ضياء

...واحد فيهم كان المحامي بتاعو ومعاهم في الشركة.
‎وهج لفت بيها عليهم كلهم وعرفتهم بيها.
‎كريستين كانت فاكه شعرها ولابسة فستان على جسمها لونو زهري....وواصل لحدي نص ساقها...يدينو ثلاثة ارباع...ولابسة معاهو جزمة سوداء كعبة عالي.
‎ميرال كانت واقفة مع وهج وصحباتها...حست بي شي صغير متعلق في ساقها لمن اتلفتت لقتو سيزار 😍.
‎سيزار :miral
‎ باستو في خدو : اهلا 😍.
‎سمعت صوت ضياء وراها : شكلو حباك...من بداية الحفلة ما طايق اي زول.
‎اتلفتت عليهو...كان لابس بنطلون جينز وتيشيرت لبستو كانت انيقة مع انها بلونو المعتاد...لكن ظهرت بنيتو الجذابة وادتو مظهر شبابي.
‎ميرال وهي بتقيف : انا برضو حبيتو 😍.
‎ضياء ما قدر يخفي نظرة الاعجاب ليها ولي فستانها.
‎قال ليها : حشوي تجي معاي؟
‎ميرال : ها ؟
‎ضياء : حاشوي.
‎ميرال : اها اوكي...طيب.
‎مشت معاهو ضياء بدا يشوي وهي واقفة جمبو...كان شكلو جميل وهو مدنقر راسو...
‎ميرال : كفاية كدا اقلبها.
‎ضضياء : لا لسا
‎ميرال : حتتفحم
‎اداها الكماشة: هاك طيب اشوي انتي لحدي ما اجي ( دبسك يا بيبي 🌚)
‎بدت تقلب في اللحمة لحدي ما نجضت وانتهت منها ختت الكماشة.
‎وبقت بتعاين اي زول منتبه مع جماعتو...الا هي واقفة براها...وهج انتبهت ليها...جاتها بسرعة.
‎وهج : وين ضياء ؟؟؟
‎ميرال : ماعارفاهو والله فجأة اختفى.
‎وهج : حيكون هرب اصلا الشواء كلو عليهو هو...كدي شوفيهو جنب المسبح...مسافة اجهز الصحون.
‎طبعا كان ممكن يجيبو سيرفس يشو ليهم وما يتعبو نفسهم لكن فيهم عرق الخواجة بيحبو يعملو حاجاتهم بنفسهم ( كلامي دا ذكرني دعاية عقدة الخواجة 🐸)
‎المهم ميرال مشت على جهة المسبح عشان تناديهو.
‎لقتو واقف مع كريستين...كانت شكلها مبسوطة شديد وبتقول ليهو في حاجة بي فرح قبل ما توريهو حاجة في تلفونها...عانقها وهو رافعها من الارض وفي ابتسامة في وشو.
‎دنقر لي ولدو اتكلم معاهو قبل ما يمسح على راسو.
‎اول مارفع راسو شافها...ميرال بي سرعة اتلصقت على الحيطة وهي بتشيل في نفسها : وااااي شافني .
‎بي سرعة قامت جارية وقعدت في اقرب كرسي ليها...جا شاب داخل وفي ثقة كدا وغرور واضح في شكلو سلم على الناس الجمبو.
‎سمعت واحدة من صحبات وهج بتسأل دا منو ؟
‎جاوبتها وهج : دا ولد عمو عثمان...الاصغر من احمد..
‎شوية كدا ضياء واسرتو السعيدة جو...كل الناس اتلمت في سفرة واحدة وبدو ياكلو ويتونسو...ميرال طول القعدة اتجنبت النظر لي ضياء...مع انها حست بيهو بعاين ليها...لأنو الزول لمن يكون بعاين ليك بكون ظااااااهر 🌚.
‎خلصو اكلهم وبعديها بدو يشربو في العصاير والمشروبات الغازية وياكلو في التحليات العاملنها والحاجات الكيوت دي 😍.
‎مسرال وهي بتعاين للوقت :لازم ارجع بعد دا...وين وهج ؟
‎بقت بتتلفت عشان تشوفها.
‎ضياء : انا حوصلك
‎ميرال: لا...لا ماف داعي...انا جابتني وهج حارجع معاها.
‎ضياء وهو بيتخت يدو في الكرسي الجمبو : وهج مشت توصل صحباتها واكيد حتتأخر الا اذا كنتي عايزة تقعدي.
‎ميرال الغيرة الخفيفة ديك مؤثرة فيها : لا...ما حتوصلني حامشي براي 😒.
‎ضياء وهو بعاين لي ساعتو : الساعة 12 ون

ص ؟
‎ميرال : اي 😒.
‎ضياء بي ابتسامة : ما حتلقي عربية هسه.
‎ميرال : ما مشكلة حامشي برجلي .
‎ضياء : متأكدة ؟
‎ميرال : اي 😒
‎ضياء : اوكي براحتك.
‎كانت في لمعة تحدي في عيونو...ميرال حست بالتورط حتمشي كيف هسه وبراها...لكن مسكت شنطتها وودعت الباقيين وعايزة تطلع الا انها وقفت بي صوت مريم.
‎مريم : دقيقة ماشة براك ؟
‎ميرال : اي... البيت ما بعيد شديد
‎مريم وهي بتعاين لي ضياء : وانتي حتخليها تمشي براها ؟ 😳
‎ضياء : هي طلبت انها تمشي براها.
‎مريم : لا سويتي ما صاح كدا...تمشي بالليل براك..ضياء وديها.
‎ضياء وهو بعاين ليها : لسا مصرة ؟
‎ميرال : طيب بس عشان ماما مريم ما اكثر 😒.
‎ضياء ابتسم ومشا قدامها...فتح ليها باب العربية...بعد ما ركبت جا هو ركب واتحرك بيها.
‎ضياء : ميرال.
‎ميرال : ايوه
‎ضياء : انا كنت السبب في الحصل ليك في الشركة
‎ميرال: كيف يعني
‎ضياء : ماكان مفروض اسيبك براك...انا...انا اسف.
‎ميرال : لا يا مستر ماف داعي للكلام دا كلو مقدر ومكتوب.
‎ضياء : قولي لي ضياء من دون مستر ممكن ؟
‎ميرال وهي بتضحك : بحس بيها صعبة .
‎ضياء بي ابتسامة : حاولي عودي نفسك عليها ساهلة والله.
‎وصلها بيتها...فتحت الباب عايزة تنزل.
‎ضياء : ميرال ؟
‎ميرال : ايوا
‎ضياء : كنتي جميلة الليلة
‎ميرال حست بالدم بيضخ في كل اجزاء جسمها وقلبها بقا بيرقص عشرة بلدي.
‎ميرال بي ابتسامة : شكرا 😊.
‎قفلت الباب ونزلت...اول ماعايزة تدخل كدا شافت زول واقف في الظلام كأنو مستنيها .
‎قامت جارية وطلعت لي ضياء الكان عايز يتحرك...لمن شافها وقف ونزل ليها : في شنو ؟
‎ميرال : في زول واقف جوه
‎ضياء : تعالي.
‎مشا قدامها ودخل المكان كان فااااضي.
‎ضياء : ماف زول هنا.
‎ميرال الظهرت فيها ملامح الخوف : انا متأمدة كان في زول هنا.
‎ضياء : طيب حوصلك شقتك.
‎شقته

ا كانت

في التاني...طلع معاها لحدي باب الشقة.
‎ضياء : تصبحي على خير...كان حسيتي بأي شي اضربي لي.
‎ميرال :طيب
‎فتحت الباب ودخلت وبعديها هو نزل ودور عربيتو ومشا.
‎الزول الواقف تحت عض على يدو بغيظ عشان قدرت تفلت منو تاني .
‎نهاية الحلقة الثامنة والعشرون
‎وعدتكم انو نعرف قصة ضياء شنو بس الوققققققت

♡ انثى في عرين الاسد ♡
~ الحلقة التاسعة والعشرون ~
الجزء الاول :
ميرال بعد ما رقدت في سريرها وبدت تفكر في احداث الليلة...ابتسمت براها لمن اتذكرت ضياء ووقفتو ودنقيرت راسو...نظرتو لمن كان عايز يوصلها وهي رافضة...والابتسامة الصغيرة في وشو لمن قال ليها كنتي جميلة الليلة..كشرت وشها لمن اتذكرت كريستين وهي بتعانقو...قبل ما تقوم من سريرها وتولع النور وقفت قدام المراية : بيان انتي هببببلة ؟؟؟ ما تنسي انو هو السبب الفي البلاوي الانتو فيها دا...وبعدين تعالي هنا...بأي حق بتغيري على راجل معرس..ادت نفسها كف 😂...فوقي هسه لو انتي في محلها حترضي واحدة غريبة تغير على راجلك لا طبعا...المابترضيه لي نفسك ما ترضي للباقيين...انسيه...اصلا كدا كدا نهايتك حتخليهو يا مكشوفة يا كاشفة نفسك.
جفلت من مكانها لمن سمعت صوت كركبة مخيفة في الباب..اتلفتت وراها بسرعة...بقت ماعارفة تعمل شنو...الساعة 3 صباحا براااها ماف اي زول معاها...والباب بيكركب بي طريقة مخيفة شديد.
جرت بي سرعة على المطبخ وشالت سكينة وهي بتقول : يا اموت يا ادافع عن نفسي .
فتحت الانوار بتاعت الصالة...كان جسمها كلو مشدود وقفت جمب الباب وضربتو بطرف السكين : منو ؟
الحركة وقفت...مدت راسها براحة عشان تشوف بالعين السحرية...شهقت ورجعت لي ورا...لمن شافتو واقف وماسك مطوتو...ملثم وشو...وواقف بي طريقة غريبة وهو بيقلب في مطوتو...وفجأة بدا يضرب في الباب بي قوة كانو عايز يكسرو ليها...السكين وقعت منها وبقت متحيرة...جرت الكنبة ولزتها قدام الباب...قبل ماتحري بسرعة على اوضتها وتشيل التلفون...فجأة لقت نفسها ناسية رقم الشرطة كم : اتذكري اتذكري يا بيان الرقم كم.
طبعا دا من شدة التوتر..بقت ماعارفة تضرب لي منو الاولاد...خايفة منهم وخايفة عليهم....خايفة انو يقولو ليها خلاص المهمة دي تقيف...وهي ماصدقت انو وصلت للتطور دا...وخايفة عليهم يجو هنا المجنون دا يعمل فيهم شي...في النهاية ضربت لي ضياء ( دي شنو حركات الحقارة دي 😂)
ضياء كان نايم...صحا بصوت التلفون...جراهو من الكومودينة عاين للاسم...قعد في السرير بسرعة...كان متأكد انها ما حتضرب ليهو في الوقت دا ساي اكيد في شي...رد بسرعة : الو.
ميرال : ضياء في زول شايل سكينة وبيحاول يفتح باب الشقة.
ضياء: اقفلي عليك باب الاوضة انا هسه بجيك.
جرت بي سرعة وقفلت الباب بالمفتاح قبل ما تضم نفسها وتقعد في الركن.
ضياء نزل بي سرعة...ما لقا وهج في التلفزيون كعادتها...جرا بسرعة وفتح الباب ركب عربيتو واتحرك عليها...ضرب لي احمد وطلب منو يرسل ناس من الشرطة.
واحمد طوالي طلع ومعاه مجموعة...ميرال سمعت صوت الكنبة بتتجرا...اتخلعت شديد لمن سمعت باب الاوضة الجمبها بتتفتح كأنو عايز يعرفها هي وين.
فجأة يد الباب بقت بتتحرك بي طريقة عنيفة...بقا بيضرب في الباب بي قوة..في اللحظة ديك ميرال حست انو الليلة اخر يوم ليها في الحياة...شالت التلفون ماعرفت تضرب تودع اهلها ولا ترسل ليهم رسايل..بس خافت عليهم وعلى الخلعة الحيدخلو فيها...دموعها نزلت لمن اتذكرت مجد جاها احساس انها حتموت قبل ما تشوفو واقف تاني.
ضربت لي ضياء..
ميرال وهي بتبكي : ضياء...ضياء انا خلاص حاموت 😭.
ضياء وهو سامع صوت الباب بيضرب بي عنف : ميرال اهدي انا خلاص قربت واحمد في طريقو ليك
ميرال رمت التلفون لمن حست بي باب الاوضة اتفتح...وقفت بي سرعة وبقت بتلز في الباب بي ضهرها...والملثم البرة بيلز في الباب بي كتفو..ميرال كانت بتبكي وبتصرخ وبتحاول بي كل قوتها ما تخليهو يدخل...دخل يدو ورجلو وعايز يدخل...ميرال صرخت بغيظ قبل ماتلز الباب بي كل ما عندها من قوة...طبتو حلاة طبا...صرخ بصوت عاااالي.
بيان وقفت وهلي لازة الباب الصوت كان ما غريب عليها ابدا....صوت بتسمعو دايما لكن منو ما قدرت تحدد.
سمعت صوت عربية الشرطة وهي جاية فجأة المكان بقا هااادئ...قعدت بي انهيار في الارض وهي ماعارفة دا منو الماعايز يسيبها في حالها دا.
جفلت لمن سمعت صوت التلفون..شالتو بسرعة : الو.
_ حتموتي
ميرال : انت منو؟
بقا بيضحك بي هستيرية قبل ما يقفل الخط.
سمعت صوت باب الاوضة بيدق..شهقت ووقفت بي سرعة...كر عليك يا ميرال خياتك بقت فيلم رعب.
جاها صوت ضياء : ميرال دا انا.
فتحت الباب بعد ما شالت طرحة كبيرة.
لمن فتحت ليهو كان شكلها مأساوي...اثار الدموع وخوف وفزع في وشها...في بعض الشعيرات ملصقة في وشها من الدموع...اول ماشافتو نزلت راسها وبقت بتمسح في دموعها...حست شكلها حيبقى زي الطفلة بي دموعها دي.
من دون اي مقدمات ضماها عليهو...كان وشها في صدرو ويدو في راسها( لا تعليق 🙊)
انتبه لي نفسو زحاها منو قب

ل ما يق

ول : احم انتي كويسة ؟؟؟؟
ميرال قبل ما ترد احمد جا داخل : ضياء الزول دا في راجل شافو طلع فوق للسطوح.
ضياء : ودي ميرال للعربية .
احمد : ممكن تجي معاي لو سمحتي.
مشت معاهو وهي بتعاين لي ضياء الطلع فوق ومعاهو شرطي تاني.
احمد سأل السكيوريتي بي صرامة : يعني انت عايز تفهمني يعني انك ما شفتو داخل

ولا سمعت صوت الباب وهو بيدق بي قوة...ولا سمعت صوتها وهي بتستنجد ؟
السكيوريتي : والله يا جنابو ما سمعت اي شي انا اصلا كنت نايم .
احمد : وطيب شغال لي شنو وقت بتنوم وقت مناوبتك؟
السكيورتي : ما بيدي والله كنت تعبان.
ميرال كانت ساكته وبتراقب في المدخل...شوية ضياء جا نازل وهو بيتكلم مع الشرطي .
ضياء : ما حتبيتي في الشقة...حوديك فندق.
ميرال : لا هودمي وحاجاتي كلها هنا.
ضياء : طيب ممكن تلميهم.دخل معاها هو واحمد كانو واقفين جمب الباب...هي دخلت الاوضة ولمت هدومها وحاجاتها في شنطها.
احمد وضياء شالوهم ليها.
ضياء فتح الضهرية وركب شنطها بعد ما فتح ليها الباب وركبت.
وقف قبل ما يركب وبقا بيتكلم مع احمد.
ضياء : حتحققو في الموضوع دا ؟
احمد : اكيد...انا ما حارتاح الا اعرف دا منو البيعمل كدا دا.
ضياء وهو بيخت يدو في كتفو : ربنا يوفقك
اقبل ما يركب العربية ويتحرك بيها...سكت شوية قبل مايقول ليها : حتقضي يومين في الفندق لحدي ما نسافر دبي ونرجع ونشوف الموضوع دا.
ميرال : ان شاء الله .
ضياء : ميرال انتي في زول بيهددك ؟؟؟ يعني ماشاكة في زول يكون هو السبب.
ميرال : لا...ما شاكة في زول.
ضياء : مممممممم
وصل الفندق وجو شالو ليهم الشنط.
دا كلو وميرال ما نزلت من العربية.
ضياء : يلا انزلي.
ميرال : هدومي .
ضياء : مالا ؟؟؟
ميرال : حنزل الفندق بالبجامة ؟؟؟
ضياء وهو بيضحك : عادي...انا برضو جاي بالبجامة .
نزلت وهي بتجرجر في الروب بتاعها....كانت لابسة بنطلون بجامة واسع لونو ابيض وفيهو دوائر بالاسود...وتيشيرت اسود سادة ولابسة من فوقو روب طويل بالزهري...وكروكس فسفوري ( انا لو مكانك ما حادخل 😂✋)
ضياء : يلا .
دخلت الفندق واحلى شي انو بالرغم من هدومها العجيبة اللابساها دي الا انها مافقدت الثقة في نفسها .
دخلت بس وراه...ضياء حجز ليها سويت.
طلع جاب الكريديت كارد بتاعتو.
ميرال : لا...شكرا يا مستر ما قصرت...بس انا ما حاسمح ليك.
ضياء : ما حتسمحي لي بشنو ؟
ميرال : ما حتدفع لي...انا حادفع لي نفسي شكرا.
ضياء : خلصتي ؟
ميرال : ها ؟
ضياء قبل البنت الواقفة في الريسبشن واداها الكارد بتاعتو...وادتو بعديها مفتاح السويت.
شال المفتاح واداهو ليها : هنا ان شاء الله ما حيجيك اي شي...ماف زول بيدخل ساي الا يضربو ويستأذنو منك...بالاضافة لي انو في رقم طوارئ في كل غرفة.
شالو الشنط وطلعو فوق .
ضياء كان مدخل يدو في جيب البنطلون...وبعاين ليها.
ميرال : شكرا ليك...تعبتك الليلة.
ضياء : ولو 😉.
ونزل بعديها وهو بيفكر بي عمق : ميرال دي اكيد وراها شي...في قصة ورا الزول العايز يأذيها دا.
حرك العربية ورجع بيتو.
قبل ما يدخل اوضتو...دخل اوضة وهج كانت واقفة قدام المراية وهي خاتا يدها في كتفها بوجع.
ضياء : وهج انتي لسا صاحية ؟؟؟
وهج اتخلعت : ها...اي اصلو انا ما قدرت انوم.
ضياء : مالك ؟
وهج : لا بس يدي شوية واجعاني.
ضياء جا وقعد جمبها : كدي اشوفها.
وهج : لا خلاص ما محتاجة للدرجة دي...يلا اطلع عايزة انوم 😸.
ضياء وهو بيضحك : مطرود يعني.
وهج : اي 😀.
ضياء قرص خدها : طيب تصبحي على خير...مع انو الصبح اصلا جا.
وهج : وانت من اهله
بعد ما طلع اخذت نفس بارتياح قبل ما تدخل على الحمام.
ضياء دخلت اوضة سيزار...كان فاتحين ليهو الابجورة عشان الظلام.
قعد جمبو وبقا بيمشي يدو في شعرو باسو في راسو...وفضل يمشي في شعرو لحدي ماهو زاتو نام.
__________________________________
سامي جا داخل البيت وهو بيتكلم مع رفاء في التلفون...جمان جات طالعة .
سامي : انتي لسا قاعدة هنا 😒.
جمان : سامي اسمعني طيب انا...
سامي : ما مجبور اني اسمعك...صوتك ماعايز اسمعو لو ما خوفي من الله كان رميتك هسه في الشارع...حدك هنا بكرة الصباح سامعة الكلام دا 😒.
دخل اوضتو وقفل الباب بي صوت عالي وخلاها واقفو براها بره.
_______________________
ميرال ماجاها نوم فضلت صاحية للصباح كل ما تغمض عيونها تتذكر الحصل ليها.
لقت مسج من ضياء : ما تجي الليلة ارتاحي.
بالجد كانت محتاجة ترتاح تعبااااانه...لمن الشمس اشرقت...فتحت الستاير ونامت في الكنبة...بعد كم ساعة ضياء رسل ليها مواعيد السفر...صحت واخدت حمام طويل ونزلت تحت...مشت طويل وفي النهاية ركبت امجاد عشان تمشي لي اهلها .... جاتها رسالة تاني فتحتها : اولا لبستك حلوة...ثانيا انتي اتكشفتي للمرة الف سيبي اي حاجة واطلعي من الشركة دي صدقيني نهايتك حتكون الموت .
ميرال بقت بتتلفت حوليها...ياخ كرهت حياتها من الزول البيراقبها وبيهددها كل مره دا .
______________________
شيرين جات برااااحة وشالت تلفون اختها وبدت تفتش في رقم سامي

لكن ماعرفت هي مسجلاهو بمنو...ماكانت عايزة تنقذ جمان او سامي...لاااااا الموضوع كان اكبر بكتير من جمان وسامي.
نهاية الحلقة التاسعة والعشرين
1

#السلام عليكم 😍✋🏻

بتمنااك ❤✨
.
.
.
.
.
البشتاق ليك بجيك😊 والفاقدك بسال منك😍 والفارق معاو مستحيل يخليك تغيب عنو يومين😌✋ والبحبك واضح ❤😍والما بحبك برضو واضح😊

البحترمك بقدر كلامك 😊والبخاف عليك ما بعرضك للخطر😍❤
عشان كدا ما توجع قلبك ب انسان باين من تصرفاتو انو ماعايزك 🙋وما تحاول تقنع نفسك انو الانسان دا ليك😊💔

خلااص ياخ شوف غيرو... والغريبة انو غيرو دا بتمناك وبتمنى قربك😍
اي تحب زولك داك شديد وبتتمنى تفضل معاو باقي حيااتك...
بس خلاص... هو ما ليك... هو لي غيرك... 💔انت ركز ع البتمنى قربك لانو صدقني هو البسعدك/بعشقك/بحبك/بخاف عليك/كل الاحاسيس الحلوة دي ❤✨ ....
✨
⭐
✨
⭐
#الروايه_بتمناك 💭❤

#بقلم: Fofo Mahdi

#يلا حنبدا 💁🏻...

بسم الله الرحمن الرحيم وبه نستعين والصلاه والسلام على افضل الانبياء والمرسلين سيدنا محمد صلى الله عليه وسلم

روايه: بتمناك😍😍
بقلم: fofo Mahdi
الجزء الاول:

الام نعمات : ي ولد قووم بعد كدا حتتاخر👊
لؤي: حاضر ي امي قايم خلييني انوم شويه بس😢
الام نعمات : لا قلت ليك قوم اخوانك كلهم قامو بدري وانت نايم لي هسي😈

نتعرف على العائله:
(الام نعمات: انساانه حبووبه وزووله مرحه ومجيهه😍عمرها 49 سنه محافظه على شبابها شعرها اسود وحلبيه وقصيرونه ومليانه م شاء الله تبارك الله
الاب امير: زوول م شاء الله تبارك الله طووييل ومليان لونو فاتح مايل ل اسمر شويه كدا😍شعرو اسود على بني كدا😘 عمرو 54 سنه رجل اعمال ناجح وعندو بيوت وعمارات مؤجرها دا زايد الشركه الوارثها من ابوهو ووضعهم ممتاز م شاء الله تبارك الله❤ اتزوجو هو ونعمات عن قصه حب دامت سنتين وبحبو بعض جدا 😍😍وربنا رزقهم ب اولادهم اللي هم:
مصطفى: ودا الولد الكبير عمرو 32 سنه خاطب😍✌دكتور جراحه قلب كبيير وشغال في امريكا وبجيهم اجازات بس طوويل وحلبي شايل لونو امو😍 وشعرو الاسود وبحب يلبس ويقشر ومكسر البنات خاطب بت خالتو اسمها لينه😊
لؤي: بطلنا😍 عمرو 26 سنه قرا هندسه كيميائيه واتخرج وهسي اخر سنه ليهو ف الماستر💜 طوولو متوووسط😍 عرييض المنكبين😎 لوونو اسمر فاااتح😚 وعندوو وجناات يجننو😚 وشعرووو اسوود مرتب ومظبط دا غير لحيتوو الكساااره❤ وعندو حوواجب مقروونه💕 ولبييس واستاايل شديد💕 بشبه ابوهو ومكسر البنات مدشدشات فيهو عديل😹وعندو رصه سنون تللخم م شاء الله تبارك الله❤
حسام : دا بعد لؤي طوالي عمرو 24 سنه قرا قانون😘 واتخرج بدا ي داب ف الماستر😍 طوويل اطول من لؤي شايل لون ابوهو وحلاتو وزول جادي وملتزم وم عندو شي للبنات مع انو مكسرهم وكان في علاقه وانفصلو ومنها بقى م عندو شي للبنات قراايتو ووبس💕
مجد: دا اصغر وااحد عمرو 20 سنه وبقرا طيران 😍😍 زوول ظريف وجنو هظار وضحك وونسه😻😻 وحلاتوو عسوولي حلبي😽وشعرو اسود مايل لي بني😍 وجنو جكس لسه م لقى البت البحبها وتعقلو وتخليهو زوول جادي😂
رهف: اخر العنقووود طبعا هم 4 اولاد وبت وااحده عشان ككدا مدلعنها شدييد😍 وم برفضو ليها طلب❤ عمرها 18 سنه داخله الجامعه ي داب😍 وعايزه تقرا تغذيه في الرباط😻 طولها متوسط مايله للقصر😍 وحلبيه شايله لون امها😴❤ وقاصه شعرها واستايل شديد💜 وزوله مرحه زي مجد😴💜 ومجنووونهه جنها لعب وونسه وضحك ونقناقه م بتسكت نهائي😉❤ )
كدا انتهينا من اسره لؤي

في فيلا كبييره وجميله :
قاعده بتتمرجح في مرجيحه❤ وتشم ف هواء مع نسمات الصباح البارد وبتشرب في نسكافيه😻 ومركبه سماعاتها وبتسمع ف اغاني💕
جات امها رحاب: ي بتي مالك من الصباح كدا قاعده برا خشي جوا من البرد دا
الاء: ي ماما والله حبيت اشم هواء شوويه بس😘
الام رحاب: ي بتي كدا حتبردي امشي البسي ليك حاجه تقيله وتعالي اقعدي
الاء: حاضر ي ماما😍

نتعرف على العائله :
(الام رحاب: انساانه فااهمه ورااقيه💗 عمرها 49 سنه وبتحب تهتم ب نفسها😍 طولها متووسط سمراء كدا😍 وجميله جدا وزوله بسيطه😻 وبتحب اولادها جدا❤ وبتكون معاهم زي صحبتهم بالذات بناتها😴💜
الاب عبدالله: راجل طويل القاامه😍 اصفرااني❤ وزول مرح بس وقت الجد صعب جدا وم برضى في بناتو نهائي وملياان عمرو 56 سنه مهندس معماري شغال في قطر وبجيهم في الاجازات😍 بحب زوجتو جدا❤ وبرضو اتزوجو عن حب ❤ وربنا رزقهم بي اولادهم اللي هم:
محمد : دا ولدهم الكبيير❤ كساار ورهيب زول دمو خفيف😍.لونو قمحي😍 وقرض شديد❤ وطولو متووسط وعريض وجسمو رياضي💕 م شاء الله تبارك الله مكسر البنات😉 قرا هندسه طبيه واتخرج عمرو 25 سنه وبعمل في الماستر
رزان: دي البت البعد محمد عمرها 22 سنه بتقرا لغات😍 ودي اخر سنه ليها بت عثثوووله😻 طولها متووسط مايل للطول✌ وحلبيه عيوونها رهيبه وكسااره وجميله بمعنى الكلمه م شاء الله تبارك الله❤
الاء : بطلتنا😍 عمرها 18 سنه ي داب داخله الجامعه وعايزه تقرا هندسه ديكور😍 لونها اصفر فااتح صفراء صفار المنقه وقصيره القاامهه😻 وكسااره وملامحها جميله جدا😘 وعيونها كحيله وواسعه وانفها عمودي وعندها وجنه واحده ع خدها اليمين😘💕وحواجبها غزيره وعندها شعرر خووراافي لونو اسوود😴❤ بت مجنونهه ومرحه ومابتدخل في اي زوول😕 يعني لو م بتعرفها بتشوفها هادئه بس هي مجنونه مع الناس القراب ليها عاطفيه جدا😍 )

الاء: ماما انا طالعه زهجانه عايزه اطلع افرق شوييه عايزه اطلع امشي ل صحباتي في بيت دينا عاملين قعده ظريفه وعايزه امشي ليهم
الام رحاب: طيب حبيبتي امشي وم تتاخري انتي زاتك من بدت الاجازه م طلعتي كتيير
الاء: تسلمي ي ماما حبيبتي انا😍😍
الام رحاب: بطلي بكش وامشي وم تتاخري وخلي محمد يووصلك ويرجعك
الاء : حاضر😘 وباست امها وطلعت عشان تلبس وتمشي ل صحباتها
مشت ع غرفتها واتصلت ع صحباتها وكلمتهم انها جايه وحيتلاقو في بيت دينا

نتلاقى في الحلقه الجايه

روايه: بتمناك😍
بقلم: fofo Mahdi
الجزء الثاني

اتفقت الاء على انها تتلاقى هي وصحباتها ف بيت دينا❤
مشت الاء غرفتها واخدت شااور😍 ولبست فستان سمكه ب البيجي😍 يدينو كامله ولفت حجابه ب طريقه جميله جدا😘وعملت ميك اب خفيف بين ملامحها الجميله😴💜وعملت من عطرها المفضل😍وطلعت من غرفتها ومشت ل محمد المنتظرها سااعه برا عشان تطلع😹ومشغلها ليها بالفوونات الليله حيوري ليها😂😂 نزلت من غرفتها وطلعت برا ركبت العربيه مع محمد وهي بتصلح في طرحتها
محمد:ساعه عشان تطلعي منتظرك من متين انا😒
الاء:يعني شنو م تستناني انت عندك كم الاء😍
محمد: بطلي بكش انا م فاضي ليك وعندي ميه شغله غيرك😒 يعني انا ح اكون قاعد قصادك كدا😠 بعدين انتي م شفتي انا ضارب ليك كم مره😠 تاني اوعك تفتحي خشمك دا وتقولي لي وصلني لي دينا ولا وصلني لي سجم رماد فهمتي😠 م فاضي ليك انا ياخ😒
الاء: هههههههههه ابيت توصلني انت بس عندك مانع😛
محمد: اي عندي😒
الاء: بس تقعد توصلني كدا😛اصلا بابا قال اول م انزل جامعه ح يشتري لي عربيه عشان كدا انت حتوصلني لحدي م يشتروها لي😝 وزاتي ح ارتاح من اهاناتك دي😒😒
محمد:لي انا شوفير حضره سيادتك م تمشي وتجي براك لحدي م يجيبوها ليك😒
الاء: خلاص اسكت مني بالله وصلنا زاتو الحمدلله يلا طير بعد دا
محمد: بعد م وصلتي تقولي لي طير😒كويس شوفي البرجعك منو امشي يلا😒👊
الاء:هههههه خلي كلامك بتاع كلو مره دا عارفاك حتجي ترجعني يلا جااوو😉
ومشت وقفت جمب بيت ناس دينا واتصلت عليها عشان تجي تفتح ليها الباب ومحمد منتظرها لحدي م تدخل عشان يمشي وجات دينا وسلمت عليها ودخلو وبعديها محمد مشا بعد اطمن عليها انها دخلت
دخلو دينا والاء والاء سلمت على باقي صحباتها الكانو منتظرنها في بيت دينا يلا تعالو نتعرف على صحبات الاء:
(هم اربعه بنات الاء ودينا وشهد وعسجد
طبعا الاء بنعرفها
دينا : بت عفويه وصريحه شديد😍 ودي المقربه لي الاء من الروضه مع بعض❤واهلهم بعرفو بعض شديد❤ وم بترضى في الاء حاجه ومجنونه للاخر😍 وم عندها شي لي زول😍 سمراء سمار خفيف😍 وعسوله وجميله😍ودبدوبه شويه كدا وطولها متووسط ولسانها متبري منها😂
شهد: لونها خمري😍 طوييله لكن عندها قوام فرنسي❤ وكانت قامت صعبه وحبوبه شديد وهي البتجيب المواضيع والشمارات في الشله😉
عسجد :دي بارده بروود انجليزي😉 وغامضه شويه كدا ودي صاحبتهم في الثانوي وهادئه شديد وجذابه وحلبيه وطولها متووسط❤)
لحدي هنا اتعرفنا على صحبات الاء
قعدوو اتونسو مع بعض وحضرو فيلم❤ لحدي م المغرب اذن مشوو اتوضوو وصلوو وجو قعدو برا ف النجيله حقت ناس دينا وعملو الشاي وجابو الكيك وجو قعدو يتونسوو ويحكو عايزين يعملوا شنو للجامعه
الاء:اها ي عسجد م وريتينا قررتي تتدخلي شنو
عسجد:هندسه مدنيه
الاء:اها وانتي ي شهد السجم😂 م قررتي لسه😂
شهد: سجم في عينك😒 قررته الحمدلله😂
الاء:اها قررتي شنو😂
شهد:هندسه طبيه
الاء:لالا تمام والله
شهد:وانتي ي دينا
دينا:هندسه ديكور زي الاء طبعا دي كانت رغبتنا انا والاء من الاساس اتفقنا عليها سوا عشان كدا😂
شهد:اها تمام والله😂
الاء:المووهم حنكوون مع بعض ف نفس الجامعه وحنقدر نتلاقى ع طوول❤
شهد:اي ان شاء الله كان ربنا احيانا
وقعدو اخدو قعدتهم واتونسو😍 وقاموو اي وحده مشت بيتهم وفضلت الاء منتظره محمد اخوها لانو اتاخرت وخافت يكون فعلا نفذ كلامو انو م حيرجعها😂 قامت قالت لي دينا: انتي عارفه انا خايفه محمد دا يكون بالجد م جايي يرجعني الليله وااي ي دينا ح ارجع كيف انا
دينا:ي بت بطلي هباله كيف حيرجعك منو بخلي سامر اخوي يرجعك بطلي عواره ياخ بعدين اقعدي اتونسي معاي شويه لسه الوقت بدري بكون مع اصحابو عشان كدا اتاخر
الاء:ي بت بدري شنو العشاء اذن وهو قال لي بجيك بعد المغرب كدي اتصل عليهو
مسكت تلفونها وعايزه تتصل محمد اتصل عليها ردت قال ليها اطلعي برا😒
قفلت وقالت لي دينا جا
دينا:ابن الحلال على سيرتو ببان تنقي تنقي لمن جبتيهو اسي م تمينا ونستنا😒
الاء: 😂😂دا كل همك يلا انا ماشه جااو
وطلعوو دينا قدمتها لحدي الباب وسلمت على محمد وشغلوها لي بعض كالعاده طبعا دينا بتعتبر محمد اخوها الكبير لانو بعرفها من هي في الروضه مع الاء وعلاقتهم مع ناس الاء قويه شديد عشان كدا
وركبت الاء العربيه مع محمد
الاء:ساعه عشان تجي😠 انا منتظراك من متين متاخر قدر دا مالك😒👊
محمد:كنت مع اصحابي وبعدين م اتاخرته😒
الاء: اتاخرته مش قلته حتجيني بعد المغرب اسي العشاء اذن انا قلته خلاص بجد م حترجعني وخوفته😒
محمد:😂😂تستاهلي كان اعملها فيك بالجد
الاء: المهم تاني م تتاخر كدا😒
محمد:يعني انتي عشمانه فيني تاني اوصلك😒وشنو شابكاني اتاخرته اتاخرته انتي قبيل مش اتاخرتي😒
الاء:يعني اتسديتها فيني كويس بوريك😒👊
وصلو بيتهم ونزلو

نتلاقى ف الحلقه الجايه

بسم الله الرحمن الرحيم وبه نستعين والصلاه والسلام على افضل الانبياء والمرسلين سيدنا محمد صلى الله عليه وسلم

صلو على النبي
روايه: بتمناك😍😍
بقلم: fofo Mahdi
الجزء الثالث:
وصلوو البيت ونزلوو اول م وصلو لقو ام الاء قاعده في الصاله بتحضر ف التلفزيون❤
دخلو وسلموو عليها
الام رحاب: اتأخرتو كدا مالكم
الاء: اساليهو هو حضره سيادتو مشى قعد مع اصحابو ونساني😒
محمد: انتي مش كنتي قاعده مع صحباتك وبعدين وقت م اجيك اجيك م على كيفك😒👊
وفضلو يتناقرو
الام رحاب:.خلاص ي اولاد بطلو نقه واطلعو غرفكم
طلعو وكل واحد طلع غرفتوو الاء دخلت غرفتها وعملت شاور ولبست بجامتها ورفعت شعرها لي فوق وفتحت التلفزيون ورقدت على سريرها وشاالت فوونها❤ بس شالتو كدا دينا اتصلت عليها
دينا: اها وصلتي كيف
الاء: تمام الحمدلله
دينا: محمد قال ليك اتاخر مالو
الاء: قال كان مع اصحابو
دينا: شفتي م قلت ليك😒
الاء: خلاص بطلي معط عايزه انوم انا😒👊
دينا: طيري يلا غلطانه انا عايزه اطمن عليك😒
وقفلت في وشها😂
الاء:😂 والله البت دي مجنونه
ختت فونها جمبها ورقدت ناامت❤

نمشي نشوووف ناس لؤي
طبعا لؤي طبيعي مع اصحابو وم بفارقهم الا لما يجي ينوووم وديل اصحاب طفوولتو❤ لحدي م كبرو كبرو مع بعض يلا نتعرف على اصحاب لؤي:
(يلا هم اربعه اولاد وبتين ديل شله مع بعض من زمماان❤ الاربعه اولاد اللي هم لؤي ومهند وعمر واحمد ديل من زمان مع بعض بس البتين ديل اتعرفو عليهم في الجامعه وبقو مع بعض😻)
مهند: دا صاحب لؤي المقرب شاب طووييل حلبي كسار😍
عمر: اخدرااني كدا خدره نااعمه طولو متوسط مايل للقصر😍
احمد : لونو قمحي وطويل❤
نجي للبتين❤
اسراء : لونها فااااتح وضعييفه وشعرها نااعم وشككلو طوويل ودايما بتشق شعرها النص وبتخت الطرحه ف نص شعرها والنضاره كمان وعسووله كدا😍
ايه : لوننهاا قمحي ودبدووبه وقصيرونه وعثووله وبتحبب لوئ ومهند وعمر واحمد شديد وبتعتبرهم اخوانها❤)
كاانو قاعدين كلهم ف شاارع النييل وبتونسوو ومبسووطين❤
وبعدها كل زول رجع بيتوو ولؤي اول م وصل البيت سلم على امو وطلع غرفتو فوق ورقد نام طوالي😍

صباح اليووم التاالي❤ :
الام رحاب: الاء قوومي
الاء: 😴😴 في شنو ي ماما
الام رحاب: قومي الليله عندي عرس وعايزه امشي اتحنن قومي ياخ م في زول يمشي معاي محمد اخوك طلع ورزان مشت الجامعه انتي مؤجزه م عندك شي قومي ارح معاي
الاء: طيب ي ماما خليني انوم شويه بس😴
الام رحاب: حتقومي ولا عارفاني بعمل شنو😒
الاء: حاضر قايمه
قامت الاء ولبست وطلعت مع امها
نمشي نشوف لوئ
صحى ومشى الجامعه لانو دي اخر سنه ليهو في الماستر❤ وبعد طلع من الجامعه مشى لي مهند وقعد معاهو وطلع رجع بيتهم وسلم على امو نعمات وطلع فوق دخل غرفتو اصلا دا برنامجو الجامعه واصحابو وكدا م عندو شي للبنات مع انو البنات اي وحده حلمها تصل عليهو بس هو م مديهم فرصه كان داخل في علاقه وحبيبتو سابتو وح نعرف التفاصيل كلها ان شاء الله كان ربنا احيانا😉
بالنسبه ل الاء امها اتحننت وجو راجعين فطرو وقعدو يتونسو شويه❤
الاء طلعت غرفتها وفضلت تتونس مع صحباتها وحضرت ليها فيلم شويه ونامت صحت قريب للمغرب نزلت تحت لقت امها بتلبس وطاالعه
الاء: ي امي انتي ماشه وين
الام رحاب: اجي ي الاء ماشه عرس مش قبيل قلت ليك ماشه عرس الجيران ديل ولدهم جا من لندن ودا عرسو
الاء: ايوا تمام
الام رحاب: ارح معاي
الاء : لالا م ماشه ي امي بعدين انا م بعرفهم بس بعرف الجيران القراب عشان كدا
الام رحاب: اصلك من يومك كدا انا قلت تمرقي تفرقي لكن بطريقتك يلا انا طالعه
الاء:طيب ي ماما يلا
وتمشي الاء تتوضى وتصلي المغرب وترجع تقعد ف التلفزيون ووتكلم مع دينا
دينا: اها اخبارك شنو وشماراتك
الاء: تمام الحمدلله وانتي
دينا: تمام الحمدلله
الاء: طبعا زهجانه ماما مرقت عرس ومحمد مع اصحابو ورزان في غرفتها قاعده براي انا تعالي لي نتونس ياخ
دينا : خلاص دقيقه اشوف سامر لو بجيبني
دينا مشت كلمت سامر انو يوديها لي الاء وبعد تحانيس رضى ليها ووداها ليها ومشت الاء فتحت ليها الباب ودخلتها جوا وجابت ليها عصير وطلعو فووق غرفه الاء يتونسو
دينا: م ممكن انتي الوقت كلو قاعده في غرفتك وحابسه نفسك كدا
الاء: اعمل شنو اشتقته ليهو ي دينا😢 بقيت م قادره اتعامل مع الناس بقيت م زي زمان😭
وقعدت تبكي ودينا بقت تهدي فيها وتقول ليها:خلاص ي الاء انتي لازم تنسيهو م ممكن انتي معيشه نفسك في العذاب دا وهو م بستاهل كدا ودينا حانه على صحبتها وم قادره تشوفها كدا
الاء:بس انتي عارفه انا كنت بحبو قدر شنو وهو م احترم ولا قدر حبي ليهو وخلاني ببساطه لو كان متمسك بي م كان اتخلى عني هو ليه عمل كدا وقعدت تبكي زياده😭
دينا:خلاص حبيبتي م تبكي وبقت تهدي فيها ووحاولت تغير الموضوع وتطلعها من الجو وفعلا عملت كدا وبقت تضحكها لحدي م الاء اتناست الموضوع وبقو يتونسو عادي ويحضرو لحدي م سامر جا وساق دينا

نتلاقى في الحلقه الجايه

[22/07 9:42 PM] Lolo: #الريدة_والذكرى_١

LTD

في ليلة شتاء يوم الجمعة .. صلاة الظهر ..
الناس جو داخلين لي ابو بسمة الخال محمد ..
الفف الفف مبروووك عقدنا ياخااال .. الله يبارك فيكم كلللكم ياااارب .. عقبااااال الشباااب 😃
تستاهل والله ياحاج .. لؤي راجل ممتاااز وماشااء الله عليهو مالي مركزو .. مازي باقي الشبااب الطايشين .. بدون وعي وفهم ..
قااادر يمسك مصانع ابوهو ويديرها ... والله ياحاج محظوووظة بتك بسمه بيهو وربنا يوفقهم .. بيت مال وعيال يااارب .. وان شاااء الله تتوقى الروابط والصداقه اكتررر واكتررر.....
)جات داخله صحبة العروس .. رؤى .. بتبااارك ليها ..
بسمة الف مبروووك عليييك .. خلااص عقدو..
ايوووو يووووي يوووي 😄
بسمة .. الله يبارك فيك ..
رؤى: بتقوليها بكل برود مالك
بسمة: هههههه .. ماتعملي لي فيها غبيه .. عارفه انتي لؤي شاب وسمح ومكسر بنات الدنيا وغنياااان شديد وصغير .. وكل الناس بيتمنوهو..
بس انا وهو ما بنحب بعض والعرس ده مجرد شراااكه بس بين ابوي وبين ابوهو حاج اسماعيل.. عشان يوسعو شغلهم وبس .. والشراكه تقوى اكتر بالعرس ده ..
خلاص عليك الله ما تساليني مامبسوطه مااالك ..
رؤى: بس انتي ماحصل حبيتي زول .. احتمال تحبيهو بعد العرس ..
بسمة: هههههاي بالله عليك الله كلام امي ده ماتعيدي لي ..
انا ماشه الكوفير بعد ده ..
رؤى😡 الكوفير هسي .. انتي هبله .. ده عرسك .. مفروض من الصباااح تكوني هناك ياعبيطه ..
بسمة .. زحي من وشي 😒
....
(عمار جا داخل على لؤي في الصالون ..)
عمار: ياعرييييييس😄😄 منووور والله
لؤي: خير في شنوو تاااني .. اها قول لي في مسوار غير الصالون ده ..
عمار: يا اخونا مضايق مااالك انت .. الليله عرسك يافرده .. لازم تكون اااخر انبساااطه ورواااق ..
بعدين البت السممممحه دي راجيااااك 😉
لؤي: ياخ ماناقصك وده ماوقت هظارك
عمار: لؤي خلاااص .. افرد خلقتك دي..
الناس حتلاااحظ لييك بعدين .. وحيبدو يتكلمو فيكم ويقولو ماراضين على العرس عملتو ليييه
لؤي: عشان ابوي بس ماداير ازعلو..
عمار: ماعشان ابوك بس... عشان السنيورة جررررحتك وخااانتك وهسي انت داير تعرس وتنساااها صح؟
لؤي: انا مابحب بسمة وما حتنسيني ليها .. اذا حانساها في يوم فبس لاني انا داير انسى..
....منتظرك انا لما تخلص وريني يالؤي.. الله يهديك بس😃
......
(جا الليل والناس اتجهو كللللهم للعرس في صالة الوداااد 😃)
بسمة بت جمييييييلة شديد .. حواجبها غزيره سود ولونها خمري .. وملامحها فتااانه وجسمها مقسم بتمسك خصرها بيدك ..
وشعرها طويييل .. وبتحب الرقييص وبالاخص البالي .. اتعلمتو لما كانت في الامارت 😍
....
تم العرس والناس باركو لي بسمة ولؤي ..
ومشو للشقه ..
اول مادخلوها .. لؤي بارك ليها العرس وقال ليها تعالي داير اتكلم معاك في كلمتين ..
دخلو الصالة وقعدو ...
لؤي : بسمة انتي عارفه العرس ده تم ليه صح!؟
بسمة: ايوه. صح
لؤي: نتفق انا وانتي من الليله انو بره حنكون اححححلى عرسان ..
بس جوه البيت انا وانتي ما حنكون مع بعض ..
بسمة: مافهمتك!؟
لؤي: يعني ماحيحصل بينا اي شي لا الليله ولا اي يوم تااني.. بعتقد كده فهمتي!
(بسمة استغررربت شدييييد .. بس هي كمان ما كانت بتحبو)
قالت ليهو: فهمتك اي ..
لؤي : طيب تعالي اوريك الجزء اليمين من الشقه حقك ..
والجزء الشمال حقي .. المطبخ مشترك ..
اي حاجه دايراها طوالي تجي تقوليها لي
بسمه: شكرا ليك
لؤي: العفو ..
يلا انا داخل اغير وانوم اليوم كان متعب شديييد ..
بسمه: طيييب وانا كمان داخله .. تصبح ع خير
لؤي تلاقي الخير..
دخلت بسمه وقعدت تفكر براها .. طيب بما انو نحنا الاتنين مابنحب بعض ..كده كويس ليك يابسمه تكوني عااايشه كانك براك ...
بس اسم انك عرستي.. الحمد لله
ما كنت دايره اعيش كده مع شريك حياتي .. يس العرس جا كده
وحصل خير ورقدت نااامت...

Natsh
نَتْقًاااابّلُ ـ ..........!!
[22/07 9:42 PM] Lolo: #الريدة_والذكرى_٢

LTD

صحو تاني يوم الصباح بسمة ولؤي ..
بسمة كانت بتشرب في الشاي بره في الصاله .. جاها لؤي
صباح الخير
بسمة:صباح النور
لؤي:ان شاء الله نممتي كووويس ؟
بسمة: الحمد لله بخييير .. اتفضل اشرب شاي
لؤي: لا شكرا .. طالع انا .. دايره حاجه ؟
بسمه: لا شكرا
لؤي : طيييب .. لو جيتي تطلعي من البيت وريني عليييك الله عشان يكون عندي خبر
بسمة: لالا ماعندي طلعه .. امشي وين بس😄
بعد طلع لؤي ...
بسمه قعدت وحضرت تلفزيون وماخلت فيلم ماكملتو.. بس حست بي ملل كده .. والجزء بتاعها محصور طبعا..
وهي بت فضوليه شدييييد .. قالت .. امشي اشوف غرفة لؤي عامله كييف 😉
دخلت الغرفة .. وعاينت حوليها كلها بالاسود والابيض وديكور حلو وراقي .. وغرفه واااااسعه .. فتحت الدولاب لقت البدل براحها والساعات والجكتات .. وكل الملابس والقمصان مرتبه وحلوة .. عرفت انو زول منظم ..
عاينت جنب المرايا لقت العطور بانواعها واشكالها .. اتشوقت تشيل عطر بلو وشمتو ..
قالت: الله ريحة عطر

وو رهييييييييبه😍😍
.. لقت علبه مع العطور مقفوله بي طبله صغييييره .. استقربت من القفل وحاولت تفتحها ماااقدرت ..
فجأة الباب فتح ..
بسمه سمعتو .. قامت جاريه سرييييع وقفلت الغرفه .. لؤي لاقاها في الصاله ..
بسمه!!
بسمه : ايواا .. لؤي : مالك نفسك قايم !
بسمه: لا كنت برتب في شنطتي بس .. انت رجعت مالك؟
لؤي : نسيت ملفات المشروع هنا ..
(شال ملفاتو وطلع .. بسمه بوراهو قلبها برد قالت ... الحمممممد لله )
.....
جا الليل وهي حضرت العشاء وانتظرتو. وماجا ..
كانت لابسه فستان على الجسم ولونو احمر نبيذي كده وقصييير وفاكه شعرها الاسود الطوييييييل ومكياج خفيييف لانها ما محتاااجه وجمالها طبيعي ..
انتظرتو وانتظرتو واتاخر
بسمه: انا مالي زاتو بنتظرو لما بطني تتفرم .. عنو ياخ 😒 حاكل زاتو.😡😡😡
واكلت ونامت على الكنبه ... جنب التلفزيون ..
لؤي رجع الساعه اتنين بالليل وفتح الباب وجا داخل .. كورك ليها ما ردت ..
مشى الصاله لقاها قاعده .. قرب شووويه ..
قال: سبحاااااااان الله .. تبااااارك الرحمان 😆.. والله يا عمار كلامك صح .. البت دي جميييييله كده لييه 😍
قعد في الارض وعاين ليها .. في عيونها ولونها ومسك شعرها وبقى بمشي في يدو عليها وبقول ليها ربنا يحرسك ..
وقام وشالها ...ودخلها غرفتها عشان تنوم وغطاها وطلع ..
لؤي..😳😳 البت دي نفسها بتاعت الصباح وبنطلون الجينز والبلوزة الواسعه والكعكات 😳 سبحااان مغير االاحوال،😂😂
...
صحو الصباح .. 🍀
بسمه لقت روحها في سريرها .. اتخلعت😳 انا الجابني شنو .. وبتين نمت ..وجيت كيف😳
قامت استحمت ورفعت شعرها كعكات تاني ... ولبست وااااسع وطلعت ..
لؤي كان بشرب في الشاي وهو واقف .. اول ماشافها ..
صباح الخير😃
بسمه .. صباح النور😄
(في سرها.. اسالو يابسمه ولا ما اسالو من الصندوق ..الشمار حارقني ياااخ)
جابت كرسسيها وجرتو وقعدت وهو واقف بعاين ليها وبشرب
بسمه: لؤي .. دايره اسالك
.. لؤي: اتفضلي ..
بسمه .. بصراااحه انا دخلت الجزء بتاعك امبارح لاني مليت ..
ودخلت غرفتك واتفرجت فيها ولقيت صندوق مقفول بي طبله ...
(لؤي رمى الكبايه وكسرها وطواااالي خلقتو اتقلبت والغضب بقى عنوان وشو وتعابيرو😡.. وبصوت عاااالي شديد صرخ فيها .. بتدخلي في خصوصياتي ليييه .. مابتفهمي انتي ... مش قلت ليك ماتدخلي)
بسمه .. خافت من تعابيرو ونبره صوتو .. ودموعا نزلو من الخوفه ..
قالت ليهو: اسفه .. وجرت وقفلت باب الغرفه عليها ... وهنا لؤي طلع .....
.....
جا اليوم التاني واي واحد فيهم لامي لسانو عليهو .. بسمه بس بتسوي الفطور وتختو وتمشي والغداء تختو وتمشي .. وكده بس ..
لؤي ناداها ... وجاتو ..
لؤي: بسمه انا اسف كوركت فيك واتزهجت .. بس لاني اضايقت
بسمه؛: خلاص مامشكله)بصره كده وماشه(
لؤي مسك يدها وجراها عليهو وقربووو شديييييد لي بعض ..
بسمه قلبها بدا يدق سرييييع .. حست كانو الليله خلاااص حتحصل بينهم حاااجه ..
قالت ليهو : لؤي😳 فكني لو سمحت
لؤي: ابييت .. الا تقولي انك ما اتضايقتي
بسمه: ما اضايقت اها فكني خلااص
لؤي: ههههههه .. خفتي ولا شنو
بسمه: انت واحد حيوان😡.. ولزتو لي ورا بيدها
لؤي: انا لو داير المسك .. بلمسك مافي شي بمنعني.. ناااسيه انك مرتي ..
بسمه: ومنو القال ليك اني حاخليك
لؤي قرب منها تاااني وهي بترجع لي ورا لحدي ماوصلت الحيطه وحاصرها.. قال ليها .. اها تاني ماشه وين مني ..
بسمة هنا خااافت بجد وغمضت عيونها لانو مافي مهرب .. وحست عطرو امتزج بي عطرها في الهواء ..
قال ليها : ياااحلوة .. انا ما عااايز المسك .. ما لانك هددتيني .. بس لاني ماعندي اي رغبه فيك وانتي عارفه كده
بسمة زعلت من كلامو شديييييييد وحست انها اتجرحت منو ..
لؤي رجع لي ورا ومشى دخل غرفتو .. بسمه دخلت وقعدت تبكي في الغرفه واتغاااظت من كلامو معاها ..
دخلت حكت لي صحبتها رؤى بالتلفون وهي بتبكي
رؤى: يابت مالك
بسمه: لؤي ده بزل فيني يارؤى
رؤى: بسمه انتي ماتقربي منو واتجاهليه بس
بسمه: هو براهو بجيني ياخ
رؤى: ماتشتغلي بيهو كتير عليك الله ..
.....
مر اسبووووع تاني وهم الاتنين مااابتكلمو ...
لحدي ما يوم جا داخل لؤي البيت وهو شبه مسطول ولا شارب حاجه..
بنادي فيها من باب الشارع .. بسمممممه بسممممه ... تعالي هنا سرييييييع ..
جاتو جااااااريه وقالت خلاص الليله حاصله حاجه ..
عاين ليها وضحك جا يدخل داير يقع .. ثبتتو ..
لؤي😳 ماااالك .. لؤي😳 انت مسطوول!؟
لؤي.. وهو بضحك .. عاين ليها
ناااانسي عجرم ... جيتي من وين هسي انتي😍😍
بسمه: استغفر الله .. انت شارب حاجه .. وتكلتو لحدي ما دخلتو غرفتو ..
رقدتو وغطتو وجات تقوم ... مسسسسك يدها ..
قال ليها: انا بحبها .. بحبها رغم انها كسرت قلبي💔
بسمه: 😳😳😳 لؤي!؟؟
لؤي: ختى يدو في خشمها وقال ليها... هسسسسسس ..
بسمه: طيب نوم بنتكلم الصباح .. انا حامشي تصبح ع خير ..
لؤي: لاااا ماتمشي اقعدي هنا بس ..
انتي جيتي من التلفزيون كييف 😱 طلعتي كيييف يا ننو

ووووسه 😘😘
بسمه: ابتسمت شويه ليهو.. قالت ليهو لؤي نوم خلاص
لؤي: ابيييت .. انتي حتمشي صح
بسمه:لا حاقعد جنبك ...
جابت كرسي وجرتو وقعدت فيهو وهو راقد ولسه بقول ليها
يااااا نانسي السمممحة 😘😘😘..
انا بحبها ياااخ بحبها😔😔
لحدي ما نام لؤي وهو بقول بحبها ...
بسمه قاعده في الكرسي بتعاين ليهو وبتفكر
هو قاصد منو بالكلام ده !؟
Natsh
نتقاااابل تاااني ..ـ
[22/07 9:43 PM] Lolo: #الريدة_والذكرى_
3
LTD


جا الصباح ولؤي طلع يشرب شاي .. لقى بسمه واااقفه وبتشرب وبتعاين ليهو ..
قال ليها : صباح الخير
بسمه: صباح النور..
دخل. وعمل لي نفسو كبايه شاي وطلع الصاله يشربها .. جاتو بسمه ..
اننا ما متزوجين بي جد ونبعد عن بعض ماقلت ليك حاجه...
بس تجي البيت مسطول وبي حالتك الامبارح دي .. انا ما حاسكت ..
لؤي قام وقبل عليها ... ماتقربي مني بس لوما عاجبك ..
بسمه: ههههاي انا ما جيتك انت الجيتني ..
لؤي: ياخ راسي مصدع وماناقصك وشال مفتاح العربيه وداير يطلع .. بسمه مسكتو من يدو ....
اسمعني طووووول ما انا هنا معاك .. تحتررررمني ... اصلا انا بس حاقعد معاك سته شهور وحنتطلق ..
لؤي:😳 نتطلق!
بسمه: ايوووه .. عشان نكون رضينا اهلنا.. وكان علي الناس ماحيقولو فيني عيب بعد السته شهور دي ..
لؤي: متفقين ... فكي يدي وتاااني اياااااك تقربي مني 😡
بسمه خافت ورجعت لي ورا ....
.......
الساعه سته جا راجع لؤي للبيت ودخل وكورك ليها ماردت ..
خاف تكون مشت .. بقى بفتش فيها سريييع .. وهي مابترد ...
ماخلى غرفه ما فتحها وهي مااابترد ...
قال خلاص امشي نهاية البيت في غرفه فااااضيه كااانت وابوابها وشبابيكها زجاج .. الجوا بشوفها مرايه والبرا بشوف الجوا منو .. احتمال فيها ... فعلا كلامو صح لما وصل وعاين بي برا .. لقى
بنت جمييييله بي شعرها الناعم ولابسه استرشت اسود وطب اسود وبترقص بالي .. بكل احترااافيه ودقه ..
لؤي اول مره ليهو كانت يعجب بي بسمه 😍😍😍 .. اتكل على الشباك وبقى بعاين ليها وهي بترقص ويقول سبحااان الله تبااارك الرحمان .. ربنا يحفظها ..
وبسمه ما كانت شايفاهو .. بتقبل عليهو بس بتشوف نفسها في المرايه ..
لؤي: عيونها حلوووة شديييد .. وكلها جميييله ..
اول مره كان يحس انو في قلبو في حاجه بدت تتحرك ... بعد السنتين العدت على حبيبتو الخلتو ..
نسى نفسو وسرح في ملامحها وجمالها وجسمها المقسم وشعرها...
لحدي ما جات طالعه .. استعدل طوااالي ..
بسمه: لؤي!!
لؤي: كنت بفتش فيبيك قايلك طلعتي بدون ماتوريني
بسمه: انا كنت هنا ب....
(لؤي قاطعها )مااابهمني اعرف ... اصلا ماشي انوم ..ومشى
بسمه جات وقفت في مكانو ..
اللليله ... سجممممي شااافني برقص .. حيوان .. غبي .. ينكر لييه 😡😡😒..
....
لؤي دخل وناااام .. وبسمه مشت المطبخ بتفتش على كيس مكرونه .. تعملو .. لقت جزازه ويسكي امريكيه ..
بس هي ماكانت متخيلاهو بسكر للدرجه دي .. ووشربت منو .. لقتو مر .. كممممملت الجزازه 😂😂
لؤي صحى من النوم واستحمى وجا طالع .. لقاها بتضحك وبتعاين للتلفزيون وهو مقفول ..
لؤي😳😳 بسم الله البت دي مالها .. جنت
بسمممه مالك ... وهي بتضحك وفي دنيا تاااانيه ..
لؤي جرا ليها سرييييع وخاف عليها لاول مره .. ولمن قرب شمى ريحة المشروب ...
بسمه😳😳 ده شنو يابت الناس انتي مابتعرفس تقعديوبدون ماتهبشي حاااجه 😡😡
..بسممممه : اوووووو . حبيييييبي الوسيييم يوووخ .. 😘😘
لؤي:😳😳😳😳 لااا دي اتسطلت شدييييد شكلها ..
قومي قومي اوديك غرفتك تنومي .. وسحبها من يدها .. كانت حتقع مسكها من نصها...
وهي ما كانت واااعيه ... قالت ليهو..
حبيييبي .. ماتمشي. خليك معاااي.... انا مشتاااقه ليييك ..
لؤي: بعاين ليها وفي حاجه غريييبه حسى بيها وشالها ودخلها غرفتها ورقدها وغطاها .. قال ليها نووومي ...
بسمه: مااابعرف الا زول يهبش لي شعري عشان انوووم .. وجسمها بدا يتقل من المشروووب ..
لؤي: طيب حاقعد جنبك .. ومسك شعرها بي يدو ...بدا قلبو يقول ليهو حاجه ... حسى بي خوووف عليها ..
بسمه: انت مشيييت وهي بتضحك
لؤي: انا جنبببك .. ما مشيت ...
لحدي مااا نامت وفك يدها منووو وجا يطلع ..
رجع تاااني .. وقرب منها شدييييييد .. شمى ريحة شعرها ولمس عيونها وحواجبها ...
(لؤي في سرو... ده شنو البعمل فيهو انا ده .. وقام وطلع سريييييع)
......
امو ضربت ليهو ...
لؤي: امي كيفك !
امو: الحمممد لله ولدي انت كييبفك ومرتك كيف!
(لؤي لما سمع كلمة مرتك .. ابتسم لي اول مره ..قال ليها كووويسه نااايمه)
امو: طيب نحنا عازمنكم بكره عشا .. وجايين الجيران والاهل .. عزومه كبيره شويه كده عشان الجيران دايرين يشوفو مرتك السمممحه دي ..
لؤي:😳😳😳 امي مااااف داعي ياخ ..
امو: لؤي😡.. مشيت الشغل من اول يوم واناماسالتك .. مامشيت شهر عسل مع مرتك وبرضو ما سالناك انا وابوك ...
علاقتك كيف مع مرتك برضوووو ما سالناك وخليناكم ببراحتكم
بس هسي ماتفضحنا قدام الناس والاصحاب وتجو.. سمعتني ؟
لؤي: طيب يا ا

مي امرك حنجي .. من عيونا
الصبااااااح 🍀🍀🍀
بسمه: صباح الخير لؤي
لؤي اول ماشافها داير يضحك ... صباح النور
... امي قالت الليله عازمنا عشا وفي ضيوف جايين .. حنمشي وزي ما اتفقنا برا نظهر شنو
بسمه؛: ايوااا تماام .. ماتخاف خالتو ناديه دي انا اصلا بحترمها وزي امي واحد ..
لؤي: طيب انا طالع ..
ولما جا يمشي قرب ليهاااا شدييييد جنب الباب 😄
بسمه: مالك 😳😳 في شنو...
وهو ساكت وكل مره بزيد خطوة.. هي بترجع لي ورا 😳
لؤي في شنو .. 😳😳
لؤي بقى بعاااين ليها نظرات اعجاب. من فوق لي تحت
وهي قلبها شغال يدق بسررررعه من الخوف .. لؤي 😳😳
لؤي: بابتسامه حلوووة .. ربنا يحفظك ان شاء الله من عيون الناس ومن عيني انا ... ورجع وطلع
بسمه😳😳😳😳😳😳
دا مالو... من عيون الناس .. وعيني انا 😳😳..
قاااصد شنو ؟!

نتاااابع تاااني
[22/07 9:44 PM] Lolo: #الريدة_والذكرى_٤
LTD
#
جا الليل وبسمه اتظبطت .. لبست فستان ساندريلا طوييل بي اكمام طويله على جسمها الزابط ولونها الخمري .. فستان ساااده باللون البصلي وطقمت معاهو باللون الكوبي الجزمه والطرحه والمحفظه ..
لؤي اخر شياكه .. بنطلون اسود وقميص كوبي... والساعه والعطر..
وجا طالع .. اول ما شافها في الصاله 😍😍😍
بدون ما يحس .. قال ليها ماشاااء الله .. ربنا يحفظ جمالك ده😍
بسمه خجلت ونزلت راسها.. وابتسمت وقالت ليهو
شكرا من زوقك وانت طالع انيق ووسيم ماشااء الله ..
بعدين نحنا مطقميين😂😂
لؤي😂😂😂 والله ما انتبهت زاتو .. من شوفتك 😍
بسمه 😊 والخجل خلاااااص قتلها بي جوووه ..
لؤي: مشينا .. يلا
(ركبت معاهو في العربيه قدام... وكل مايجي استوب .. بحاول يعاين ليها بقعر عينو عاايز يكشف ..😍😍)
هي بتشوفو بالمرايه .. بس بتعمل رااايحه
واول مايسوق .. هي برضووو بتسرق نظرااتها ملامحو الجلوة وبتعاين ليهو... لحدي ما وصلو وسلمو علي الناس وقعدو..
لؤي عندو عمتو اسمها نجوى .. كانت دايره لؤي لي بتها انتصاار ..
وبتكره بسمه شديييد هي وبتها ..
اول مادخلت بسمه على النسوان .. كلهم سلمو عليها وخلوعين في جمالها الطبيعي وشعرها وقعدت باريحيه .. الا عمة لؤي سلمت عليها بكل برود وانتصار سلمت عليها بافترا وهي متغايظه
بسمه حست بيهم طوالي لانو ظاااهرين شديييد ..
مشت قعدت جنب ام لؤي .. وهي كل دقيقه تبوس فيها وتحضنها .. وتقول ليها بتي السمممحه ... الانييقه دايما رافعه راسنا..
بعد شويه .. جا لؤي داخل سلم على اهلو .. وقعد جنب بسمه ..
انتصار كانت عينها دايره تتقلع وتقوم تاكل بسمه بسنووونها ..
نجوى عمة لؤي .. بتتكلم مع بسمه ..
سمعنا انك بترقصي!؟
بسمه؛: لا ياعمتي انا بس بحب البالي .. لما كنت في دبي اتعلمتو من انا عمري١٠ سنيين ..
نجوى: يعني في النهايه رقاااصه صح
(بسمه هنا اتغاااظت من كلمتها وحست بيها دايره تهينا وردت عليها)
لا مارقاااصه .. موهبه دي وماحصل زول شافني برقص زاتو..
ولؤي قاااعد ساااكت وماداير يتدخل. وام لؤي قالت ليها؛:
يانجوى مااسمها رقاااصه .. الكلمه ماحلوة 😒
نجوى: من قمنا .. عارفين اي حاااجه بتخص الرقيص .. معناها رقيص .. عشان مرت ولدك بس مادايره تقولي رقاصه ..
هنا بسمه فلتت اعصابها منها ودايره تنفعل.. لؤي مسك يدها وضغطها ليها..
وبنهره كده .. عمتي 😡😡 انا من قبيل محترمك .. بس اوعك تقولي عن مرتي انهااا رقاااصه ..
انا عاجبني كده زي ماهي .. ودي موهبتها بس .. ومافي زول بحق ليهو يدخل فيها ..
(وهو بتكلم قام على حيلو وماسك يد بسمه وهي بتعاين ليهو ... مخلوعه😳)
.. مرتي وحره في البتعملو ومابرضى زول يمسها بكلمه .. ماعشان هي بت محمد الاسد .. عشااان هي مرتي انا😡 .. وما تحاولي تاني تهينيها .. ابدا .. سمعتي كلامي ولا اعيدو😡😡
(هنا الصاله كلهااا صنت .. وسكتت وعم الهدوء ... وام لؤي وابوهو واعمامو واهلو كلهم سكتو .. وهو واقف وماسك يدها )
لؤي: وعلى فكره هي .. الليله كانت تعبانه ومادايره تجي بس اصرت انها تجي عشان تتعرف عليكم .. بس هسي حارجعها .. سلام يا امي ..
وطلع وماسك يدها وهي مخلوعه وركبو العربيه ودورو..
نحوى: محمد😡😡😡😡 شااايف ولدك .. يتكلم معاي كييف بالطريقه دي .. !؟ ماعندو احترام!! لا لكبير لا للضيوف ديل!!
ام لؤي: بس انتي براكي سالتي مرتو وحاولتي تهينيها ..
نجوى: انتي بتدافعي عن ولدك صح وبتقولي فيني كلام ماقلتو ..
انتصار: امي يلا نحنا ماعندنا قعده في البيت ده
محمد: اختي انا اسف بالنيابه عن ولدي بس انتي عارفاهو من زمان .. الغلط غلط عندو والصاح صاح. مابحب اللف والدوران.. وانتي صح غلطتي في مرتو وقلتي قدام الناس انها رقاصه.. وهي عشان بت ناس ما ردت ليك بالشين قدام الناس بس راجلها ما رضى ..
نجوى:😡😡😡😡 انتصاااااار ارح قدامي ماعندناوقعده هنا تاااني ..
....
لؤي وبسمه في العربيه ... معاهو قدام .. تتبسم بي تحت براااها ومبسووووووطه لانو دافع عنها..
لؤي غضبااان😡 وسااايق سريييع .. لحدي ما وصلو .. نزلو وهو دخل غرفتو طوااالي ..
هي دخلت غرفتها مبسوو

وطه .. وتضحك .. وهنا قلبها بدا يدق لي اول مره لي زول 😍😍😍.. وهو راجلها حلاالها .. اول حب في حياتها ..
.....
جا الصباااح💙💙 وكان اجمل صباح للبت البريئه الطيبه ...
صحت قبل لؤي واتعطرت بي عطور العروس ولبست فستان قصييير اصفر من فوق ضييق ومن تحت منفوووش شدييد وكمو صغيييير شديييد... .. وفكت شعرها وسرحتو واتمكيجت هاااديء كده ..
وقعدت في الصاله ..
طلع لؤي وهو جاهز للشغل وداير يطلع .. شمى ريحة البخور بتاعت العروس .. ومشى الصاله .. لقى البيت كلو نضيييف ومعطر ولقاها قااعده منتظراهو بالشاي ..
لؤي :😍😍😍😍😍😍 بسمممه
( اتخلللع شديييد بي جمالها.. وقال في سرو.. البت دي كل يوم بتبقى احححلى )
بسمه: بابتسامه رقييقه ..صباح الخييير
لؤي: صباااح الورد ..
بسمه : اكب ليك الشاي؟!
(لؤي بعد ما كان طالع .. قرر يلغي الطلعه والشغل زاااتو بعد شافها😍)
لؤي: ايوه كبي لي.. وجا قعد
بسمه وهو بقو بشربو سوا .. هي مبسوووطه من امبارح
لؤي: انا اسف بالمناسبه .. عشان الحصل امبارح
بسمه: حصل خير يا لؤي .. انا المفروض اشكرك على العملتو معاي ووقفتك معاي
لؤي: بسمه .. انتي مامفروض تقولي كده.. انحنا صاح ما عايشين كا زوجين .. بس انا مابرضى زول يهينك وقدامي كمان ..
بسمه: عارفه عشان نحنا برا كاننا عرسان
لؤي: لاااا.. ما عشان كنا بنمثل اننا عرسان ... عشان انا مابرضى فيك انتي ..
(بسمه هنا دقات قلبها بدت تزيد وحست انها بدت تحب لؤي خلااااص)
لؤي: يازوله كمان عشااااان زعلوك امبارح ..
ارح الليله اطلعك اوديك البحر تغيري جو ...😄
بسمه: جد 😍😍😍 طيب وشغلك
لؤي: ينتظر الشغل ولا ع كيفو زاتو 😉
جهزي فطور وغدا ونطلع نكمل اليوم هناك
بسمه خلاااص قربت تقوم تنطط من الفرح ..
قالت ليهو.. حاااضر من عيوووني😍😍
هنا لؤي دخل الغرفه واتصل على المكتب وقال انو ماجاي ..
طلع لقاها بتحمر في شيبس وخايفه من الزيت .. بتخت وحده وحده 😂😂
لؤي اتكل في الباب وبقى بعاين ليها مبسوط .. حسى انو ربنا اداهو نعمه مفروض يحافظ عليها ..
دخل ليها المطبخ ..
لؤي: ياااا مدلعه خايفه من الزيت ..
بسمه: ماتتكلم معاي وانا بحمر .. براي خااايفه من النار 😏😒
لؤي:😂😂 ياخي حرقتي البطاطس ..
بسمه اتلفتت لقتو اتحرق فعلا
لؤي بضحك فيها😂😂😂😂😂
بسمه: ظرييف لكن .. كلو منك 😔 وزعلت ..
لؤي خلاااص مايهمك انا بعملو معاك ..
جابو البطاطس وقطعو تاااااني سوا وحمرو ليها لؤي عشان هي ماتتشى بالنار😍
بسمه😍😍😍😍😍 .. محظوظه انا والله
عملو الاكل وغيرو ملابسهم وطلعو ووصلو البحر
وقعدو .. هناك وفطرو واتفرجو في الناس
لؤي: بسمه .. اعرفك على نفسي
بسمه: ههههههاي . اقسم بالله نحنا اغرب اتنين .. لو زول عارفنا متزوجين بقعد يضحك فينا ..
لؤي😒😒😒 خلصتي ضحك ؟
بسمه😖 اي خلاص اتفضل ..
لؤي: انا مابحب الازعاج والجوطه والتوتر و النقه .. بحب الهدوووء ومابحب زول يدخل في خصوصياتي .. وقعد يحكي ليها عن اصحابو وحياتو بتاعت الجامعه كانت كيف
هي مبسوووطه وبتعاين ليهو في عيونو وهو بتكلم 😍
بعد خلص قال ليها .. كلميني عنك
بسمه: اوووو ياخي انا فنااانه مشهورة .. برقص وبغني . وبصمم فساتين وازياااء ..
ياخي محظووووظ انت بي 😉 ده غير اني نانسي عجرم 😂
لؤي😂😂😂😂😂😂😂 .. مسكتيها لي صح ..
وقعدو يضحكوا ..
بسمه: لؤي انت ليه بتشرب مرات؟
لؤي .. عشان انسى حاجات بس بتضايقني
بسمه: عليك الله وقفو عشان ماتحصل ليك حاجه حلفتك بي الله
لؤي: خايفه علي انتي ولاشنو ؟!
بسمه😒😒 اخاف عليك ليشنو كمان .. هسي بتمر الشهور وبنتطلق
لؤي هنا حسى بضيق لما سمع كلمه الطلاق كانو قلبو بقول ليهو ... اتمسك بيها .. وسكت ومارد عليها ...
قعدو شووووويه تاني ...
وقال ليها .. بسمه انا داي اتكلم معاك في موضوع لازم تعرفيهو .. واهلي ماعارفين بيهو
بسمه : اتفضل لؤي
لؤي: انا كنت بحب وحده قبل كده
Natsh
نكمل تانيــ. َ😘😘
[22/07 9:44 PM] Lolo: #الريدة_والذكرى_٥
LTD
لؤي: البنت الكنت بحبها يابسمه .. خلتني .. عشان واحد اتقدم ليها غنياااان شديييد .. كانت طماااعه وهمها القروش بس ..
قبل سنتين انا ما كنت ماسك المصانع... عملت علاقه معاها في الجامعه ووعدتها انو حنعرس بعد اخلص الجامعه.. بس هي ماصبرت وخلتني عشان القروش... هههه لو كانت شايفاني الليله بقيت شنو.. كان زعلت اكيييد ..
بسمه:😔😔 انا اسفه يالؤي
لؤي: ماتتاسفي ياخ عاادي.. كل الناس بتتجرح وتتخذل
انتي عارفه اليوم الكنت داير اكلم امي فيهو عنها .. هي رسلت لي انساني بعد ده وكلام فارغ كتيييير
بسمة: ربنا حياخد حقك منها .. ماتشيل هم
لؤي:😄 ارتحت لما حكيت ليك ماعارف السبب شنو 😄
بسمه: ههههههه .. يلا انا لا حبيت لا حبوني .. قاااعده ساااي وحااات الله😂😂
لؤي: ههههههه .. ظريفه ياخ انتي
بسمه: 😄 تسلم ياخ .. ومدت ليهو يدها
يلا يا رجل الاعمال لؤي ممكن تبقى صاحبي؟
شوووف نانسي عجرم زااااتها مدت ليك يدها عشان تبقى صاحبها..
لؤي: هههههههه .. طيب وانا موافق . وسلم ع

ليها ..
وقام على حيلو وجرا يدها وقال ليها ... ننوسه اتاخرنا بعد ده ...
ركبو العربييييه ورجعو. لي بيتهم ... والاتنين مبسووووطين شديييد ...
عدى شهر من العرس .. وهم بسلمو وبتونسو مع بعض وبدو يقربو لي بعض شووويه شوويه ....
لحدي ما جا يوم المصيبه ... حصلت حريييقه كبييييره في مصنع الزيوت ..
بسمه اول ما جاها التلفون .. خافت وجرت سرييييع .. تشوف لؤي وين .. وصلت محل الحريق وما لقتو..
شافت ابو لؤي وجرت ليهو..
ابوي ابوي .. لؤي وينووووو😔😔
بخوف وقلق شدييييد
ابو لؤي مسكها ورجعها وقال ليها لؤي ما حصلت ليهو حاجه ومافي زول اتأذى اهدي يابت وارجعي بيتك .. مشى الشرطه يفتح بلاغ بس .. ارجعي وحيجيك هناك ..
هي بكت ومسكها ابوهو .. ودخلها العربيه ووصلها البيت ..
انتظرتوو بي فارق الصبر.. واول ماجا داخل جرت عليهو وهي بتبكي..
لؤي انت مجنوووون .. لوحصلت ليك حاجه هسي😡😡 كيف تعرض نفسك للخطر.. وبكت بتكورك فيهو وهي بتبكي ..
لؤي واقف مخلوع😳 يابت استهدي بالله انا قدامك ..
بسمه: انهارت .. وبكت شدييييد .. انا خفت عليييك ..
لؤي مسكها وقعدها في الكرسي وقعد في الارض .. مسك يدها .. وقال ليها انا كويس بسمه .. انا جنبك ماتخافي ..
بدون ماتفكر .. شالت يدو ورقدت فيها على الكرسي وهي بتبكي
لؤي .. مسح ليها دموعا وبقى يهبش في شعرها ويقول ليها نومي عشان تهدي... وهي بتعاين ليهو .. غفت ونااامت ..
هو عاين ليها وابتسم وشالها ونومها في غرفتها وغطاها .. وطلع ..
وكل مايتذكر منظر خوفها عليهو وجريتها يبتسم براااهو😃
....
لحدي ماصحت .. استحممت ولبست فستان قصير احمر ورفعت شعرها كعكه انيييقه ومكياج خفيييف وروج خفييف وطلعت قعدت تحضر في الصاله فيلم عمر وسلمى...
جا لؤي طالع من غرفتو بعد نام هو زاااتو .. لقاها قاااعده ...
ابتسم اول ماشافها وبقا بعاين ليها من بعيييد .. وحاسس بشعور حلوو اتجاها .. وسرحااان في جمالها 😍
جات اغنية الله يبارك لي فيك .. تامر حسني.. في الفيلم .. جا لؤي لي بسمه .. مد ليها يدوو.
بسمه:😳 لؤي صحيت بتين
لؤي: ياصاحبتي الحلوة ممكن ترقصي معاي ..
بسمه:😳😳😳 لؤي؟؟؟
لؤي .ايوااا كده مابمشي الحال ... قعد في الارض ومد ليها يدو..
الغنيه حتنتهي يا صاحبتي الجميييله 😉 وااافقي عشاني ..
بسمه:😳 لؤي قوم من الارض ..
لؤي: ماحاقوم الا توااافق البنت الجميله انها ترقص معاي
بسمه خجلت ومدت ليهو يدها وقالت ليهو.. طيب ..
ووقفو يرقصو اسلو.. وقربو لي بعض .. وبسمه دقات قلبها بدت تزيييد وتتوتر
لؤي على فكره انتي احلى وشعرك الطويل نااازل
بسمه خجلااانه وساااكته بس ..
لؤي .. فك ليها شعرها .. ولفها .. والشعر لفى معاها 😍😍
وتاني قرب ليها.. وبقى يغني مع الغنيه
بسمه: صوووتك سمح ياخ😂
لؤي: يازوله بغني بس😂😂😂
ضحححكككو شويه كده سوااا .. وبسمه خجلاانه لسه ..
لؤي : قرب لي اضانها وهمس ليهاا.. اسم على مسمى.. ابتسااامتك حلوووة شديد بسوووم ..
بسمه هنا وقفت الرقصه وحست انها اتوترت وخجلت واحاسيسها اتلخبببطت شدييييد..
لؤي: مالك )بابتسااامه حلووة)
بسمه: مافي حاجه بس الغنيه خلصت😄
لؤي: ههه والاه ما انتبهت ليهااا 😄
بسمه: ممكن تفكني طييب؟
لؤي: قرب ليها شدييييد وهو ماسكها من نصها .. ولو ما فكيتك ؟
بسمه نزلت راسها وخافت وقلبها دق اكتر ..
لؤي: ريحة عطرك حلوووة😍
بسمه بسه منزله راسها .. طيب فكني لوسمحت
لؤي رفع راسها بي يدو .. وقال ليها ...
في زول بتكون في يدو اميره جمييييله كده وبفكها.. الله اداني انا...
(هنا بسمه عاينت ليهو جوووه عيونو.. وقربت ليهو .. والاتنين قربو شديييد وهم بعاينو لي بعض .. لحدي ماضرب التلفون😂(
لؤي:😡😡😡 ده وقتك ياخ انت ..
بسمه:ههههههههههه
لؤي: اضحكي اااي لمصلحتك جا بس😒😒
فكاها .. ومضى رد وكان التلفون من المصنع ... وهو بتكلم
بسمه كانت واقفه بتعاين ليهو .. وهي هنا اتاكدت انها بدت تحب لؤي خلاااص😍😍😍..
.......
الصبااااح 🍀🍀
نورة ورؤى. ونشوى
صحبات بسمه .. كانت مجتمغين يفطرو في المطعم
نورة: انتو ياجماعه بسمه دي من عرست مافي خبر ليها
نشوى: ليها حق ياااخ... راجلها الكساااار ده 😍😍😍 انا لو محلها كنت بتحبس معاهو ومابطلع نهاااائي .. عشان الناس زاتو مايعاينو ليهو ...
نورة: هههههههه ياخ انتي مجنوونه .. لكن راجلها سمح شديييد ياخ ❤❤❤
نشوى: شكلو بحبهااا شدييييد .. وما قادر يخليها تبعد منو 😉
نورة: ههههههه مججرمه ياخ
رؤى كانت ساااكته وبتعاين ليهم وهم بتكلمو ..
قالت ليهم.. ولا بحبها ولا حاجه ... ومغصوب عليها بس .. وعي ماا مبسوطه اصلا معاهو 😡
نورة: رؤى مالك هايجه كده .. اصلا بسمه دي منو الما بحبها بروحها الحلوووة دي❤😄
رؤى: انا ماشه يلا باي
نشوى: دي مالها كمان اضايقت كده😳😳
نورة: بري شكلو في قصه عن العرس نحنا مافاهمينها ..
..... لؤي كان قاعد في المصنع وجاهو تلفون من السكرتيره
لؤي: الووو
السكرتيره: استاذ في وحده قالت عايزة تشوفك
لؤي: اتبسط شدييييد.. وقال خلاص دي بسمه جايه تش

وفني
خلاص دخليها طوالي ولو جا زول لينا ما تدخليهو طيب
السكرتيره طيييب استااذ
لؤي.. انتظرها تدخل وهو فرحاااان ..
بس دخلت رؤى صحبة بسمه ..
لؤي اول ماشافها 😳😳😳 الجابك شنو انتي
رؤى: جيت اتكلم معاك
لؤي: بنهره .. وصوت عالي اطلعي بره😡😡
مافي بينا اي كلام
رؤى: حبيييبي اسممعني. علييك الله
لؤي: اوووووعك تقولي لي حبيبي تاني سمعتي
ومافي بينا اي كلام .. اطلعي برا👈
رؤى الدموع بدت تنزل منها .. عليك الله اسمعني
لؤي: بعد خطيبك خلاااك خلاص جايه تقولي لي اسمعني
انا ما مستعد اسمع اعذااارك زاااتو👈 يلا برا قلت ليك
رؤى: لؤي انا لسه بحبك ودايرااااك😢
لؤي: انتي شكلك مابتفهمي وجا مسك يدها وطلعا وقفل الباب
رؤى قعدت بره بابكي والسكرتيره بتعاين ليها ومخلوعه فيها😳..
........
هناك بسمه كانت بترتب في البيت ...
ودخلت غرفه لؤي مبسوووطه ورتبتها ولما جاتوللعطور .. اخدت عطرو وبقت بتشم فيهو .. وانتبهت انو الصندوق مفتووح ..
قربت لي الصندوق .. وفتحتو ..لقت اوراق وكلام وغزل وشعر.. وصورت بت مشروووطه .. نصها بس.. عاينت ليها وقالت دي اكيد بتكون حبيبتو ...
لقت لوح خشب حلو منحوت فيهو ..
( حبييبي قد جمعنا القدر وكتبنا لبعضنا وخلقنا في هذه الدنيا كنصفين فرقهما المكان فقط.. ولولا ذاك الحرف لكنا اصبحنا روح واااحده .. احبك بقدر هذه المسافات وبقدر نبضات قلبك .. عام سعيد على قلبك وعام مفرح لي روحي..متيمتك💋💘)
بسمه بعد قرتها استغربت واتعجبت شديييد ..
حرف واااحد !؟
البت دي قصدت شنو!؟
اكيييد في حاجه ورا كلامها ده .. اكيييد قاصده حااجه
Natsh
نتقاااابل تاااني💋💋
[22/07 9:44 PM] Lolo: #الريدة_والذكرى_٦
LTD
#

جا لؤي راجع من الشغل واخلاقو فوووق شديييد.. بسمه سمعت رزعت البااب.. جرت سريع من الغرفه بتاعتو..
لاقتو في الصاله... لؤي خير مالك زهجان؟!
لؤي: بنهره وزهج .. مااااليك دخل😡😡 امشي من وشي في الساعه دي😡😡 ماناقصك انتي كمان .. ودخل وقفل الغرفه بتاعتو عليهو ..
بسمه هنا العبره مسكتها وقررربت تبكي .. دخلت غرفتها وحبست نفسها هي برضو.. ومن الزعل ناااامت😔
صحت العصريه .. وصلت وحضرت الغداء وختتو لي لؤي وطلعت بره ..
عندهم مرجيحه كده قعدة فيها تتمرجح وخاته سماعاتها بتسمع..
لؤي صحى من النوم واستحمى وصلى برضو وطلع لقا الغداء مختوت ومغطى... نادها بسمه بسمه ماردت..
تطلع بره لقاها بتتمرجح وسرحاااانه ..
جا وقعد جنبها في المرجيحه ... هي طوالي صرت😖 وجات تقوم ..
قال ليها اقعدي لوو سمحتي 😔
قعدت .... ساكتين الاتنين وبتمرجحو .. لؤي
بسمه انا اسف شديييييد والله ما كان قصدي ازعلك ..
بسمه: ما تتأسف.. اصلا غلطاانه انا السألتك واتدخلت فيك..ومالي حق اصلا...
لؤي: ماتقولي كده
بسمه: خلاص موضوع وانتهى .. حصل خير
لؤي؛: لو حصل خير .. ليه عملتي الغداء وختيتيهو لي عشان اكل براي وانت ما اكلتي..
بسمه: انا ما جعانه .. امشي انت اكل وخليني اسمع بتلفوني
لؤي: ما حاكل الا تاكلي معاي ..
بسمه: طيب انا حاخت سماعاتي وما دايره اتناقش معاك في حاجه
لؤي:😳😳😳 ..
(قلع السماعات منها وختاهم في جيب التشيرت بتاعو )
بسمه: لؤي .. رجعهم لي عليك الله ياخ 😡
لؤي خت يدو في خشمها وقال ليها ( هسسسسس ) ورقد في كتفها
(بسمه مخلوعه وخايفه وقلبها وقف عدييل ..😳😳 ولسانها اتربط فجأة😳)
لؤي: ياريتني .. لو بقدر اعيش هنا بس .. ياريتني لو يدك الناعمه دي.. وروحك الطيبه دي..
ومسك يدها وهو لسه راقد على كتفها ..❤
بسمه ماقدرت تشاكلو ولا تنهرو.. وختت يدها في شعرو وقربت منو .. واتكلت هي زاتها في راسو ..
لؤي: ماتقولي ولااا كلمه .. بس خليني ارتااح هنا جنبك .. لاني تعبان يابسمه شديييد..
بسمه بدون ماتشعر قالت
الله يحفظك حبيييبي ويخليك لي❤
لؤي قام مخلوع من كتفها 😳😳😳😳😳
قلتي شنو هسي😳
بسمه.نكرت طوااالي😱.. لالا لا.. ماقلت شيء .. والله
لؤي: يازووله كأني سمعت كلمة حبييبي 😆
بسمه: 😡😡 ماقلت كده قلت ليييك .. وقامت وقلعت السماعه من جيبو ودخلت جوا..
لؤي بي وراها بقى يضحك 😂😂.. وسكت وقال
انتي حبييبي وحبييبتي وروحي وراحتي كلها في الدنيا دي💙..

.....
لما دخل جوا لقاها قاعده بتاكل ومن شافتو حمرت ليهو😒
لؤي: كأنو سمعت لي زول برا قال ما جعان.. سبحااان مغير الاحوال..
بسمه: ماتتكلم معاي قلت ليك😡
لؤي:،😂 طييب ما تتكلمي والاكل في خشمك .. عايني خشمك كلو سلطه بيضاء كيف😂
بسمه:😳😳 شالت تلفونها سرييع تتاكد وعاينت لقت مافي
حمرت ليهو😒😒 وهو بضحك فيها😂😂
( مشكلتك بتصدقي سريييع بسوووم😉)
بسمه في سرها
:😳😳😳 بسووم ده مالو الليله .. وقبل شويه اتكل في كتفي ..😳😳
( ورن تلفوون لؤي )
مشى لقاهو رقم غريب .. شالو ورد ..
لؤؤي: الووو
رؤى: حبييبي
لؤي:😳😳..
( عرف صوتها بس اتوتر قدام بسمه وما قدر يتكلم .. وبسمه كانت بتعاين ليهو.. حست بي تعابير وشو اتغيرت وكأنو اتوتر شديد)
لؤي لي بسمه
ده تلفون من المصنع .. دقيقه بس😉
بسمه: اتفضل 😄
لؤي دخل العرفه وقفله

ا .. وطوالي انفعل في رؤى
ضاااربه مالك انتي يابت .. افهمي انا اتزوجت خلاااص .. بقت عندي مره وبحبها والله شاااهد .. ابعدي من سكتي ياخ
رؤى: ههههههه .. تحبها شنو لؤي .. انا عارفه انك بتحبني لحدي هسي
لؤي: غلطااانه انتي .. مابحبك ياخ ومادايرك.. وامشي شوفي ليك عريس غني تاني واصطادي ..
رؤى..حرقتها كلمتو شديد😡😡 بس بلعتها جوا
رؤى؛: لؤي انا مابقدر اعيش من غيرك
لؤي: لكن انا بقدر قلت ليك 😡😡.. ماتعملي لي مشاكل وتدقي لي من ارقام غريبه.. هسي لو مرتي كانت ردت عليك
رؤى: لؤي بس انا بحبببك ياااخ افهم
لؤي: رؤى للمره الزفتيييين😡😡😡😡 الحب البينا انتهى زمااان ... وخليني في حالي احسن ليك عشان ما اتصرف معاك تصرف مايعجبك
وقفل الخط 😵
...
رؤى: قفلت في وشي يا لؤي ... طيب انا بوريك. . والله ما اخليك تعيش مبسوط مع وحده غيري انا ... انت لي انا بس ومن حقي اناوبس
....
لؤي قعد ارتاح شويه عشان مايطلع لي بسمه وهو صاري
طلع لقاها قاعده منتظراهو .. اول ماشافها حسى بي راحه غرييييبه في قلبو .. ابتسم ليها 😄
بسمه:😳 الليله الراجل ده ماطبيعي 😳
بسمه: لؤي لو سمحت انا بكره دايره امشي لي ناس امي من عرست لي شهرين مامشيت ليهم ..
لؤي: طيب مافي مشكله بوصلك الصباح ليهم انا زاتي واسلم عليهم 😄
..بسمه: شكرا ليك😄
لؤي: اااي اوامر تانيه يا سكر 😉
بسمه،خجلت كدع وهو بشاغل فيها وقالت ليهو لا😄
....
الصباااح🌱🌷🍁🌻🌺
لؤي: يابت ماتطلعي ليك ساعه بتتظبطي....
اناعاارف حركات النسوااان دي ياخ 😠
بسمه: طيب طيب .. جايه جااايه ..
وجات طالعه .. لابسه فستان طويل شفون مخطط خطوط عريييضه .. بيجي بي ابيض .. وفاكه شعرها وعامله بوف بي قدام .. وروج كبدي 😍.. وشبط كبدي
لؤي:😍😍😍😍😍😍😍 تباااارك الرحمان .. سبحاااان الخلقك ..
مشى وقرب منها شدييد .. وهي قلبها بدا يطق طق 👻
بسمه:،😰 لؤؤؤي مالك في شنو
لؤي: داير اشم عطرك عشان حاشتاااق ليييك
( قالها بصوت هاااديء وحنييين وبي شغف كده عاين ليها جوووه عيونها )
بسمه الخجل قتلها وماقدرت تعاين ليهو زاتو ... بس حبت تكاويهو😝
لزتو لي ورا وقطعت ليهو لحظه حبو واعجابو بيها😏
قالت ليهو: يازول انت الايام دي بتتعدى حدودك شديييد .. نسيت اننا اصحاب بس... والاصحاب مابحصل بينهم كده 😉
لؤي:😠😒.. طيب تمام
بسمه: بعدين قرررربنا نتم السته شهور ..زاتها الشهور بتمشي سريع 😉
ومشت قدامو.. لؤي بي وراها .. حس بزعل كده .. من سمع سته شهور بس ماقدر يتكلم .. لانو هو البدا من الاول بالقصه دي ...
ركب العربيه وهو بفكككر في كلامها القالتو ده ... وصلها ونزلت
سلم على امها خاله منيره واهلها وطلع
امها ساقتها ومشت الغرفه ...
منيره: يابت احكي لي .. لقيتي العرس كيف
بسمه حضنت امها شديييييد وبكت شديييد..وامها بكت معاها
منيره: اعفي لينا يابتي انتي عارفه ابوكي صعب كيف .. لو ما سمعتي كلامو كان حيهد الدنيا في راسنا
بسمه: امي انا مازعلانه منكم انا بس اشتقت لييييكم .. وصاح ابوي غصبني على العرس ده .. بس دايما قراراتو كانت صح ولمصلحتي ... ابوي انا مفروض احضنو واشكرو على النعمه الغصبني عليها
( منيره فرحت شدييييد وقالت ليها)
كيف كيف حبيبتي😉
بسمه: امي انا بحب لؤي شديييد ومتعلقه بيهو شديييد بقيت .. ماعارفه الاتغير شنو .. بس حبيتو واتعلقت بيهو .. وبقيت مابقدر اقعد ساي الا اسالو ولا اشاغلو ولا انق ليهو في راسو ...
امي انتي ماشفتي دافع عني كيييف اليوم داك😍😍
( وحكت ليه قصه العزومه )
منيره: حضنت بتها بسمه وباستها قي راسها وقالت ليها عااااافيه منك يابتي واتبسطت شدييييد لييكي .. فرحتيني بالخبر ده والليله ابوك بطير من الفرح ...
بسمه: الحمد لله 💙
( بس اتذكرت قصه الطلاق وابت تحكيها لي امها عشان ماتزعل بعد فرحتها )
بسمه: امي.. بس انت ما متاكده انو لؤي بحبني ولا لا ودايرني ولا لا
منيره: حصلت بيناتكم حاجه؟
بسمه: لسه يا امي الموضوع ده والله
منيره: يابت كيييف للان ماحصل شي 😳😳.. وانا قلت تجي تفرحيني انك حامل هسي😒...
ماتكوني قلتي ليهو مايلمسك؟ . كده حرااام والملائكه بتلعنك يابت .. دي حدود الله 😱
بسمه: امي ماتستعجلي . في حاجات حصلت مابقدر اقولها ...
بس يا امي دايره اعرف لؤي بحبني ولا لا . اعرف كيف؟؟
منيره : حسابك بتاع الفيسبوك بتاع الجامعه العملتي زمان جديييد وقفلتيهو .. حافظاهو ؟
بسمه:😳 اي مالو
منيره: انا اوريك هسي مااالو 😉
بسمه :😳😳
Natsh
.. 😘😘😘😘
#كل_العشق زاتو😘😘😘
💗💙💚❤
[22/07 9:44 PM] Lolo: #الريدة_والذكرى_٧

#
رجعت بسمه مع لؤي البيت ودخلت غرفتها..
وبقت بتفكر في كلام امها .. 😋😋 .. ياربي حاتاكد كده ولا كيف ..
شالت الابتوب وفتحت حساب الفيس بتاعها القدييم وغيرت الاسم .. والمعلومات .. ورسلت لي لؤي طلب صداقه ..
هنا لؤي كورك ليها ... يااابسمه تعالي طلبت بيتزا نتعشا بيها..
طلعت وهي بتعاين ليهو ماسك تلفونو .. وقبل الطلب طوااالي ..
اكلت سرييع وكانت دايره تجري تشوف اللابتوب .. مسااافه

تمشي تلم الاكل .. لؤي دخل غرفتها قال ليها داير وصله .. وبسمه قالت ليهو في الغرفه جوا ...
بعد لمت الاكل جرت فتحت الابتوب ..
لقتو وافق 😒.. بسمه
ايوااا يا حيوااان .. انا بوريك😡
رسلت ليهو : اهلين
رد عليها: يامرحب
بسمه: انا ابتهال كنت بدرس معاك في الجامعه يالؤي اتذكرتني
لؤي:😳😳ابتهاااال!؟
ماعرفتك والله ..
ابتهال: لؤي ياخ انا كنت معجبه بيك شدييييد وماصدقت لميت في حسابك من عمار صحبك بعد حنستو
لؤي: تسلمي يارب😄
كيفك انتي واحوالك ؟
بسمه: الحمد لله انت كيفك ؟
لؤي: تمااام والله ..
بسمه( ياحيواااااان😡😡😡 مابتحترم مرتك ..😡😡😡 ماااصدقت لقيت مزة طوااالي وافقت😡😡)
لؤي: انتي الفي الصوره دي؟
بسمه: ايوووا انا
(بسمه كانت خاته صورة بت جمييييله شديييد حسب وصية امها😆)
لؤي: ماشاااء الله ربنا يحفظك
هنا بسمه خلااااص دايره تموت من الغيييظ .. وقالت ليو
تصبح ع خير 😄😃
لؤي: وانتي بخييير ابتهال 😉
بسمه😳😳😳 .. بعد ده قول لي نتقاابل عليك الله .. حيوااان😡😡
وناامت وهي زعلااانه ..
لؤي صحى الصباح دخل غرفتها لقاها ناايمه ..
شايفه اللابتوب وضحك 😂.. وختى ليها ورقه في التربيزة .. وباسها في راسها وطلع ..
وهي نااايمه ماجايبه خبر اي حااااجه ..
لما صحت شافت الورقه فتحتها ..😳😳
( بسووومه الانييقه الرااايقه الجمييله .. جيتي البيت ده مرتي .. بس هسي بقيتي اكتر من مرتي😄...
ياسكر الزول الوااضح مابقدر يكذب ..😂😂 .. بعدين الزول ما من اول تعارف بقول انا معجبه بيك يالؤي 😂.. رسلتي لي الطلب من اللابتوب وانتي بتاكلي سريع شكيت في الموضوع .. دخلت غرفتك لما كنتي بتلمي في الاكل ونقشتك ياهبله😉😘.. بعدين يا ابتهااال 😂 اعرفي رد راجلك من الفيس 😘)
... بسمه بتقرا فيها وبتضحححححك في نفسها😂😂
وفتحت الابتوب سريييع تشوف ردو .. لقتو
يا ابتهال رغم انك بت جمييييله شديييد وانا عارف طبعا انك جمييييله شديييد😍😍 لاني شاااايفك .. 😘😘
بس انا راجل متزوج والحمد لله مرتي ماليه عيني والدنيا كلها علي ..
بسمه .. انتي روحي وحبيبتي .. والوحيده البقيت بقيم الليل عشان ربنا يوفقني معاها ويرزقنا الذريه الصالحه ..
بسمه انا بريييييدك ❤ وبريييد ابتسااامتك يا نعمة من رب السما💖
... اليوم القتي لي فيو حبييبي بالغط .. كنت مبسوووط شديييد .. واتمنيت اسمعها منك ... ليك الحق انتي بس التحددي علاقتنا شنو نوعها.. لاني انا البديت اصدك .. 💔 ولو عارف حيجي يوم واحبك فيهو كده .. كنت سجدت بعد العرس سجدة شكر طوييييله يانعمه من رب السما💝 ..
(بسمه بعد قرت الرساله بكت شديييد .. وفرحت واتلخبطت .. وقااامت سريييييع .. جهزت البيت ونضفتو وبخرتو ... وجرت الكوفير .. رسمت وصبغت شعرها .. وزاااد سواادو 😍 .. ورجعت البيت
كانها الليله عروووس 😍 .. لبست فستان ابيض قصيييييير شديد وضيق ع جسمها واسترابلوس .. وفكت شعرها مسدوووول ناازل على ضهرها كلووو... ولبست حجل مع الحنه😍 ..
وانتظرت لؤي .. اول ماجا داخل لقى البيت مضللللم ..
فتح النور لقى شموع مرصوووصه في البيت والبخور وريحة العروس ..
ناداها : بسمممه بسمممه .. ماردت ..
دخل غرفتو وغير ملابسو وطلع لقى الانوار مطفيه والشموع مولعه..
واغنيه ( بينا المحبه مقسمه.. محمد الجزار شغاااله بصوت عااالي من المسجل😍)
لؤي:😍😍😍 بسمه وين انتي ..
ظهرت ليهو بي ورا وغمضت عيونو .. وهمست ليهو .. حبيييبي 💗 تسمح لي بالرقصه دي ..
لؤي: 😍 بصوووت حنييين وحلووو
انا سامع صوت حجلك وشامي ريحة عطرررك .. متعبااني لي كده انتي ..
بسمه: ابتسمت بخجل كده .. ولسه مغطيه ليهو عيونو بي يدينها ..
وهمست ليهو.. لؤي انا بريييدك اكتر من الهواء البتنفسو💜
(هنا لؤي ماقدر يكون مغمض .. مسك يدها الماسكاهو بيها وجراها وجات قدامو .. وشافاها .. اول حاجه قاله
بسمه انا محظووووظ بييك شديييد💝..
بسمه ابتسمت ونزلت راسها وخجلانه
لؤي قرب منها شدييييد ورفع راسها وعاين ليها جوه عيونها .. قال ليها..
انا برييييدك اكتر ياروحي وياحبيبتي ويا حلااالي ❤💘
بسمه هنا حست انها عايزة تدووخ بس .. واحساس غريب جاها.. بس.ماكانت خايفه لاول مره ...
لؤي مسكها من نصها وهي بدت دقات قلبها تشتغل .. والغنبه لسه شغاله .. بسمه غمضت عيونها ...
ولؤي حضنها لاول مره .. احساس غريب بالنسبه ليهم الاتنييين ..
بسمه بدون ماتشعر حضنتو هي كمان💗 وقالت ليهو .. حبيييبي
هو بسمع فيها ..
بسمه: لؤي، دايره اقول ليك حاجه ...
لؤي ختى يدو في خشمها وسكتها )هسسس)
بسمه حست انو انفاسهم زاتها بدت تختلط في الهوا ..
لؤي: انت حلووة كده ليييه 💗
بسمه 😋 خجلاااانه وساااكته
لؤي: ماقادر اشيل عيوني عنك 😍
بسمه😋 خجلااااانه وسااااكته
لؤي: بسمه
بسمه: حبيييبي😍
لؤي: عيوون حبيبك .. انا مشتاق ليك وانتي جنبي
بسمه خجلت وسكتت
لؤي قرب منها شديييد ... وشالها ..
بسمه 😨 خلاااص الخوووف اشتغل
لؤي نزلني ماااشي وييين
لؤي: مااشي اروي شوووقي ده ..
بسمه خجلت وساااكته .. ولما قرب لي

باب غرفتو
بسمه؛: لؤي قبل ماتدخل وديني غرفتي.. جايبني غرفتك ليييه😨
لؤي: ههههههههه .. من الليله دي غرفتنااا
بسمه: لؤي نزلني .. غرفتنا شنو .. اوووعك تتهور.. انت مش قلت انوو نحنا اصحاب .. نزلني يلا ..
نزلها لؤي جوه الغرفه وقرب بيها شدييييد لحدي ما وصلت الحيطه وهي خايفه ..
لؤي همس ليها : انتي خشمك ده مابسكت صح ... انا حاسكتوو لييك بي طريقتي الليله ..
وقفل الباب ولزاهو بي رجلو 😊..
( وقطعت جهيزة قول كل خطيب😉)
.......
الصبااااح🍀🍂🍁🍃
تلفوون لؤي بيضرب ويضرب .. وهم الاتنين نايميييين
لحدي مابسمه صحت وكان الخط قطع .. عاينت لقت لؤي راجلها حبيبها جنبها ..
قربت منو وبقت بتلمس في وشو بي يدها .. خدود وعيونو وحواجبو وكل حاجه في وشو هي بتلمس فيها .. لحدي ماصحى لؤي
بسمه: صباح الخير
لؤي: ابتسم ليها وهو راقد لسه صباااح الهنا حبييبي ..واداها
بوسه كده على يدها 😘.. وهي برضو مسكت يدو باستها ..
بسمه: حبييبي انا حاقوم اخد دش 😄
لؤي: طييب ياعمري انا 😘 وانا كمان قايم ..
اخدو دش .. وبسكه حضرت الشاي والسعاااده وااااضحه من وشها ..
قعدت وجاها لؤي ..
بسمه : لؤي كبيت ليك الشاي في كبايتك البتحبها
لؤي: ماداير😏
بسمه: ليييه😳
لؤي جا قعد جنبها في الكنبه وشال كبايتها من يدها وشرب
وهي بتعاين ليهو ..
قال ليها : كده طعمو احححححلى 😉
اشربي انتي من ديك
بسمه: 😂😂 مستهبل خلاااص انت
.........
رؤى الكانت بتضرب لي لؤي .. ولما مارد ضربت لي بسمه
ولما ماردت .. عرفت انهم كانو مع بعض ...
ونار الغييييرة حرقتها وبدت تشتعل اكترررررر
رؤى: طييب يا لؤي .. لو ما اخدت سعااادتكم دي ما حارتاح ..
ليييه بسمه تعيش مبسوطه وانا لا ..
وقررت انها تمشي البيت تقااابل بسمممه
Natsh
نتقابل 😘😘😘
#كللللل_الحب
[22/07 9:45 PM] Lolo: #الريدة_والذكرى_٨

LTD
رؤى شالت تلفونها ودقت لي بسمه ..
بسمه الوقت دااك كانت راقده على كتف لؤي .. وبحضرو سوا في كوميديا وبضحكو ..
بسمع: كأنو ده صوت تلفوني ..وقامت عشان ترد..
الوووو حبيييبتي 😘😘 مشتاااقه ليك ياخ
رؤى ؛ وانا كمان نفسي اشوفك بعد العرس طوووولت منك ياخ ..
بسمه: والله انا اشتقت ليكم كلكم حبيبتي 💔
رؤى: خلاص الليله بمر عليك بس بعد راجلك يطلع عشان ما ازعجك
بسمه: ههه ما مشكله حبييبتي .. مستنياااك 😘😘
وقفلت الخط....
لؤي: دي صحبتك ولا شنو ؟؟
بسمه: اي صحبتي رؤى من الجامعه بحبها شديييد ياخ 😍💝
لؤي: ربنا يخليكم لي بعض .. وقام ومسك يدها وباسها ليها وقال ليها .. انتي منوووو الما بحبك يا احلى بسمه ..😘
بسمه ضحكت وخجلت ..
لؤي: يلا انا حاجهز عشان طالع ..
بسمه: حبيبي.ليه تطلع😞💔
لؤي: لو بي يدي ما اطلع واقعد معاك اليوووم كلوو.. بس لازم امر على القسم واشوف البلاغ ..
ودخل يلبس للشغل..
بسمه لحقتو جووه .. خليني ازرر ليك القميص ..
لؤي:😋😋 طوااالي ..
قربت منو وبتزرر فيهو وحده وحده وهو بيهبش في شعرها .. ويعاين ليها في عيونها وملامحها ..
بسمه: لؤي خلي الشعر ياااخ
لؤي: مش حقي 😆
بسمه:😏😏 حقققي انا ياظريف
لؤي شداها ليهو وحضنها وهمس ليها .. انتي كللللك حقتي برااااي 😉
وشم ريحة شعرها 😚 ...
بسمه: لؤي ماتمشي ياااخ .. خليييك جنبي مشتااقه ليك ..
لؤي: هههه يازوووله حاخليك تشتاااقي كده لحدي بالليل😉
وباسها في راسها وطلع .. ربنا يحفظك ..
بسمه: اااااحححححي ياقلبي.... مع السلامه طييب😘😘
.....
الظهر جات رؤى تشرب معاها القهوه ..
سلمت عليها بسمه بي فرحه وماعارفه نيتها شنو😔 وفي حاجات مرات بنجهلها .. وفي حاجات احسن مانعرفهااا ... 😰...
بسمه جابت القهوة وقعدت وكانت لابسه بنطلون اسود وتشيرت حلاوي ومسرحه وجميييله😍😍
رؤى: اخبارك شنووو يااعروووس😉😉
بسمه: الحمممد لله
رؤى: امووورك شنوو يا عروس مع راااجلك
بسمه: تماااام والله😄
رؤى: علاقتكم ماااشه كيييف
بسمه بي كل برااااءه
رؤى😍😍😍 انا ولؤي. حبينا بعض .. بقينا متعلقييين بي بعض شدييييد وبقيت ماقادره ابعد عنو.. هسي لما جا طالع كل دقييقه بحضن فيهوو وماقادره افكو بقيت حتى وانا معاهو بشتاق ليهو ولي عطرو .. بحس انو عايزين نقضي اليوم كلو جنب بعض .. زي امبارح 😍
رؤى الغيره جواها اشتعلت اكتر .. وسألتها
زي امبارح يعني شنو؟!
بسمه: امبارح انا ولؤي .. 😍😍 كنا مع بعض لاول مره
رؤى: كيف كنتو مع بعض؟!
بسمه: ياخ افهمي ياخ ياصحبتي .. وضحكت
رؤى: قصدك انو انتو خلااااص راجل ومرتو .. يعني حصل الحصل؟؟
بسمه:ااااااي😍😍😍😍
رؤى اتصدمت واتغااااظت بس ماقادره تعبر قالت ليها
طييب نقول مبروك ياااعروسه .. 😄
بسمه: 😋 والله اتمنيت انو اليل مااايخلص والصباح مايجي زاتو وانا معاهو..
رؤى:😋( مااقادره تتكلم من الصدمه)
بسمه: ياخي انا قعدت اتكلم واربرب وما سالتك اذا فطرتي .. خليني احضر الفطور ونفطر سوا
رؤى:اووك طيب
لما دخلت بسمه المطبخ .. رؤى اتسحبت ودخلت غرفه لؤي ..
لقت الغرفه جااايطه وريحة بخور العروس معبيه الغرفه ..
قميص لؤي كان على السرير .. ش

التو وشمت ريحة لؤي .. ورجعت احساااس حبها الزماااان وحست انو لؤي مفروض يكون ليها .. وهي نست بسمه وروحها وبقت بتعاين في غرفه لؤي
بسمه طلعت من المطبخ وختت الاكل في الصفره لقتها ماف ..
دخلت غرفتها .. برضو ماف😳
فتحت باب غرفه لؤي .. وهنا رؤى رمت قميص لؤي من يدها ..
بسمه : رؤى😳😳😳😳
بتعملي في شنو هنا؟؟
رؤى بصوت متردد كده .. دخلت الحمام مش دي غرفتك ؟
بسمه: لااا .. دي غرفة لؤي
رؤى: انا اسفه .. ماقايلها غرفة لؤي
بسمه : طيب انا حضرت الفطور ارح
رؤى:طيب .. ومشت سريع قدامها
بس بسمه استغرببببت من رؤى شدييييد ...
.....
لؤي لما جا العصر خلص بدري ..
وقال انو مشتاق لي مرتو .. شال ورود طبييعيه حمراء وبيضاء وزهريه .. ومشى دور عرييتو .
هنا بسمه ورؤى كانو بتونسو ... ضرب ليها لؤي ..
بسمه: ده لؤي😍😍😍
رؤى:،😡😡😡... طيب ردي عليهو😄
ردت عليهو .. وصوتو كان واااضح .. رؤى بتقدر تسمعو
بسوووم حبييبي .. لسه معاك صحبتك؟!
بسمه : ايوا حبيييبي ..
لؤي:يازوله انا اشتقت ليييك وجاي اخطفك هسي
بسمه: ههههه طيب حبييبي
رؤى كانت سامعه المكالمه والحسد بي جوه اكلها شدييييد ...
وقفل الخط لؤي... بسمه: ده لؤي قال راجع يطلعني من البيت
رؤى:ايوااا .. طيب حانتظرو اسلم عليهو واطلع ...
بسمه: اي عشان هو زاتو يتعرف على صحبتي البحبها 😘
رؤى: بابتستمه خبيييثة طيب
( وفي قلبها كانت ناويه شر شديييد)
.....
في بيت بسمه هناك امها وابوها بتكلمو
منيره: يامحمد والله اتبسطت شدييييد انو بنتنا عايشه مبسوووطه
محمد: يعني قالت امورها تمااام صح؟
منيره: تماااااام الحمممد لله ... عاااد انت يا ابو بسمه تتعلى ما تتدلى اصلووو ما بتقول كلام مافي محلو.. يخليك لينا يارب
محمد: 😏 ده ماكان كلااامك في البدايه ..البشوفك انتي وبتك بتعزو كيف ايام العرس مايشوفكم هسي ..
بعدين انا لو ما متأكد انو لؤي رااجل ود رجاال ما بخلي بتي الوحيييده في يدو😄..
الحممد لله انها مبسوووطه وراضيه وعافيه عننا ..
منيره: الحمد لله والله مبسوطه منك زاتوهسي ....
لؤي قرب للبيت ورؤى كانت منتظراهو ...
وقف عربيتو وفتح الباب ودخل .. ولما دخل الصاله لقى بسمه ..
لؤي: حببيبي وباسها في خدها ..
بسمه: حمد لله على السلامه ..
لؤي : همس ليها اشتقت لييييك😉 .. واداها الورود 😍
بسمه: حبييبي انا وحضنتو 😍.. ومسكت. يدو .. تعال اعرفك على صحبتي..
ودخلتو جوووه الصاله ..
رؤى كانت مقبله عكسو وبسمه لفتتها رؤى .. لؤي وصل ...
ولؤي مبتسم لي بسمه ..
رؤى ابتسمت ابتسامه خبيثه وقبلت على لؤي 👿
... وهنا كانت الصدمة لما لؤي شافها فك يد بسمه 😳....

...Natsh
نتقاااابل. انَشِالُلُُه
كِلُ الُحُبّ 😘😘
[22/07 9:46 PM] Lolo: #الريدة_والذكرى_٩

LTD
لؤي لما شاف رؤى الصدمة كانت ظااااهرة على وشو ... ماقدر يعبر بقى مخلوووع وبعاين ليها 😳...
بسمه: حبييبي .. دي رؤى صحبتي اتعرفت عليها. في الجامعه .. كانت عايزة تعمل ماستر واتصاحبنا .. لكن بقينا صحبااات شديييد ..😄
... رؤى قربت ليهم الاتنين وابتساامه الخباااثه ظااهره على وشها ومدت يدها لي لؤي ...
السلااام عليكم 😃
لؤي.. ماكان قادر يحرك يدو عشان يسلم عليها .. وبقى بعاين ليها ..
بسمه حست بيهو متغير وقالت ليهو.. لؤي .. رؤى بتسلم عليك حبيبي
لؤي عاين لي بسمه .. وقبا على رؤى ومد ليها يدو.. وعليكم السلام ..
رؤى: بسمه اصرت اسلم عليييك لكن انا كنت مااشه .. بسووم حبيبتي .. وباستها وهي بقعر عينها بتعاااين لي لؤي .. 😉
رؤى: اتشرفنا لؤي 😄
لؤي:😄 وهو ساااكت ..
بسمه: حبييبتي ارح اقدمك للباااب 😘😘.. وطلعت معاها تقدمها 😃...
لؤي قعد في الكنبه وهو مصدوووم شدييد وماعارف يعمل شنو..
جاتو بسمه .. حبييبي شكرا على الورود
..انت عرفت كيف بحب النوع ده 😍😍 .. ياخي اختتتك وييين انا يا روح قلبي انا😍😍😍..
انت عارف انا اشتقت ليييك شديييد الليله والله .. ياخي قربت اجييك المكتب واقعد معاااك ..
( هي بتنقنق وبتحكي وبترتب في المطبخ .. ولؤي سرحااااان ماسامع ولا كلمه منها)
بسمه: حبييبي ماقلت لي حتطلعني ويييين 😍
بسمه: لؤي؟ ياااا لؤي؟؟..،
قربت منو وقالت ليهو .. لؤؤؤي.. حتى يادوب اتلفت ليها.. نعم حبييبي ..... بسمه: من قبيل بتكلم معاااك . انت ماسامعني ولا شنو ؟
لؤي: لالا.. بس في مشاكل في الشغل شاغلاني كانت 😄...
بسمه: طييب حبييبي نخلي الطلعه مافي مشكله ارتاح
لؤي: لالا حبييبتي انا دايره تطلع نطلع طوااالي
( ومسكها من يدها وساقها لي غرفتها وفتح الدولاب )
يلا اما حاختار ليك كمااان😉.. بسمه: اها نشوف زوووقك .. 😘
لؤي: الفستان ده حلووو فيييك .. كان لونو عنابي وفيهو ورود بالابيض ..
لؤي: انتي لو لبستي اي حاجه حلووووه فيك .. ولو مالبستي بتكوني احلى زاتو😉
بسمه ضربتو في كتفو😒😒 ظريييف شديييد اتخيل .. يلا اطلع بره خليني اغييير.. 😏
لؤي: 😳😳 لييه اطلع .. انا مش راااجلك يابت
بسمه: يازول قلت ليك اطلع سرييييييع
وجرتو من يدو وطلعتو .. ولبست وغي

رت وهو كمان اتشيك ..
لؤي: يابسوووم اطلعي الوقت اتاخر ..
بسمه: خلاااص جهزت اصبر دقيييقه بس
لؤي: الساعه ٩ جااات .. حتطلعينا بتيين انتي ..😡
بسمه: خلااااص قربببت يازول في شنووو ..
( لؤي فتح الباب بتاع غرفتها ودخل .. لقاها مدنقره بتلبس في اسوار.. لؤي قرب منها .. ومسكها .. وبسمه بتتكلم .. خلااص قربت يالؤي .. لمس شعرها وشماهو وبسمه هنا بصوت برااحه ..
حبييبي مالك😍.. لؤي .. خلينا نقعد هنا مشتاق ليك انا .. وحضنها بقووه ❤.. بسمه ماقدرت تقاوم شوقها هي زاااتها .. وقفلت الباب بتاع الغرفه🏢)
......
الصبااااح 🍀🍀🍀🍀🍀🌷
صحى لؤي قبليها .. وقعد يعاين ليها مسااافه وهو سرحان ..
طلع اتجهز للشغل وعمل شاي وختاهو ليها .. وجاها همس ليها
حبيييبي صباح الهنا🌷.
بسمه صحت وهي بتتمغى .. صبااااح النور حبييبي ..
لؤي: انا طاالع وعملت ليك شاي .. وباسها في خدودها وطلع ..
.......
في الشغل ماقدر يركز.. وتفكيرو وهمو كلووو في بسمه ورؤى والحيحصل شنو لو بسمه عرفت بي رؤى.. وخاف انها تسييبو لو عرفت وخاف انو يفقدها ..
رؤى ضربت لي بسمه
بسمه: يامزة هسي اتذكرتك مارجعت ليك شفتك وصلتي كيف
رؤى: الحمد لله تمام .. طلعتو انتو)؟
بسمه: 😋😋 .. هههههههههه ماطلعنا
رؤى: ليه ماطلعتو؟
بسمه: ماقدرنا ياااخ ..😋 مابقدر اقول ليك اكتررر
(رؤى فهمت قصدها واتغاظت والنار دايره تحرقهااا )
رؤى: بسمه .. انتي مش قلتي لي قبل كده لؤي ده بحب وحده شديييييد وماقادر ينساها. .. حتى قبل كده جا راجع البيت سكران ؟
بسمه:اااي
رؤى: طيب كييف سريييع كده . قال انو بحبك .. ماتفهميني غلط بس انا هايفه عليك حبييبتي ..احتمال لؤي داير يقضي معاك وقت بس قبل السته شهور وقبل ماتطلقو..
بسمه:رؤى مافهمت كلاامك؟؟؟؟؟؟
رؤى:حبييبتي .. لازم تتأكدي اذا نساها ولا لا ولازم تعرفي اذا بقابلها ولا لا.. احتمال بجي يقضي معاك اليوم بس عشان مايحس انو ظالمك .. وبعد تطلقو يكون اداك حقوقك كزوجه!
بسمه: لؤي معقول يعمل كده؟!
رؤى: حبيببتي انتي عشان اختي بس انا حبيت اوعيك واحذرك بعدين انتي مابتعرفي لؤي كتير عشان تثقي فيهو .. انا خايفاهو بلمسك بس عشان انتي جمييله .. ومنو البلقى قدامو بت جمييله كده زيك ويقاومها.. هو نحنا مامريحنننا في المواصلات ومعذبننا بالصيق..
بسمه:سااااااكته وماردت
رؤى: غايتو انتي حاولي شوفي تلفونو .. وفتشي الابتوب وكده .. عشلن تتاأكدي انو نسى البت دي .. انا قلت كده لمصلحتك عشان خايفه عليك تتجرحي بعدين..
بسمه: فهمتك .. تسلمي يارب😄
.... وقفلت الخط ورؤى مبتسمه ابتساااااامه خبيييييثه👿
بسمه بدت تفكر في كلامها والشك دخل قلبها ...
.... نهاية اليوم لؤي وهو راجع وقف بالعربيه وقعد يفكر في رؤى وبسمه .. وقرر انو مايكلم بسمه بي رؤى ومشى البيت .. وهلى المااااضي بوراهو ..
دخل لقى بسمه واقفه في الكرسي فوق بتحاول تنزل في دفتر طبيخ كانت داسااهو من لؤي .. من راس الدولاب ولابسه ردا صغييير جينز وبلوزه بيضاء كط ..
لؤي في سرو في زول عندو نعمه زي دي بشوف غيرها 😍 الا يكون غبي بس 😍...
وقرب منها بي ورا ومسكها من نصها ونزلها وهي اتهجمت😳
منووو😳😳😳
لؤي:ههههه حيكون منو حبييبي
بسمه: لؤي جيت بتيين انت ماحسيت عليك 😳
لؤي باسها في خدوودها وقال ليها . انا بريدك 😘
بسمه: ابتسمت بس😋 ..
لؤي:كنتي بتعملي في شنوو ؟
بسمه: بخجل بحاااول انزل في كتاب فوق
لؤي: خلاص انزلو انا ليك
بسمه:😳😳😳😳 لالالا
لؤي: داااسه شنووو عني انتي يامره😉
وطلع جاب الكتاب لقاها عن الطبيخ ...
ضحك بصوووووت عااااالي 😂😂😂...
بسمه: حيوااان ده 😡👊👊👊 وضربتو
لؤي: انتي لو عملتي لي سم انا باااكلو من يدينك... ومسك يدهاوباسها 😍😘
بسمه: لؤي انا لما امشي بعد سته شهور ونتطلق ماحتفقدني؟
( بسمه قالت كده عشان تقيس ردت فعلو )
لؤي: 😳😳 طلاااق شنو يابت .. ومنو القال ليك حاسيبك انا ولا حاطلقك في يوم
والله تجي تمشي مني احبسك في الغرفه دي ومافي زول يجيب خبرنا زاتو .. 😉😉
وانتي عاااارف كان اتحبسنا هنا بحصل شنو 😉
بسمه: قلبها برد شوووويه واتطمنت وابتمست ليهو
قالت ليهو طيب خليني امشي المطبخ ..
لؤي وقف في طريقها ✋مااا ابتمشي
بسمه😳😳 لؤي خليني اعمل الاكل ..
لؤي : انتي خشمك ده مابتسكتيهو صح .. انا بعرف اسكتو كيف😉 ...
Natsh
ونتاااابع تاااني
[22/07 9:47 PM] Lolo: #الريدة_والذكِرَةِ
10
LTD

يوم الثلاثاااء الصباح🍀🍀🍀
عمار صاحب لؤي جاهو البيت ..
سلم عليهو لؤي ودخلو جواا البيت 😄
عمار: عروستنا .. ازيك اخبارك شنو!؟
( بسمه لابسه عبايه ومحجبه الطرحه .. وبرضو زااايدة حلا😍😘)
عمار .. الحمد لله كيف حالك انت ..
عمار: كويس والله .. انتي اخونا ده لقيتي كيف😉
بسمه علينت لي لؤي وبقو بتبسمو لي بعض ..
بسمه: الحمد لله والله .. بخجل كده😋
اتفضل .. انا داخله المطبخ 😋
دخلت وعملت ليهم العصييير وجابتو لييهم 😃..وقعدت ..جنب لؤي😃..
عمار: انا حاسوق راجلك ده مشوااار بسييط كده
بسمه: خييير ويييين؟؟

لؤي: عندنا مشكله في المصنع مفروض نحلها من امبارح
( بسمه بي تحت كده .. وانت من امباارح ماافاضي طبعا 😂)
( لؤي رد ليها بتحت وابتسم .. لو علي الصباااح مايجي زاتو )
عمار:😳😳😳 هيييي انتو بتتوشوشو في شنو.. وتتبسمو.. ضحكونا معاااكم😒
لؤي: يا زول خليك في عصيرك انت واشرب سريع عشان نتخارج ...
( بسمه نزلت راسها عملت فيها دايره تصلح شبشبها .. وغمزت لي لؤي😉)
( لؤي😳 .. بصوت براااحه .. يابت اقعدي ساااي😒)
عمار: 😒 ايواااا .. انتو شكلكم بتتونسو مع الجن في البيت ده 😒..
لؤي..قام على حيلو وقال ليهو يلا ارح قدامي زاتو..
عماار:😒😒😔 لي الله انا .. عشان ماعندي مره صح.. بقيت توزعني يا لؤي .. نسيييييت ايااام كنت بتجي تحنسني نمشي شارع النييل 😒😒 وهسي اضرب ليك تقول لي .. لو ماموضوع ضروووري ماتضرب ياعماار😒👊👊
( بسمه قاعده وماتت من الضحك فيهم وهم بتشاكلو😂😂)
لؤي: اها ارتحت سيحت لي قدامها.. وانتي تضحكي بلا سنووون ..قولي امييين 😏
بسمه 😂😂😂 وحاات الله اخليك تبيت قي الشارع .. بمزااجي كمان
عمار؛ 😂😂😂😂 لقيت اليقدر عليييك يا اخونا
لؤي:😒 ايوااا تتفقو علي الاتنين كمان صح.. وجراهو وطلع .. وبعد ركبو العربيه .. لؤي نزل
عمار: يا اخونا في شنو تاني ياخ😒😒
لؤي: اسكت ساااي .. نسيت حااجه ودخل ..
عمار:😒😒 نسيييت حاااجه .. علي انا الكلام ده 😒😒😂😂😂..
لؤي دخل لي بسمه.. لقاها طلعت العبايه والطرحه وبي فستانها القصيره
بسمه: نسيت حاجه حبييبي؟
لؤي باسها في راسها😘 وشمى ريحه شعرها .. وقال ليها.. نسيت اخد قوتي من عطرك .. ولو ما شميتو ما بقدر اكمل اليوم بي نشاط زاتو .. نسيتي انك بتردي لي الروووح😘😘
بسمه:😋😋😋 وحضنتو وهمست ليهو.. حبيبي ..
لؤي: يااخ عمار واقف بره 😔 ابيعو ولا كيف.. وقرررب منهااا وعايز يسكتها تاااني 😍..وقبل مايسكتهااا 😂
قاااطع اللحظه الحلوة دي عمار بصوتو العالي
يا لؤؤؤؤؤي اتاخرنا يا راااجل اطلع ياخ عذبتني معاك😏
بسمه هنا 😂😂😂😂😂😂
لؤي:😒😒 اضحكي كوييييس .. بعرف اخد حقي كيف ..وطلع ..
لؤي: جيتك ياخ .. 😒😒😒 تااااني اوعك تزورني زاااتو
عمااار:😂😂😂😂😂😂 شكلو قطعت الجوو
.........
بسمه لململت الحاجات وبتنضف في البيت ...
اتذكرت كلام رؤى .. وقالت احتمال هي غلطانه .. ولؤي بحبني وما بلعب بي ولا عايز يقضي وقت ... واثناء ما دايره تشيل تلفونها عشان تضرب لي رؤى ..
جات رساله في تلفون لؤي ..
بسمه😳😳 لؤي نسى تلفونو... مافاضي لكن هو من البعمل فيهو😂😂...
شالت التلفون وفتحت الرساله وهي بتضحك😂 وطوالي وشها اتقلب 😡 واتغيييرت ملامحهااا ..
الرساله( حبيييبي اشتقت ليييك .. خلينا نتقابل لؤي.. والله مشتاقه ليك ولي عطرك ولي هظارك ولي ملامحك ولي اي حاجه فيييك .. ولي عيوونك ونظرااتك لي ولي شوووقك .. وماتنكر انك مشتاااق لي.. انا عارفه انو انت مشتاااق لي ومتلهف تشوووفني برضو.. وعارفه انك ما بتحب مرتك ولا حاجه .. وانك ماااقاادر تنسااني .. خصوصا نظراتك لي اخر مره)
بسمه اتصدمت واتوترت والرقم كان غريب .. مسحت الرساله عشان لؤي مايقول قرتها ..
وقعدت في الارض تبكي .. وزعلت شديييييد .. وهنا اتأكدت انو كلام رؤى صحيح ..
.....
لؤي قاعد مع عمار في المصنع ..
عمار: لؤي مش قلت ليك البت دي طيبه وبريئه ونيتها بيضاء وانك حتحبها ..
لؤي: والله ما اتخيلت اني اريدها واتعلق بيها كده
عمار انت في حاااجه ماعارفها .. 😔 .. رؤى رجعت
عمار: رؤى رجعت😳😳😳
لؤي: دقيقه اوريك الصدمة الاكبر من كده
عمار: اها
لؤي: طلعت صحبة بسمه لما نزلت ماستر
عمار:😳😳😳😳😳😳😳😳😳 ماقادر اصدق
طيب بسمه ماعارفه عنها حاجه صح؟
لؤي: اي . هي عارفه اني حبيت بت وكده .. لكن ما عارفاها هي رؤى زااتها ..
عمار: حتعمل شنو هسي ؟
لؤي: لازم اسكت وبسمه ما تعرف انو كنت بحب صحبتها
عمار: بس كده ماشايف انو غلط؟
لؤي: اعمل شنوو طيب .. رؤى مصره ترجع لي وخايف على بسمه تتصدم وخايف اكتر انها تسيبني 😔
عمار: طيب لو عرفت من. غيرك؟ كده حتزعل اكتر
لؤي: انت ماقادر تفهم .. بسمه بتحب رؤى قدر شنوو
عمار: ورؤى بت كعبه واحتمال تستغل طيبتها دي وتخرب بيتها..وانت ادرى بي رؤى لو ختت حاجه في راسها بتعلها بدون ما تراعي لي مشاعر اي زوووول
لؤي: لالا .. انا مامطمن لي رؤى .. بس برضو مابقدر اقول لي بسمه .. متأكد انو حياتنا حتتقلب لي تعاسه اكيد
عمار: والله ياصاحبي الحسد ده مبااااريك ماعارف لي
لؤي:😒😒 كتر خيرك
......
بسمه هناك كانت بتبكي شدييييييييييد .. وبتلم في الصحانه والسكاكين ... جرحت يدها .. والدم نزل منها شلالا .. لانو عندها مشكلة الجرح المابقيف .. مساماتها مابتوقف الدم ...فبتقعد تنزف لحدي ما يدوها حقنه توقف النزيف ..
فقعدت تصرخ وتبكي من الالم براها .. ولؤي زاتو ناسي تلفونو..
جرت شالت تلفوونها وضربت لي ابوها .. وجا سريع وداها المستشفى ..

نتقاااابل تاااني 😘😘😘 لحدي بعدين .
[22/07 9:47 PM] Lolo: #الريدة_والذكرى_١١

#LTD

ابو بسوم اتصل على