دو جمبها...اما منذر قعد بعيد منهم وهو مراقب بانتباه.
سلمى: سالي حبيبتي .
سالي وهي بتزفر: هااا 😧
سلمى: مالك يا ماما زعلانة
سالي : 😠
رشاد : زعلانة مني انا ؟
سالي: منكم كلكم 😠
منذر: سترك يا رب
سلمى: لي عملنا شنو ؟
سالي: خليتو ثامي يعرث ويمشي 😠
هنا الام واولادها اتفجرو م

ن الضحك.
منذر وهو

ميت ضحك : يعني دا كلو عشان ثامي 😂😂😂😂
سالي: هو كان بيقعد ويلعب معاي لكن انتو ماكده 😢
رشاد: هو يادوب ليهو يوم يا سالي متين فقديهو
سلمى: والله اضرب ليهو قولي ليهو كلامك دا كلو 😂.
منذر: تضربي ليهو شنو الواطة عندهم بالليل وهو عريس
سلمى : لا لازم اضرب ليهو خليها تتكلم وتفك زعلها دا 😂.
****
جمان طلعت من الحمام...لفت شعرها كعكة ولبست فستان طويل لونو اسود عملت غلوس شفاف ختت طرحة في كتفها ولبست شبشب بلاستيكي وطلعت..دقت ليهو باب اوضتو.
فتح الباب وهو ماسك تلفونو : نعم ؟
جمان: انا زهجت...عايزة اطلع .
سامي : هسه احنا مش كنا بره .
جمان: والله احنا ما جينا لي تايلند عشان نكون قاعدين..لو انت ماعايز تطلع عادي بطلع براي .
سامي بقا بعاين ليها...
جمان بي سرها " ووووب عليك يا جمان ماكان في داعي للجملة الاخيرة دي شكلو الطلعة حتبوظ دا لو ما اداني كف هنا 😭"
سامي : استني خليني اغير هدومي..وقفل الباب.
جمان بقت منطرة عيونها وفاتحة خشمها بضحكة : هيه وافق...يس يس... ماشا كويس 😀.
سامي جا طالع : يلا .
طلعو واتمشو جمب البحر..الهواء كان بارد وبحرك ليهم شعرهم بي شقاوة...وصوت الامواج ( جججج جججج جججج ججج دا صوت الامواج😸)
جمان : انا....انا عايزة اكل بيتزا
سامي: الا نفتش انا ما بعرف المنطقة .
جمان : بسيطة
طلعت تلفونها وفتحت الجي بي اس..: ايوه لقيت محل ارح.
مشت قدامو..سامي وقف شوية وتمتم بصوت منخفض: ذكية
ومشى معاها من دون ما اي واحد يتكلم مع التاني.
سامي تلفونو ضرب...لقاها امو وفتح بسرعة : الو
سلمى: سامي ازيك
سامي وقف : تمام الحمد لله ...مالكم خير ان شاء الله .
سلمى وهي بتضحك: كويسين الحمد لله ما عندنا حاجة بس هاك سالي عايزاك.
سامي: طيب اديني ليها
سالي: ثامي 😢
سامي: عيونو 😍 كيفك يا حبيبتي .
سالي: انا زعلانة😢
سامي: لي 😳؟
سالي: عشان انت عرثت ومشيت
سامي وهو بضحك: معليش يا سالي لأني عرست 😂
سالي: انت

بتحب جمان اكثر مني ثح ؟😢
سامي: لا يا عيوني لا...انا بحبك انتي بس...وما بحب ولا حاحب واحدة زيك.
في الوقت دا جمانة جاتو وسمعت جملتو الاخيرة دي.(💔)
عاينت ليهو مسافة وهي بتشيل في انفاسها لانو رجعت ليهو بعد ما مشت....لقت نفسها بتتقدم عليهو وتمشي شوية شوية لحدي ما يلحقها.
سامي: انتي بتبكي ؟
سالي: اي 😭
سامي: يلا يا حلوتي امسحي دموعك انا قربت اجي وحاجيب ليك هدايا معاي ❤.
سالي:طيب ☺.
سلمى شالت التلفون وهي بتضحك : غايتو سالي حالتها صعبة...كيفك وكيف مرتك كويسين دا شنو الصوت دا ؟
سامي: كويسين الحمد لله ... دا صوت الهواء .
سلمى: سلم لي عليها...وخلي بالك منها يا سامي...دي مرتك وبنت عمتك البتحبك 😉
سامي : ان شاء الله 😊
سلمى: يلا مع السلامة
سامي: مع السلامة وخلو بالكم على سالي اوعى زول يزعلها .
سلمى: لا ما تخاف عليها يلا مع السلامة
سامي : مع السلامة.
قفل التلفون...عاين لي جمان لقاها اتقدمت بي مسافة...سرع خطواتو وحصلها.
دخلو المحل وللأسف كانت فيهو رفاء الكريهة وراجلها..اول ماشافتهم نبهت راجلها عشان يناديهم ويقعدو معاهم...وعبدالله طوالي ناداهم وطلب منهم يقعدو معاهم .
مالقو مفر وقعدو معاهم...جابو ليهم طلباتهم بتاعت البيتزا.
رفاء: شنو رايكم بكره نأجر يخت ونصطاد ونشوي سمك...وبالمرة فرصة نتعارف.
عبد الله : فكرة والله 😀 شنو رايكم ؟
سامي عاين لي جمان كأنو بيستشيرها...جمان ابتسمت وهزت ليهو راسها بمعنى اي .(حلاتكم😍)
سامي:اوكي ما عندنا مشكلة.
الطريقة العاين بيها سامي لي جمان كانت كافية تولع نيران الغيرة في رفاء ( بتغير على راجل مرة 😏 يمرمرك في التراب😌).
بدو ياكلو...وعبدالله ظريف شديد ووناس ( خسارة في رفاء)
رفاء لمست سامي بي رجلها من تحت...سامي بقا فاتح خشمو لي مسافة قبل ما يجر فيها نور ويرجع لي اكلو ( عديمة الحيا 😠)
بعد ما خلصو جابو ليهم علب البيبسي.
سامي: عن اذنكم .
كلهم: اتفضل.
قام ومشا الحمام وبدا يغسل في يدينو.
رفاء : اوبس🙊..ماما بتضرب..عن اذنكم 😊
عبدالله+جمان: اتفضلي.
رفاء ختت التلفون في اضانها ومشت..اول ما وصلت على جهة الحمام قفلت التلفون ودخلت..سامي شافها بالمراية.
قبل عليها: انتي عايزة مني شنو 😒
رفاء بصوت دلع : انا عايزاك انت
سامي ضحك باستنكار: انتي ما طبيعية
رفاء: سامي ما تلعب على نفسك انت بتحبني..انا عارفة انك ما نسيتني...وبتحاول تتناسى فيني ما اكثر.
جمان لي عبدالله: عن اذنك حشوف سامي 😸
عبدالله وهو بيضحك : اتفضلي
سمعت صوتهم جمب الحمام وبدت تسمع في الكلام.
سامي: انتي عايزة توصلي لي شنو بالظبط ؟
رفاء: طلق مرتك
جمانة شهقت وختت يدها في خشمها من الكلمة
رفاء متا

بعة: حاول اعمل معاها مشكلة بي اي طريقة وطلقها...وانا حاعمل مشكلة اول ما ارجع مع عبدالله وحخليهو يطلقني...واول ما اكمل العدة تعال واتقدم لي... بس
سامي فضل يعاين ليها مسافة قبل ما يضحك بي سخرية: دا اكبر دليل على انك خاينة والخيانة جارية في دمك...خنتيني زمان مع مصطفى..وهس

ه عايزة تخوني ر

اجلك معاي...لا ولا شنو عايزاني اطلق مرتي عشانك..قبل ما تكون مرتي وحبيبتي وام عيالي الحيجو هي بنت عمتي...وضفرها ما بيساويك...عشان كدا شوفي ليك واحد غيري😏 ( اديلو 👏👏👏👏)
رفاء وهي بتمرر يدها في سكسوكتو: ههههههه دا كلام بتحاول تتقاوى بيهو قدامي...لكن مصيرك تكون لي انا وبس...انا في والايام في.
سامي رجع لي ورا منها قبل ما يقول ليها بثقة: نشوف 😏.
جمانة براحة قامت جارية ورجعت محلتها .
سامي جا طالع وقعد في مكانو...جمانة كانت في عالم تاني "مصطفى بيعرف رفاء...ورفاء بتعرف سامي من زمان وكان في حاجة بينهم..خانتو لي...واشمعنا مصطفى جاني انا بالذات...يعني اول لقاء لينا ما كان بالصدفة..في قصة كبيرة ورا مصطفى ورفاء وسامي...انا لازم اعرفها...وياربي كلامو القالو عني...قالو عشان يغيظها ولا كان جادي...وكمان الحقيرة بتقول ليهو يطلقني...ياربي المصايب دي بتجيني من وين ولا وين...ودي اتصرف معاها كيف...ايوا بيان ماف غيرها حيساعدني...لا لا بيان ما حاقعد احشرها في كل حاجة واجننها...لازم احل مشاكلي براي...انا حليت مشاكل موظفين وشركة كاملة ما حاقدر للمشكلة دي...لكن اول مرة تصادفني مشكلة كدا..ياربي انا هسه اتصرف كيف 😣"
سامي : جمانة
جمانة : ......... ( بتنضم مع نفسها 😂)
سامي وهو بيخت يدو في كتفها : جمانة .
جمانة بي خلعة : ها ؟
سامي : يلا .
جمانة شالت شنطتها: يلا.
رفاء جات : اوووه ماشين ...معليش بس ماما حبيبة قلبي البحبها اتكلمت معاي كثير
ارتسمت ابتسامة صغيرة ملتوية فيها كم كبير من الاستهزاء في خشم سامي وهو فاهم قصدها من الكلام...اما جمان كانت مذهولة من وقاحتها.
عبدالله: نتلاقى بكرة ان شاء الله .
رفاء جات سلمت على جمانة وباستها : نتلاقى بكرة حبيبتي.
حبيبتي دي قالتها وهي بتعاين لي سامي .
سامي مسك يد جمانة: تصبحو على خير .
عبدالله: وانتو من اهلو.
رفاء عيونها لمعت بي حسد وغيره وهي بتعاين ليهو ماسك يد جمان.
طلعو واي اتني

ن اتوجهو على منطقتهم...جمانة كانت كاتمة انفاسها وشاده جسمها من مسكة سامي...ماف واحد فتح خشمو مع التاني...واول ما بعدو شوية سامي فكه يدها ( بتلعب بي مشاعرها يعني ولا شنو 😒)
اول ما وصلو اي واحد دخل اوضتو من سكات...جمان غيرت هدومها ورقدت وراسها حينفجر من التفكير في الحاصل.
اما سامي كان بيفكر في كلام رفاء...بالرغم من وقاحتها ووقاحة كلامها الا انو لسا قلبو مايل ليها 😔 ( لا يا سامي لا 😭)
صباح اليوم التالي:
الليلة اخر امتحان عند ناس مجد.
بعد ما طلعو كانو قاعدين كلهم بره وحيموتو من الفرح.
شيرين جات : مجد حبيبي امتحنت كيف ؟
ريان : تحبك الشكلووووتة😏...مش في غنية كدا يا لؤي ولا كيف؟
لؤي: اي...دقيقة دقيقة اتذكرها ...لو كنت قايلاني ميت في حبك موته...والله ما حابيك.👏👏👏
ريان: تحببببك الشكلووووتة
لؤي: انا ما بدور البنت
ريان : اي اي
لؤي: لا خلاص نسيت الباقي ( تحية للقروها باللحن 😂)
ريان : الله الله عليك 😏👏👏👏👏.
حسام ختا وشو ورا ضهر لؤي ومات من الضحك😂😂😂...اما رؤى ماقدرت توقف ضحك من مغرزة لؤي وريان.
خالد ومجد اكتفو بالابتسام.
شيرين بغيظ: انا شايفة انك يا ريان احسن تحترمي نفسك عشان ما اردح ليك.
ريان : هههههاي....الردح انا بديك فيهو دروس ومجاني كمان...بعدين انتي هسه منو سألك😏...الحرامي في راسو رييييشه ( يا سلااااام 😍)
رؤى: اهدو يا جماعة ماف داعي للمشاكل.
شيرين: انتي الكلام دا كان تقوليهو قبيل مش لمن اصحابك يغلطو علي بعدين تجي تقولي كدا...ممثلة لينا دور الملاك.
مجد: شيرين
رؤى: طيب اهدي
ريان: كلللو الا رؤى يا ماما خط احمر ليك يا قصيرة ولو كلامي ما عاجبك جيبي ليك طربيزة اطلعي فيها واتكلمي 😂.
مجد وهو بيجر شيرين من جهتمهم: خلاص معليش ناخد فاصل.
مشا واتكلم معاها شوية بعدين رجع لي اصحابو.
خالد: رحلة الجامعة لي ماليزيا مستعدين ليها.
لؤي: وانت عايز تجي معانا يعني 😒.
خالد وهو بعاين ليهو باستغراب: اي لي ؟
لؤي : ولا شي سلامتك.
مجد: فاضل عليها كم ؟
خالد وهو لسا بعاين لي لؤي: بعد شهر ان شاء الله .
ريان: حتكون موضووووووع.
رؤى: ربنا يسهلها
كلهم: امين
رؤى : يلا يا ريان نمشي بعد دا ؟
ريان: اولاد...لازمانا طلعة احتفاليه بس مناسبة اخر يوم دا.
مجد: طيب فكري لينا .
رؤى: خلاص انا عازماكم بكرة عندي في البيت غداء .
لؤي: يا سولااااااااام
مجد: ايوا دا الكلام الصح
خالد: ان شاء الله .
ريان : عزومتك جات في وقتها نوفر قروشنا زاتو.
حسام: حجة حريصة 😂
رؤى: يلا مع السلامة نتلاقى بكره 😊.
كلهم مع السلامة.
مجد: تجو معاي البيت ؟
لؤي: اي انا زاتي عايز اسبح.
حسام: لا المرة دي تجو معاي

انا.
لؤي: انا عايز اسبح 😢.
حسام وهو بيجرو معاهو من يدو: عندنا مسبح 😒.
*************
رشاد واياد كانو قاعدين في المكتب بيتناقشو في عقد .
فجأة جاتهم سارة جايه وهي مرتبكة: يا جماعة حاصل اختراق غريب للسيستم بتاعنا.
رشاد وقف على حيلو : كيف يعني 😳.
سارة قعدت في الكمبي

وتر: التصميما

ت الحنقدمها للشركة الانجليزية اتسرقت...وحصل اختراق لي اجهزتنا كل بياناتنا اختفت.
اياد بي سرعة رجع لي الكمبيوتر بتاعو وكانت الصدمة وهو بيقول: مسسستحيل
وقف وهو بعاين لي رشاد بي صدمة : احنا...احنا انتهينا
#نهاية_الحلقة_العاشره

♡ انثى في عرين الاسد ♡
~ الحلقة الحادية عشر~
رشاد كان هادي اما اياد كان خايف ومتوتر.
رشاد: جمان...اكيد يكون عندها نسخة من التصميمات.
اياد مسك تلفونو : طيب حاضرب ليها .
في الوقت دا جمان كانت نااااايمة (Zzzzzz)
صحت بي صوت نغمة التلفون: الو
اياد: جمان صباح الخير
جمان بصوت نعسااان: صباح النور
اياد:معليش على الازعاج بس كنت عايز اسألك التصميمات الحنقدمها للشركة الأنجليزية عندك نسخة منها ؟
جمان: اي...لي في حاجة حصلت ؟
اياد وهو بيشيل نفسو بارتياح: حصل اختراق لي كل اجهزتنا واي حاجة اتمسحت والتصميمات اختفت
جمان قعدت في السرير: كيف يعني الكلام دا 😱.
اياد: مادام عندك نسخة منها معناها ما عندنا مشكلة وكلو بيتحلى.
جمان: طيب النسخ في اللابتوب بتاعي في البيت حاضرب لي جوان تطلعو ليكم.
اياد: تكوني ما قصرتي...هسه احنا جايين على بيتكم .
جمان: طيب مع السلامة...واي حاجة جديدة تحصل ادوني خبر.
اياد: ان شاء الله.
رشاد: عندها نسخة صح ؟
اياد: اي...خلينا نمشي سريع نشوفها.
سارة جات داخلة: لقيتو حل ؟
رشاد: اي في نسخه تانية من التصميمات.
سارة بارتياح وهي بتخت يدها في قلبها: الحمد لله.
*سارة طويلة كدا وسمراء..دايما بتلبس قمصان رجالية كبيرة واسكيرتات جينز...وبتتحجب بي طرحة كبيييرة...وما بتعمل اي ميكب في وشها.
اياد طلع بي سرعة وركب عربيتو ولحقو رشاد.
طول الطريق كانو ساكتين...وصلو ودخلو بيت عبير..جاتهم عبير وسلمت عليهم...وجابت ليهم عصير...بس التوتر الكان جواهم ما خلاهم يقدرو يشربو...اياد شفقان يحرك في رجلو ويخت يدو في وشو ويتململ في قعدتو كان باين التوتر فيهو...اما رشاد كان متوتر لكن ما مظهر .
جوان جاتهم نازلة وهي شايلة اللابتوب..سلمت عليهم وادت اللاب لي اياد...شكروها و ودعوها هي وامها وطلعو...اياد كان سايق وبعاين كل شوية لي رشاد الفتح اللابتوب...كان زي الطالب العايز يشوف نتيجتو.
رشاد فتح الملفات وبدا يفتش .
اياد:ها لقيتم؟
رشاد ما رد عليهو وفضل يفتش .
اياد: رشاد لقيتم؟
رشاد قفل اللابتوب وهو بيزفر بضيق: ماف اي نسخ
اياد داس على الفرامل: كيف...كيف يعني ماف اي نسخ.
رشاد وهو بيضغط على صدغينو: يعني كدا .
اياد رجع بي كرسيهو لي ورا: انت عارف دا معناهو شنو ؟؟؟ احنا خلاص انتهينا...الشركة اتدمرت.
رشاد: كدي رجعنا المكتب.
اياد: ......
رشاد: اياد بتكلم معاك .
اياد: رشاد انت فاهم يعني شنو احنا انتهينا .
رشاد بنهره: اياد اسمع كلامي وارجع الشركة
اياد شال نفس طويل قبل ما يتحرك بالعربية.
****
جمان تاني ما نامت بعد تلفون اياد...بقت لافه في الاوضة لمسافة قبل ما تدخل للحمام عشان تجهز نفسها خصوصا انو الليلة حيطلعو مع رفاء وعبد الله .
ملت البانيو موية دافية وكبت فيهو صابون بريحة الفواكه...رقدت فيهو باسترخاء..لاحظت انو في حاجة بتتحرك في الارضية..ركزت شوية..قبل ما تصرخ بصوت عاااااالي..لبست روب الحمام بي سرعة وطلعت وهي بتصرخ بهستيرية..سامي كان واقف جمب المسبح..سمع صوت الصرخة المدوية وبي سرعة جاها جاري..فتح الباب: في شنو مالك ؟
لقاها واقفة في السرير...ورجليها وشعرها بصابونهم.
جمانة بخوف: في الحمام...في حاجة جوه الحمام 💔.
سامي: زي شنو يعني ؟
جمانة بتقزز: بتزحف...حاجة بتزحف.
سامي دخل على الحمام.
جمان: استنى شيل ليك حاجة عشان تقتلها بيها.
سامي : اهدي -_-
دخل جوه الحمام...شوية كدا جا طالع وهو شايل حاجة بوراهو.
جمان: طلعت شنو ؟
سامي وهو بيمد يدو : يعني هسه عليك الله انتي كلك كدا خفتي من السلحفاية دي🐢😒 ( سلحافية 😍)
جمان: بكككره الزواحف.
سامي: شوفيها هي قدر شنو
كانت صغنونة اصغر من كفة يدو ( قلبي الصغير😍)
جمان وهي بترجع لي ورا: لا 😱
سامي : خلاص
بدا يلعب فيها بصباعو وطلع.
اول ما قفل باب اوضتها ما قدر يمنع نفسو من الضحك على منظرها وخوفها من سلحفاية صغنونة 😍💔.
جمان شالت نفس قبل ما تنزل من السرير...حست بالاحراج لمن شافت نفسها في المراية...شعرها مبلول وروبها قصير فوق الركبة..والصابون لسا في رجلينها..شكلها كان مضحك...دخلت بي سرعة وكملت حمامها...طلعت وجهزت نفسها...لبست فستان صيفي فيهو الوان كثيرة وفي نصو حزام جلدي رفيع بني( حنزل صورتو).
سرحت شعرها ضفيرة ورختها وجابت بي قدام..عملت ميكب خفيف...لبست طاقية..وشبشب بلاستيكي ( تموووتي في الشباشيب 🐸)
طلعت بره لقت سامي قاعد جم

ب المسبح وفي صينيتين فطور مختوتات جمبو.
جات قعدت.
سلمي لزا ليها صينيتها كان فيها قطعتين كب كيك..براد صغير فيهو قهوة وجمبو فنجان للقهوة..كباية بتاعت عصير برتقال فريش..كورواسون..وعيشة توست..علبة صغيرة بتاعت مربى..صحن غريق فيهو فواكه استوائية مقطعة ( شايفين الفطور كيف

يا ناس البو

ش 😂😂😂)
سامي كب من القهوة وشال قطعة كب كيك...كان فاتح تلفونو ومنتبه معاهو...اما جمانة شربت العصير واكلت من الفواكه...بعد ما خلصو طلعو على بره...لقو رفاء وعبد الله مستنينهم..رفاء كانت لابسة فستان قطني لونو زهريوفيهو اشكال ورو

د صغيرة كدا بالابيض...لابسة طاقية وشايلة شنطة صغيرة كدا وفاكة شعرها ( يفكوك في الربع الخالي لا انيس لا ونيس يارب 😒)
صذطلعو مشو لي مسافة قبل ما يوصلو لي مكان اليخت مشو في جسر صغير كدا وركبو .
******
اياد و رشاد كانو قاعدين في المكتب...والموظفين كانو في حالة تساؤل شنو الحاصل ماف زول عارف.
اياد: انت عارف انو التصميمات دي لو ما اتقدمت الشركة حتعلن عن افلاسها.
رشاد: خلي السكرتارية تضرب ليهم وتطلب منهم يأخرو موعد التسليم.
اياد قام بي سرعة وطلب من السكرتارية تضرب.
جاتهم بعد شوية : الناس ديل منزعجين جدا قالو انو قبل كم يوم وصلهم اتصال انو موعدهم معانا بكره.
اياد وقف على حيلو وهو خاتي يدو في راسو : شنو 😱؟
عاين لي رشاد: رشاد دا شنو البيحصل دا ؟
رشاد اكتفى بي ابتسامة صغيرة : باين انو في حرب باردة حاصلة من دون علمنا .
اياد: رشاد حرب باردة شنو ؟ احنا كدا هلاص دي نهايتنا..بس منو ؟ منو العمل كده.
السكرتارية: قالو لو ما التسليم تم بكره حيلغو اتفاقهم معانا.
اياد في اللحظة دي قعد في الكرسي والدنيا لافة بيهو....اما رشاد دخل في دوامة تفكير.
في الوقت دا ابائهم جو داخلين .
عماد: رشاد حصل شنو ؟؟؟
رشاد: في اختراق حصل للسيستم بتاعنا...كل ملفاتنا وبيانتا اتمسحت والتصميمات اختفت وكل النسخ ليها اختفت بالاضافة لي انو في زول مجهول ادا الشركة الانجليزية موعد غير الاحنا حددناهو...يعني بي اختصار في زول قاصد يدمرنا.
ابوبكر للسكيرتارية: اعملي اجتماع طارئ لي مجلس الادارة...في اقل من خمس دقايق دخلو في اجتماع مغلق وطويل.
********
شلة الشباب الصغار كانو قاعدين مع حسام بره جمب المسبح...لؤي شغال يبلبط قدرتو 😂..يغطس ويطلع..خالد وحسام كانو واقفين جمبو وبيضحكو على الحركات البيعمل فيها...
يقين جاتهم بي البلكونة : اوووف حسام.
حسام وهو بعاين فوق : اها خير
يقين: على فكرة انت وصحابك مزعجين جدا جدا انا ما قادرة انوم من اصواتكم 😠
حسام: انا شايف انو احسن تدخلي جوه وتنزلي من التربيزة ولا الكرسي الراكبة فيهو دا .
يقين وهي بتعاين لي مجد: شايف يا مجد انا لمن اقول ليك انو اخوي سخيف جدا جدا ما بتصدقني ( شافعة سليطة لسان)
مجد : اناي عايزة شنو بالضبط ؟
يقين: عايزاهم يسكتو لانهم مزعجين .
مجد : امممم
وبي سرعة قبل ما يدي خالد وحسام فرصة لزاهم في الموية 😂😂😂.
مجد وهو بينفض يدينو وبعاين فوق: اي خدمةة تاني يا يوقي ؟
يقين وهي بتضحك بي فرح : لا ثانكيو ☺.
مجد: يلا امشي نومي...ولا سمعتي ازعاج تاني تعالي كلميني 😉.
يقين : اوكي باي ✋
مجد: باي 😀✋
وفجأة حس بزول جراهو من رجلو وبردلب جا واقع في الموية وصوت ضحكات اصحابو عالية.
طلعو من الموية واتلفو بي بشاكير كبيرة وقعدو طوالي في الصفرة وهم بياكلو في البيتزا والفراخ الجابتهم ليهم ماجدة ( ام حسام).
*********
في اليخت :
عبد الله وسامي كانو بيصطادو...سامي جردلو فاااااضي...ام عبد الله ماشاء الله الجردل مليااان 😂 ( رامي رامي الصياد الصغير 🐸)
رفاء و جمان كانو بيجهزو في حاجات الشواء.
رفاء: طبعا انا وانتي ما اتعرفنا كثير احكي لي عن نفسك .
جمان : والله ما عندي حاجة كدا احكيها عن نفسي 😀
رفاء بي ظرافة: بتبقي لي سامي صح ؟
جمان : اي
رفاء : متزوجين عن قصة حب ؟ ( يحبك برص 😒)
جمانة : اي 😏...وانتي وعبد الله ؟
رفاء وهي بتطلع طاقيتها : شبه كدا 😊..اتقابلنا في حفلة في مانشستر وبعديها دخلنا في علاقة طويلة ختمناها بالعرس 😊
جمان : انتي دكتورة صح ؟
رفاء: اي
جمان: كنتي بتقري في بريطانيا ؟
رفاء: اي 😊
جمان" اييييواااا معناها كان بيعرفها ايام الجامعة مصيري اعرف قصتك شنو "
رفاء : كدي امشي اشوف ديل اصطادو حاجة ولا لسا قاعدين.
جمان : طيب.
رفاء نزلت من فوق وهي ماشه بالطرف لقت سامي جاي..وقفت ليهو في الطريق : ازيو 😍
سامي :😒
رفاء: يا سلااااام حتستمر في المسرحية دي كثير..يا ولدي انت بتحببببني افهم الكلام دا .
سامي: خليك عايشة في وهمك دا
في اللحظة دي جمان نزلت وكانت جاية شافتهم واقفين .
رفاء: اثبت ليك انك بتحبني
سامي لزاها من قدامو ومشا بس اتلفت بي سرعة لمن سمع صوت صرختها وسمع صوت الموية...وبي سرعة نطا وراها.
رفاء ما كانت بتعرف تسبح بس كانت واثقة من انو سامي حينزل بي وراها...لقت جسمها غاطس لي تحت...الموية ضلام وما شايفة اي حاجة.
جمان جرت بي سرعة لي عب

د الله : عبد الله...عبد الله الحق رفاء وقعت.
عبدالله رما الصنارة وجا جاري معاها...
رفاء حست بيد سامي من وراها بتمسكها من وسطها...ويدو التانية رافع بيها راسها ( وضعية انقاذ الغريق)
وطلع بيها السطح.
عبدالله رما ليهو عوامة و مد ليهو يدو....رفعو رفاء الكانت شب

ه

مغمى عليها ( كان تخليها تموت ما خسارة فيها 😊) وسامي طلع براهو .
عبدالله بدا يضغط فيها...لحدي ما صحت وطلعت كل الموية البلعتها...عبدالله حضنها وهو بيتكلم معاها بي اهتمام : رفاء انتي كويسة؟ سامعاني؟ (يا حليلك 😢)
سامي كان متكل ع

لى سور اليخت وبعاين ليها والموية بتنقط منو...جمان كانت حاسه بي غيظ من رفاء ومن سامي...عارفة انو دا كان واجبو انو ينقذها لكن هي كانت متعمدة تعمل كده ( هذا الشعور يسمى الغيرة والليلة 🙊)
رفاء بي صوت مدلع وخافت: انا بردانة
عبد الله بي سرعة قام عشان يجيب ليها حاجة تتغطى بيها...جمانة كانت واقفة ورا وهم الاتنين ما شايفنها .
سامي : دا شنو العملتي دا 😠
رفاء : مش قلت ليك بتحبني 😏
سامي سكت وبقا بعاين ليها...عبدالله جا وجاب معاهو غطا...غطاها بيهو وساعدها عشان تقوم...جمانة قاومت الدموع الكانت حتنزل منها ومشت على جهت عبد الله.
جمان: عبدالله انا شايفة انو احسن نرجع .
رفاء : لي ؟
جمان " اللواية يا بعيدة " : ما حاقدر اقعد بعد وقعة رفاء دي واصلا راسي لافي.
سامي : ما تخافي ما حيجيك شي .
جمان بي انفعال : قلت ليكم عايزة ارجع...رجعوني وتعالو تاني براكم.
سامي عاين ليها بطريقة اجبرتها انو تنزل عيونها...ماكانت نظرة غاضبة منو او فيها تحذير...كانت نظرة فيها استغراب خلتها قلبها يكش ( البرتقالة ترا ترا 💃)
وصلو بعد مسافة وسامي هدومو نشفت فيهو 😂
عبدالله: معليش يا جماعة بتمنى نعوضها مره تانية ان شاء الله
رفاء: اي لازم نتقابل تاني ان شاء الله
عبد الله تلفونو ضرب زح منهم شوية.
رفاء بنبرة غريبة جمان قدرت تفهمها : سامي شكرا انا ما كنت عارفة لو ما كنت في كان حيحصل شنو ؟
كانت بتتكلم وهي بتعاين ليهو جووووووه عيونو.
جمان خلاص اتفجرت من الغيظ...جات مسكت سامي من يدو : اي الحمد لله راجلي كان موجود يلا عن اذنك احنا لازم نمشي انتي عارفة انو احنا عرسان وكدا صح ؟؟؟ شكرا على الطلعة نتقابل تاني باي.
رفاء ضغطت على اسنانها بغيظ وهي شايفة جمان ماسكة يد سامي وماشه معاهو.
اول ما دخلو :
سامي بغضب : دا شنو العملتيهو برا دا ؟
جمان : عملت شنو 😠
سامي : عملتي شنووو؟؟؟؟
جمان : قلت ليها الحقيقة ما اكثر لانها كلامها كثير
سامي وهو بيفتح في زراير قميصو : اهااااا يعني احنا عرسان قلتي لي .
جمان بي خوف وهي بترجع لي ورا : يعني زعلتك الكلمة دي ؟
سامي وهو بيجي عليها ويمسكها : ابدا ما زعلتني .
جمان : سامي زح مني
سامي وهو بيمرر يدو في بشرة وشها الرقيقة : لي ازح منك مش احنا عرسان وكدا 😏
سامي وهو بيرفع ليها وشها عشان يجبرها تعاين ليهو...كانت جبهتو مع جبهتها ونخرتو مع نخرتها 🙊: خليك على قدر كلامك .
جمان ودموعها نازلة : انت فرقك شنو هسه من مصطفى .
سامي زح منها عاين ليها لي مسافة قبل ما يقول ليها بي غضب شديد وهو بيضرب كفتو في الحيطة جمبها : مصطفى صح ؟....عندما كلام بعدين.
وطلع وقفل الباب بي قوة
**********
رشاد واياد طلعو من الاجتماع...اياد حالتو مأساوية...اما رشاد قعد في كرسيهو : ماف غيرههم الحيعمل كدا
اياد : منو هم؟
رشاد : شركة Tiger castel هم الوحيدين الممكن يعملو كدا .
اياد : ديل ياتم
رشاد وهو مبتسم بي غيظ : ناس #ضياء.... ضياء منصور الحسن.
#نهاية الحقة_الحادية عشر

أحيانا لما نبطل كبرياء 😊
حنبطل وجع🙂💔

@pllli 🐹

ﺍﺻﻠﻮ ﺍﻟﺮﻛﺸﺔ ﻣﺎﺑﺘﻘﺒﻞ ﻣﻜﻨﺔ ﺍﻟﺠﺎﻣﺒﻮ
ﻭﻭﺳﺨﺎﻥ ﺍﻟﻘﻠﺐ ﻣﺎﺍﻇﻦ ﺑﻨﻀﻔﻮ ﺷﺎﻣﺒﻮ
ﺍﻟﺘﻠﺐ ﺍﻟﻘﻄﻊ ﺑﺤﺮ ﺍﻟﻤﻜﺎﺭﻡ ﻭﻋﺎﻣﺒﻮ
ﻃﺎﻋﻢ ﻧﻀﻤﻮ ﺯﻱ ﺍﻟﺒﺴﻜﻮﻳﺖ ﻭﺍﻟﺮﺍﻣﺒﻮ.
ﻭﺳﻜﺮﺍﻥ ﺍﻟﻌﺸﻖ ﻣﺎﺑﻔﻚ ﺳﻜﺮﺗﻮ ﺍﻟﻘﻬﻮﺓ
ﻭﺍﻟﻤﺎﺳﻚ ﺍﻟﻔﺮﺽ ﻗﻂ ﻣﺎﺑﺘﺴﻮﻗﻮ ﺍﻟﺸﻬﻮﺓ.

قاليها تعالي نلعب ☺️

غمضي عيونك🙈!!

غمضت🙈:اداها بوسه😍😘

قالت ليه يلا غمض🙈 انت!!

غمض🙈:قشطتو كف 🐸👋🏼لمن عيونو ضلمت..
😂😂😂😂😂😂😂😂😂😂😂💔

الما بتقدر تعيش مندونها شد حيلك وجيب #ماذونها

1_ جامعة الخرطوم
اكاديمي وود ناس وبتشرب بنقو بالدس

2_ جامعة السودان
هآدي بس جنك خلط وعبقري في الفاضي

3_جامعة بحري جوبا
اقعد ساعد امك في البيت

4_جامعة النيلين
رمتآلي بتاع ونسات ما عندك علاقه بالقرايه بس زول واجب وحبوب

5_جامعة الرباط
سلطة وجمال واناقة بس اشك في تعليمك .

6_جامعة الاسلاميه
معااااااط وجنك تمش الجامعات التانيه

7_جامعة التقانه
مهتم بمظهرك ولبيس بس مخك فاااضي وسطحي ومنحط ومدمن حقير

8_جامعة الزعيم الازهري
امش امتحن تالته تاني

9_جامعة المستقبل
بوباري وصارف قروش اهلك في الفاضي

10_جامعة السودان العالميه
شفع روضه ناقصاهم الزمزميآت

11_جامعة الاهليه
ناس صايعه وحقو تشتغل في المقابر وبتخرجو في 8 سنين وعشقهم كافتريا الامريكي

12_جامعة مامون حميده
زول تربية بيت وفرش موكيت والغداء ضان والتحليه برتكان وبتكلمو بالجيم والونسه كلها رجيم

13_جامعة الامام الهادي
زي الما قريت ارجع اقرأ تاني

14_جامعة علوم طيران
شين وشايف روحك

15_جامعه كرري
مكلفتين و مبشتنين ومخ عساكر

16_ جامع ة افريقيا
طيب و بسيط بس مشكلتك منزوع الهوية ..

17_ جامعة الاماراتيه
احسن تشتغل طلبه ساي

18_ جامعة المشرق
غاشينكم وماكلين قروشكم

19_القطرية
احسن تشتغل بتاع طعمية

20_جامعة المغتربين
حلوين و وناسين ودايما المواد كلها شايلين
ونصهم مربتين ومن جامعات تانية جايين
وتاني حيبقو مارقين

21_التطبيقية
هي دي جامعة اصلا😂
كلهم مانافعين وحاسين نفسهم في اروبا
22_جامعة الجزيرة كلية المختبرات بالذات ظريفين بس غاشين نفسهم انهم دكاترة عليك الله شوفو ليكم حواشه ازرعوها 😂😂😂

واحد طالع من محل موبيلات يكلم في روحه : تويكس أسلم ؟ لالا .... سنكرز كافر ؟ لالا .... مارس مرتد ؟ لالا .... كندر فاسق ؟ لالا ......... رجع للمحل وسأله : شني قلتلي إسمه الجهاز اللي كان كافر وبدي مسلم ؟؟؟؟؟؟<br>

رد صاحب المحل : ياخوي للمرة المليون انقولك جالكسي تااااب

‏يبدو وبشكل كبير إنكِ أتسعت وتمددت في قلبي فأصبحتُ أراك مع كل الأتجاهات وكأنك ظلي💕💕.

@pllli 🐹

Love doesn t need to be perfect it just need to be true"... ❤

¶ الحب لايحتاج أن يكون مثاليا وانما يحتاج أن يكون حقيقيا ✨❕

@pllli 🐹

😂😂😂😂

الحرامي نط لي زول في البيت قال ليهو قوم جيب (قروشك) .
قال ليهو انت م عارف انا منو ؟
قال ليهو منو ؟
قال ليهو أنا وزير ...
قال ليهو خلاص قوم جيب (قروشنا) .

😂😂😂😂😂😂😂😂

•●●◆◆◇◇※※ ※※◇◇◆◆●●•

‏ينتهي العيد بإنتهاء جردل الخبيز .. ✋

إنتهى عيدكم ولا لسسه؟!! 😂💔

انثي في عرين الاسد❤:
Loooza❤️:
♡ انثى في عرين الاسد ♡
~الحلقة الثانية عشر~
اياد: يعني نهايتنا على يد الاسمو ضياء دا ؟
رشاد: ما تستهين بيهو ابدا
اياد : هسه الحل شنو ؟
رشاد: ماقادر اخمن لكن انا متأكد انو ما حيقيف لحدي هنا...اكيد حيحاول يعمل حاجة تانية.
اياد : ربنا يستر .
*********
جمان ما طلعت من اوضتها من موقفها مع سامي.
قعدت لي مسافة وهي بتفكر قبل ما تتذكر كلام اياد القبيل...شالت التلفون وضربت ليهو
اياد كان خاتي ايدو في جبهتو جفل لمن سمع صوت التلفون..مسكو وهو بيقول : دي جمان
رشاد : ما توريها اي حاجة عن الحصل
اياد : طيب طيب
شال نفس طويل قبل ما يرد عليها : الو
جمان: اياد كيفكم ؟
اياد : الحمد لله .
جمان : ها لقيوتو النسخ ؟
اياد غطا سماعة التلفون وقال بي همس لي رشاد : بتسأل من النسخ
رشاد بهمس : قول ليها لقيناهم
اياد : كيف يعني ؟ اكذب ؟
رشاد وهو بيأشر ليهو على التلفون : اي كذب.
اياد بي سرعة ختا التلفون في اضانو : اي ...اي لقيناها
جمان وهي بتخت يدها في قلبها : اه الحممممد لله ...لكت ما عرفتو دا منو العمل كدا ؟
اياد : لسه...لكن ان شاء الله حنكشفو.
جمان : ان شاء الله
اياد : سلمي على سامي
جمان : ان شاء الله...وانت سلم لي على رشاد
اياد : يوصل ان شاء الله
جمان : يلا مع السلامة
اياد: الله يسلمك
قفل التلفون ورماهو في المكتب: لي خليتني اكذب عليها
رشاد وهو بيقوم من كرسيه : لانها عروسة وفي شهر عسلها مالازم نقلقها ونخوفها .
اياد : ولمن ترجع حتقول ليها شنو ؟
رشاد : الله يحيينا لمن ترجع .
******************
جمان غيرت هدومها وطلعت بي حذر خايفة تقابل سامي كانت ماشه بي طرف اصابعها جاها صوتو الساخر من ورا : امشي زي الناس بدل مشية الباليه دي .
ضغطت على اسنانها وهي مغمضة عيونها...قبل ما تتلفت عليهو وفي وشها نظرة لا مبالاة مصطنعة: حمد لله على السلامة...ان شاء الله تكون فاضي للكلام .
سامي : هسه ؟ لا .
جمان : لمن تفضى مستنياك 😏
سامي مسكها من يدها بقسوة : ما يكثر 😒
نفض ليها يدها ودخل اوضتو...غير هدومو.
تلفونو ضرب وكان واحد من اصحابو طلب منو انو يجي يطلع معاهو لانو هو برضو في تايلند...وسامي طوالي وافق.
جمان رجعت اوضتها لبست هوت شورت و top لفت شعرها كعكة وشالت بشكير...فتحت الباب الزجاجي و طلعت للمسبح المطل على البحر...عاينت ليهو وهي بتفرك في يدينها : احتمال مويتك الباردة تطفي ناري .
وبي رشاقة ومهارة نطت في الموية .
سامي طلع من الاوضة وهو بيشك في قميصو سمع حركة الموية لمن اتلفت شافها وهي بتسبح على ضهرها...عاين ليها لي مسافة قبل ما يبتسم بي شر ( على قول حبوبتي قهرتك بي الله والنبي الطاهر )
استناها لحدي ماغطست وبي سرعة شال البشكير بتاعها ودخل وقفل الباب الزجاجي قبل ما يهمس : استمتعي شوية .
رما البشكير في المقعد وطلع . ( زودتها يا الحب 🐸)
************
مجد والشلة خلصو اكلهم ودخلو جوه...خالد تلفونو ضرب عاين ليهم وشال تلفونو وطلع.
لؤي : ما ناوي تخت حد للمهزلة الحاصلة دي يا مجد .
حسام : مهزلة شنو .
مجد : لؤي ممكن تخلي اليوم دا يعدي على خير .
حسام : لي في شنو ؟
لؤي باستنكار : اخلي اليوم يعدي على خير ؟؟؟؟ ياخ فكر في نفسك وفكر في كرامتك
مجد : انت عايز شنو هسه ؟
حسام : عايز شنو في شنو ؟
لؤي : قوم وامسكو من يدو وفهمو انك عارف اي حاجة...اضربو....كفتو....اقتلو اعمل اي حاجة .
حسام : اوبااااا 🙊
مجد : اها وبعد ما اعمل كدا حيحصل شنو ؟
حسام : يا جماعة مالكم ( يا ود امي اسكت ساي ماف زول معبرك )
لؤي: حتكون رجعت كرامتك
مجد وهو بيضحك باستنكار: يعني كرامتي حتترجع بي كده...ما تكبر الموضوع
لؤي: ما اكبر الموضوع كيف يعني ؟؟؟ شفتهم بي عيونك وسمعت كلامهم اكثر من كده عليو شنو ...انا ما عارف انت بتعمل كده لي ؟
مجد : انا متأكد انو في حاجة خلتو يعمل كدا
لؤي: يا سلام يا سلام على الثقة...اقول ليك شي خليك ساكت كدا وما تتكلم وخلي حقك يضيع لانك بي بساطة جبااااان يا صاحبي
حسام : يا لؤي في شنو ؟
لؤي وهو بيشيل تلفونو : مع السلامة .
حسام قام وراهو : لؤي في شنو ياخ استنى .
خالد جا داخل : وين لؤي ؟
مجد : مشا
خالد : لي ؟
مجد: انت عارفو الايام دي لو الزول قال ليهو اي شي بيزعل.
خالد : صح
مجد وهو بيقوم : انا زاتي امشي بعد دا...تعباااان عايز اخد لي نومه .
خالد :طيب ...انا زاتي ارجع بعد دا .
حسام جا داخل : غايتو الحلبي دا راسو قوي خلاص..دا شنو دا انتو برضو ماشين ؟
مجد : اي 😸
حسام : لي ياخ اقعدو شوية
خالد : الا نصبحها بعد دا معاك...شكرا على الاكل الحلو وصل تحياتي لي خالتي.
مجد : يلا مع السلامة
حسام : طيب مع السلامة...نتلافى بكرة في عزومة رؤى .
مجد+حسام: ان شاء الله
وطلعو...اي واحد ركب عربيتو واتوجه لي بيتهم .
*********
بيان كانت مع رهف .
رهف وهي واقفة قدام المراية : تفتكري بعدين احسن اجي داخلة بباقة ورد حمراء ولا بيضاء؟

بيان كانت بتضرب في منكير 💅:

اعملي

ها مشكلة ح

تطلع حلوة .
رهف : عايزاك بكره تجي معاي ماشه احجز عند خبيرة تجميل .
بيان : اخترتي منو ؟
رهف : كنت محتارة بين سوسن وهند لكن في النهاية اخترت هند.
بيان: اوكي حلو...انتو حدتو وقت العرس..ولا دقيقة دقيقة 😂 نسيت انو الخواجية هي المسيطرة على عرسكم.
رهف : ااااخ منك...هي ما مسيطرة بس طلبت انو نأخر المواعيد شوية عشان شغلها
بيان : اهااااا.
رهف : وريتك انو حاطلب من الناس كلها تجي لابسة بنفسجي .
بيان : كيف يعني انا بكره اللون دا...بلبسو لكن ما بحبو
رهف : يعني النسوان يلبسو تياب بنفسجية....الاولاد قمصان بنفسجية والبنات فساتين بنفسجية ومن حيث شبيناتي حيلبسو بيجي
بيان : والرجال الكبار برضو جلاليب بنفسجية 😂 واااو شكلهم حيكون حلو
رهف : ااخ منك اسكتي .
بيان : سكتا 😸🙊.
*******
مجد في العربية كان بيفكر لي خالد بيعمل فيهو كدا وهو بيحبو وبيثق فيهو...كان في صوت جواهو بقو ليهو ما تظلمو...بس كلام لؤي صح هو شافهم وسمع الكلام بي 👂...ضرب الدركسون بقوة وراسو حيتفجر من التفكير كان زعلااااااان من الحاصل والشكوك البتنخر في مخو ومن كلام لؤي معاهو وصل قصرهم...بركن العربية..وطلع..سأل الشغالة من اهلو وورتو انو ماف زول ..بيان مع رهف وامو ابوه في شغلهم.
دخل اوضتو اول ما قفل الباب قلبو قبضو....بي سرعة حاول يقعد...بقا راسو لافي بشده...وماقادر يشيل نفسو...كان بيشهق بقوة عسى ولعل يدخل ليهو هواء...حاول يطلع تلفونو..ضرب لي حسام...حسام وقتها كان في الحمام...يقين جات وردت...في اللحظة دي مجد حاول يقيف وجا واقع في الارض.
يقين : الو ؟ مجود ؟ الووووو ؟
قفلت التلفون لمن افتكرت انو مجد بيهظر او بيلعب .
***********
جمان طلعت من المسبح عاينت مالقت بشكيرها اتلفتت يمين وشمال هي متأكدة انها جابتها معاها...بي سرعة جرت على الباب حاولت تفتحو مافتح ليها...بقت بتضرب فيهو وبتحاول بي قوة انو تفتحو بس ماف فايدة بقت بتعاين بالقزاز...تلفونها جوه وهي محبوسة هنا ما بتقدر تطلع اي محل...وعشان تجي بي قدام محتاجة تنزل على منحدر مطل على البحر...التفكير براهو في انها تنزل بالمنحدر دا لي تحت وبي هدومها دي كان جنوووون.
كانت نسمات الهواء بتمر بيها وهي باااردة وجسمها كلو بيرتجف من برودتها...قعدت جمب الباب وهي ضامة رجلينها عليها واسنانها بتصتك من البرد ( كجكجكجكج 😸 صوت الاسنان البيتسمع في السقطيبة )
سامي كان قاعد مع صحبو في كافيه حلوووو مطل على البحر...شوية كدا المطرة نزلت...سامي ما قدر ينتبه مع كلام صحبو وفجأة بقا حاسي بالذنب من التصرف الطفولي العملو.
جمان جفلت وختت يدينها في اضانها من صوت الرعدة العالي بقت مغمضة عيونها وبتستغفر...وكلو ما تشوف البرق بي سرعة بتغمض عيونها وتقفل اضانها عشان بتخاف من صوت الرعد العالي.
سامي لمن سمع صوت الرعد بقا ما قادر يقعد..استأذن من صحبو وشكرو على الطلعة وبي سرعة رجع..ومن الكافيه للشاليه بتاعهم كان عايز قرابة الربع الساعة من المشي...اما سامي اول ماطلع طوالي قام جاري ( ماراثون)
****************
حسام طلع من الحمام..صلا وبعديها نزل تحت لقا امو واخواتو قاعدين...اتونس معاهم لي مسافة قبل ما يطلع فوق عشان ينوم..طفا النور ورقد في سريرو فجأة جاهو شعور انو عايز يطمن على مجد..فتح تلفونو لقا في السجل اخر مكالمة من مجد...اتخلع هو متأكد انو ما اتكلم معاهو..شال تلفونو ونزل لي اهلو تحت : منو الرد على مجد ؟
يقين : انا
حسام : قال ليك شنو ؟
يقين : كنت بقول الو الو لكن مارد علي
حسام : يعني الخط كان مفتوح ؟
يقين : اي
حسام بي سرعة رجع لي مجد بس ماف رد...بدا يقلق...ضرب لي بيان .
بيان: الو
حسام: بيان مجد معاك ؟
بيان : انا بره البيت لي في شنو ؟
حسام : بضرب ليهو ما بيرد
بيان : قبيل كنت بتكلم معاهو قال انو معاك
حسام : رجع قبييييل مني .
بيان : حسام مجد ما تكون حصلت ليهو حاجة
حسام : انا جاي بيتكم .
ماجدة : في شنو ؟
حسام وهو بيشيل مفتاح العربية : مجد ما بيرد
جرا بي خطوات سريعة وواسعة ركب عربيتو بي سرعة وفتح ( ساق بي سرعة ) على مجد
بيان : رهف انا لازم امشي شكلو مجد حاصلة ليهو حاجة
رهف: يابت قولي بسم الله ما بتجيهو حاجة .
بيان : ما بيرد .
رهف : طيب استني بجي معاك
وبي سرعة بيان طلعت وركبت العربية ومعاها رهف .
**********
سامي وصل والمطرة بالاهو من راسو لي رجلينو..فتح الباب بي سرعة ودخل...عاين على جهة المسبح...لقاها قاعدة وشكلها يحنن الكافر..وباين انها حتموت من البرد...سامي بي سرعة شال بشكيرها وفتح ليها الباب.
اول ماشافتو وقفت وجسمها كلو بيرجف قالت ليهو بصوت فيهو نبرة بكاء : سامي انت كنت وين ؟
جا صوت رعدة عالي صرخت وهي بتقفل اضانها ( حرام عليك يا سمسم 😠)
سامي غطاها بالبشكير وحضنها..كان محتويها في صدرو و بيمشي يدو في شعرها المبلول والندم مالي قلبو. ( سنة يا انا )
**************
حسام وصل وبي سرعة قام جاري ودخل سأل الشغالة منو وور

تو انو دخل ا

وضتو من فترة...جره بي سرعة وقلبو بيضرب من الجاي. ( سبحان الله..الحمدلله..الله اكبر)
فتح الباب ولقاهو واقع في الارض.
قعد جمبو بي سرعة وهو ماسك وشو بين يدنو : مجد ؟ مجد سامعني ؟.
بي سرعة رفع يدو وختاها في كتفو...ورفعو في ضهرو ونزل بيهو...كان خايف وبيرجف رجلو فلتت ووقع...قام بي سرعة وهو بيقاوم في الالم الفي رجلو ورفع مجد تاني في ضهرو ونزل بيهو الشغالين شافوه وجوه ساعدوه..ركبو في العربية وبي سرعة على المستشفى..
دخل بيهو الطوارئ والدكاترة استلموه...حسام ضرب لي بيان ووراها انهم في المستشفى...والخبر انتشر زي سرعة البرق وكل الاهل جو ولؤي وخالد برضو جو.
بعد وقت الدكتور جا طالع : الحمد لله قدرنا نسيطر على حالتو ...بس حيحتاج لي تدخل جراحي عاجل .
بيان اتذكرت الكلام السمعتو بين سامي والدكتور التاني البيقول انو نسبة نجاح العملية 30 في المية بس .
شالت نفس بي قلق وهي بتدعو الله يستر.
رجعو كلهم وامو فضلت معاهو...ماق زول قدر ينوم كلهم النوم جافاهم للصباح .
رشاد كان قاعد في الكنبة وهو بيفكر وقتها الصباح طلع...تلفونو ضرب وكان دا المحامي بتاع الشركة .
رشاد : الو
المحامي : استاذ رشاد عندي اخبار غير سارة
رشاد اعتدل في قعدتو في شنو ؟
المحامي : البنك جمد كل رصيدكم...ورهن كل ممتلكاتكم وبيوتكم وحتر عرباتكم
رشاد : كدي براحة شوية انت بتقول في شنو ؟
المحامي : القروض الاخدتها الشركة عندها وقت محدد عشان تتسدد.
رشاد قاطعو : بس مفروض يدونا اخطار قبل الخطوه دي
المحامي : انا زاتي اتفاجأت هسه بالكلام دا .
رشاد : يعني هسه كده احنا خسرنا اي حاجة حتي بيوتنا مفروض نطلع منها ؟
المحامي : انا اسف .
رشاد قفل التلفون ورماهو في الارض : عرفت تلعبها بي ذكاء يا ضياء.
#نهاية_الحلقة_الثانية_عشر
ضياء دا منو ؟ وعايز شنو من العائلة دي واشمعنا مستهدفهم بالذات..حيحصل شنو لمن يعرفو انهم بقو ولا حاجة وحتى بيوتهم حيطلعو منها وحيواجهو كارثة...سامي وجمان حيحصل ليهم شنو وهل حيقدرو يتفاهمو مع بعض وينجو من رفاء وخباثتها ؟
ومجد مصيرو شنو ؟
كل دا حنعرفو بكرة 🐸

ياداب التشويق بدا😌

أليس ظلم أن أتنفس من دون صوتک !أليس من حقي كـ عاشقة أن يكون صوتک رئة ثالثة أتنفس بها

@pllli 🐹

تصفي نيتك 😊

يشربوها😒