ژ گشتــی رنـــدیان پار سا تـــە تینم
خەلاتان ل بـــەرئێڤار سا تـــــە تینم
ژ ســەر سینگـێ چیێن تمێشە هێشن
دەلالێ پـــوونگ و پنجار سا تە تینم
ل ســەر چاڤان دکم مێڤان تـە هینگا
تــــری و هـرمـــێ و نار سا تــە تینم
د ناڤ سینگێ خوەدا ئەرمان دکم چیل
کراسێن سیس و گولدار سا تــە تینم
تـم و تـم دەست پیێن تـــە رادمیسم
گولێن خوه‌ش‌رەوش و بیندار سا تە تینم
خەلاتا زیڤ و زێر تەڤ سێڤ و ناران
ژ بــۆی دلکـێ ئــەڤیندار سا تـە تینم
سرێ پر شـوور و شەڕ ژ من بخوازی
بـزان ب ئوستیــێ خـار سا تــە تینم
تو کو فەرمان بدی فەرمان بەرم ئەز
سەر و دەستێ خوە تیمار سا تە تینم
دلــێ وەستاندی ب چاڤێن ب هێستر
ب سینگێ تـــــژی ژ ئار سا تــــە تینم
ب هــــەر سازێ کـــــو لێخینی دلیزم
دە لێخ دلکــێ بـرینـدار سا تـــه تینم
هەموو هێستر ژ چاڤێن مـن تەما کی
ژ ناڤ چاڤێن خــوە رۆبار سا تە تینم
هەزاران جار کــو جانێ مــن بخوازی
هەزاران جان هەزار جار سا تــە تینم
شەڤ و رۆژ کو بقەوتینی مـن ژ خوە
ســــەرێ بــێ‌کینە و قار سا تـــە تینم
نەبێژی کــو ئــەزێ بی شوون و وارم
دلـــی هیسیر دکــم وار سا تــــە تینم
ئــەڤینـدارێ تـــە و ناڤــێ تــە بوومە
ژ ناڤ سینگێ خوە گولزار سا تە تینم
ئەگەر نەستینە ژیـــن ژ مــن مەجالان
ژیـانــەک باش و پــربـار سا تـــە تینم

✍ #مامۆستە_ئەلی_هەیدەری

@Palikan_welate_me 👈🍃🌸

سا تـــە دمـــــرم تــــو باش دزانی
میرا خــــوە دلــی مــن دا تە دانی
تو هێڤیا ب رەوش و لاوی سا من
دلنشتـــی دەلالــی خـــوش زمانی

تاڤــــی تــــو د ژینا من دا دلنشت
دنیێ دا تـویـی ژ من را هەر تشت
قـەت دەر ناکەڤـی ژ ناڤ دلی من
تــو هێڤیا منــی هەتا هەزار پشت

سەر لێڤێ تە دا کو کەن بە شادم
ئـــەز تـــە شیرینی ب دنیێ نادم
تــو بێلە کـو ئـــەز ژ دل بـەلێ تە
تا زنـدی مــە ل جانـی خوە دادم

مەجنوون ئـــەزم و تو لەیلیا من
لاوا دکم ئــــەز بمین تـــو سا من
مێڤان کە تو من ل ناڤ دلی خوا
با یا تــە بم ئەز تو ژی بی یا من

رندا مــن نەساخم ئەز تو لەز کە
بێلە با ژ تــە دلــی کول هــەز کە
تـا کینـکا گــــەرا ل دووریـا تـــە
کول و کەسەرێ دونێ من گەز کە

سەبرا من ل من تو خادی دەر کەڤ
بێ تە دمـــــرم د ڤـــر دا هەر شەڤ
دکشینی مــــــن تا دەما سبــێ تـــو
بێ خەو ب خەفەت شەوات و شین تەڤ

✍ #مامۆستە_ئەلی_هەیدەری

@Palikan_welate_me 👈🍃🌸

ژ دوو زستانـەکە زخت و ســەقـەم کوور
ب باوەر بـــن کـــو تــــێ رەنگین بهارەک
بهارەک تــــــــژی ژ شـالــوول و بــولبـول
کو هەر یەک سا خوە را وەک شاسیارەک

بهار و ســەردەما ژیــــن و ژیانێ
ب وێ یەکیتی و ل بەرخوەدانێ
تـەڤـی دەنگـێ ئەڤینانە ژ نوو دا
دبــە ئونـــدا نــەیارتی ل جیهانێ

✍ #مامۆستە_ئەلی_هەیدەری

@Palikan_welate_me 👈🍃🌸

هەر چ ژ تە وەردگرم ئەز هەڤال
بەر ب تە هەر دزڤرم ئەز هەڤال
رەوشا تـە دل هلدکیشینە چیان
هێژایە سا تــە بمرم ئـەز هەڤال

✍ #مامۆستە_ئەلی_هەیدەری

@Palikan_welate_me 👈🍃🌸

تــو ل با مـن پر مــەزنـی تـەنـێ تـو دلۆڤانی
سا مـن و دەردێن گـران تمیشە تــو دەرمانی
ئەز ئەڤیندارێ تە مە تو ژ من خوە ڤەمەشێر
سا کــو هالـێ ڤـی دلا تەنـێ تو ب خوە زانی

تاڤ و هیڤ و ئستێرک ل هەمبەری تە نێنە چاڤ
چاڤێن من دا تـو هەیی خوەشک و بەژن زراڤ
کانیا تـم ب کـــەلـی تـــــو د ناڤ ژینا مـــن دا
ناکم  تـە ئەز ژ بیر رهام  نابی تو ژ بیر تو گاڤ

من ژ شوون دا بوو دل قە ب ڤان چاڤێن کەوی
هیڤا مـــن  مــدای منە ژینا مــــن دا تو  هەوی
لێ چمان خـەوا مـن هـــەر شەڤ وەها دفرینی
لێ چمان د دوو خـوە دا  تو من دل بژان دەوی

تــو کــو باش دزانی ئــەز بێ دل و ئەڤیندارم
تو کو باش دزانی ئەز بێ تە چقاس دل سارم
کا بنێـرە جـارەکا دن ل مــــــــن مینا بــــەرێ
تـو کو باش دزانــی ئەز بێ تە تم بێ  قەرارم

✍ #مامۆستە_ئەلی_هەیدەری

@Palikan_welate_me 👈🍃🌸

ژ شـایجـانــێ تینـە با بێهنا کـولیلکێن  بــــەدەو
چیای ب کــۆڤی بەران ب چیرەم و چیڕ و کـەو
بالا من دکشینە رەوشا شایجانێ خەمل خوەش
دفرینە ژ چاڤێن مـــن هــەر ب بێهنا  خوە خەو

✍ #مامۆستە_ئەلی_هەیدەری

@Palikan_welate_me 👈🍃🌸

هەلبەست; #پار
هەلبەستڤان; #مامۆستە_ئەلی_هەیدەری
دەنگ و دیمەن; #سەلما_بەخش‌پوور_تەکمەران

کانالا تلگەرامیا #مالا_گولان 👇👇👇

@Mala_gulan

تەکانە کــەسکەمــەرخم ئــــــەز د رێ دا
کـــــــو مــــــن ئاژۆتیە رێشە د چــێ دا
نــە دلتنگی شــــە کر باڤـــێ مــــن ژ پێ
نە سەر خەم بووم ت جاری ئەز د بێ دا

✍ #مامۆستە_ئەلی_هەیدەری

@Palikan_welate_me 👈🍃🌸

ستران; #برانۆ
Stran; #Birano
دەنگ; هونەرمەند #ئەلی_کەریمی
Deng; Hunermend #Elî_Kerîmî
دیڤان; هونەرمەند #مستەفا_ئازاد
Dîvan; Hunermend #Mistefa_Azad
هەلبەستڤان; #مامۆستە_ئەلی_هەیدەری
Helbestvan; #Mamoste_Elî_Heyderî

@Palikan_welate_me 👈🍃🌺

ل دۆرا تـــە دلـی ژان لـێ دگەرە
ژ پەی تە دل ل بەژنا چێ دگەرە
هەلاوم ئاگرم ئـــەز بــێ هەدارم
کـو ب دنیێ را دل سا تە دشەرە

✍ #مامۆستە_ئەلی_هەیدەری

@Palikan_welate_me

ل بـەنـدا سۆرگولێ ئــەز ژ هـوندور ئێشم و ئار
نە من خزمە نە دلبێش نە من شوونە نە من وار
نە خــوادێ کر ژ مــن هەز نـە دنیێ بیر کرم ئەز
تەنــێ شڤ و شەواتێ دنــێ دا بـوون ل من پار

من دل بژاند ب هەر کەس تەنێ بوو سا من ئەرمان
دلی من دا قە وێ کر خەمێن ل دنیێ خەرمان
ژ هەر کەس کو من کەر هەز  ل پەی خوا من ژ پێ خست
قە یا کو دل د دوو کەت د من دا بوو کول و ژان

✍ #مامۆستە_ئەلی_هەیدەری

@Palikan_welate_me

گــولــــــێ گــــولا بهارێ
رەوشا وەلێت ئوو وارێ
دفــــورە ژ تــــە ژیـــــن
ســـۆرگــــــولا لالــەزارێ

گــولــێ دەلالا چـاڤ‌رەش
خوش بشرا خەمل‌خوەش
دلـی مـــن دا تـــو کەسکی
هێــژا کەڤۆکا خۆش‌مەش

هــــەیـی دلــــی من دا تو
تمێشـە پــــــــڕ بهـا تـــــو
دکم لاوا گــــولــــــێ جان
دوور نـەکە  مـن ژ خوا تو

گولێ تــــو سا دلــــی مـن
بنرخ ژ گشت دنــــێ یـــی
دهێــــــــرژم دەمـــا تـــــو
دەرەنـگ دمینــــــی نێـیی

گـولێ کولیلکا خــوش‌بین
بێهنا تــــە مــــن دکە دین
گەر تــو بـدی خوە نیشان
کــەن دبـــە ل مـن مزگین

#مامۆستە_ئەلی_هەیدەری

@palikan_welate_me

ژ دنیـــێ چــــــوو دەلالا ژ تـــــە را پشت
ب وێ چوونێ خەمان سینگی تە دا نشت
بهـار و یــــــار و دلــدار چــــــــوو ژ با تە
دلالا کــــــو ددا جــانــــێ خـــــــوە سا تە
ژ ڤــــر چـــــــوو هێڤیا تـــــە دل ب دارێ
ب وێ را چــــــــوو ژ ڤــــــــر بهێنا بهارێ
دلالا تــــــــــــم بســـــــای وارێ را بــاران
گولا کـــو نــە دتـــەرکاند تـــــە ت جاران
ئەڤینا وارێ خـــــواتــر ژ دنــــێ خواست
ژ وێ داخـــێ خۆراسان نابە پشت راست
کەلیمــێ سا وەلێت باڤ، ساخ ســەرێ تە
برایـێ سا مــە تــم تاڤ، ساخ ســـەرێ ته
وەکــــــی تـــــە دل‌بــداخە هەیدەری ژی
بســـــای ئشکەستنا بال و پـــــــەرێ تـــه

✍ #مامۆستە_ئەلی_هەیدەری

@Palikan_welate_me

بێهنا خــــوە ژ تـــە وەر دگــرە وار
بولبول بـــوو ژ رەوشا تە ئەڤیندار
خــەملا تــــە بهارێ دکـــێ رەنگین
ب بێهنا تە بێهن‌خوەش دبە گولزار

✍ #مامۆستە_ئەلی_هەیدەری

@palikan_welate_me 👈🍃🌸

گولا وارێ دلانـی بێهن خوەشی تو
سروشتێ دا برەوش دا دوەشی تو
دلان دا روودنـــــی گاڤا دکــــەنـی
بشر شیرینـی لاوی چاڤ‌رەشـی تو

✍ #مامۆستە_ئەلی_هەیدەری

@palikan_welate_me

گـولـەک سا تـــە گـولستانـێ را کێمە
ل بەندا تە گولا سۆر چاڤ ل رێ مە
ئــەزی شێدادل و دیــــن ژ تـە را مە
کـــو سا تــە بـێ‌هـەدارتڕ ژ دنــێ مە

✍ #مامۆستە_ئەلی_هەیدەری

@palikan_welate_me

وەلات ل هێڤیا ستــــــــرانان
کــــو پـــــێ بـکـەوینـە ژانان
هەلبەستێن مە وەک خەزالان
بــوون هێسیرا هـن نـەزانان!

✍ #مامۆستە_ئەلی_هەیدەری

@Palikan_welate_me

#تو_نەهەسیای

تو نەهەسیای ب مــن مام ئەز ژ تە را چاڤ رێ
تو نەهەسیای کو تەنێ من تە دخواست ل دنێ
بوو د چاڤێن مـن دا ب چوونا تە هیستر گلۆک
تـو نەهەسیای کو ئەڤینا تە مــن ئێخست ژ پێ

#مامۆستە_ئەلی_هەیدەری

@palikan_welate_me

ئـەز نیچرێ سا تــە رووتم
بسای تە ئـەز پەڕ و پووتم
ڤەمەشێرە تو خـــوە ژ من
ل پەی تە ئەز ژان‌کولووتم

تو سا مــن بکەڤەچەرخێ
جارەک دن ل سیا مەرخێ
ئـــــەز ژ سبـێ هــەتـا نها
ل هێڤیا تە شکل بــەرخێ

سـەرب‌قــەرانــێ تـــو رابە
یا مـــــن و تـــــە هاکا نابە
دل‌بــدار  ئــەز ژ تــە را مە
خـویا بـە تـــو با دل شا بە

تــــو دەمسالـێ بخەملینە
کارێ مـــن سا تــــە نالینە
ب کەن تو بەر ب من وەر
زستــان ب تـــە را هاڤینە

✍ #مامۆستە_ئەلی_هەیدەری

@palikan_welate_me

شــەڤ بـوویـە شڤ سا دلــێ تـم قـوسـە تێدا
خــوەدێ بنێرە مــن کا مــرم ئـەز ل ڤی هەندا
چاڤ ل رێیا یێ من خست خوەدێ ژ دەستپێ
ب چافێ تم ب هێستر نەکر ل من خوەدی خا

#مامۆستە_ئەلی_هەیدەری

@Palikan_welate_me