😂😂😂😂

الحرامي نط لي زول في البيت قال ليهو قوم جيب (قروشك) .
قال ليهو انت م عارف انا منو ؟
قال ليهو منو ؟
قال ليهو أنا وزير ...
قال ليهو خلاص قوم جيب (قروشنا) .

😂😂😂😂😂😂😂😂

•●●◆◆◇◇※※ ※※◇◇◆◆●●•

‏ينتهي العيد بإنتهاء جردل الخبيز .. ✋

إنتهى عيدكم ولا لسسه؟!! 😂💔

انثي في عرين الاسد❤:
Loooza❤️:
♡ انثى في عرين الاسد ♡
~الحلقة الثانية عشر~
اياد: يعني نهايتنا على يد الاسمو ضياء دا ؟
رشاد: ما تستهين بيهو ابدا
اياد : هسه الحل شنو ؟
رشاد: ماقادر اخمن لكن انا متأكد انو ما حيقيف لحدي هنا...اكيد حيحاول يعمل حاجة تانية.
اياد : ربنا يستر .
*********
جمان ما طلعت من اوضتها من موقفها مع سامي.
قعدت لي مسافة وهي بتفكر قبل ما تتذكر كلام اياد القبيل...شالت التلفون وضربت ليهو
اياد كان خاتي ايدو في جبهتو جفل لمن سمع صوت التلفون..مسكو وهو بيقول : دي جمان
رشاد : ما توريها اي حاجة عن الحصل
اياد : طيب طيب
شال نفس طويل قبل ما يرد عليها : الو
جمان: اياد كيفكم ؟
اياد : الحمد لله .
جمان : ها لقيوتو النسخ ؟
اياد غطا سماعة التلفون وقال بي همس لي رشاد : بتسأل من النسخ
رشاد بهمس : قول ليها لقيناهم
اياد : كيف يعني ؟ اكذب ؟
رشاد وهو بيأشر ليهو على التلفون : اي كذب.
اياد بي سرعة ختا التلفون في اضانو : اي ...اي لقيناها
جمان وهي بتخت يدها في قلبها : اه الحممممد لله ...لكت ما عرفتو دا منو العمل كدا ؟
اياد : لسه...لكن ان شاء الله حنكشفو.
جمان : ان شاء الله
اياد : سلمي على سامي
جمان : ان شاء الله...وانت سلم لي على رشاد
اياد : يوصل ان شاء الله
جمان : يلا مع السلامة
اياد: الله يسلمك
قفل التلفون ورماهو في المكتب: لي خليتني اكذب عليها
رشاد وهو بيقوم من كرسيه : لانها عروسة وفي شهر عسلها مالازم نقلقها ونخوفها .
اياد : ولمن ترجع حتقول ليها شنو ؟
رشاد : الله يحيينا لمن ترجع .
******************
جمان غيرت هدومها وطلعت بي حذر خايفة تقابل سامي كانت ماشه بي طرف اصابعها جاها صوتو الساخر من ورا : امشي زي الناس بدل مشية الباليه دي .
ضغطت على اسنانها وهي مغمضة عيونها...قبل ما تتلفت عليهو وفي وشها نظرة لا مبالاة مصطنعة: حمد لله على السلامة...ان شاء الله تكون فاضي للكلام .
سامي : هسه ؟ لا .
جمان : لمن تفضى مستنياك 😏
سامي مسكها من يدها بقسوة : ما يكثر 😒
نفض ليها يدها ودخل اوضتو...غير هدومو.
تلفونو ضرب وكان واحد من اصحابو طلب منو انو يجي يطلع معاهو لانو هو برضو في تايلند...وسامي طوالي وافق.
جمان رجعت اوضتها لبست هوت شورت و top لفت شعرها كعكة وشالت بشكير...فتحت الباب الزجاجي و طلعت للمسبح المطل على البحر...عاينت ليهو وهي بتفرك في يدينها : احتمال مويتك الباردة تطفي ناري .
وبي رشاقة ومهارة نطت في الموية .
سامي طلع من الاوضة وهو بيشك في قميصو سمع حركة الموية لمن اتلفت شافها وهي بتسبح على ضهرها...عاين ليها لي مسافة قبل ما يبتسم بي شر ( على قول حبوبتي قهرتك بي الله والنبي الطاهر )
استناها لحدي ماغطست وبي سرعة شال البشكير بتاعها ودخل وقفل الباب الزجاجي قبل ما يهمس : استمتعي شوية .
رما البشكير في المقعد وطلع . ( زودتها يا الحب 🐸)
************
مجد والشلة خلصو اكلهم ودخلو جوه...خالد تلفونو ضرب عاين ليهم وشال تلفونو وطلع.
لؤي : ما ناوي تخت حد للمهزلة الحاصلة دي يا مجد .
حسام : مهزلة شنو .
مجد : لؤي ممكن تخلي اليوم دا يعدي على خير .
حسام : لي في شنو ؟
لؤي باستنكار : اخلي اليوم يعدي على خير ؟؟؟؟ ياخ فكر في نفسك وفكر في كرامتك
مجد : انت عايز شنو هسه ؟
حسام : عايز شنو في شنو ؟
لؤي : قوم وامسكو من يدو وفهمو انك عارف اي حاجة...اضربو....كفتو....اقتلو اعمل اي حاجة .
حسام : اوبااااا 🙊
مجد : اها وبعد ما اعمل كدا حيحصل شنو ؟
حسام : يا جماعة مالكم ( يا ود امي اسكت ساي ماف زول معبرك )
لؤي: حتكون رجعت كرامتك
مجد وهو بيضحك باستنكار: يعني كرامتي حتترجع بي كده...ما تكبر الموضوع
لؤي: ما اكبر الموضوع كيف يعني ؟؟؟ شفتهم بي عيونك وسمعت كلامهم اكثر من كده عليو شنو ...انا ما عارف انت بتعمل كده لي ؟
مجد : انا متأكد انو في حاجة خلتو يعمل كدا
لؤي: يا سلام يا سلام على الثقة...اقول ليك شي خليك ساكت كدا وما تتكلم وخلي حقك يضيع لانك بي بساطة جبااااان يا صاحبي
حسام : يا لؤي في شنو ؟
لؤي وهو بيشيل تلفونو : مع السلامة .
حسام قام وراهو : لؤي في شنو ياخ استنى .
خالد جا داخل : وين لؤي ؟
مجد : مشا
خالد : لي ؟
مجد: انت عارفو الايام دي لو الزول قال ليهو اي شي بيزعل.
خالد : صح
مجد وهو بيقوم : انا زاتي امشي بعد دا...تعباااان عايز اخد لي نومه .
خالد :طيب ...انا زاتي ارجع بعد دا .
حسام جا داخل : غايتو الحلبي دا راسو قوي خلاص..دا شنو دا انتو برضو ماشين ؟
مجد : اي 😸
حسام : لي ياخ اقعدو شوية
خالد : الا نصبحها بعد دا معاك...شكرا على الاكل الحلو وصل تحياتي لي خالتي.
مجد : يلا مع السلامة
حسام : طيب مع السلامة...نتلافى بكرة في عزومة رؤى .
مجد+حسام: ان شاء الله
وطلعو...اي واحد ركب عربيتو واتوجه لي بيتهم .
*********
بيان كانت مع رهف .
رهف وهي واقفة قدام المراية : تفتكري بعدين احسن اجي داخلة بباقة ورد حمراء ولا بيضاء؟

بيان كانت بتضرب في منكير 💅:

اعملي

ها مشكلة ح

تطلع حلوة .
رهف : عايزاك بكره تجي معاي ماشه احجز عند خبيرة تجميل .
بيان : اخترتي منو ؟
رهف : كنت محتارة بين سوسن وهند لكن في النهاية اخترت هند.
بيان: اوكي حلو...انتو حدتو وقت العرس..ولا دقيقة دقيقة 😂 نسيت انو الخواجية هي المسيطرة على عرسكم.
رهف : ااااخ منك...هي ما مسيطرة بس طلبت انو نأخر المواعيد شوية عشان شغلها
بيان : اهااااا.
رهف : وريتك انو حاطلب من الناس كلها تجي لابسة بنفسجي .
بيان : كيف يعني انا بكره اللون دا...بلبسو لكن ما بحبو
رهف : يعني النسوان يلبسو تياب بنفسجية....الاولاد قمصان بنفسجية والبنات فساتين بنفسجية ومن حيث شبيناتي حيلبسو بيجي
بيان : والرجال الكبار برضو جلاليب بنفسجية 😂 واااو شكلهم حيكون حلو
رهف : ااخ منك اسكتي .
بيان : سكتا 😸🙊.
*******
مجد في العربية كان بيفكر لي خالد بيعمل فيهو كدا وهو بيحبو وبيثق فيهو...كان في صوت جواهو بقو ليهو ما تظلمو...بس كلام لؤي صح هو شافهم وسمع الكلام بي 👂...ضرب الدركسون بقوة وراسو حيتفجر من التفكير كان زعلااااااان من الحاصل والشكوك البتنخر في مخو ومن كلام لؤي معاهو وصل قصرهم...بركن العربية..وطلع..سأل الشغالة من اهلو وورتو انو ماف زول ..بيان مع رهف وامو ابوه في شغلهم.
دخل اوضتو اول ما قفل الباب قلبو قبضو....بي سرعة حاول يقعد...بقا راسو لافي بشده...وماقادر يشيل نفسو...كان بيشهق بقوة عسى ولعل يدخل ليهو هواء...حاول يطلع تلفونو..ضرب لي حسام...حسام وقتها كان في الحمام...يقين جات وردت...في اللحظة دي مجد حاول يقيف وجا واقع في الارض.
يقين : الو ؟ مجود ؟ الووووو ؟
قفلت التلفون لمن افتكرت انو مجد بيهظر او بيلعب .
***********
جمان طلعت من المسبح عاينت مالقت بشكيرها اتلفتت يمين وشمال هي متأكدة انها جابتها معاها...بي سرعة جرت على الباب حاولت تفتحو مافتح ليها...بقت بتضرب فيهو وبتحاول بي قوة انو تفتحو بس ماف فايدة بقت بتعاين بالقزاز...تلفونها جوه وهي محبوسة هنا ما بتقدر تطلع اي محل...وعشان تجي بي قدام محتاجة تنزل على منحدر مطل على البحر...التفكير براهو في انها تنزل بالمنحدر دا لي تحت وبي هدومها دي كان جنوووون.
كانت نسمات الهواء بتمر بيها وهي باااردة وجسمها كلو بيرتجف من برودتها...قعدت جمب الباب وهي ضامة رجلينها عليها واسنانها بتصتك من البرد ( كجكجكجكج 😸 صوت الاسنان البيتسمع في السقطيبة )
سامي كان قاعد مع صحبو في كافيه حلوووو مطل على البحر...شوية كدا المطرة نزلت...سامي ما قدر ينتبه مع كلام صحبو وفجأة بقا حاسي بالذنب من التصرف الطفولي العملو.
جمان جفلت وختت يدينها في اضانها من صوت الرعدة العالي بقت مغمضة عيونها وبتستغفر...وكلو ما تشوف البرق بي سرعة بتغمض عيونها وتقفل اضانها عشان بتخاف من صوت الرعد العالي.
سامي لمن سمع صوت الرعد بقا ما قادر يقعد..استأذن من صحبو وشكرو على الطلعة وبي سرعة رجع..ومن الكافيه للشاليه بتاعهم كان عايز قرابة الربع الساعة من المشي...اما سامي اول ماطلع طوالي قام جاري ( ماراثون)
****************
حسام طلع من الحمام..صلا وبعديها نزل تحت لقا امو واخواتو قاعدين...اتونس معاهم لي مسافة قبل ما يطلع فوق عشان ينوم..طفا النور ورقد في سريرو فجأة جاهو شعور انو عايز يطمن على مجد..فتح تلفونو لقا في السجل اخر مكالمة من مجد...اتخلع هو متأكد انو ما اتكلم معاهو..شال تلفونو ونزل لي اهلو تحت : منو الرد على مجد ؟
يقين : انا
حسام : قال ليك شنو ؟
يقين : كنت بقول الو الو لكن مارد علي
حسام : يعني الخط كان مفتوح ؟
يقين : اي
حسام بي سرعة رجع لي مجد بس ماف رد...بدا يقلق...ضرب لي بيان .
بيان: الو
حسام: بيان مجد معاك ؟
بيان : انا بره البيت لي في شنو ؟
حسام : بضرب ليهو ما بيرد
بيان : قبيل كنت بتكلم معاهو قال انو معاك
حسام : رجع قبييييل مني .
بيان : حسام مجد ما تكون حصلت ليهو حاجة
حسام : انا جاي بيتكم .
ماجدة : في شنو ؟
حسام وهو بيشيل مفتاح العربية : مجد ما بيرد
جرا بي خطوات سريعة وواسعة ركب عربيتو بي سرعة وفتح ( ساق بي سرعة ) على مجد
بيان : رهف انا لازم امشي شكلو مجد حاصلة ليهو حاجة
رهف: يابت قولي بسم الله ما بتجيهو حاجة .
بيان : ما بيرد .
رهف : طيب استني بجي معاك
وبي سرعة بيان طلعت وركبت العربية ومعاها رهف .
**********
سامي وصل والمطرة بالاهو من راسو لي رجلينو..فتح الباب بي سرعة ودخل...عاين على جهة المسبح...لقاها قاعدة وشكلها يحنن الكافر..وباين انها حتموت من البرد...سامي بي سرعة شال بشكيرها وفتح ليها الباب.
اول ماشافتو وقفت وجسمها كلو بيرجف قالت ليهو بصوت فيهو نبرة بكاء : سامي انت كنت وين ؟
جا صوت رعدة عالي صرخت وهي بتقفل اضانها ( حرام عليك يا سمسم 😠)
سامي غطاها بالبشكير وحضنها..كان محتويها في صدرو و بيمشي يدو في شعرها المبلول والندم مالي قلبو. ( سنة يا انا )
**************
حسام وصل وبي سرعة قام جاري ودخل سأل الشغالة منو وور

تو انو دخل ا

وضتو من فترة...جره بي سرعة وقلبو بيضرب من الجاي. ( سبحان الله..الحمدلله..الله اكبر)
فتح الباب ولقاهو واقع في الارض.
قعد جمبو بي سرعة وهو ماسك وشو بين يدنو : مجد ؟ مجد سامعني ؟.
بي سرعة رفع يدو وختاها في كتفو...ورفعو في ضهرو ونزل بيهو...كان خايف وبيرجف رجلو فلتت ووقع...قام بي سرعة وهو بيقاوم في الالم الفي رجلو ورفع مجد تاني في ضهرو ونزل بيهو الشغالين شافوه وجوه ساعدوه..ركبو في العربية وبي سرعة على المستشفى..
دخل بيهو الطوارئ والدكاترة استلموه...حسام ضرب لي بيان ووراها انهم في المستشفى...والخبر انتشر زي سرعة البرق وكل الاهل جو ولؤي وخالد برضو جو.
بعد وقت الدكتور جا طالع : الحمد لله قدرنا نسيطر على حالتو ...بس حيحتاج لي تدخل جراحي عاجل .
بيان اتذكرت الكلام السمعتو بين سامي والدكتور التاني البيقول انو نسبة نجاح العملية 30 في المية بس .
شالت نفس بي قلق وهي بتدعو الله يستر.
رجعو كلهم وامو فضلت معاهو...ماق زول قدر ينوم كلهم النوم جافاهم للصباح .
رشاد كان قاعد في الكنبة وهو بيفكر وقتها الصباح طلع...تلفونو ضرب وكان دا المحامي بتاع الشركة .
رشاد : الو
المحامي : استاذ رشاد عندي اخبار غير سارة
رشاد اعتدل في قعدتو في شنو ؟
المحامي : البنك جمد كل رصيدكم...ورهن كل ممتلكاتكم وبيوتكم وحتر عرباتكم
رشاد : كدي براحة شوية انت بتقول في شنو ؟
المحامي : القروض الاخدتها الشركة عندها وقت محدد عشان تتسدد.
رشاد قاطعو : بس مفروض يدونا اخطار قبل الخطوه دي
المحامي : انا زاتي اتفاجأت هسه بالكلام دا .
رشاد : يعني هسه كده احنا خسرنا اي حاجة حتي بيوتنا مفروض نطلع منها ؟
المحامي : انا اسف .
رشاد قفل التلفون ورماهو في الارض : عرفت تلعبها بي ذكاء يا ضياء.
#نهاية_الحلقة_الثانية_عشر
ضياء دا منو ؟ وعايز شنو من العائلة دي واشمعنا مستهدفهم بالذات..حيحصل شنو لمن يعرفو انهم بقو ولا حاجة وحتى بيوتهم حيطلعو منها وحيواجهو كارثة...سامي وجمان حيحصل ليهم شنو وهل حيقدرو يتفاهمو مع بعض وينجو من رفاء وخباثتها ؟
ومجد مصيرو شنو ؟
كل دا حنعرفو بكرة 🐸

ياداب التشويق بدا😌

أليس ظلم أن أتنفس من دون صوتک !أليس من حقي كـ عاشقة أن يكون صوتک رئة ثالثة أتنفس بها

@pllli 🐹

تصفي نيتك 😊

يشربوها😒

هل تعلم ان الفول الذي ياكله الشعب السوداني
في الفطور والعشاء
في دوله البرازيل يعطي للحصين حتي يعطيها القدره علي الجري
عشان كده اي سوداني تسألو امورك شنو
يقول ليك والله #جري_شديد
ههههههههههه

ليس كل سقوط نهايه فسقوط المطر اجمل بدايه 💦

بسبب خطأ فى طباعة حرف واحد، تم بيع مليون نسخة من كتاب خلال يومين فقط
عنوان الكتاب المثير
"An idea that you can change your wife"
العنوان الحقيقي للكتّاب
" An idea that you can change your life"
بدلا من كتابة (فكرة كيف تغير حياتك) 🎉🎊
كتب (فكرة كيف تغير زوجتك)💃
معقولة كل الناس طفشانين من حريمهم ?
👌هذا الخبر حقيقي وليس نكتة👀

"أحببتُكِ حتى آمنت بأن ما مضى من عمري قبلك كان مجرد إنتظاراً لك" 🥀ِ

@pllli 🐹

هل اخبرتك بانه لَو كانَ لِي قَلبان , لَعِشتُ بواحدٍ , وترَكتُ واحِداً فِي هواكِ يَغرقُ

@pllli 🐹

اذا. شفت. بت وولد. ف. الطريق 👫

وسلمت. ليهم. وماف زول اشتقل. بيك😳
اعرف. انو. الحنك. تمام✌
اما اذا ردوا. الاتنين سوا 😳
اعرف. انو. ماف برنامج. اصلا 😍



🐸✌
🤣🤣🤣🤣🤣

لما. يكون. سندي. جبل 😳

ما. بحتاج. للحيطة المايلة 😍


🐸✌

🤣🤣🤣🤣

تااكيو متاكاااا
تاااااكيتو ابا يتااااكا
انه ليس صيني او ياباني 😒😒
انه رجل سوداني يقول لي التاني اقفل الباب 🤣🤣🤣🤣🤣🤣🤣🤣😂😂😂😂😂😂😂😂😂

♡ انثى في عرين الاسد ♡
~ الحلقة الثالثة عشر ~
رشاد ضرب لي اياد .
اياد بصوت مرهق : ايوا
رشاد : نمت كيف ؟
اياد : والله النوم ما دخل عيني..مشكلة الشركة وهسه مجد.
رشاد : اسمعني وامسك اعصابك .
اياد : في شنو ؟؟؟
رشاد : البنك جمد كل رصيدنا وصادر كل ممتلكاتنا
اياد : شنو ؟ شنو ؟ رشاد انت بتقول في شنو ؟
رشاد : زي ما انت سامع
اياد : يعني كدا خلاص ؟
رشاد : انا كنت متأكد من انو ضياء ما حيقيف لحدي هنا .
اياد بانهيار: الحل شنو هسه ؟
رشاد : اول شي حنعمل اجتماع في الشركة حنكلم الموظفين بي انو الشركة فلست .
اياد سكت
رشاد : اياد سامعني
اياد : اي 😔
رشاد : نتلاقى هناك .
اياد : كدي دقيقة...يعني حتى بيوتنا يا رشاد
رشاد : كل حاجة حتى العربات
اياد : طيب احنا حنترمي في الشارع يعني ؟
رشاد : بتتحل
اياد : واهلنا حنكلمهم كيف ؟
رشاد : انا بكلمهم بي طريقتي
اياد : عندنا كم يوم عشان نخلي البيوت ؟
رشاد : نهاية اليوم
اياد بي عصبية : كيف يعني الكلام دا ما معقول مفروض على الاقل يدوما انذار مبكر...ياخ احنا عملنا شنو عشان الاسمو زفات دا يعمل فينا كدا .
رشاد : اسمع هسا كلامك دا ما حيفيد بي اي شي..البس هدومك والحقني في الشركة وابقى العب بي عربيتك كويس لانو دي اخر مرة تشوفها.
اياد: طيب 😔
ما اكذب عليكم اياد وقتها دموعو نزلت ماكان متوقع انو حيجي يوم يخسرو فيهو كل حاجة...هسه حيقيف كيف قدام الموظفين ويكلمهم واهله حيكلمهم كيف ؟ في اللحظة دي حس بكره شديد ناحية ضياء.
يقين جاتو داخلة وهي ماسكة كتابها: اياااد...سمع لي القصيدة دي ....ياخ انا زهجت من تامن دي ماعايزة تنتهي😭بسرعة...ماما قالت لي لو جبتي نسبة كبييييرة حافرك ميلانو...اتخيل نمشي كل....دا شنو دا انت لي بتبكي 😳 ( ميلانو منو ياختي تاني الملاهي اتمنيها منى )
اياد : لا ما ببكي بس عشان صاحي من النوم يادوب .
يقين : اها يعني عشان اتثابت ؟
اياد : اي...جيبي اسمع ليك 😊
يقين ادتو الكتاب...وبدت تسمع بتقول بيت وبتفط بيتين (انا كده اطمأنيت عليك في امتحان الاساس 🐸)
اياد قفل الكتاب : امشي احفظي كويس وبعدين تعالي سمعي زي الناس .
يقين : طيب
اياد كان بيتكلم معاها وعيونو مرقرقة ( كر علي يا يمه 😢)
طلعت من الاوضة وهو مسح عيونو بي كم القميص اللابسو...دخل الحمام استحمى ( حمام الوداع) ولبس بدلة الشغل وطلع.
لمن وصل لقا رشاد وخالو عماد وخالو عبد الرحمن وابوه وعمو ابوبكر ( خالو راجعة للملكية يعني ما انا البتكلم 😀 فهمتوني ؟ )
كانت علامات الحزن ظاهرة في وشهم...اما رشاد كان رافع راسو بكبرياء هو حزين وزعلان لكن ماعايز اخر شكل يشوفوه بيه الموظفين يكون كدا...دخلو الاجتماع الموظفين كلهم كانو مترقبين وعايزين يعرفو في شنو ؟
رشاد اتكلم شوية مع ابائو قبل ما يقيف على حيلو وهو بيصلح البدلة: ا

انثي في عرين الاسد❤:
: وعليكم السلام
رشاد: انا الليلة جاي اتكلم معاكم كفرد منكم مش رشاد المدير او المسؤول البتخافوه منو...اي عارفكم كنتو بتخافو مني بس الخوف كان واجب عشان تمشو كويس في شغلكم .
علت صوت ضحكة الموظفين.
رشاد مواصل : الليلة عندي ليكم خبر غير سار وبتمنى تتقبلوه بي رحابة صدر...شركتنا فلست والبنك جمد كل اموالنا وصادر كل ممتلكاتنا.
علت اصوات الموظفين وهي متسائلة ومتحيرة من الحاصل.
رشاد : سامحوني لاني حاقول ليكم دا اخر يوم ليكم هنا...ما ليكم براكم لينا احنا برضو..بين جدران الشركة دي التعبو اهلنا وبنوها طوبة طوبة عشنا اجمل واقسى الايام...متذكرين كيف كنا بنتعب من الدوامات وكيف كنتو بتفرحو بي يوم الراتب 😉...ودايما لمن تكون في مشكلة بنجتمع كلنا في اجتماع مغلق وطويل...باين كدا انها حتبقى ذكريات من الماضي...وهنا بعض الموظفين ما قدرو يتمالكو نفسهم ونزلت دموعهم رجال ونساء.
والبعض الاخر ظهرت علامات الحزن في وشهم 😔.
رشاد: الليلة دي اخر اجتماع لينا وبعلن ليكم فيهو انكم كلكم مرفودين 😉.
علت صوت ضحكتهم من بين دموعهم.
رشاد: شكرا جزيلا ليكم على ما بذلتوه عشان الشركة دي تمشي لي قدام...احنا راضيين بقضاء الله...قدر الله ماشاء فعل...بتمنى ليكم التوفيق في شركات تانية.
كلهم وقفو على حيلهم وهم بيصفقو...رشاد كان بيتكلم معاهم وهو مبتسم كان لسا متماسك وخطابو بيدل على قوتو وانو ما بيستسلم بي سهولة...اما اياد كان منكسر وزعلان ( كر علي 😢).
بدو الموظفين يجو يسلمو عليهم ويتكلمو معاهم...كلام فيهو تعزية ويطلعو...لحدي ما بعد شوية الشركة بقت فاااااضية كانو فاضلين سارة والسكرتارية فقط والاتنين كانو بيبكو ...اتكلمو معاهم وبعديها طلعو.
اياد قام وبدا يتجول في ارجاء الشركة والحزن مالي عيونو...سمع صوت عربية الشرطة وبي سرعة جا طالع.
العسكري : انا عندي امر بالقبض على الاستاذ ابوبكر حسين ( ابو البنات ناس جمان واخواتها)
والاستاذ عبد الرحمن بكري ( ابو رشاد )
والاستاذ عماد بكري ( ابو بيان ومجد )
والاستاذ محمود علام ( ابو اياد وحسام )
اياد : كيف يعني تقبض عليهم .
ابوبكر : ف

ي شنو يا جنابو ؟
الظابط : في امر بالقبض عليكم بتهمة التهرب الضريبي .
رشاد : طيب مش البنك حيحجر ممتلكاتنا والشركة ...حتقبضوهم لي ؟
الظابط : والله دا امر انا ما لي دخل .
رشاد : انا حاجي معاكم .
عماد : رشاد لا ما تجي امشي كلم اخوانك لازم كل العائلة تعرف انو الشركة فلست والبنك جمد رصيدنا وحجر ممتلكاتنا وانو لازم يطلعو من البيوت الليلة.
عبد الرحمن : عارف بيت جدك صح ؟
رشاد : اي
عبد الرحمن : امشو كلكم هناك البيت كبير بس ليهو زمن مقفول نظفوه واقعدو هناك .
اياد للظابط : والله ما بتتحرك بيهم ولا شبر كيف تقبض على رجال كبار كدا؟
رشاد وهو بيلز اياد بعيد : اهدا
الظابط : الاوامر اوامر.
اياد : زي الحمار يعني يأمروك وتنفذ . ( اقصف يا يودي 👏)
رشاد بي نهره : اياد اسكت ...معليش حضرتك ...بس هو منهار من الحاصل.
الظابط : والله لو ما انت انا كان رفعتو معاهم .
ابو بكر : رشاد واياد بناتي امانا في رقبتكم خلو بالكم منهم...انتو هسه اخوانهم وحامينهم.
اياد : ما تخاف يا عمي وهسه من ما نرجع طوالي حنوكل محامي .
محمود : انتو هسه رجال البيت خلو بالكم من اخوانكم .
اياد وهو بيقاوم دموعو : حنوكل المحامي وحنطلعكم طوالي.
عماد : مجد ما يعرف بالحصل كويس . ( ياخ خلاص امشو ديل شنو الكلامكم كتير ديل )
رشاد : ما تخاف ما حيعرف بي اي شي .
اعمامنا 😔 ركبو في البوكس ومشو بيهم..اياد بقا بيضرب في الحيطة بغضب غضب غضب شديد : والله حتندم على العملتو يا ضياء والله حتندم.
اتلفت على رشاد : وريني ...وريني مقر شركتهم وين انا لازم امشي ليو .
رشاد وهو بيطلع تلفونو : اها وبعد ما تمشي ليهو حتعمل شنو حتبكي ليهو ولا حتترجاهو يرجعنا...ضياء داخل معانا في حرب باردة...محتاجة صبر وهدوء وتفكير مش صريخ وغضب وبكاء سامعني ؟ يلا امسح دموعك دي...اعتقد اهلنا الليلة حيشوفو ما فيهو الكفاية وما ناقصين يشوفو دموعك.
______________
ناس بيان كانو في المستشفى مع مجد.
بيان حاتو داخلة لقاو راقد وبحرك في رجلينو ( وحلاتي يا ناس 😍)
بيان : مجود
مجد : اهلا خير ان شاء الله
بيان : انت قلة ابدك دي ما بتخليها عيان ونصيح
مجد : وين هسه قلة الادب 😂 البورة فايرة بيك
بيان : ياها دي زاتا قلة الادب 😒...انا مستنياك انت تعرس اول
مجد: لو كدا ياكي القعدتي من دون عرس.
بيان : كدي اسمعني .
مجد: سمعتك
بيان : اصحابك جو
مجد : منو ؟
بيان : رؤى وريان وخالد ولؤي.
مجد : شيرين ماجات ؟
بيان : لا. 😊
مجد : طيب خليهم يدخلو .
ريان جات داخلة ووراها الباقيين : حبكت بس مع عزومة رؤى يا مجد 😂.
مجد : مافرقت العزومة لسا قائمة .
رؤى : ان شاء الله تبقى كويس وتقوم وحاعمل ليك عزومة حلللللوة .
ريان : سرع يا مجد عليك الله عايزين ناكل 😂.
خالد : سلامتك يا صاحبي مانشوف فيك شر تاني .
مجد : تسلم .
مد راس

و وهو بعاين لي لؤ

ي الواقف ومنزل راسو وباين الذنب في وشو : ما عايز تسلم علي ولا شنو يا لؤي .
حسام وهو بيأشر لي اصحابو : شنو رايكم نطلع بره شوية....كلهم فهمو الاشارة وطلعو.
لؤي جا قعد جمبو : انا اسف على القلتو ليك امبارح كانت لحظة غضب وندمان عليها .
مجد بي ابتسامة : الفات مات مش انت بتقول كدا برضو ؟؟؟ عارفك لمن تزعل بتقول كلام ما قاصدو...ماف داعي للتأسف.
لؤي : بقيت كيف هسه ؟ حاسي بي حاجة .
مجد : كويس والله الحمد لله...ياهو عايش وبتنفس...قالو حيعملو لي عملية .
لؤي : خايف ؟
مجد : خايف لو حصل لي شي تبكو وتعذبوني.
لؤي : دا شنو الكلام دا يا مجد...اوعدك اننا حنبكي...لكن حنبكي من الفرح لمن تعمل العملية وتنجح وتقوم بالسلامة .
الباب دقه.
مجد : اتفضل .
جات شيرين داخلة وشايلة باقة ورد 💐.
لؤي اول ماشافها وقف على حيلو : طيب عن اذنك .
جا ماري فيها واداها نظرة كدا من فوق لي تحت ( حلاوة 😍)
شيرين قعدت وختت الورد جمبو .
مجد : شكرا يا سنفورتي .
ضحكت بصوت عالي : عجبتك ؟
مجد : اكيد
شيرين : الف سلامة عليك ان شاء الله وقوم وترجع لي تاني ( ملاحظين انها قالت لي ما لينا ...يلوي طلعك يا قصيرة 😒)
مجد : امين .
شيرين وهي بتمسك يدو ( فكي الولد يا بت 😒) : اوعدك اني دايما حاكون جمبك وما حاسيبك ابدا .
مجد : وعد ؟
شيرين : وعد ☺.
مجد : ربنا ما يحرمني منك .
شيرين : ولا انا ...معليش لازم اطلع بعد دا ماما مستنياني تحت كانت عايزة تطلع بس حموها .
مجد : ما بتقصر وصلي ليها تحياتي .
شيرين وهي بتقيف على حيلها : يوصل ان شاء الله.
اول ما نزلت لقت العضابة مستنينها تحت .
ريان كانت واقفة جمب الباب.
شيرين :زحي يوووخ
ريان : ايه التلوث الانا سمعتو دا يوووخ ؟ عايزة تتفي انتي ؟
لؤي : شكلو قايلاها دلع 😂
ريان : يووخ عديل الله لاجاب باقيك يا يوووخ 😂
لؤي: تميها وقولي يوووخ تفو ( بالغتو 😂)
شيرين: ما حارد عليكم 😒
ريان : خير ما عملتي يا يوووخ
لؤي : تفو .
شيرين طلعت وهي مولعة من الغيظ ( حبايبنا عملو معاهل الواجب وزيادة 😌)
ضربت لي خالد : خالد انت وين تعال انا عايزاك.

ياخ ما غردي مجد ول

ا زفت تعال عايزاك ( وبالنسبة لي عصفور الحب القبل شويه دا كان شنو 😒).
***************
رشاد مسك تلفونو وضرب لي حسام : حسام كيفك ؟
حسام : الحمد لله
رشاد : عايزك تلم العائلة كلها في بيتنا وبي اسرع ما يمكن حتى خالتو هدى خليها تسيب مجد شوية وتجي بي اسرع ما يمكن كلكم تكونو هناك
حسام : خير في حاجة ؟
رشاد : حتعرف هناك كل حاجة .
حسام نفذ القالو ليهو رشاد وكل العائلة اتلمت في بيت عبد الرحمن وهو بيتسائلو في شنو ؟؟؟؟
شوية كدا رشاد واياد وصلو .
رشاد : السلام عليكم
كلهم : وعليكم السلام .
جوان : ان شاء الله خير في شنو جبتنا كلنا على ملا وشنا ؟
رشاد : اسمعوني كويس وافهمو انا بقول في شنو
كلهم صنو......
رشاد : شركتنا فلست وخسرنا اي حاجة...والبنك جمد كل ارصدتنا...وصادر كل بيوتنا وحجرها علينا ...يعني هسه بيوتنا بقت ما حقتنا .
كلهم بقو بعاينو ليهو بي ذهول وصدمة كيف يعني 😱😱😱😱 فلسو وخسرو اي حاجة وبدت الاسئلة والبكاء والصريخ.
رشاد بي غضب : اسمعوني عندنا مهلة لحد الساعة 9 مساء اي زول يرجع البيت يفتح دولابو ويفتح ليهو شنطة ويشيل قدر البيقدر يشيلو من حاجاتو ولو الساعة 9 ودقيقة واحدة جاات تاني ما حتبقى حقتك وما حيخولك تدخل البيت .
نادين وهي بتبكي : اها وحنقعد وين ؟
رشاد : حنمشي بيت جدنا القديم...وحنتعب في تنضيفو..يلا سريع اي زول يتحرك ...وملاحظة البكاء ما حيفيدنا بي اي شي .
سالي: وين بابا ؟
رشاد سكت شوية قبل ما يقول ليها : بابا عندو شغل حيخلصو ويلحقنا 😉.
سالي : طيب .
طلعو كلهم ودموعهم سايلة في خدودهم مجد وحسام كانو مذهولين ومصدومين وماف واحد قادر يفتح خشمو.
شالو الشنط وملوها بي حاجاتهم.
منذر مسك شنطو وهو بيلقي على غرفتو الفخمة نظرة اخيرة قبل ما يديها ضهرو ويطلع ويقفل الباب وراهو .
كلهم شالو حاجاتهم ونقلوها لي بيتهم الجديد وعيونهم ما وقفت بكاء.
رشاد فتح الباب...البيت كان كبير و قديم والاساس متغطي بالغبار...وشبك العنكبوت عامل شغل.
كلهم كانو بعاينو بنظرات متشردة وحزينة.
رشاد: حنضف البيت والليلة قبل بكرة وحنتوزع في الاوض.
مشو الاولاد جابو مكانس ومساحات...واتوزعو الشغل وبدت النضافة...نفيض...كنس...مسح...وتتمير.
الساعة 5 فجر الاذان اذن هم يادوب خلصو شغلهم ووقعو هلكانين.
البيت كان كبير اساساتو قديمة لكن فيها عراقة...فيهو 7 غرف لانو جدهم كان بيعلم القرآن وطلابو بينومو معاهو في البيت وعددهم كبير...عموما كان ما بطال بس محتاج اعادة تهيأة.
البنات اشكالهم كانت فظيعة لافين االطرح في راسهم من الغبار و وواحدات لافات طرح في وشوهم...وكلهم هدومهم مغبرة ووسخانة والاولاد شعرهم محشششي غيار وتراب.
بيان وهي قاعدة في مقعد : رشاد وين بابا كل ما اسألك بتقول اي عندهم شغل...شغل شنو دا الي الساعة 5 فجر دا.
رشاد : انا ما حبيت الكلمك

م من البداية كل

هم اتسجنو متهمنهم بالتهرب الضريبي .
وكانت ردة فعل الكل 😱😱😱😱
جوان : دا منو البعمل فينا كدا دا ؟؟؟
رشاد : اسمعوني كويس...انا من اول ما بدت المشاكل في الشركة عرفت من حيكون وراها وعندي خطة دقيقة جدا رسمتها وهي الحترجعنا زي ماكنا لكن محتاجة صبر وارادة وذكاء....البيعمل فينا كدا دا واحد اسمو ضياء منصور شركتو قوية جدا ومنافسة لينا هو الوحيد الحيستفيد من افلاس الشركة وسرق التصميمات عشان الطريق قدامو يكون ساهل وما يواجه ايييي متاعب او منافسة...انا قابلتو مرة واحدة...هادئ جدا وذكي بينتبه لي حركة..يعني لو كنت في اجتماع وحركت يدك بينتبه ليك وبيعرفك بتفكر في شنو...واثق في نفسو لي درجة الافراط...كلامو بسيط شديد ومختصر لكن بيفهمك كل الانت عايزو...عندو برودة دم عجيبة وماف اي شي بيأثر فيه...يعني واحد زي دا محتاج زول بي نفس الذكاء عشان اقل غلطة حيكشفنا...انا اخترت للمهمة دي بيان .
كلهم بقو بعاينو لي بيان .
حسام : اشمعنا بيان مش ممكن واحد منكم ؟
رشاد : ضياء حيكون عارف كل حاجة عننا ودارسها كويس جدا...واحنا مشهورين ومعروفين يعني اكيد حنتكشف...اما بيان ما بتظهر كثير ودارسة ادارة اعمال ماف زول تقريبا عارفها اساسا.
ماجدة : الاسم حيكشفها .
رشاد وهو بيبتسم بي دهاء : كنت عارف انو في واحده منكم حتقول كدا...حنغير اسمها وحنغيرها هي زاتا وحنزرعها في نصهم زي الماحاصل شي.
هدى : الموضوع دا فيهو خطر ؟
رشاد : انا واياد حنكون معاها زي ضلها وما حنسيبها براها...وهي هسه زيها زي اي موظفة عادية جات تشتغل بس حنفهمها كيف تكسبهم لحدي ما يثقو فيها وتقدر في النهاية ترجع التصاميم.
ضحك بي خبث قبل ما يقول : وحاديها فايروس تدمر بيهو السيستم بتاعهم كلو وكدا حنرد الصاغ صاعيييييييين ( مش قلت ليكم ثعلب)
بيان كانت ساكتة وبتقلب الكلام في عقلها.
اياد : بيان انتي الوحيدة الممكن تساعدينا...انتي الوحيدة الممكن ترجعي لينا مجدنا...انتي الوحيدة الحتخلينا نقدر ننتقم ونجيب حقنا من واحد دمرنا ودمر تعب سنوات....من واحد بي سببو ابوهاتنا هسه مسجونين.
بيان بقت بتعاين لي عائلتها كلها وبت

مر بي وشوشهم الظاهر فيها التعب والالم واتذكرت ابوها الحيكون مرمي في الحبس...حست بي شحنة من حب الانتقام سرت فيها قبل ما تقول بي صوت واثق : انا موافقة حاعمل اي شي...وحاندم كل شركة ضياء .
اعتذر عن عدم التطرق لي سامي وجمان.. بس الوقت ضيق ولازم انزل ليكم بي سرعة...بكرة ان شاء الله حنعرف ضياء دا منو وبيان حيغيروها كيف وكيف حتدخل فيهم...وحنشوف اصحابنا سامي وجمان
#نهاية_الحلقة_الثالثة_عشر