره دي وانا ح اجي ادخل بدون تنتبه لي
مهند: تمام يلا😊
قامو وطلعو سوا ومهند جا راجع وشغلها ولؤي دخل المكتب بدون م تحس وبعدها مهند طلع ولؤي قاعد جوا
ومنتظرها تتكلم
وبعد مساافه
السكرتيره هند: الوو😊
المجهول: اها عملتي القلتو ليك م عندنا وقت؟
السكرتيره هند: اي عملتو ولؤي قبل شويه طلع
المجهول: طيب تمي الموضوع وارجعي لي ولازم تقدمي استقالتك في اقرب وقت عشان م يشكو فيك
السكرتيره هند: لا لو قدمتها هسي كدا حيكتشفو احسن اقدمها بعد يكتشفو واصلا م حيعرفو انو دي انا وحيكون عندي حجه انو الشركه افلست واني عايزه اشتغل في شركه تانيه
المجهول: نحن لازم نستغل فرصه امير مسافر عشان نقدر ننجز سريع
السكرتيره هند :هسي م بقدر اطول في الكلام لمن نتلاقى لانو هسي لؤي حيجي يلا
وقفلت
بهناك لؤي جوا المكتب بعد سمع كلامها كلو اتصل على مهند وقال ليهو يجي يشغلها ويناديها عشان هو يطلع من جوا وم يعرف انها كشفتو وبعد هي تمشي ل مهند وتجي لؤي ي داب حيجي داخل المكتب كانو جا ياداب
وفعلا عملوو كدا واتفقو مهند ولؤي يتلاقو نهايه الدوام عشان يحكي ليهو الحصل

نهايه الدووام لؤي ومهند اتلاقو ولؤي وراهو الحصل كلو❤
مهند :.والله دي مشكله ياخ تفتكر دا منو؟
لؤي: والله انا زاتي م عارف راسي شااطب عديييل كدا
مهند: خلينا نفكر
وقعدو اتفقو على انو بكره يعملو شنو وكل زوول رجع بيتوو

بهناكك الاء جات داخله من الجامعه كان عندها محاضره واحده ورجعت بيتهم وناامت❤صحت لقت العصر اذن صلت واتغدت ورجعت غرفتها قعدت تقرا شويه ولم زهجت مسكت فوونها❤

بهناك لؤي رجع البيت زهجان ومضايق شديد وم عارف يتصرف كيف💔 طلع غرفتو واخد ليهو شااوور😍 ورقد ومسك فونو وبقى يتونس مع الاء❤
(طبعا لؤي والاء بقو قريبين ل بعض شديد❤ ولؤي بحكي ليها ب تفاصيل يومو كلها❤ وهي كمان بتحكي ليهو ب اي شي❤)
وكمان بقت بيناتهم فوونات😉😉
لؤي طووالي اتصل عليها
لؤي: الاء😊
الاء :اهلين لؤي كيفك😀
لؤي : بخير الحمدلله كيف انتي😊
الاء : بخير الحمدلله😊
وبقى يتكلم معاها
الاء: لؤي انت مالك مضايق من حاجه؟😔
لؤي: لا م في شي م تشغلي بالك😙 الاء: لو في حاجه وبقدر اساعدك كلمني😔
(لؤي برتاح شديد لم يتكلم معاها❤ ولم يفضفض ليها بحس انو هي الامان بالنسبه ليهو وهو بحكي ليها ب اي شي وقرر يحكي ليها الحصل معاهو❤)
لؤي: والله ي الاء مضايق شديد😔
الاء: ليه خير الحاصل شنو؟😔
لؤي: والله.... (وقعد يحكي ليها)
الاء : يعني انت شاكي فيها؟😔
لؤي: طيب والسمعتو دا م بخليني اشك؟😔
الاء: صح والله😔 ،، طيب اهدا شويه وروق❤ وراقبوها مش قلت لي مهند عارف؟ طيب راقبوها كويس واعرفو هدفها شنو ولم تعرفو م تجهمو عليها طوالي لانو هسي هي هدفها تقريبا كدا واضح بس لازم نعرف الطلب منها تعمل كدا دا منو صح؟
لؤي: ايووه صحح😊
الاء: بس خلاص وحاوول تخلو عندكم دليل على كلامها دا وممكن تعملو كميرات مراقبه عشان بعدين م تنكر
لؤي: ايووه فكرنا ف كدا
الاء: ايوه بس انت م تضايق نفسك
لؤي: انتي خليك معاي بس❤ لم تكوني معاي بكون مبسوط
الاء سكتت (الظااهر خجلت البت😂)
لؤي لم حسا بيها حبا يغير الموضوع
لؤي: انتي عارفه مفروض تكوني بتقري قانون😂😂
الاء: مش كدا😂
لؤي: اي والله😍
الاء: اها انت كيف مع القرايه مش دي اخر سنه ليك ف الماستر😊
لؤي : ايووه ،، والله تمام الحمدلله❤
الاء: ومقسم وقتك بين الشغل والقرايه وكدا؟😊
لؤي: ايوه الحمدلله❤
الاء: الحمدلله😊❤
وفضلو يتونسو مع بعض❤
الاء بعد قفلت من لؤي
اتصلت عليها دينا
دينا: ي بت انا اتصلته عليك ميه مره فونكك دا مشغول مع منو اصلو😡😡
الاء: ي بت اهدي😂😂 كنت بتكلم مع لؤي والله
دينا: 😂😂 زمان فونك م كان بكون مشغول الا معاي هسي بقيتي تتكلمي بالساعات ي رمه😂 واليوم كلو مع لؤي
الاء: 😂😂😂 تقولي شنو بس الله دا ما كرييم😍😍 نسيتي لم كنت بتصل عليك وانتي مشغوله مع لؤي تحلفي كان تردي😂
دينا: عدي م لؤي ي سجمانه😂😂 جنيتي خلاص انتي😂😂 بقيتي تهلوسي بيهو ي الاء هضربتي بعد دا😂
الاء: خلاص م تشغليها لي😒يلا عايزه انوم
دينا: دقيقه ياخ احكي ليك طبعا انا وعدي رجعنا وسامحني واي م مصدقه😍
الاء: وااي ي دينا قلتي لي الكلام دا ميه مره من رجعتو قربتو تتمو سنه😭😭ارحميني شويه ياخ😭😭
دينا: خلاص يلا زاتو عدي اتصل علي😍
الاء: الحمدلله الحمدلله الحمدلله حلاني منك يلا امشي وقفلت ف وشها😂 ورقدت نامت❤ تاني يوم❤لؤي مشى المكتب بدري واتصل على مهند عشان يجيهو وطبعا ركبو الكميرات بدري قبل م السكرتيره تجي
وقعدو
ولؤي طلب موظف من موظفين قسم المراجعه وطلب امين الخزنه يجوهو وفعلا جوهو❤
واكتشفو انو في كشط وتزوير في

في الفواتير💔
وانو رصيد الخزنه مسحوب منو مبلغ كبير💔وفي خلط بين المصروفات الايراديه والرأسماليه😔💔والحكايهه جايطهه شديد
لؤي:قام يكورك ويتنرفز وبقى جاايط شديد ومتنرفز💔ومتووعد للسكرتيره اللي اتاكد انو هي السبب في كل شي😔💔
بس مهند هداهو وقال ليهو يهدا عشان يقدرو يعرفو الورا الكلام دا منو
لؤي:بس ي مهند اانت عايزني اهدا كيف وانا ابوي مسكني الشغل لحدي م يجي وانا بقيت م قدر المسئوليه😔💔 مهند:ياخ قلت ليك اهدا عشان نقدر نتصرف
لؤي:خلاص تمام😔
مهند:يلا نفكر بعد دا💔
لؤي رجع البيت ليها وحكى لي الاء الحصل وهي قالت ليهو انو يلاقيها ويواجهها عشان يعرف الحاصل شنو

الساعه 7:00 م
لؤي اتصل ع السكرتيرة وقال ليها انو عايز يلاقيها ضروري
واتفقو ع المكان وركب عربيتو ومشى ليها ومعاهو مهند ووصل ليها وقعدو
لؤي:عايني ي هند من الاخر كدا هدفك شنو؟ لانك اتكشفتي😊
مهند:وعندنا الدلائل بالمناسبه عشان كدا م تحاولي تنكري😊
هند:دا شنو انتو بتقولو في شنو😳😳
لؤي:جيبهم لي من الشنطه دي ي مهند😊
هند:😳
لؤي:دي الفيديوهات البتثبت اختلاسك للشركه وكلامك مع الزول المتفقه معاهو كلو مسجل هنا😊
مهند:كان في كميرات مراقبه بالمنااسبه😊
لؤي:(طلع ليهو اوراق)وقال ليها الفواتير مزووره ورصيد الخزنه مسحوب منو مبلغ وقدره وفي خلط بين المصروفات الماليه والرأسماليه وم في زول عمل الكلام دا غيرك وجدع ليها الاوراق وقال ليها من الاخر كدا فهمك شنو وعايز تصلي ل شنو
مهند:احسن تعترفي لانو لو عايزه تتجرجري م حنريحك نحن جبناك هنا بالهداوه حتعترفي ولا نتصل للشرطه ونتخذ معاك اسلوب تاني؟
هند:خلاص خلاص ح اعترف بس والله انا م لي دخل
لؤي وهو فاقد اعصابو: اتكلمي😡
هند:اي صاح انا عملته كدا وكان هدفي كدا بس م انا والله م انا
لؤي:منو يعني حيكون منو لو م انتي قولي الموصيك منو😡😡😡😡
هند عايزه ترد بس فجاه جا راجل من وراها وقال لي لؤي انا ح اوريك😊وهند ملامحها اتغيرت
المجهول:دا هدفي انا وهي مجرد واسطه م اكتر وانا الكنت بتكلم معاها بالفون وانا الموصيها
لؤي:انت😡😡😡انت تطلع منو اصلا
المجهول:انا انوور عثمان
لؤي:؟؟هدفك شنو بالضبط انت؟؟
انور عثمان:انت اديني كم يوم بس وبوريك ب هدفي
لؤي:كم يوم؟؟ كم يوم عشان شنو😡😡ولؤي عايز يقوم فيهو الا مهند مسكو وقال ليهو:لا لؤي دا راجل كبير ياخ م قدرك م في داعي هسي دي اعصابك واديهو الكم يوم ديل عشان نعرف هدفو شنو😔
ومهند هدا لؤي وساقو البيت ولؤي هموم الدنيا كلها فوق راسو اوول م وصل البيت مسك فونو واتصل على الاء يحكي ليها
لؤي:الوو😔
الاء:اهلين لؤي
لؤي:الاء كيفك؟
الاء:الحمدلله انت كيف؟ وصوتك مالو تعبان كدا؟الحاصل شنو؟ والليله عملته شنو ف موضوع السكرتيره؟ لاقيتها؟
لؤي:هسي ارد على شنو واخلي شنو😂 (رغم الهموم العليهو لم يتكلم مع الاء بتكيف شديد لي اهتمامها بيهو وبنسى كل زعلو)
الاء:😡😡خلاص م عايزه اعرف زاتو خليتو
لؤي :معقوله بس انا اصلا اتصلته عليك عشان احكي ليك بس انتي م صبرتي
الاء:طيب احكي سريع
لؤي:طيب الحصل كالاتي: (وقعد يحكي ليها)
الاء:طيب ي لؤي انت انتظر الكم يوم القالهم ديل عشان تعرف الحاصل كلو ولا شنو؟😔
لؤي:ايوه صح بس انا خايف في اليومين ديل يعمل ليهو مصيبه تانيه وكدا الشركه حتفلس ي الاء افهميني😔
الاء:انا عارفه انتو راقبوهم من بعيد ل بعيد
والاء حاولت تطمنو وتطلعو من الجو دا وفعلا عملت كدا❤

صباح اليوم التالي❤
الام نعمات:ي ود ي لؤي ي حسام تعالو انزلو سريع
لؤي:صباح الخير ي ست الكل❤جمبك يا حبيبه
الام نعمات:صباح النور عافيه منك وراضيه منك ي ولدي تعال اقعد جمبي😙
الام نعمات:وينو اخوك السجم دا ناديهو بس قافل نفسو في غرفتو وبقى م بقعد معانا كتير😔
لؤي:من عيوني الجوز ي ست الحبايب😍
الام نعمات:تسلم لي عيونك❤
ولؤي مشى ينادي اخوهو وجو نازلين
وقعدو جمب امهم وحسام سلم على امو
الام نعمات:اسمعو انا ناديتكم انتو لانو رهف ومجد في الجامعه عشان كدا ، عايزه اقول ليكم عمككم دا جايي من امريكا الليله الساعه 9 بليل تمشو مع ابوكم تجيبوهو فهمتو طبعا انتو م شفتوهو قبل كدا لمن سافر انتو كنتو صغاار عشان كدا ولمن مجد ورهف يجو كلموهم طيب؟
لؤي:طيب❤
حسام:طيب ي ست الكل ،،اها ممكن امشي بعد دا ولا في حاجه تاني
الام نعمات:امشي تمشي فيك حيطه مششم غايتو ولاده السجم😒
حسام:😂😂😂لي كدا ياخ عملته شنو انا عشان ماشي غرفتي خلاص قاعد معاك من هنا م ماشي
الام نعمات:اعمل بيك شنو تاني هسي كان بقيت لي زي لؤي دا مالو
حسام:قاعد وفاطر معاك الليله الجامعه زاتو م ماشي بس عشان ترضي❤
الام نعمات:نشووف😏

يلا نتلاقى ف الحلقه الجايه
بقلم:فوزيه المهدي(fofo Mahdi)
يلا سلام عليكم😀✋

روايه: بتمناك😍😍
بقلم: fofo Mahdi
الجزء السابع عشر

الساعه 8:00 م
لؤي: حسام عليك الله امشي انت ومجد مع ابوي جيبو عمي لاني مارق ضروري😊
حسام: مجد م حيمشى شكلو طالع
لؤي: امكن م طالع ولو رفض انا بقنعو
ومشى لي مجد😉

ولؤي مشى لي مجد ف غرفتو
لؤي: مجد
مجد: خير😴
لؤي: انت طالع الليله؟
مجد: لا م طالع خير في شنو؟😴
لؤي: امشي مع حسام وابوي جيبو عمي وتعالو لانو انا مارق
مجد: نعساان والله عايز انوم م قادر
لؤي: ياخ قوم بطل كسل امشو وتعالو
بعد تحانيييس من لؤي حتى مجد واافق انو يمشي❤

لؤي مرق مشووارو

بهناك في بيت ناس لؤي مجد وحسام وابوهم مش جابو عمهم ووصلو وسلمو عليهو ورحبو بيهوو😍❤
العم: وين لؤي بالله؟ م شفتو من جيت
الاب امير: والله طلع مشوار بجي هسي😊(طبعا نسيت اقوول ليكم انو ابو ناس لؤي جا من السفر ليهو يوم ي داب بس لسه م نزل شغل عايز يرتاح حبه وطبعا لؤي م كلمو بموضوع السكرتيره لسه قال عايز يحل الموضوع براهو طالما ابوهو مسكو مسئوليه الشركه دي)
الاب امير: وين المدام والاولاد؟❤
العم : جو قبل م انا اجي بي يومين والمدام نزلت عند امها ومعاها الاولاد قالت مشتاقه لي ناس امها تقعد معاهم لحدي م انا اجي ونجيكم سوا كلنا بالمره بس انا م قدرته انتظر لمن امشي اجيبها واجي وجيتكم بي جاي طوالي
الام نعمات: اي والله لازم تجيبها لينا وطبعا تقعدو تحضرو عرس مصطفى ولدي😊
الاب امير: والله م اظن في طريقه لكن بنحاول😊
واثناء م بتكلمو جا لؤي داخل وعمو مديهو ضهرو
اول م جا داخل انو شافتو وقالت لؤي تعال سلم على عمك
وجا لؤي وقف قصاد عمو وعمو قاام عشان يسلم عليهو وكااااانت الصدمه هنا
لؤي : 😳😳😳😳
لؤي في نفسو: انور عثمان؟ انور عثمان الجابو هنا شنو؟؟ معقووله؟ معقوله دا عمي؟ لالا ياخ امكن انا مشبهو (وقعد يعاين ليهو كوويس) وعمو ابتسم ليهو ابتساامه خبيثه وسلم عليهو بالاحضان وهمس ليهو ف اضانو رايك شنو ف المفاجئه دي
لؤي: 😳😳
لؤي م قدر يقعد اكتر عشان انو وابوهو م يلاحظو ليهو وطووالي طلع غرفتو
لؤي وهو بتكلم مع نفسو: معقوله يكون دا عمي؟ طيب ليه انا م دققته في الاسم امكن عشان م حصل شفتو قبل كدا ونسيت انو عندي عم اسمو انور وابوي زاتو كان نادرا م يحكي بيهو وم حصل شفناهو قبل كدا طيب كيف يعني جا الليله وانا امس شفتو؟ وراسو جاط شديد وطوالي شال فونو واتصل على الاء
لؤي: الاء😔
الاء: خير ي لؤي مالك في شنو الحاصل شنو😳
لؤي: اول حاجه طمنيني عليك انتي كيف؟❤
الاء: بخير الحمدلله وانت؟😊
لؤي: تمام الحمدلله😊
الاء: احكي مالك في شنو😨
لؤي: عرفته المجهول منو
الاء: منو؟😳
لؤي: عمي😔
الاء: شنوو؟؟ عمك كيف يعني؟ لؤي انت جادي؟😳😳
لؤي: اي والله تصدقي وقعد يحكي ليها الحصل لم جا وشافو
لؤي: والله انا طوالي طلعته غرفتي وم فاهم حاجه😔
الاء: طيب اهدا شويه وروق وامشي اتفاهم معاهو براحه
الاء: امك وابوك عارفين؟
لؤي: لا طبعا م عارفين انا زاتي م كنت عارف الا هسي
الاء: طيب حتكلمهم
لؤي: لا طبعا م ح اكلمهم
الاء: بس لازم يعرفو ي لؤي من حقهم يعرفو
لؤي: ايوا طبعا بس م هسي لم يجي الوقت المناسب
الاء: ان شاء الله كان ربنا احيانا
لؤي: يلا عشان امشي اتفاهم مع عمي دا و اجي
الاء: طيب ولم تخلص طمني
لؤي: حاضر
وقفلو من بعض
لؤي اخد شاور وغير ملابسو ونزل تحت لقى امو قالت ليهو امشي عمك قال عايزك وعايز يتونس معاك😊
لؤي: طيب ي ست الكل❤
ومشى لي عمو
لؤي: خير
العم: رايك شنو في المفاجئه دي؟ طبعا كنت عايز اأخرها ليك يومين زي م قلت ليك لكن م قدرته انتظر
لؤي: خلصني من الاخر كدا انت بتعمل كدا ليه وهدفك شنو؟ ياخ انت لو عايز قروش تعال عديل كلم ابوي بيديك ابوي دا ود الجيران؟ مش اخوك؟ في داعي للبتعمل فيهو دا؟ انت راجل كبير احترم شيبك ياخي
العم: ي ود اتكلم معاي بي ادب😡😡 بتقول لي قرووش؟؟ ليه القروش اعمل بيها شنو انا؟
لؤي: ياخ ما هدا انت مغترب ومرتاح تاني ناقصاك شنو لمن تجي تحاول تختلس الشركه
العم: اتكلم معاي بي ادب قلت ليك😡 بعدين ليه ابوك ياخد الشركه اصلا الورثه دي حقت ابونا وكلنا لينا الحق فيها ليه ابوك ناجح وانا لا؟ ليه ابوك دايما هو المتفوق وعندو كل شي؟ بعدين انت فاكر انو كل المغتربين ديل مرتاحين؟ انت م عارف نحن هناك شغالين شنو وبنعاني قدر شنو
لؤي: اعوذ بالله من غضب الله معقوله في ناس كدا؟طيب اسمعني ي عم بالنسبه للورثه انتو كلكم اتقسمتوها سوا والشركه دي طلعت من نصييب ابوي وهو طورها واشتغل فيها لحدي م وصلت لي هنا ودا كلو ب عرق جبينو هو والنجاح دا كلو بي حقو واصلا دا نصيبو في الورثه واي زول شال نصيبو ودا حق ابوي يعني م عندك فيهو حاجه كمان عايز تحسدو في حقو وانت شلت حقك طيب انت مشيت ضيعته حقك في الفاضي ابوي زنبو شنو؟ دا مجرد حسد وغيره م اكتر من كدا وبالله نضف قلبك واتخارج من هنا لانو م عندك حق عندنا
العم: انت م بتوريني انا اعمل شنو والشركه انا اصلا شبه اختلستها
لؤي: لا انت رايح ليك انو عندي

لؤي: لا انت رايح ليك انو عندي دلائل وبي اشاره واحده مني ممكن اضيعك؟ وارجع كل الانت اختلستو
العم: وانت ناسي ابوك لو عرف ممكن يحصل ليهو شنو؟ وبالمناسبه عندي ليك مفاجأة تاني لو حاولته تعمل اي حركه انا بطربق ليك اي شي في راسك
لؤي: اعوذ بالله منك
وطلع خلاهو وطلع غرفتو ومشى حكا لي الاء الحصل والاء صبرتو وهدتو وخلتو ينوم عشان يرتاح شويه من الهم العليهو وبعد قفلت منو اتصلت على دينا تتونس معاها
الاء: دندوننتي😍😍❤
دينا: مالك ي سجم بقيتي م من عوايدك تتصلي لي اكيد لؤي مشغوله ول حاجه الاء: 😒غلطانه انا اتصلته عليك زاتو
دينا: اها لؤي دا لسه م صرح ليك
الاء: لسه والله
دينا: دا احلى شي انوو يكون تقييل كدا😍❤ اصلا الاولاد السمحيين ديل بكونو تقيلين كدا احسن من يكون خفيف زي شاي البكا
الاء: 😂😂 بالججد والله دي احلى حاجه فيهوو❤
الاء:هسي امكن يكون مرتبط ي دينا؟
دينا:سجمك كان مرتبط
الاء: غايتو انتي بدل تطمنيني بتقولي لي كدا😒😒اقطعي وشكك خلاص بالله انا زااتي نعسته وعايزهه انوم
دينا:😂😂تنومي السهر ،،وانا ماشه اتكلم مع عدي
الاء: م عندك موضوع يومك كلو عدي
دينا:اي انتي ماالك بس😛😛
الاء: يلا ي بت😴
وقفلو من بعض

صباح اليوم التالي❤
الام نعمات: ي حسام امشي صحي اخوانك عليك الله وتعال عشان مرت عمك واولادها جايين
حسام: من عيوني😍
ومشى صحى اخوانو وجا وكالعاده رهف ومجد قامو بالتلتله
وجو نازلين سلمو على امهم وابوهم وعمهم وقعدو يشربو الشاي مع بعض
الاب امير:اها اولادك قالو بيصلو متين ي انور😊
العم انور:قالو طلعو ي داب😊
الاب امير:كويس حينورو والله❤
ولؤي قاعد ومتحسر يكلم ابوهو كيف ومحتار وم عارف يعمل شنو وطبعا عمو متكيف من الحته دي💔
وقعدو يتونسوو وتلفون عمهم اتصل
العم:الوو
العم:ايوا ايوا انتو برا؟ خلاص دقيقه بجو يفتحو ليكم الباب هسي
وقام لؤي طلع فووق قال يتصل على الاء يصبح عليها ويشوفها كيف ويسلم عليها ويجي وحسام مشى يفتح الباب ويجي
دخلوو وسلمو عليهم ورحبو بيهم وقعدو
بعد شوويه جا لؤي ناازل من فووق ووصلهم عشان يسلم عليهم
لؤي اول م وصل جا عشان يسلم
لؤي وملاح الدهشه في باينه في وشو: 😳😳😳😳
لؤي في نفسو: رنا😳😳😳😳 وامها😳😳ديل الجابهم هنا شنو ي ربي الله يستر الليله دي اطير وين انا
العم وهو مقاطع تفكيرو :اعرفك ي لؤي دي رنا بتي ودا مؤيد ولدي ودي مرتي❤وغمز ليهو مع ابتسامه خبيثه كدا😉
لؤي في نفسو:اعوذ بالله منك ي عمي دي شنو المصيبه دي معقوله رنا طلعت بتو بالجد هذا الشبل من ذاك الاسد💔
جا عمو بي جمبو وهمس ليهو رايك شنو في المفاجأة دي دي المفاجاة القلتها ليك امس ان شاء الله تكون عجبتك؟؟
لؤي بقى حيلو م شايلو وسلم عليهم بي طرف يدو وبي اخر نفس وطوالي طلع فوق ومسك فونو واتصل ع مهند وطلب يلاقيهو
وطلع من البيت وهو متجنب يلاقي عمو ورنا💔
ومشى لاقى مهند
مهند:في شنو ي شاب مصحيني من الصباح كدا😴
لؤي:ياخ انت نايم ليها شنو الساعه 12 هسي اسمعني وشوف المصيبه الحصلت دي؟
مهند:اها خير في شنو احكي
لؤي:طبعا الحاوول يختلس الشرركه دا طلع عمي والحصل كالاتي ووراهو انو عمو جا البيت وكل التفاصيل
مهند:😨😨😨😨لا ياخ انت جادي ف كلامك دا
لؤي: يعني جايبك من هناك عشان اهظر معاك لا وانت كمان م شفته المصيبه التانيه
مهند: الله يستر في شنو تاني؟
لؤي: رنا😔
مهند: رنا مالها؟ اوع تقول لي رجعته تفكر فيها انت مش بتحب الاء
لؤي:لا ياخ افكر فيها شنو الموضوع اكبر من كدا😔
مهند:اها شنو طيب😨😨
لؤي:رنا طلعت بت عمي😔
مهند:شنوو😨😨لا ياخ انت جادي😨😨حاسي اني في فيلم هندي😂😂
لؤي:فيلم هندي في عينك جادي معاك ياخ شوف لي حل للمصيبه دي والله راسي شاطب كلو كلو
مهند:😂😂 طبعا م مصدق لحدي هسي كدي خليني افكر ارح معاي البيت افطر معاي انت عارف انا لو م اكلته م بتطلع مني بي حاجه
لؤي :عارفك ي اشعب ارح قوم خلاص انا زاتي جعان والله😂😂
مهند: عارفك اي😂😂
وقامو مشوو في بيت ناس لؤي ولقو ام لؤي ظابطه ليهم ملاح رووب رهييب😍😍(احيي انا نفسي فيهو😍❤)طبعا اليووم كان جمعه وكدا❤
وبعد فطرو طلعو فوق غرفه مهند عشان يتفاهمو في الموضوع
مهند: طيب عاين اسمعني وركز معاي
لؤي :اها خلي مقدماتك دي وم تصرف عربي كتير وانجز لي بالله
مهند:اسكت عشان م اطردك😒
لؤي:😂😂 اها انجز ياخ
مهند:يلا عاين اسمعني
لؤي:هسي اعاين ولا اسمع؟
مهند:ياخ انت لو فضلته تنق كدا انا الكلام حيطش لي من راسي اسكت ياخ
لؤي:خلاص خلاص طيب اها
مهند:يلا اسمعني عمك دا ماسك ليك زله ولا كدا؟
لؤي:والله م عارف لحدي هسي بس هو حزرني م اعمل اي حركه😒
مهند:يعني م وراك العواقب شنو؟😒
لؤي:لا لسه م وراني بس انا مستغرب كيف رنا تطلع بتو وم عارف ديل جيتهم وراها شنو كمان😔💔

يلا نتلاقى في الحلقه الجايه
بقلم:فوزيه المهدي(fofo Mahdi)
يلا سلام عليكم😀✋

‌‎

روايه: بتمناك😍😍
بقلم: fofo Mahdi
الجزء الثامن عشر

تعالو نشوف ناس محمد ورهف😉😉
محمد اتصل ع رهف
محمد: رهوفتي😍
رهف: عيوني❤
محمد: عايز الاقيك في موضوع ضروري❤
رهف: طيب بعدين المساء كدا لانو هسي م بقدر
محمد: خلاص تمام بتكوني فاضيه زي الساعه كم؟
رهف: 6 كدا بقعد معاك نص ساعه وبرجع
محمد: تمام حبيبتي❤

لؤي بعد قعد مع مهند قعدو يفكرو وم وصلو لي حل لانو لو م عرفو العم مهدد لؤي ب شنو م حيقدرو يتصرفو لانو لازم يعرفو عمو عايز شنو مقابل انو لؤي يكون ساكت💔
ولؤي قعد مع مهند ورجع البيت المساء طوالي طلع غرفتو واخد شاور😍❤ وغير ملابسو ونزل تحت وهو قال لازم يحسم الموضوع دا مع عمو💔

الساعه 6:00
رهف طلعت قالت ليهم انها ماشه لي صحبتها وطبعا انتو عارفنها ماشه وين😉
ومجد كالعاده حايم مع اصحابو😍❤
وحسام قاعد ف غرفتو كالعاده❤
ونعمات قاعده بتتونس مع ام رنا
اما ابوهم طلع مشوار ضروري❤
كدا الجوو بقى فااضي لي لؤي وقرر يستغل فرصه انو اي زول مشغول وابوهو م في ويمشي يواجه عمو
طوالي دخل ليهو ف غرفه الضيوف
لؤي وبدون مقدمات: فهمك شنو تاني؟
العم: 😂😂 اها المفاجأه عجبتك؟
لؤي: خلصني بالله لاني م فاضي
العم : طبعا مصدوم انو رنا بتي صح؟
لؤي: يعني انت عارف اني بعرف رنا؟
العم: 😂😂 والله انت الماعارف حاجه طيب انا احكي ليك القصه كل الحاصل فعلا قبل سنه رنا بتي وامها وخالتها كانو ضايعين وم عارفين يركبو شنو ولاقوك انت وركبو معاك ولمن رجعو البيت ام رنا اتصلت علي حكت لي كل حاجه طبعا هم كان جو السودان زياره بس وقالت لي انك بتشبه ود امير اخوي لانو هم م شافوك ف الحقيقه شافوك ف الصور بس والدنيا كانت ليل عشان كدا م انتبهو ليك شديد والصور الكان شافوك فيها كانت م واضحه لانها قديمه شويه كدا وانا طبعا م ختيت الموضوع في بالي ولا ركزته ف انك بتشبه ود امير اخوي وهي حكت لي خطتها ب انو نزلت ليك رنا مخصوص لانها عارفاك حتشيل رقمها وهي كانت مراقبه نظراتك ليها عشان كدا عملت الحركه دي وانا م عارضتها لانو ظروفنا كانت كعبه شديد
وفي يوم بتونس مع بتي رنا قلت ليها رسلي لي صوره الولد القال عايزك دا ولمن رسلت لي الصوره لقيتك انت زااتك ووريتهم انك ود اخوي كنا ماشين ع الخطه تمام لحدي ما امها اتصلت عليها وانت معاها وخربت اي شي ولمن كل شي اتخرب فكرنا في طريقه تانيه واللي هي دي وانت لو حاولته تعمل اي حركه انت م عارف انا ح اعمل ليك شنو
لؤي: لا حوله ولا قوه الا بالله العلي العظيم حسبي الله ونعم الوكيل فيكم ،، معقوله ي عمي؟😔 والله انت كلمه عمي زاتها خساره فيك طيب لو انتو بتعملو كدا الغرباء يعملو شنو؟ ليه ياخ يعني هسي حتسفيد شنو مثلا؟ المال زائل يعني عشان المال والطمع انت بتعمل كدا في اخوك؟ ياخ دا اخوك من لحمك ودمك طيب ع الاقل لو م بتقدر تحافظ على رحمك طيب ع الاقل بتك دي كان تربيها زي الناس ياخ معقول عليك الله في راجل بربي بتو تربيه زي دي وبوصيها تمشي تعمل كدا؟.معقوله تستخدم بتك وسيله عشان تصل لي هدفك طيب مثلا لو لا قدر الله انا كنت واحد ود حرام ولعبته فيها؟ معقوله ياخي؟ والله ي عمي النيه زامله سيدها وع نياتكم ترزقون وربنا بيديك قدر نيتك ،، بعدين مرتك دي م بتعرف تمسكها؟ دي تربيه شنو دي عليك الله؟ اعوذ بالله منك اسي انت عايز شنو من الاخر كدا؟
العم : عايز الشركه دي وم متنازل
لؤي : يعني لسه عندك نفس؟
العم : م تكتر كلام احسن تنفذ القلتو ليك وتخلي ابوك يوقع ينقل الشركه بي اسمي والا انا والله بطيرك انت واخوانك من البلد دي وبالمناسبه ممكن عادي اتهمك مع بتي واوديك في 60 داهيه
لؤي: والله عاين اخواني خط احمر وانت م بتهددني واعمل العايزو
وطلع خلاهو وراسو عايز يطق من الصداع وطلع غرفتو واتصل لي مهند
لؤي: مهند تعال لي سريع😣
مهند: قبل شويه مش كنت معاي
لؤي: مهند م تكتتر معاي تعال سريع
مهند: طيب جاي جاي

يلا تعالو نشووف ناس محمد ورهف شويه
رهف وصلت محمد وقعدت معاهو
محمد: حبيبتي كيفك؟❤
رهف: بخير الحمدلله انت كيف؟
محمد: تمام الحمدلله
رهف: اها الموضوع شنو😀
محمد: ابيت م بوريك عارفو محرق روحك جنك شمارات ياخ😂😂
رهف: والله😒طيب يلا انا ماشه وجات تقووم مسك يدها❤ اقعدي ياخخ عشان اوريك😍طوالي قعدت
محمد: عارفك م بتقدري تقاومي الشمار
رهف: محمد احكي سريع ياخ😒
محمد: طيب حبيبتي انا جبتك هنا عشان اقوول ليك
رهف: اهاا
محمد: انا عايز اخطبك❤
رهف: 😨😨 محمد انت جاادي؟
محمد: ايوا جادي وعايز اخطبك هسي قبل م اسافر❤
رهف: بس ي محمد وقبل م تتم كلامها قاطعها محمد: هشش م تقولي ولا كلمه وم عايز اعزار لمتين نحن حنتلاقى بالدس كدا يعني بدون م اخوانك يشوفونا😔💔 انا عايز امشي من هنا وانا خاطبك ومش انتي بتحبيني خلاص وافقي ياخ😍❤
رهف: طيب انا موافقه م عندي مشكله بس م هسي افهمني
محمد: متين يعني؟
رهف:بعد عرس مصطفى اخوي❤
محمد:بس ي رهف انا م بقدر انتظر بعيد ياخ 💔
رهف:بعيد شنو ي محمد كلو فاضل ليهو اسبوع وشويه بس يعني معقوله انت حتسا

اسبوع وشويه بس يعني معقوله انت حتسافر بدون م تحضر عرس مصطفى اخوي؟😒
محمد:اي ح اسافر قبل العرس💔
رهف:لا حبيبي عليك الله أجل السفر عشاني😿
محمد:م بقدر ي رهف😔
رهف:يعني شنو لو اجلتو عشاني يعني م ممكن تعمل حاجه عشاني اصلا
محمد:خلاص حبيبتي اهدي ح اجلو عشانك بس❤
رهف:بالجد😍😍 قول والله❤
محمد :والله😍 بس لازم اخطبك بعد عرس مصطفى طوالي لانو م عندي زمن
رهف:حاضر م عندي مشكله❤ يلا انا لازم امشي لانو اتاخرته
محمد:طيب يلا تعالي اوصلك😍
رهف:لا انا جيت ب عربيتي
محمد:طيب خلي بالك من نفسك حبيبتي واول م تصلي طمنيني عليك❤
رهف: حاضر وانت كمان❤
واتفقو انو خطوبتهم تكون بعد عرس مصطفى ب يومين عشان محمد مستعجل ومسافر❤

تعالو نرجع نشوف ناس لؤي
بهناك مهند وصل لي لؤي وسلم ع ناس بيتهم وطلع ليهو فوق ف غرفتو
مهند: خير ي ود مالك اسي مش كنت معاي😒
لؤي: والله مصدع م قادر عديل💔
مهند: خير في شنو
لؤي : (قعد يحكي ليهو الحاصل)
مهند : والله دي مشكله دي طيب اهدا عشان نتفاهم طيب هو اسي مهددك بي انو حيتهمك مع بتو صح؟ طيب حيتهمك كيف وبي ياتو طريقه؟ دي النقطه الاولى نحن لازم نعرف هو ناوي يعمل شنو عشان يوقعك مع بتو ويشوه سمعتك قدام ناس بيتكم ويوديك في ستين داهيه زي م قال والنقطه التانيه انو قال حيهبش اخوانك والله عمك دا حيرنا زاتو شككني في اعمامي😂 (😂😂شكيت محنك عند الله ي انور الله يجازيك شككته الولد في اعمامو😂💔)
لؤي: كدي خلينا من امورك دي اسي وخلينا نركز ف النقاط دي
ووللاسف رهف كانت وصلت وطلعت فووق عشان تدخل غرفتها جات ماره ب غرفه لؤي قالت تخش وتتونس معاهو شويه بس سمعتهم بتكلمو ووقفت وسمعت الكلام كلو من البدايه للنهايه وبدون مقدمات رهف فتحت الباب: ممكن تفهموني الحاصل دا شنو؟ وعمي مالو؟ وعمل شنو؟ ودا شنو الانتو بتتكلم عنو دا وقعدت تبكي😭
لؤي: وانتي بتتقيفي بتسمعي كلامنا ليه؟😠😠يعني بتتصنتي علينا😡😡
رهف: انا جيت ماشه غرفتي وبالغلط سمعته كلامكم
مهند: خلاص ي لؤي دا م وقتك ف النهايه هي سمعت وعرفت والحصل حصل وانت شايفها بتبكي كيف م في داعي تجوط كدا كدي اقعدي ي رهف واهدي شويه عشان نفهمك الحاصل شنو
مهند هداها
لؤي: خلاص ي رهف انا اسف م تزعلي مني بس كنت معصب شديد عشان كدا سامحيني
رهف وهي بتكبي: م مشكله بس تعزمني😿😿
لؤي وبلكزها ب هظار: 😂😂 حتى وانتي بتبكي همك في الاكل
رهف: اي😍😍 يلا احكو لي الحاصل شنو
وقعدو يحكو ليها الحاصل
رهف: واااي م مصدقه طبعا معقوله دا عمي😿😿 ورنا دي اصلا م حبيتها
مهند: المهم هسي نفكر نعمل شنو
لؤي: رهف اتعااملي مع عمي عادي ف النهايه هو عمك ومشكلتو دي معاي انا بس ولازم م يعرف اني كلمتك فهمتي عشان الخطه م تتخرب
رهف:اتعامل معاهو عادي؟ انت ناسي انو هو عايز يأذي بابا ي لؤي كيف يعني اتعامل معاهو عادي؟😠😠
لؤي:خلاص اهدي
رهف:اها ناوين تعملو شنو انتو طيب
مهند:لسه م عملنا شي قاعدين نفكر جيتي انتي داخله
رهف:خلاص انا خلو لي رنا دي بظبطها ليكم😉
لؤي: ي رهف م تستهوني بالموضوع لانو الموضوع دا اكبر من ما انتي فاكره ورنا دي انا بعرفها كويس البت دي م هينه
رهف:قلت ليكم خلوها علي وانا بقدر عليها😉

تعالو نشوف الاء
الاء اتصلت ع دينا
الاء:دندونتي😍
دينا:اها مالك ي سجم
الاء:تعالي لي😿😿زهجانه وقاعده براي ياخ
دينا:اجي كيف ياخ انتي عارفه سامر م برضى لي
الاء:اديني انا بقنعو ليك😉
دينا:طيب خليك معاي امشي ليهو ف غرفتو
ومشت ليهو دينا وادتو الاء واقنعتو ليها😉 ووافق يجيبها
ووصلت دينا لي الاء
وطلعت غرفه دينا فوق والاء طلبت من الحبشيه تجيب ليهم العصير فوق ف غرفه الاء وجابتو ليهم
دينا: اها لؤي اخبارو شنو😉
الاء: والله الايامات دي بقى م بتصل علي ي دينا م عارفه مالو😔
دينا: امكن مشغول ياخ اعزريهو ومدام هو م اتصل انتي كمان بادري واتصلي عليهو يعني م ضروري يتصل عليك هو كل مره ولا شنو؟😒
الاء: خلاص اسكتي اها انتي اخبارك شنو مع عدي😍
دينا: تمام الحمدلله😍❤
وبقو يتونسو

تعالو نشوف ناس لؤي😉
مهند بعد مشى من لؤي
لؤي مسك فونو واتزكر انو هو ليهو فتره م اتصل ع الاء وقال اكيد ح تكون زعلت منو وقال يتصل عليها ومسك فونو واتصل عليها❤

الاء قاعده بتتونس مع دينا فجاه فونها ضرب شالت فونها وعاينت ليهو❤
الاء:وااي ي دينا لؤي اتصل علي
دينا:😂😂ابن الحلال ع سيرتو ببان ردي ي هبله
والاء ردت
الاء:الوو😊
لؤي:الاء كيفك❤
الاء:تمام الحمدلله وانت كيفك😊❤
لؤي:بخير الحمدلله❤
الاء:وينك مختفي؟ ان شاء الله خير😀
لؤي: والله موضوع طويل بحكي ليك بعدين هسي عايز انوم شويه مرهق والله هسي قلت اطمن عليك بس
الاء : ايووا طيب تمام م ف مشكله نووم العووافي❤ وانا كمان معاي دينا صحبتي❤
لؤي:خلاص تمام خليك معاها وسلمي عليها وانا عايز انوم شويه وبعدين بتصل عليك زي 11 كدا بتكوني صاحيه الاء : ايوه
لؤي: طيب تمام يلا❤

يلا نتلاقى في الحلقه الجايه
بقلم: فوزيه المهدي (fofo Mahdi)
يلا سلام عليكم😀✋