انثي في عرين الاسد❤:
Loooza❤️:
انثى في عرين الاسد♡
~الحلقة الثامنة~
يوم الجمعة :
الساعة كانت 9 بالصباح..مجد كان واقف في بلكونة اوضتو..تلفونو ضرب ودا كان لؤي.
مجد: الو
لؤي: مجد كيفك ؟
مجد: تمام الحمدلله جمعة مباركة
لؤي: علينا وعليك...اسمعني الليلة حنتقابل في ملعب الكورة تعال.
مجد: الساعة كم ؟
لؤي: هسه دي 😸
مجد: طيب جاي .
لؤي: حاول كلم معاك خالد لانو رصيدي هسسسه حيقطع.
مجد: طيب بكلمو.
لؤي: يلا سلام
مجد: سلام.
طوالي ضرب لي خالد واداهو مشغول..طبعا هو مافايت عليهو الحركات البتعملها شيرين لي خالد او النظرات الغريبة بينهم..بس هو ماعايز يتسرع ويخكم عليهم ويظلمهم..فضولو خلاهو يضرب بي شيرين ولقاها برضو مشغولة..رما التلفون بي زهج وطلع من الاوضة...وهو نازل في السلم لقا بيان.
بيان: صباااح الخير يا باتمان 😊
مجد: صباح النور
بيان: مالك صاري وشك من صباح الرحمن
مجد: دي اسمها بشاشة 😀
بيان: اهاااا بشاشة...المهم انا ماشة نادي الفروسية الليلة تجي معاي ؟
مجد: متين ؟
بيان: يعني كدا زي العصرية
مجد: طيب لو ما عندي حاجة بمشي معاك.
لمن وصل تحت لقا امو وابوه قاعدين بيتكلمو مع ساره..ودي البنت الجاية تشتغل في الشركة..سلم عليها وطلع..بيان كانت واقفة في البلكونة وبتتكلم مع رهف..لمحت سارة..وبعديها دخلت.
مجد ركب عربيتو وطوالي مشا على الملعب وهناك لقا شلتو كلهم قاعدين..واولهم خالد..سلم عليهم وكانو 22 ولد وهو ال23 .
حسام : مجد انت ما حتلعب صح .
مجد: لي ؟
حسام : نسيت كلام الدكتور
مجد: طيب خلاص .
قعد بعيد منهم في الارض وهو خاتي يدينو في راسو..كان نفسو يلعب معاهم ويجري ويدخل اهداق ويصرخ ويكورك ويشيلوهو زي ماكان بيعمل ماكان بيعمل زمان..كان في لمعة حزن في عيونو لانو تاني ما حيقدر يمارس النشاطات البيحبها..لانو بي اختصار اي اجهاد حيدفع ثمنو.
انتبه بي صوت خالد البيكورك بي فرح بعد الهدف الدخلو..خالد وقف اتكلم مع الاولاد شوية وجا وقع جمب مجد.
مجد: امشي كمل لعبك 😊
خالد: تعبت ماقادر اكمل .
مجد ابتسم عرفو جاهو عشان حسا بيهو زعلان..الاولاد كلهم جو وقعدو معاهم..بقو بيهظرو مع بعض ويضضضضضحكو ويتونسو.
مشو ولدين منهم جابو ملك شيك للمجموعة كلها..شربو وكملو ونستهم وبعديها اي واحد رجع على بيتو وهو فرحان..عشان قدرو يضحكو مجد ويبسيطوهو❤.
*****************
جمان كانت قاعدة في الحديقة فجأة حست بي ابوها واقف قدامها..ختت يدها في قلبها وهي بتضحك: بسم الله خلعتني.
ابوبكر: ههههههههه انتي ماسرحانة هناااااك.
جمان: لا ما سرحانة بفكر في الشغل بتاع الشركة الانجليزية.
ابوبكر : انتي عارفة التصميمات الاستثمارية الحنقدمها دي لو نجحت حتكون الشركة تمت اكبر صفقة في تاريخها.
جمان: انا واثقة من تصميماتنا حتعجبهم بإذن الله.
ابوبكر وهو بيصلح في الشال بتاعو: ان شاء الله..يلا انا اطلع بعد دا مع السلامة.
جمان: مع السلامة
رجعت تاني في سرحانها مع شغلها..حست بي حركة من وراها..اتلفتت وهي بتضحك: اها نسيت ليك حاجة ولا شنو ؟
بس الابتسامة زالت من وشها لمن شافت سامي..الجا وقعد قدامها وماكان في اي تعبير في وشو غير نظرتو الباردة.
جمان حاولت تمسك نفسها وما بينت انها مصدومة من جيتو المفاجأة او انها خايفة من الجاي .
سامي وهو بعاين ليها في عيونها كانو عايز يجس نبضها: ها مستعدة لي عرسنا الشهر الجاي؟
جمان: ارحم نفسك عليك الله وشوف ليك موضوع غيري.
سامي وفي ابتسامة جانبية واثقة في وشو : لو عايزة تقلي ادبك..حاوري اهلك الصورة دي.
جمان: صورتك دي تبلها وتشرب من مويتها يا ...وقطعت كلامها لمن شافت الصورة الفي تلفونو...كانت ملصقة على الحيطة بتاعت سلم النجاة بتاع الكافيه ومصطفى ماسك يدينها ومقرب منها شديد.
سامي وهو بيتعدل في جلستو: اها كملي كنتي عايزة تقولي شنو ؟
جمان بي صدمة : جبتها من وين ؟
سامي: جبتها من محل جبتها..المهم احسن تقبلي بي وكرامتك مرفوعة بدل ما اوري ابوك وامك واخواتك الصورة..ووقتها انتي عارفة حيحصل شنو..حتخيبي ظن اسرتك الشايفاك ملاك فيك..وحيعرسوك لي غصبا عن عينك.
جمانة وصوتها متقطع: انت واحد حقير
سامي ببرود قاتل وهو بيعدل في ساعتو: شكرا
فجأة سمعو صوت عبير ام جمان : اوووه دكتور سامي.
سامي وقف على حيلو ووشو فيهو ابتسامة صافية وسلم عليها في راسها وقعدها جمبو: جيتي في وقتك...انا عايز اطلب يد جمان .
عبير وهي بتضحك : كدي براحة ما تحرج البت يا سامي.
وعاينت لي جمانة الكانت بتعاين ليهم بي عدم تصديق.
سامي وهو مبتسم طلع خاتم من جيبو وقعد في الارض وفي حركة مثيرة وحلوة مسك يدها كانو ماف اي عداوة بيناتهم: جمانة تتزوجيني ( رغم انك شرير وقاسي لكن ظريف 😍)
سمعت صوت شهقة ولمن عاينت لقت اخواتها الثلاثة واقفات وفي وشوشهم ابتسامات متحمسة وبأشرو ليها يعني واااافقي.
جمان اتمنت في اللحظة دي لو تقدر تدي سامي #كف او #تعضيهو او #تشربخو بأضافرها.
لقت نفسها بتقول اي 💔.
سامي لبسها الخاتم ومسح ليها على يدها كأنو بيعشقها ومستني اللح

ظة دي من سنين.
عب

ير وجهان ز

غردو بي اعلى صوتهم وجوان وجلنار بقو بصفقو بي حماس وهم بيضحكو ( ناس فلانة بيحبووو الحركات دي 🐸)
عبير: ربنا يخفظكم يا اولاد ويبارك عليكم
سامي : اللهم امين.
جلنار حضنت سامي شديد : العرس متيييين
سامي: ماهو انا ما شكلي حاحضر العرس وانتي خانقاني كدا .
جلنار فكتو : اوبس 🙊 معليش..يلا يلا متين ؟
سامي وهو بعاين ليها بنص عين : شهر كيف معاك
جلنار بي حماس : حلللللو..معناها ابدا اجهز فستاني.
البنات دخلو جوه..وامهم انشغلت مع التلفون.
جمان بي غيظ وكراهية : تنفع ممثل والله .
سامي وهو بيمرر يدو في شعرو وفي نظرة تحدي في عيونو : مبروك عليك الجحيم الحتشوفيهو معاي .
ودع عبير وطلع..وخلا جمان قاعدة وجملتو الاخير بترن في اضانها .
دخلت اوضتها سريع وقفلت الباب واتكلت عليهو لي دقايق..جرت على تلفونها بي سرعة وضربت لي بيان.
بيان كانت بتجهز في هدومها لي نادي الفروسية..ردت وهي ماسكة التلفون بكتفها وماسكة بيدينها قميص: الو
جمان بي انهيار : بيان انا وقعت في مصيبة
بيان رمت القميص من يدها ومسكت التلفون بيدها : في شنو ؟
جمان : تعالي لي في البيت ما قادرة اتكلم .
بيان : جمان حصل شي ؟
جمان : قلت ليك ماقادرة اتكلم بس تعالي لي 😢
بيان : طيب مسافة السكة.
غيرت هدومها سريع وطلعت في السلم لاقاها مجد : على وين ؟
بيان : ماشه لي جمانة .
مجد : ونادي الفروسية ؟
بيان: طلعت النادي اتلغت .
مجد : طيب تمام .
واي واحد فيهم تابع في طريقو .
******************
سامي وصل البيت فتح باب الصالة ودخل..لقا سالي قاعدة قدام الشاشة..اول ماشافتو جاتو جارية وجرتو عشان يقعد معاها : شوف دي ثاندريلا
سامي : اهااا ساندريلا ... طيب هي مالا يعني ؟
سالي : هي بنت مثكينة واهلها ميتين واخواتها شريرات وماعايزنها تعرث الprince
سامي : شكلها حلوة...حامشي اغير هدومي واجيك .
سالي : طيب
طلع فوق وهو بفكر في حياتو الحتتغير كليا بس ما هاميهو شي غير يوجع جمان..دخل استحمى طلع وهو لابس بنطلون بجامة اسود وقع على ضهرو في السرير وهو بيقلب في رسايل الواتساب...جاهو صوت سالي وهي بتبكي وبتحاول تفتح لي الباب..قام وفتح ليها الباب لقا دموعها عشرة عشرة ووشها زي الطماطمة 🍅.
سالي : ثاااامي😭
سامي : عيونو مالك في شنو 😲
سالي وهي بتشهق من البكا : مونتي ( منذر) قفل لي كرتون ثندريلا وفتح الكورة..ولمن قلت ليهو رجعها قال لي بعضيك😭.
سامي وهو بيحاول يكتم الضحكة مسح ليها دموعها وشالها اداهو بوسة ونزل بيها تحت..لقا منذر فاتح الكورة وخاتي ليهو كيس شيبس حجم عائلي قدامو ومندممج.
سامي بعد ما نزل سالي: منذر رجع ليها كرتونها .
منذر : ياخ خليها تشوف ليها اي تلفزيون .
سامي وهو بيلبس تشيرتيهو الكان ماسكو في يدو : مش اوضتك فيها تلفزيون..يلا يلا قوم سريع ورجع ليها قناتها..ماعايز اعيد كلامي 😒.
منذر رجع ليها قناتها ورما الريموت بي زهج وهو بيحمر لي سالي : اصبري لي يا ام سنتين انا حاوريك 😠.
سامي : انت بتخت عقلك مع عقل طفلة عمرها 6 سنوات 😒.
منذر : ياخ مش رجعت ليها الزفت بتاعها خلاص .
وطلع خلاهم😂... سالي وهي بتجر سامي من بنطلونو عشان يعاين ليها : هو زعل مني ؟
سامي بي ابتسامة : لا 😊
امهم جات داخلة وقعدت في المقعد الجمب سامي : عبير حكت لي بالحصل .
سامي : حار حار كدا طوالي وصلتو ليك 😂؟
سلمى: الله يبارك فيكم ويكمل على خير .
سامي : امين .
********
ريم وبيان كانو قاعدين مع جمان المقهورة ومغلوبة على امرها .
ريم : غايتو الصراحة لو انا كنت في محلك كنت حاكون مبسوطة الزي سامي ديل ما بيتلقو بالساهل .
جمان قاعدة في السريرة وضامة رجلينها عليها وبتمسح بالمنديل اي دمعة تجي نازلة .
بيان: جمان ما تخافي سامي ما حيأذيك انا ماعارفة هو عمل كدا لي.. احتمال عشان زعلان منك..بس عموما ما تخافي.
جمان : انا كدا انتهيت 😔
بيان : لا يا جمان ما تقولي كدا..كلو لي خير بس خليك قوية اهم حاجة ادعي ربنا واسأليهو ينصرك.
الايام مرت سريع الكروت اتوزعت واي حاجة جهزت والعرس جا💔.
■ ■ ■
كانت واقفة قدام المراية بتعاين لي نفسها بالفستان الابيض..شعرها كان مرفوع بي نعومة ونازلة من خصلات بي قدام..لابسة طوق زهور ابيض..فستانها انيق فيهو لمعة من فوق ومن تحت منفوش يدينو من التل الابيض المطرز عليهو شكل زهور صغيرة..شايلة باقة ورد جوري احمر..كانت جمييييلة...قمر..حلوة في كل حاجة.
كل بنت في ليلة زفافها بتكون فرحانة ومبسوطة..لكن هي كانت حاصل معاها العكس..كانت حزينة ومقهورة..ماف اييي فرحة في ليلة عمرها.
شافتو واقف وراها وهو مكتف يدينو.
كان رهيب شكلو لا يوصف ❤..البدلة ظابطة من جسمو وطولو..وتسريحة شعرو وسكسوكتو كلو على بعضو حلاااوة 😍.
لو اي بنت غير جمان كانت حتكون ميتة من الفرح عشان ربنا رزقها راجل زي سامي...ولو اي ولد غير سامي كان حيكون مبسوط عشان ربنا رزقو بملكة جمال زي جمان.
بس قدرهم الاتنين لماهم في بعض وماف واحد فيه

م طايق التا

ني
سامي بهدو

ء وهو بعاين ليها من راسها لي رجلينها..مد ليها يدو : يلا
ابت تمسك يدو ومشت طوالي..لكن حست بيهو مسكها من يدها بقوة كانو عظامها هسه حتتهرس..قال ليها وهو ضاغط على اسنانو : اوعك تعملي نفسك مجنونة عشان ما تندمي..خلي اليوم دا يعدي على خير .
جمانة بألم: طيب فكني 😢
جراها جمبو ومسكها وطلعو لي شبينهم البدو يزغردو بفرح ويصورو فيهم...كانو مبتسمين الاتنين كانهم اسعد زوجين في العالم💔.
طلعت العربات على الصالة...ودخلو العرسان كل العيون مراقباهم كانو خرافيين اي واحد احلى من التاني..بعديها رقصو الاسلو..سامي كان بيوزع الابتسامات على الناس..كان ضاغط بيدينو على خصرها بقوة..اما هي كانت مبتسمة وابت تظهر انها متضايقة او متألمة.
بعديها بدت الحفلة...اخوان العريس واولاد عمو قاشريييين بالبدل ويرقصو قدرتهم.
رشاد بي صوت عالي عشان سامي يسمعو: مبروك ياخ..انتم السابقون ونحن اللاحقون😂
سامي : الله يبارك فيك 😂
منذر ومجد وحسام مستلمين العرس اليشوفهم يقول هم العرسان.
شيرين جات العرس كانت لابسة فستانة احمر من فوق قماشتو تل...وفاكة شعرها جايباهو بالجنبة كانت جميلة.. ورؤى جات لابسة فستانة اسود منقوش فيهو بالدهبي ومع حجابها روووووعة 😻.
خلاص مع نهاية الحفلة مجد كان قاعد مع شلتو.
مجد: عايز افاجئكم بي حاجة .
حسام : اها فاجئ
خالد: اتحفنا
مجد وهو بيصلح كرفتو : انا حاخطب شيرين
كلهم سكتو وبقو بعاينو ليهو بصدمة حتى شيرين
مجد : بسم الله مالكم ؟
خالد : كيف ...كيف يعني عايز تخطبها
مجد : كدا
خالد وشو بقا شاحب .. اما رؤى قالت ليهو بي ابتسامة مصطنعة : مبروك.
لؤي : مبروك شنو هي لسا ما وافقت
شيرين : موافقة يا مجد 😍
لؤي وهو جاري فيها نور : توافقي على موتك ان شاء الله 😠.
رؤى لكزتو في كتفو.
شيرين: ما حارد على امثالك..لانك ما عندك مستوى.
لؤي : يا سلاااام...بقيتي بتعرفي المستويات يعني
ريان : على اخر الزمن ناس كدا بقو بيتكلمو عن المستوى
لؤي : دي الناقصة يعني مجد يخطب المابتتسمى دي
حسام: لؤي اهدا
لؤي: بلا لؤي بلا زفت 😠
شيريت: كويس عرفت انك زفت 😏
لؤي: انا شايف انك تخرررسي خالص لو انتي قليلة ادب انا ... قطع كلامو بي صوت مجد الغضبان.
مجد: لؤي اسكت ... شوف انا الحخطبها ما انت ... على الاقل احترمني ياخ واتكلم معاها كويس...بالله ياريت تحتفظ بي ارائك لي نفسك...انا عارف مصلحتي وين ما طفل صغير.
كلهم سكتو وبقو بعاينو لي مجد.
لؤي وقف على حيلو : تصدق فعلا كلامك صح .. مامفروض ادخل فيك..اسف.
وقام منهم ...مجد ختا يدو في راسو وهو بيشيل نفسو بي ضيق...كلهم قامو ورا لؤي وهم بيهدو فيهو وبيطلبو منو انو يرجع.
شيرين: مجد انا اسفة كلو بي سببي 😢 ( سكين يضبحوك بيها يااارب 😠)
مجد وهو بعاين للمخرج الطلع بيهو لؤي: انا الاسف...انتي ماعندك ذنب تسمعي الكلام دا .
بدا الجرتك وعملو اي حاجة وكان حلووو وبعديها الناس رجعت بيوتها والعرسان مشو شقتهم .
كانت في مجمع سكني كبير....شقة كبيرة وفخمة وحلوة شديد ومفروشة بي طريقة انيقة كانو مصممها افضل مصمم ديكور.
كانت الارضية من السيراميك العاجي وفيها اضواء سبوت لايت مدياها جو دافئ..وشبابيك زجاجية كبيرة.
جمان دخلت اول غرفة لقتها قدامها كانت حلوة شديد مفروشة بالابيض والاسود وديكورها خطييير قفلت الباب بالمفتاح...مسحت مكياجها و دخلت الحمام اخدت ليها دش دافئ..لبست بجامة سيتان سوداء ولفت شعرها كعكة...قعدت ساعة في الاوضة بعديها طلعت قعدت في الصالة وفتحت الشاشة... فجأة سامي جاها طالع..كان لابس برمودة سوداء ونيشيرت قطني ابيض...وحنتو يخلوها ليهو.
قال ليها وهو بعاين لي يدها الرقيقة البيضاء والحنة مرسومة فيها : انا جعان
جمان : وانا اعمل شنو 😒
سامي: قومي اعملي لي اكل😒
جمانة عشان تتفادا المشاكل قامت بي زهج على المطبخ..كان كبير وانيق معمول بالرخام البيجي اللامع وفيهو مكيف.
فتحت الثلاجة ولقتها ملياااانة ( سامي عامل حسابو )
عملت ليهو شيبس ونجتس...ولقت فطائر مجمدة سخنت ليهو منها بالمايكرويف..وعملت ليهو شوربة كنور..ولقت عصاير معلبة..كبت ليهو عصير تفاح جات شايلاهو في صينية وختتو قدامو ( ما قصرتي 😂)
سامي وهو بعاين ليها ببرود : خلاص غيرت رايي ماجعان ( شرير 😠)
جمان بغيظ : نعم ؟ بعد ما تعبت وعملتو ؟
سامي : لا وحتجبريني اكلو بالقوة يعني ولا شنو ؟
جمانة بي همس : الشنينة التهرسك ان شاء الله 😠
سامي : قلتي حاجة ؟😒
جمان وهي ضاغطةة على اسنانها : للللا 😠
سامي وقف على حيلو : جهزي نفسك بكرة مسافرين ودخل اوضتو.
جمان وشوية وتنفجر من الغيظ : الله ياخدك يا كلب يا حيوان .
طفت التلفزيون ودخلت اوضتها .
#نهاية_الحلقة_الثامنة

كَثيرُون منْ هم خَانونِي ينْدهِشونَ أنِّي أُعامِلُهم بِاحتِرام لكِنَّهمْ لا يَعلمُونَ أنّ الرِّفقَ بِالحيَوان وَاجِبْ .. !!

@pllli 🐹

هديتي لكم ❤️

https://t.me/joinchat/AAAAAEJqj8NQkJYJO9dsUg

ما أحلي أيام #السبعينات لما كان الواحد #ماف زاتو😂🐸💔🚶

السلااام علييكم 🌚
و صباااااااح الخيير
ب صوت العم جدوو 🐸💔💃💃
ما عارفه فجاه جات في بالي فكرة و كدا 😅
المهم اوريكم شنو
طيب يلا هي انا حاعملها ف نظام فقرة و كداا
يلا اي زول عنجة اغنيه عاجبااهو و كاسرة فيهو ضلعه 🐸🌚💃
يورينا ليها و لو عندو ف تلفونو يرسلها 😌👋
و لو ما عندو يرسل لينا احلى اغنيه ف تلفونو و عاجباهو 🌚🚶‍♀🚶‍♀
و حاطسملا ما محنونه بس جات ف بالي و قلت اوريكم ليها 🐸💔🚶‍♀🚶‍♀
يلا انا حابدا ليكم و ارسل ليكم اغنيه عاجباني 😁
اصلا غير تلاته اغاني ما عندي عشان كدا
رسلو بالله😹😹😹💔💃
و بالمرة نشوف زووقكم ف الاختياار كيف 🌚🤦‍♀

يا ناس الزنق و الكجك زاتكم تعالو ما تخجلو عادى 😹😹😹💔
@Snfo_Ora