🦁 Cуперлига-2019 12-турида «Пахтакор» уйда «Қизилқум»ни 8:0 ҳисобида мағлубиятга учратган.

⚽️ Ўша ўйинда Игорь Сергеев хет-трик қайд этган. Марат Бикмаев ва Драган Черан ҳисобига иккитадан тўп ёзилган бўлса, яна бир гол Владимир Козак томонидан урилган.

Пандемияни биргаликда енгамиз!

"Пахтакор" футбол клуби аъзолари маошларидан бир қисмини хайрия қилишди.

Клуб раҳбарияти, ходимлар, барча жамоалар мураббийлар штаби ва футболчилари пандемия сабабли юзага келган қийин шароитда Ўзбекистон аҳолисини қўллаб-қувватлашди.

Жаҳонда ва юртимизда кечаётган оғир дамларда бирлашиш ҳамда пандемияга қарши биргаликда курашиш муҳим.

Муқаддас Рамазон ойида бирга ёрдамга муҳтожларга ғамхўрлик қилиб, меҳрибонлик кўрсатиш ғалаба сари йўлда катта қадамга айланади.

"Пахтакор" футбол клуби раҳбарияти ва ходимларининг шахсий жамғармасидан 100 миллион сўм миқдорида суммани "Меҳр-шафқат ва саломатлик" жамоат фондига кўмак зарур инсонларга ёрдам кўрсатилиши учун ўтказиб берилди.

Биргаликда биз катта кучмиз!

🦁 Чемпионлар Лигаси-2019 гуруҳ босқичи 2-турида "Пахтакор" ўз майдонида Саудия Арабистонининг "Ал Аҳли" жамоасини 1:0 ҳисобида мағлубиятга учратган.

⚽️ Ягона гол Марат Бикмаев томонидан жаримадан йўлланган ажойиб зарбадан сўнг урилган.

"Пахтакор" футболчилари уй шароитида машғулотларни давом эттиришмоқда.

Сиз ҳам машқларни такрорлашга уриниб кўринг.

⚽️ Суперлига-2019 19-турида "Пахтакор" Наманганда "Навбаҳор"ни 1:0 ҳисобида доғда қолдирган.

☝🏼 Ўйинда ягона тўп Достон Ҳамдамов томонидан киритилган.

👏🏼 "Пахтакор" ҳужумчиси Игорь Сергеевни туғилган куни билан табриклаймиз.

🦁 Унга мустаҳкам соғлиқ, оилавий ҳаётида бахт ва омад, фаолиятида яна кўплаб голлар ва ғалабаларни тилаб қоламиз!

💥 Туғилган кун муборак, Игорь!

"Пахтакор" футбол клуби тизимида кўп вақтдан буён ишлаб келаётган, айни пайтда асосий жамоа мураббийи Жасур Абдураимовни туғилган куни билан табриклаймиз. Унга узоқ умр, саломатлик, бахт ва омад тилаймиз. Жамоамиз билан кўплаб ғалабаларга эришиш насиб қилсин.

🎧 Биз билан мусиқа тингланг!

🦁 Сиз учун «Пахтакор» плейлистини тайёрладик.

🤔 Сиз қандай мусиқа тинглайсиз? Севимли қўшиқларингизни изоҳларда қолдиринг.

🦁 Ўтган мавсум Суперлига 13-турида "Пахтакор" Қўқонда "Қўқон-1912" билан баҳсда 2:1 ҳисобида ғалаба қозонган.

⚽️ Жуда қизиқарли кечган учрашувда захирадан туширилган Шоҳруҳ Маҳмудҳожиев дублга эришиб, жамоамизга ғалаба келтирган.

"Пахтакор" Суперлига-2019 дастлабки турида "Локомотив"ни ўз майдонида 3:1 ҳисобида доғда қолдирган.

Ўйинда Игорь Сергеев ҳисобни очган, сўнг Драган Черан дублга эришган. Чераннинг иккинчи голи санъат асарига айланган. Кўринг ва завқланинг!

Салим Абдувалиевни юбилей билан табриклаймиз!

Бугун Ўзбекистон спорт курашлари ассоциацияси раиси, Ўзбекистон МОҚ вице-президенти ва юртимизда спорт ривожланиши учун катта меҳнат қилиб келаётган Салим Киргизбаевич Абдувалиев 70 ёшини қарши олмоқда. У мамлакатимизда спорт, шу жумладан, футболнинг тараққий этишига кўп йиллар мобайнида ўз ҳиссасини қўшган.

«Пахтакор» футбол клуби Салим Киргизбаевични туғилган куни билан табриклаб, унга соғлиқ, узоқ умр, бахт ва омад, фаолиятида янги муваффақиятлар тилаб қолади.

2019 йил Ўзбекистон Кубоги финалида "Пахтакор" АГМКни 3:0 ҳисобида доғда қолдириб, бош соврин соҳибига айланган.

Финал Драган Чераннинг бенефисига айланиб, у рақиб дарвозасини уч бор ишғол қилган.

☝🏼 "Пахтакор" тарихидан қизиқарли фактлар

🛎 Жамоамизнинг тарихига тааллуқли турли қизиқарли маълумотларни тақдим этишни давом эттирамиз.

⚽️ "Пахтакор" тарихида 8 апрель саналари ва Мақсудов фамилияли футболчилар алоҳида ўрин тутади. 1956 йил 8 апрель куни "Пахтакор" СССР чемпионатида илк расмий ўйинини Молотов жамоасига қарши ўтказиб, 1:0 ҳисобида зафар қучган. Ягона гол Лазиз Мақсудов ҳисобига ёзилган.

🦁 Мустақиллик қўлга киритилгач, Ўзбекистон чемпионатида Тошкентдаги биринчи учрашув ҳам 8 апрель куни ўтказилган, 1992 йил. "Шаҳрихончи" жамоаси 4:1 ҳисобида доғда қолдирилган беллашувда биринчи голимиз яна бир бор Мақсудов томонидан урилган. Шуҳрат Мақсудов.

☺️Шу тариқа икки турли давр ва чемпионатларда Тошкентдаги биринчи ўйин санаси ҳамда гол муаллифлари ўртасида чинакам боғлиқлик юзага келган.

"Пахтакор"нинг 8 апрелдаги тарихий ўйинларида Мақсудовлар гол муаллифига айланган

"Пахтакор" 1 йил олдин Чемпионлар Лигасининг 5-турида захирадан майдонга қўшилган Игорь Сергеевнинг ягона голи эвазига "Персеполис"дан устун келганди.

Ушбу ўйинни ёдга оламиз.

📣 "Пахтакор"нинг уч футболчиси ўз юртида аср ўйинчиларига айланган

☝🏼 Турли йиллар мобайнида жамоамиз сафида тўп тепган уч футболчи ХХ асрда ўз мамлакатларида энг яхши ўйинчилар сифатида эътироф этилган.

🦁 Геннадий Красницкий Ўзбекистонда ХХ асрнинг энг яхши футболчиси деб топилган. Буни аксарият мухлислар яхши билишади. У фаолияти давомида "Пахтакор" учун чемпионатларда 322 ўйинда 142 гол муаллифига айланган.

💥 1972-75 йилларда жамоамизда ўйнаган Василис Хадзипанагис эса 96 беллашувда 22 гол муаллифи бўлган. У Грецияда ХХ асрнинг 2-ярмида энг яхши футболчи сифатида тан олинган. Энг яхши унвонига эга чиқиш учун унга Греция чемпионлиги ҳам керак бўлмаган.

🔥 Хорен Оганесян 1990-91 йилларда чемпионат баҳсларида 46 ўйинда 10 тўп киритган. Арманистонда Оганесян ХХ асрнинг энг яхши ўйинчиси деб топилган. Узоқ йиллар СССР терма жамоасининг асосий футболчиларидан бири бўлган.

😎 "Пахтакор" таркибида ўз мамлакатида асрнинг тенгсиз футболчилари бўлган уч ўйинчини жамлай олган буюк клублардан биридир.

"Пахтакор" сафида ХХ асрда ўз мамлакатларининг энг яхши футболчилари деб топилган Геннадий Красницкий, Василис Хадзипанагис ва Хорен Оганесян тўп тепган

🦁 Чемпионлар Лигаси плей-офф босқичида 2019 йил "Пахтакор" Дубайда "Наср"ни 2:1 ҳисобида мағлубиятга учратган.

⚽️Ўйинда голлар Драган Черан ва Марат Бикмаев ҳисобига ёзилган.

"Хотира ва Қадрлаш" куни муборак!

"Пахтакор" футбол клуби бугунги кун билан юртимиз аҳолиси ва меҳмонларини табриклайди.

Юртимизда кенг нишонланаётган 9 май - "Хотира ва Қадрлаш куни" муносабати билан "Пахтакор" футбол клуби юртимиз тинчлиги, мустақиллиги ва унинг тараққиётига ҳисса қўшган ва амалга оширган ишлари учун уруш ва меҳнат фахрийларига миннатдорчилик билдиради, улар ҳамиша қалбимизда сақланади.

Уларга узоқ умр, мустаҳкам саломатлик, юртимизга эса тинчлик ва фаровонлик тилаб қолади. Ушбу кун муборак бўлсин!

📣 "Пахтакор" футболчилари барча фахрийларни "Хотира ва Қадрлаш куни" билан табриклайди.

👏🏼 Урушда жон фидо қилган, тинчлик учун ҳисса қўшган инсонлар ҳеч қачон унутилмайди.

🙏Ҳеч ким ва ҳеч нарса унутилмайди!

#хотиравақадрлашкуни #тарихимиз #лаҳзалар #пахтакор79 #пахтакорчемпион #пахтакоролға #mypakhtakor #pakhtakorlions #ourhistory

Ўтган мавсум Суперлига 21-турида "Пахтакор" ўз майдонида 3:0 ҳисобида "Сўғдиёна"ни мағлуб этган. Ўйинда Игорь Сергеев дублга эришган, яна битта гол Достон Ҳамдамов ҳисобига ёзилган.

Учрашувдан сўнг чемпионликни нишонлашга аталган тадбир ўтказилиб, "Пахтакор"га чемпионлик кубоги топширилган.